ఏమాయ చేసిందో...

వేర్ ఈజ్ ద వెంకటలక్ష్మి చిత్రంలోని ఒక సరదా అయిన చక్కని పాటను ఈ రోజు తలచుకుందాం. సినిమాల వల్ల కొన్ని మంచి మంచి ట్యూన్స్ పాపులర్ అవకుండా తెరమరుగువుతుంటాయ్. ఇది అలాంటి ఓ క్యాచీ ట్యూన్. ఈ పాట ఆడియో ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : వేర్ ఈజ్ ద వెంకటలక్ష్మి (2019)

సంగీతం : హరి గౌర  

సాహిత్యం : బాలాజి

గానం : హరి గౌర

ఏమాయ చేసిందో

ఏమంత్రం వేసిందో

చూపుల్తో తీసిందే ప్రాణం

ఊరించే ఆ అందం

ఊహల్లో ఆనందం

గుండెల్లో గుచ్చిందే బాణం

ఆ కులుకే ఓ చురకై

ఈ గొడవే తెచ్చిపెట్టిందే

ఆ హొయలే ఓ రైలై

లోలోపల కూతే పెట్టిందే

చల్లేసి పోయిందే ఆ సోయగాలు

పిండేసినట్టుందే ఒంట్లో నరాలు

పెట్టేసి పోయిందే బుగ్గ సంతకాలు

కట్టేసినట్టుందే ఈ సంతోషాలూ

ఏమాయ చేసిందో

ఏమంత్రం వేసిందో

చూపుల్తో తీసిందే ప్రాణం

ఊరించే ఆ అందం

ఊహల్లో ఆనందం

గుండెల్లో గుచ్చిందే బాణం

నోరంతా ఊరేటట్టు

ఉంటాదే నీతో జట్టు

ఆ కట్టు బొట్టూ చూస్తుంటే

నీ గుట్టే తేనెపట్టు

తింటామే కాస్త పెట్టు

దూరంగా పోమాకే ఒట్టూ

ఏ మందు చల్లేశావో

నీలో అందం తీసి

మాకోసం పుట్టావే రాకాసీ

ఏ తిండీ తిప్పల్లేవు

నీపై కన్నే వేసీ

కళ్ళన్నీ తిప్పావే నీకేసి

ఎదుటే పడితే చిలకా

ఎదలో పడదా మెలిక

వలలే విసిరి మాపై

కలలో కలిసి ప్రేమై

ఏమాయ చేసిందో

ఏమంత్రం వేసిందో

చూపుల్తో తీసిందే ప్రాణం

ఊరించే ఆ అందం

ఊహల్లో ఆనందం

గుండెల్లో గుచ్చిందే బాణం 

 

Posted in: బాలాజి,హరిగౌర