ఇదే నా మొదటి ప్రేమలేఖ - స్వప్న

సగటు వీరాభిమానిగా మా బాలసుబ్రహ్మణ్యం ముసలివాడైనా ఆయన గొంతు మారలేదు అప్పుడెలా ఉందో ఇప్పుడూ అలానే ఉంది లాంటి కబుర్లు నేను చెప్పను. వయసుతో పాటు ఆయన గొంతు కూడా మారింది కొన్నిపాటలు లేత గొంతుతో ఒకింత మిమిక్రీని మేళవించి పాడటం బాగుంటే మరికొన్ని పాటలకు ఇప్పుడు ఆయనపాడుతున్న గొంతు అయితేనే బాగా సూటవుతుంది. ఏదైనాకానీ ఎనభైలలో.. బాలు కెరీర్ కొత్తలో తను పాడినపాటలలో తన గొంతు లేతగా చాలా గమ్మత్తుగా ఉంటుంది. సత్యం, రమేష్ నాయుడు గారు వంటి అనాటి సంగీత దర్శకుల వలనకూడా అయి ఉండచ్చు నాకు ఆగొంతు ప్లస్ అప్పట్లో పాడిన పాటలు చాలా ఇష్టం.

వాటిలో ఒకటి ఈ ఇదే నామొదటి ప్రేమలేఖ పాట.. అప్పట్లో ఈ పాట రేడియోలో వస్తుంటే స్టేషన్ మార్చే ప్రసక్తేలేదు. ఈ పాటలో సంగీత సాహిత్యాలను పట్టించుకోకుండా బాలు స్వరం మాత్రం గమనిస్తూ వినండి ప్రారంభంలో ఆ ఆలాపనా, అక్కడక్కడ అల్లరినవ్వు, ప్రేమా అని ఒక్కోసారి ఒక్కోవిధంగా పలికేతీరు అన్నీ ఖచ్చితంగా ఎంజాయ్ చేయచ్చు. మీకోసం ఈ పాట యూట్యూబ్ లింక్ ఇక్కడ.. ఖంగారు పడకండి ఒరిజినల్ వీడియో నేనూ ఇప్పటివరకూ చూడలేదు. ఇది కేవలం ప్రజంటేషన్ మాత్రమే.  యూట్యూబ్ పనిచేయనివారు ఆడియొ ఇక్కడ వినచ్చు..

చిత్రం : స్వప్న

సంగీతం : సత్యం

సాహిత్యం : వేటూరి

గానం : బాలు

ఇదే నా మొదటి ప్రేమలేఖ..

రాసాను నీకు చెప్పలేక..

ఎదుటపడి మనసు తెలుపలేక..

తెలుపుటకు బాష చేతకాక..

తెలుపుటకు బాష చేతకాక..

ఇదే నా మొదటి ప్రేమలేఖ..

రాసాను నీకు చెప్పలేక..

ఎదుటపడి మనసు తెలుపలేక..

తెలుపుటకు బాష చేతకాక..

తెలుపుటకు బాష చేతకాక..

మెరుపనీ పిలవాలంటే..ఆ వెలుగు ఒక్క క్షణం..

పూవనీ పిలావాలంటే..ఆ సొగసు ఒక్క దినం..

ఏ రీతిగా నిన్నూ..పిలవాలో తెలియదు నాకూ..

ఏ రీతిగా నిన్నూ..పిలవాలో తెలియదు నాకూ!!

తెలిసింది  ఒక్కటే.. నువ్వు నా ప్రాణమనీ!!

ప్రేమా..ప్రేమా..ప్రేమా..

ఇదే నా మొదటి ప్రేమలేఖ..

రాసాను నీకు చెప్పలేక..

ఎదుటపడి మనసు తెలుపలేక..

తెలుపుటకు బాష చేతకాక..

తెలుపుటకు బాష చేతకాక..

తారవని అందామంటే.. నింగిలో మెరిసేవూ..

ముత్యమని అందామంటే.. నీటిలో వెలిసేవూ..

ఎదలోన కదిలే నిన్నూ.. దేనితో సరిపోల్చాలో??

ఎదలోన కదిలే నిన్నూ.. దేనితో సరిపోల్చాలో??

తెలిసింది ఒక్కటే..నువ్వు నా ప్రాణమని!!

ప్రేమా..ప్రేమా..ప్రేమా..

ఇదే నా మొదటి ప్రేమలేఖ..

రాసాను నీకు చెప్పలేక..

ఎదుటపడి మనసు తెలుపలేక..

తెలుపుటకు బాష చేతకాక..

తెలుపుటకు బాష చేతకాక..

పూర్తిగా చదువు

ముచ్చటైన మిథునం..

సినిమా మొదలైనపుడెన్ని సందేహాలో... ఇపుడీ ట్రైలర్ చూస్తే అన్నీ పటాపంచలైపోయాయి.. కథకు చేర్పులున్నట్లున్నా.. అవి మంచివిలానే కనపడుతున్నాయ్.. జేసుదాస్ గారి గానం, వీణాపాణి గారి సంగీతం, జొన్నవిత్తుల గారి సాహిత్యం.. భరణి దర్శకత్వం.. మధురమీ బాలూ లక్ష్మిల మిథునం.. అరవైదాటిన ఆలూమగలా అనురాగామృత మధనం.. ఎప్పుడెపుడు చూస్తానా అని ఎదురు చూస్తున్నాను.

చిత్రం : మిథునం

సంగీతం : స్వరవీణాపాణి

గానం : కె.జె. ఏసుదాస్

సాహిత్యం : జొన్నవిత్తుల

ఆది దంపతులే అభిమానించే.. అచ్చతెలుగు మిథునం..

ఆది దంపతులే అభిమానించే.. అచ్చతెలుగు మిథునం..

అవనిదంపతులు ఆరాధించే ముచ్చటైన మిథునం..

అవనిదంపతులు ఆరాధించే ముచ్చటైన మిథునం..

సుధాప్రేమికుల సదనం.. సదాశివుని మారేడువనం..

సదాశివుని మారేడువనం..

ఆది దంపతులే అభిమానించే.. అచ్చతెలుగు మిథునం..

దాంపత్యరసఙ్ఞుడు ఆలికొసగు అనుబంధ సుగంధ ప్రసూనం..

నవరసమాన సమర సమాన..

నవరసమాన సమర సమాన.. సహకార స్వరమేళనం..

భారతీయతకు హారతి పట్టే ఋషిమయ జీవన విధానం..

భార్య సహాయముతో కొనసాగే భవసాగర తరణం..

భవసాగర తరణం..

ఆది దంపతులే అభిమానించే.. అచ్చతెలుగు మిథునం..

అల్పసంతసపు కల్పవృక్షమున ఆత్మకోకిలల గానం..

పురుషార్ధముల పూలబాటలో.. పుణ్యదంపతుల పయనం..

అరవైదాటిన ఆలూమగలా...

అరవైదాటిన ఆలూమగలా అనురాగామృత మధనం..

గృహస్థ దర్మం సగర్వమ్ముగా తానెగరేసిన జయకేతనం..

జయకేతనం...

ఇతిశివమ్!

తనికెళ్ళ భరణి.

పూర్తిగా చదువు

జానకి రాముల కళ్యాణానికి..

సంసారం ఒక చదరంగం సినిమాలోని ఈ పాట నాకు బాగా నచ్చిన పాటలలో ఒకటి, చక్రవర్తి గారు ఆహ్లాదకరమైన సంగీతాన్నిస్తే సుశీలమ్మ తన స్వరంతో ప్రాణంపోశారు. పాట ప్రారంభంలో వచ్చే ఆలాపన ఎక్కడో విన్నట్లు అనిపించినా(ఎక్కడో చెప్పగలరా?) అసలు ఆ ఆలాపనతోనే మనని కట్టిపడేస్తారు. పాట సాహిత్యం ఎవరో కరెక్ట్ గా తెలియదు కానీ అంతర్జాలంలో కొన్నిచోట్ల వేటూరి గారని ఉంది ముఖ్యంగా రెండవ చరణం విన్నాక వేటూరి గారే రాశారనే నమ్మకం బలపడిపోతుంది. పాట రెండవచరణంలో ఝల్లున వీణలు పొంగినవి అన్నతర్వాత వచ్చే వీణానాదానికి ఝల్లుమని పులకించని మది ఉండదు అంటే అతిశయోక్తికాదు.

ఈ పాట చిత్రీకరణ సన్నివేశానికీ పాత్రల స్వభావానికి తగినట్లు ఉంటుంది. పెళ్ళిచూపులలో తరతరాలుగా అచ్చొచ్చిన పాటను పాడుతున్న సరోజ(నటి కల్పన) తన స్వభావానికి తగ్గట్టుగా తను ప్రేమించే పీటర్ తో పార్కులో కులుకుతూ చిత్రమైన స్టెప్పులేస్తూన్నట్లు ఊహించుకున్నట్లుగా మొదటి చరణం చిత్రిస్తారు. పాట మధ్యలో వయసు మీద పడి ఆరోగ్యంకోసం తిండి తినకుండా నోరుకట్టేసుకోలేని అప్పల నరసయ్య(గొల్లపూడి) మంచినీళ్ళకని చెప్పి వంటగదిలోకొచ్చి చక్రపొంగలి దొంగిలించడానికి విఫలయత్నం చేయడం చిత్రిస్తారు. ఆపై రెండవ చరణం ఉమ(సుహాసిని) పాత్రపై అపరసరస్వతీ దేవిలా చక్కగా చీరకట్టుకుని చాపమీద కూర్చుని ఒడిలో వీణ పట్టుకుని పాడుతున్నట్లుగా చిత్రీకరిస్తారు. ఇక కొనసాగింపుగా అన్నపూర్ణమ్మ గారి వర్షన్ తన పెళ్ళిచూపుల సన్నివేశం చక్కని హాస్యాన్ని అందిస్తాయి.  

ఓ మంచి పాట విన్నామనే సంతృప్తిని ఇచ్చి మళ్ళీ మళ్ళీ వినాలనిపించే ఈ పాటను మీరూ ఆస్వాదించండి. ఈ సినిమా గురించి పూర్తి పరిచయం కోసం మిత్రులు నెమలికన్ను మురళి గారి టపా తన బ్లాగులొ ఇక్కడ చదవండి. వీడియో ప్లేకాకపోతే ఆడియో ఇక్కడ వినవచ్చు. అది కూడా పని చేయకపోతే ఇక్కడ ఈ పాటను డౌన్లోడ్ చేసుకోవచ్చు. 

చిత్రం : సంసారం ఒక చదరంగం (1987)
సంగీతం : చక్రవర్తి
సాహిత్యం : వేటూరి
గానం : సుశీల

జానకిరాముల కళ్యాణానికి జగమే ఊయలలూగెనులే
జానకిరాముల కళ్యాణానికి జగమే ఊయలలూగెనులే
సీతాదేవీ కులుకులనే సితాకోకా చిలుకలతో
జానకిరాముల కళ్యాణానికి జగమే ఊయలలూగెనులే

కన్నూ కన్నూ కలువగనే ప్రణయం రాగం తీసెనులే
పాదం పాదం కలుపగనే హృదయం తాళం వేసెనులే
ఒకటే మాట ఒకటే బాణం ఒక పత్నీ శ్రీరామవ్రతం
నాలో... నీలో... రాగం తీసీ వలపే చిలికే త్యాగయ కీర్తనలెన్నో

జానకిరాముల కళ్యాణానికి జగమే ఊయలలూగెనులే
సీతాదేవీ కులుకులనే సితాకోకా చిలుకలతో
జానకిరాముల కళ్యాణానికి జగమే ఊయలలూగెనులే

జానకి మేనూ తాకగనే ఝల్లున వీణలు పొంగినవీ...
జాణకు పులకలు పూయగనే జావళి అందెలు మోగినవి
ప్రేమేసత్యం ప్రేమేనిత్యం ప్రెమేలే రామయ్య మతం
నాలో... నీలో... లాస్యాలాడీ లయలే చిలికే రామదాసు కృతులెన్నో..

జానకిరాముల కళ్యాణానికి జగమే ఊయలలూగెనులే
సీతాదేవీ కులుకులనే సితాకోకా చిలుకలతో
జానకిరాముల కళ్యాణానికి జగమే ఊయలలూగెనులే

పూర్తిగా చదువు

సూరట్టుకు జారతాదీ..

గతేడాది నిర్ధాక్షిణ్యంగా తీసుకువెళ్ళిపోయిన సినీప్రముఖుల్లో ఒకరైన జాలాది గారు సినిమాలకు రాసిన మొదటి పాటగా చెప్పబడే ఈ పాట నాకు చాలా ఇష్టమైన పాట. అసలు ఆహ్లాదకరమైన పల్లె వాతావారణంలో ఎపుడు  వర్షాన్ని చూసినా ఈ పాటే గుర్తొస్తుంటుంది. జాలాదిగారు వాడిన చక్కనైన పల్లె పదాలు మహదేవన్ గారి హుషారైన సంగీతంలో, సుశీలమ్మ స్వరంలో వింటూంటే మనపైన మత్తుజల్లినట్లు గమ్మత్తైన అనుభూతికి లోనవుతాం. ఈ సినిమాలో రంగనాథ్ జయసుధ నటించారని విన్నాను కానీ ఈ వీడియో ఎపుడూ చూసే అవకాశం కలుగలేదు. జయసుధగారు ఎంత బాగా అభినయించి ఉంటారో అని అపుడపుడు ఊహించడానికి ప్రయత్నిస్తుంటాను :-) అసలు ఈ పాట గాలిసచ్చినోడి గురించో గాలివానగాడి గురించో అర్ధమే కానంత చిలిపిగా అందంగా రాయడం జాలాది గారికే చెల్లింది. ఈ పాట మీరుకూడా ఇక్కడ విని ఆనందించండి. 

చిత్రం : పల్లెసీమ (1976)

గానం : పి.సుశీల

సాహిత్యం : జాలాది

సంగీతం : కె.వి.మహదేవన్

సూరట్టుకు జారతాదీ సితుక్కు సితుక్కు వానచుక్కా..

సూరట్టుకు జారతాదీ సితుక్కు సితుక్కు వానసుక్క..

గుండెల్నే కుదిపేత్తాదీ గతుక్కు గతుక్కు ఏందేలక్కా.. 

సూరట్టుకు జారతాదీ సితుక్కు సితుక్కు వానసుక్క..

గుండెల్నే కుదిపేత్తాదీ గతుక్కు గతుక్కు ఏందేలక్కా..

సూరట్టుకు జారతాదీ సితుక్కు సితుక్కు వానసుక్క..

కిటికీలో ఏదో మెరిసి ఇటుకంటా రమ్మంటాదీ..

తొంగి సూడబోతే జల్లు ఒళ్ళంతా తడిమేత్తాదీ..

కిటికీలో ఏదో మెరిసి ఇటుకంటా రమ్మంటాదీ..

తొంగి సూడబోతే జల్లు ఒళ్ళంతా తడిమేత్తాదీ..

తడిసిపోయానారేతిరీ ఆడి జిమ్మడిపోనూ..

కుదిపి సుట్టేశాడమ్మా గాలి సచ్చినోడూ.. గాలివాన గాడూ..

సూరట్టుకు జారతాదీ సితుక్కు సితుక్కు వానసుక్క..

గుండెల్నే కుదిపేత్తాదీ గతుక్కు గతుక్కు ఏందేలక్కా.. 

సూరట్టుకు జారతాదీ సితుక్కు సితుక్కు వానసుక్క..

పొగసూరిన ఆకాశంలో పోకిరోడూ మెరిశాడూ..

ఊరవతల సేలల్లో నను ఉరిమి ఉరిమి చూశాడూ..

పొగసూరిన ఆకాశంలో పోకిరోడూ మెరిశాడూ..

ఊరవతల సేలల్లో నను ఉరిమి ఉరిమి చూశాడూ..

సందెకాడ ఊరంతా సద్దుమణిగి నిదరోతుంటే..

సల్లంగా ఎపుడొచ్చాడో ఇల్లు ఒళ్ళు తడిపేశాడూ..

తడిసిపోయానారేతిరీ ఆడి జిమ్మడిపోనూ..

కుదిపి సుట్టేశాడమ్మా గాలి సచ్చినోడూ.. గాలివాన గాడూ..

సూరట్టుకు జారతాదీ సితుక్కు సితుక్కు వానసుక్క..

గుండెల్నే కుదిపేత్తాదీ గతుక్కు గతుక్కు ఏందేలక్కా.. 

సూరట్టుకు జారతాదీ సితుక్కు సితుక్కు వానసుక్క..

సూరుకింద ఖాళీ సూసి సొరవ చేసి నను చుట్టేసీ..

పదును పదును సలికోరల్తో ఉరిమి ఉరిమి ఉడికించీ..

సూరుకింద ఖాళీ సూసి సొరవ చేసి నను చుట్టేసీ..

పదును పదును సలికోరల్తో ఉరిమి ఉరిమి ఉడికించీ..

రెపరెపలాడించేశాడూ దీపం దిగమింగేశాడూ..

నడి ఝామున లేపేశాడూ నట్టింటో కురిసెల్లాడూ..

తడిసిపోయానారేతిరీ ఆడి జిమ్మడిపోనూ..

కుదిపి సుట్టేశాడమ్మా గాలి సచ్చినోడూ.. గాలివాన గాడూ..

సూరట్టుకు జారతాదీ సితుక్కు సితుక్కు వానసుక్క..

గుండెల్నే కుదిపేత్తాదీ గతుక్కు గతుక్కు ఏందేలక్కా.. 

సూరట్టుకు జారతాదీ సితుక్కు సితుక్కు వానసుక్క..

పూర్తిగా చదువు

స్నేహమా.. స్వర విలాసమా..

ఈ పాటలు అన్నిటికీ సాహిత్యం యూనీకోడీకరించి బ్లాగ్ లో పెట్టుకుందామనుకుంటున్న దగ్గరనుండీ నన్ను బాగా భయపెట్టిన పాట ఈ పాట. భయపడినట్లుగానే చరణం ముందు వచ్చే స్వరములు గ్రహించి టైప్ చేయడం ఎంత ప్రయత్నించినా నా వల్లకాలేదు సరిగా రావడంలేదు తప్పులు తడకలు ఎందుకు ఇవ్వడం అని వాటిని వదిలేశాను. అవి పక్కనపెట్టినా చరణం చివరలో గుక్కతిప్పుకోకుండా పాడిన రెండులైన్లే గ్రహించి టైప్ చేయడానికి నాలుగైదు సార్లు వినాల్సి వచ్చింది. ఎక్కడైనా తప్పులు ఉంటే కామెంట్స్ లో తెలియ చేయవలసిందిగా ప్రార్ధన.

ఈ ఆల్బం మొత్తంలోకి అద్భుతమైన పాటగా చెప్పుకోవచ్చేమో ఈ పాటను శ్రీకృష్ణ కూడా చాలా అద్భుతంగా పాడాడు.. సంగీత సాహిత్యాలలో స్వర విన్యాసం పదవిన్యాసం స్పష్టంగా గమనించవచ్చు. కానీ మొదటి చరణం ముందు వచ్చే స్వరాలు నాకు కొంచెం “నా పాట పంచామృతం” అన్నపాటలో వాటిలా అనిపించాయి బహుశా ఒకే రాగమో తాళమో ఏదో అయి ఉండచ్చు నాకు తెలియదు. ఈ ఆల్బంలో నేను ఎక్కువసార్లు విన్నపాట కూడా ఇదే చిత్రీకరణ సైతం ఇదే స్తాయిలో ఉండి ఉంటుందని ఆశిస్తున్నాను. ఆల్బంలో ఇది మూడవపాటైనప్పటికీ save the best for last అన్న సూక్తిననుసరించి దీనిని చివర ఇస్తున్నాను. మీరుకూడా ఈ పాట ఇక్కడ విని ఆస్వాదించండి. ఇంతటితో ఈ దేవస్థానం సినిమా పాటలు సమాప్తం.

చిత్రం : దేవస్థానం
సంగీతం : స్వరవీణాపాణి
సాహిత్యం : స్వరవీణాపాణి
గానం : శ్రీకృష్ణ

స్నేహమా..ఆఅ.ఆ
స్నేహమా.. స్వర విలాసమా..
పద విహారమా.. శృతిగ నవరస భరితమ..
రాగమా భావ భాగమా.. జీవనాదమా..
లయగ ఇరువురి కలయిక..
మరి మరి మురియగ..
మమమదాద మమమనీన్ని దపమగ
మ గ రీ సా ని సనిదపమగరి.. 
మరి మరి మురియగ స్వర సంగమం..
అవని మురియ అక్షర సంగమం..
అవని మురియ అక్షర సంగమం..

శివకేశవ సారూప్య భావనమే.. మైత్రి భంధమై మెరిసినదీ..
జీవాత్మ పరమాత్మ సంగమం.. అద్వైత ఆనంద అనుభవం..
జీవాత్మ పరమాత్మ సంగమం.. అద్వైత ఆనంద అనుభవం..
ఓం భూర్భువ సువః మంత్రము మహోజ్వలిత మహా శక్తి యంత్రము..
అణువణువునుగని చెలిమమరినదని అరమరికెరుగనిదని మరి తెలుపగ తర తమ తలపుల తలుపులు బిగియగ ముడిబడి కుడిఎడమలు ఇటు నిలబడ కడవరకిక కలగల సిరి కరముల..

సంగమమే.. శుభ సంగమమే..      
మరి మరి మురియగ...
మమమదాద మమమనీన్ని దపమగ
మ గ రీ సా ని సనిదపమగరి.. 
మరి మరి మురియగ స్వర సంగమం..

గతజన్మల సంస్కార పరిమళమూ.. ఈ జన్మకు ఫలదాయకమూ..
మందార మకరంద మధుగిరీ.. మధురాతి మధుర నవ పదఝరీ..
మందార మకరంద మధుగిరి.. మధురాతి మధుర నవ పదఝరీ..
ప్రభాకర స్సుధాకరుల చెలిమిగ గ్రహాలొసగె శుభాశీస్సు విరివిగ
కరముని బలముగ కులములు మతములు ఇల నిలవనివని వెలుగులు తెలుపగ తరగని సిరులకు పదకవితలగని వరములు వరదగ వరసగ కురియగ వడి వడి నడకల కదలెడు పదముల..

సంగమమే శుభ సంగమమే
మరి మరి మురియగ
మమమదాద మమమనీన్ని దపమగ
మ గ రీ సా ని సనిదపమగరి.. 
మరి మరి మురియగ స్వర సంగమం..
అవని మురియ అక్షర సంగమం..
అవని మురియ అక్షర సంగమం..

పూర్తిగా చదువు

గణనాథా సేవించెదమయ్యరో (హరికథ)

దేవస్థానం సినిమాలోని మరో హరికథ ఇది. కథ లోనే చెప్పినట్లు ఇది హరికథ, అంటే కేవలం శ్రీహరిని స్తుతించేది మాత్రమే కాదు మన కష్టాలనూ బాధలనూ హరించే తరుణోపాయం చెప్పే కథా అని మనం అర్ధం చేసుకోవాలి. ప్రస్తుత జనరేషన్ కి చాలా ఆవశ్యకమైన సలహాలను ఇస్తూ మాదకద్రవ్యాలకు అలవాటుకాకుండా ఎలా నిగ్రహించుకోవాలీ పెరుగుతున్న టెక్నాలజీ వెసులుబాట్లను ఎలా సమర్ధవంతంగా ఉపయోగించాలో తెలియజేస్తూ సాగే ఈ కథను స్వరవీణాపాణి రచించి స్వరపరిస్తే బాలుగారు ఆలపించారు. మీరూ ఇక్కడ విని ఆనందించండి.

మిత్రులందరికీ సంక్రాంతి శుభాకాంక్షలు. 

 

చిత్రం : దేవస్థానం
సాహిత్యం : స్వరవీణాపాణి
సంగీతం : స్వరవీణాపాణి
గానం : SP బాలు

గణనాథా సేవించెదమయ్యరో.. విఘ్నాలను మాపే మా అయ్యరో..
ఓరయ్య గణపయ్యా.. మముగావగ రావయ్యా..
నిను నమ్మిన బంటులమయ్యా మాతో ఉండయ్యా..
మాతో ఉండయ్యా.. మాతో ఉండయ్యా...

భక్తమహాశయులారా ఇది హరికథ, అంటే కేవలం శ్రీహరిని స్తుతించేది మాత్రమే కాదు మన కష్టాలనూ బాధలనూ హరించే తరుణోపాయం చెప్పే కథా అని మనం అర్ధంచేసుకోవాలి. ప్రపంచంలో సుమారు ముప్పై కోట్లమంది మనదేశంలో సుమారు ఏడున్నరకోట్లమంది మాదక ద్రవ్యాల మహమ్మారి  విషకోరలలో చిక్కుకుని విలవిలలాడిపోతున్నారూ.. దీనికి కారణం మనో నిగ్రహం కోల్పోవడమే.. చలించని మనోనిగ్రహం మనిషికి ఎంత అవసరమో మన పురాణాల్లో ఎంతో స్పష్టంగా చెప్పబడింది. 

ఇహ కథ మొదలుపెడదాం..
ఒక్కసారిగా అందరూ జై రమా రమణ గోవిందో హారి..
శ్రీరాముడు దండకారణ్యంలో సీతా లక్ష్మణులతో వనవాసం చేస్తూ ఉండగా అటుగా వెళ్తున్న రావణాసురుడి చెల్లెలు శూర్పణఖ...

సుందరాంగుడగు రాముని జూడగ మనోనిగ్రహము వీడే..
సొగసులొలికించి హొయలు కురిపించి ఆతని పొందును కోరే...
అప్పుడు ఏం జరిగిందయ్యా అంటే..
నీలమేఘ శ్యాముడూ మనోనిగ్రహ ధీరుడూ..
సకల గుణాభిరాముడూ.. ఏకపత్నీ సచ్ఛీలుడూ..
వలదు వలదంచు నీతి వాక్యముల శూర్పణఖను వారించే..
ముందు జరుగబోవు దుష్కర్మల తెలిసి నిగ్రహము వహియించే..

భక్తులారా ఈ విషయాన్ని మనం శ్రద్దగా గమనిస్తే.. మనో నిగ్రహం వీడి శూర్పణఖ లంకావినాశనానికి కారణమైతే శ్రీరాముడు మనోనిగ్రహంతో ఎన్నో కష్ట నష్టాలను తన ధర్మాయుధంతో జయించి మనందరికీ దేవుడైనాడు. అయ్యా విశ్వవిజేత నేటిమానవుడు ప్రస్తుతం ఎలా ఉన్నాడయ్యా అంటే.. 

ఎదిగినకొద్దీ ఒదిగుండాలనే..
ఎదిగినకొద్దీ ఒదిగుండాలనే మాటను అటకెక్కించాడూ..
తనకు తానుగా విర్రవీగి తన పతనాన్ని స్వాగతించాడూ..
కొకైన్ హెరాయిన్ గుట్కా జర్దా కనుగొని సుఖమని మురిసాడూ..
ఊపిరితిత్తుల మూత్రపిండముల గుండెజబ్బులను పెంచాడూ..
మృత్యువుతో ఆటాడీ ఓడీ త్వరగా కాటికి నడిచాడూ..

మత్తులో ఊగుతూ తూగుతూ సర్వం కోల్పోతూ మాదక ద్రవ్యాలకు బానిసలుగా మారిన వారిని మనం ఎలా కాపాడుకుందామయ్యా అంటే..
మత్తుకు బానిస కావద్దు.. గమ్మత్తుగ ఉందని మురియొద్దు..
మనోనిగ్రహం వీడొద్దూ.. అకాల మృత్యువును కోరద్దూ..
నీ కుటుంబ బాధ్యత మరవొద్దు.. నీ బ్రతుకునూ బుగ్గిగా మార్చొద్దూ..
సహృదయలందరూ గాట్టిగా ఓకసారి జై రమా రమణ గోవిందో హారి..
 
మరో కోణంలో మానవునిలోని విఙ్ఞానమనే వెర్రితలలు అఙ్ఞానాన్ని ఎలా పెంచుతున్నాయయ్యా అంటే..
కంప్యూటర్ తోనే కాపురమే చేస్తూ ఇంటర్నెట్ అంటూ ఇంటిని వదిలేస్తూ..
సెల్ ఫోన్ మీటింగులతో.. యువత నాశనమైపోతుంటే..
మనసు మమత మమకారం మరచిపోతుంటే..
తనకు తానే శత్రువై ప్రశాంతి లేక విలపిస్తుంటే..

మరి అలాంటి వాళ్ళు ఎలా బాగుపడాలయ్యా అంటే..
అవసరానికే సెల్ ఫోన్ అత్యవసరానికే లాప్ టాప్
విఙ్ఞాన గని లాగ ఇంటర్నెట్ ను వాడాలీ...
యోగా ధ్యానం దైవ చింతనం చేయాలీ..
అన్యోన్య ప్రేమానురాగ జీవితం గడపాలీ..
మనిషిగ బ్రతకాలీ.. ముందుకు సాగాలీ..

భక్తులారా ఇప్పటిదాకా మీరు ఎంతో శ్రద్దగా విన్న విషయాల్ని చిత్తశుద్దితో ప్రపంచం ఆచరిస్తే
ఆనందమే మహానందమే ఈ ప్రపంచానికీ మానవజాతికి ఆనందమే మహానందమే

జై ఆరోగ్యప్రదమైన ప్రపంచానికీ జై..
జై శాంతిసామరస్య ప్రదమైన ప్రపంచానికీ జై..
శుభం శుభం స్వస్తి.  

పూర్తిగా చదువు

గుణనుతి చేతును (హరికథ)

ఇది హరికథ కాదు అంటే హరిని గురించిన కథకాదు.. హరికథా ప్రక్రియను ఉపయోగించుకుని సామాజిక చైతన్యాన్ని ఉద్భోదిస్తూ కులమతవర్ణ వివక్షను వీడి వసుధైక కుటుంబంలా కలసి మెలసి జీవించమని చెప్పిన హాయైన కథ. సాథారణంగా ఇలాంటి సాంఘీక కథలు/సందేశాలూ హరికథా ప్రక్రియలో ఇమడ్చడానికి ప్రయత్నించినా అంతగా ఆకట్టుకోలేవు కానీ ఈ కథ మాత్రం ప్రత్యేకం. దండిభట్ల నారాయణమూర్తి గారు చక్కని తేటతెలుగు పదకట్టుతో రాస్తే బాలూ తన స్పష్టమైన ఉచ్చారణతో ఆసాంతం కదలకుండా వినేలా చేస్తాడు. మీరూ ఇక్కడ విని ఆస్వాదించండి. 

చిత్రం : దేవస్థానం

సాహిత్యం : దండిభట్లనారాయణమూర్తి

సంగీతం : స్వరవీణాపాణి

గానం : SP బాలు

గుణనుతి చేతును గణనాథా.. ప్రణతులు చేకొను ఘనవరదా..

అవరోధ శతమునణచు సదా అరింద్య వాహనా అభయప్రదా..

గుణనుతి చేతును గణనాథా..

రారే నిరతిమీర.. వినరారే తనివితీర

సాహిత్య లలిత సంగీత కలిత సందేశ యుత హరికథన్..

సంతోష రుచిర చాతుర్య ప్రచుర సల్లాప సుధల వసుధన్..

పంచంగ భాగవతులొచ్చె పంచ పూమాల చిడత జతతో..

పాపాయి మొదలు వయసైన ముసలి బాగంచు గాంచు ప్రభతో.. 

భక్తమహాశయులారా ఇది సమకాలీన పురాణ గాథ మానవత్వమపేక్షించి విశ్వశాంతి కాంక్షించి వర్ణ వ్యత్యాసముల ఖండించు లోక సంక్షేమ కాముక హరికథా కాలక్షేపము.. కాదిది కాలక్షేపము.. నిక్షేపము.. శ్రీమద్రమారమణగోవిందో హారి..

ఏ దేశము జూచిన ఏమున్నదీ గర్వకారణమ్మూ..

ఈ నుడి శ్రీశ్రీ ఏనాడనెనో ఎల్లెడల నిక్కమూ..

పొడమెను కయ్యము.. విడివడె నెయ్యమూ..

పొడమెను కయ్యము.. విడివడె నెయ్యమూ..

గడగడ వెడదిడు కలహ కులం..

రగులు పగలివిగొ.. తెగిన తలలివిగొ

ఊగు మదగజంలాగ మతం.. హరీ హరీ..

నదులకు బదులుగ కదులు రుధిరఝరి

చెదరిన కుదురుకు కుందు జగం.. 

సజ్జన భంజన దుర్జన గర్జన సంజారుల రణ సమయమిదే..

నాడు పున్నాగ పూల ధాత్రి

నేడు పన్నగ కాళ రాత్రీ.. 

జీవకోటిలో నరుడై పుట్టడమే గొప్పవరం ఆ వరమును పొంది వివేకముతో ఎన్నో సాధించిన మనిషి తోటివారితో సహవాసం వదిలి నైతికంగా తలక్రిందై నిత్యం ఘర్షణ పడుతున్నాడు. మరొక్కపర్యాయం భగవన్నామ స్మరణ శ్రీమద్రమారమణగోవిందో హారి..

ఎక్కువెవడు రా తక్కువెవడురా..

అందరిలా పుట్టావూ అందరితో పోతావు..

నరులను సృష్టించిన పరమాత్ముడే నాల్గువర్ణములు నావేననియే..

రామచరిత్రమ్మెవ్వరు రాసెరా..

భారతమ్ము ఏ మహర్షి ఊసురా..

ఏకలవ్యుడేజాతి వాడురా..

కన్నిచ్చిన.. తనకన్నిచ్చిన తిన్నడిదే కులమురా..

ఎక్కువెవడు రా తక్కువెవడురా..

ఈ ఒక్క కులమేనా చెలిమిని చీల్చేది.. మతమనే కమతం కూడా..

భరతఖండాన్నే కాక యావత్ భూమండలాన్ని కబళిస్తున్న భూతం ఈ మతం..

హితం చెప్పే మతాన్ని కొందరు ఉన్మాదంతో హతం వ్రతంగా మార్చారూ..

వారంటించిన బాంబు విస్ఫోటనాల దావానలంలో అమాయకులెందరో బలైపోతున్నారు.

ఏదేవుడు చెప్పాడయ్యా జీవుడ్ని చంపమనీ.. 

ఉగ్రవాద వ్యాఘ్రాన్ని శ్రీఘ్రమే మట్టుబెట్టి ఆ మట్టిలో శాంతీ సహనం సౌభ్రాత్రుత్వమనే పూల మొక్కలను నాటడమే మన ముందున్న తొలికర్తవ్యం. మనం నారుపోద్దాం నీరు పోయు వాడ్ని ప్రార్ధిద్దాం. శ్రీమధ్రమారమణ గోవిందో హారి.

విశ్వశాంతిని కోరుతూ వసుధైక కుటుంబంలా అందరం కలసి మెలసి ఉందాం.

పవమాన సుతుడు పట్టు పాదారవిందములకు..

నీనామ రూపములకు నిత్య జయమంగళం..   

శ్రీమధ్రమారమణ గోవిందో హరి.

సర్వేజనా సుజనాభవంతు.. సర్వే సుజనా సుఖినోభవంతు..

ఓం శాంతిశాంతిశాంతిః

పూర్తిగా చదువు

దేవస్థానం.. దేవస్థానం..

ఈ పాటలు నాకు వినేకొద్దీ మరీ మరీ నచ్చుతున్నాయ్.. అసలు నేను వింటున్నది కొత్త సినిమా పాటలేనా అనిపిస్తుంది.  ఏడాదికో ఆల్బం ఇలాంటిది వచ్చినా మనసుకు హాయిగా అనిపిస్తుందేమో. ఈ రోజు పరిచయం చేయనున్నపాట బాలు పాడిన దేవస్థానం అన్న టైటిల్ సాంగ్. బాలుగారికి ఇలాంటి పాట ఇస్తే ఎంత బాగా పాడేస్తారో తెలిసిందే కదా పైస్థాయిలో చాలా చక్కగా పాడారు దేవస్థానం అన్న ఒక్కమాటని ఆయన ఒకోసారి ఒకోవిధంగా పలకడం చాలాబాగుంటుంది. దేవస్థానం గొప్పతనాన్ని వివరిస్తూ స్వరవీణాపాణి గారు రాసిన సాహిత్యం కూడా చాలా బాగుంది. పల్లవి మూడుసార్లు రిపీట్ అయినపుడు దేవస్థానంతో ప్రాస కుదిరేలా భక్తిస్థానం.. శక్తిస్థానం.. లాంటి పదాలు వాడి రాసిన మూడులైన్లు కూడా చాలానచ్చాయి. చరణాలు కూడా చాలా బాగా కుదిరాయి. ఈ పాటను ఇక్కడ వినండి.

చిత్రం : దేవస్థానం

సాహిత్యం : స్వరవీణాపాణి
సంగీతం : స్వరవీణాపాణి
గానం : బాలు, చిత్ర, సాయివీణ

శాంతాకారం భుజగ శయనం పద్మనాభం సురేశం.
విశ్వాధారం గగన సదృశం మేఘవర్ణం శుభాంగం

ఓం నా మహా.. మహా.. మహా..
శివా యాహ.. యహ.. యహా.. 
ఓం నా మహా.. మహా.. మహా..
శివా యాహ.. యహ.. యహా.. 
బీజాక్షరాల వాణి వరమాల
పంచక్షరాల శూలి జపమాల
నిరంతరం తరం తరం శుభకరమే..

దేవస్థానం.. దేవస్థానం..
భక్తి స్థానం.. శక్తి స్థానం.. ముక్తి స్థానం.. దేవస్థానం...

మోక్షమార్గ ద్వారం మహిమలమంత్రస్థానం..
సూక్ష్మ ఙ్ఞాన ధామం సృష్టికి భోధ స్థానం..
సకలాగమాంతరార్ధం భువి పుణ్యకోటి తీర్ధం..
సకలాగమాంతరార్ధం భువి పుణ్యకోటి తీర్ధం..
జీవో దేవోస్సనాతనస్థానం..

దేవస్థానం... దేవస్థానం..
వేదస్థానం.. నాదస్థానం.. మోదస్థానం.. దేవస్థానం.

విశ్వాంతరాలలో మార్మిక యోగ స్థానం..
హృదయాంతరాలలో ధార్మిక ధ్యాన స్థానం..
ఇహలోక సౌఖ్యమొసగే లౌకిక లక్ష్య స్థానం..
ఇహలోక సౌఖ్యమొసగే లౌకిక లక్ష్య స్థానం..
ధర్మో రక్షతి రక్షిత శ్రీ స్థానం..
 
దేవస్థానం... దేవస్థానం..
పుణ్య స్థానం.. భవ్యస్థానం.. దివ్యస్థానం.. దేవస్థానం.

పూర్తిగా చదువు

సాంబయ్యా సోమయ్యా లింగయ్యా మహాశివా..

ఈ వయసులో విశ్వనాథ్ గారిని బాలూనీ ఇంతగా కష్టపెట్టడం భావ్యమా అని ఒక నిముషం అనిపిస్తుంది కానీ పాట చిత్రీకరణ చూస్తుంటే అవసరమేలే అనిపిస్తుంది. ఆ పరమశివుణ్ణీ అంతటి సమానమైన తన పెద్దదిక్కునీ ఇద్దరినీ గురించి ఒకేసారి చెప్తూ పాడిన ఈ పాట ఒక రెండు సార్లు విన్నాక పల్లవిలోని మొదటి లైన్ హమ్ చేయకుండా ఉండటం దదాపు అసాధ్యం. అంతబాగుంటుంది ఈ పాట. ఆడియో ఇక్కడ వినవచ్చు.

చిత్రం : దేవస్థానం
సాహిత్యం : స్వరవీణాపాణి
సంగీతం : స్వరవీణాపాణి
గానం : చిత్ర, బాలు

అన్యధా శరణం నాస్తి.. త్వమేవ శరణం మమ
తస్మాత్ కారుణ్య భావేన రక్షరక్షో మహేశ్వరా..

సాంబయ్యా సోమయ్యా లింగయ్యా మహాశివా..
సాంబయ్యా సోమయ్యా లింగయ్యా మహాశివా..
నువ్వెక్కడుంటే నేనక్కడుంట నా వంక చూస్తావా..
నువ్వెక్కబోతే నే నందినౌత నామాట వింటావా ఆఅఆఅ..
 

సాంబయ్యా సోమయ్యా లింగయ్యా మహాశివా..

ఎవరూలేని ఏకాకైన నాకే నేను పరమశివా
ఎవరూలేని ఏకాకైన నాకే నేను పరమశివా
ఎందుకొచ్చానంటే తెలుసా దేవుడిచ్చాడయ్య వరసా
ఎందుకొచ్చానంటే తెలుసా దేవుడిచ్చాడయ్య వరసా
అమ్మ అయ్య లేని అయ్యలోరు నువ్వనీ..
అమ్మ అయ్య లేని అయ్యలోరు నువ్వనీ
పెద్దయ్యగ చోటియ్యగ నన్నంపినాడా బ్రహ్మయ్యా..

సాంబయ్యా సోమయ్యా లింగయ్యా మహాశివా..

విధిగీతల్ని గీసేదెవరు తెలుసా నీకు పరమశివా
విధిగీతల్ని గీసేదెవరు తెలుసా నీకు పరమశివా
విన్నపాలందుకోవయ్యా.. అమ్మతోడంట నిజమయ్యా..
విన్నపాలందుకోవయ్యా.. అమ్మతోడంట నిజమయ్యా..
ఏరికోరుకున్న నాకు దిక్కునువ్వయ్యా..
ఏరికోరుకున్న నాకు దిక్కునువ్వయ్యా..
వద్దొద్దయ్య జన్మొద్దయ్య నన్ను చేదుకోరా కోటయ్యా..

సాంబయ్యా సోమయ్యా లింగయ్యా మహాశివా..
సాంబయ్యా సోమయ్యా లింగయ్యా మహాశివా..
నువ్వెక్కడుంటే నేనక్కడుంట నా వంక చూస్తావా..
నువ్వెక్కబోతే నేనందినౌత నామాట వింటవా ఆఅఆఅ..
సాంబయ్యా సోమయ్యా లింగయ్యా మహాశివా..

పూర్తిగా చదువు

పలుకు తెలుపు తల్లివే..

జనార్ధన మహర్షి దర్శకత్వంలో బాలు, విశ్వనాథ్, ఆమని కలిసి నటించిన నూతన చిత్రం దేవస్థానం. పలు కమర్షియల్ సినిమాల నడుమ మొన్న డిశంబర్ పదహారున ఈ సినిమా పాటలు విడుదలైనా నా దృష్టికి కాస్త ఆలశ్యంగా వచ్చాయనే చెప్పాలి. కానీ విన్న వెంటనే దదాపు అన్ని పాటలు అమితంగా నచ్చేశాయి. సంక్రాంతి సంధర్భంగా ఈరోజునుండి ఓ వారంపాటు సంగీత సాహిత్యాలకు పెద్దపీట వేస్తూ స్వరవీణాపాణి రచించి స్వరపరిచిన ఈ సినిమా పాటల సాహిత్యాన్ని రోజుకొకటి చొప్పున ఈ బ్లాగులో అందిస్తాను.

ఈ ఆల్బంలో మొదటి పాట చిత్రగారు పాడిన “పలుకు తెలుపు తల్లివే” అన్నపాట. సరస్వతీ దేవి ప్రార్ధనలా అనిపించే ఈ గీతాన్ని స్వరవీణాపాణి స్వయంగా రాసి స్వరపరిచారు. వినగానే ఆకట్టుకునే పాట చిత్ర గారి స్వరంలో మరింత నచ్చేస్తుంది దీనిని హంసధ్వని రాగంలో స్వరపరిచారుట. పాట గురించి నేను వర్ణించడంకన్నా మీరే విని ఆస్వాదించండి. ఆడియో చిత్ర గారి స్వరంలో ఇక్కడ, ఇదే పాటను బాలుగారి స్వరంలో ఇక్కడ వినవచ్చు.

ఈ పాటల గురించి ఒక చిన్న విఙ్ఞప్తి ఒకప్పుడు 80-90 లలో ఎన్నో మధురమైన చిత్రాల పాటలను అందించిన లియో రికార్డ్స్ ఈ చిత్రం ఆడియోను మనకందచేసింది. ఇటువంటి సంగీత సాహిత్య ప్రధానమైన ఆడియోలను ప్రోత్సహించడం ఆధునిక చిత్రాలలో ఇవి కరువౌతున్నాయని బాధపడుతూ ఇలాంటి పాటలను మిస్ అవుతున్న మనందరి కర్తవ్యం కనుక ఇక్కడ పాట విన్నాకూడా దయచేసి మీకు సాధ్యమైతే ఈ సినిమా క్యాసెట్/సిడి కొని పాటలను ప్రోత్సహించండి. 

 

చిత్రం : దేవస్థానం
సంగీతం : స్వరవీణాపాణి
సాహిత్యం : స్వరవీణాపాణి
గానం : చిత్ర, బాలు

ఓం....
పలుకు తెలుపు తల్లివే..
పదాల జిలుగులల్లవే..
పలుకు తెలుపు తల్లివే..
పదాల జిలుగులల్లవే..
మదాలసా.. సుధారసాంశువల్లివే..

పలుకు తెలుపు తల్లివే..
పదాల జిలుగులల్లవే..

స్వరాంతరాంతరాల నాద రూపిణీ..
పద ధిమిధిమిధ్ది శబ్ద శాసనీ..
శృతి భరితా ఆఆ... లయ చరితా...ఆఆ
శృతిభరితామృత మృదు పద కమల సుధారావాహినీ..
లయ చరితాన్విత పద ద్వయ త్రయ గతి శాస్త్రాన్వేషిణీ..
శుభకరణీ... వాణీ... కళ్యాణీ...

పలుకు తెలుపు తల్లివే..
పదాల జిలుగులల్లవే..

 
ప్రభాస మానస కలకళా వాదినీ..
విశిష్ట సత్య నిష్ట ధర్మ పాలినీ..
స్వర లహరీ ఈఈ.. జయవిజయీ ఈఈ..
స్వర లహరీ సరిగమపదనిస పథ రమ్యగామినీ..
జయవిజయీభవ వికసిత స్మిత వదనాంతర్యామిని.
వాగ్జనినీ.. బ్రాహ్మీ.. వరదాయీ...

పలుకు తెలుపు తల్లివే..
పదాల జిలుగులల్లవే..

పూర్తిగా చదువు

క్షత్రియ పుత్రుడు (1992) - సన్నజాజి & మురిసే

దేవర్ మగన్ అనే తమిళ చిత్రానికి అనువాద చిత్రమైన క్షత్రియపుత్రుడు తెలుగులో హిట్ కాలేదు కానీ  పూర్తి తమిళ వాతావరణం ఇబ్బంది పెట్టనటువంటి వారికి ఈ సినిమా పర్లేదు ఒకసారి చూడచ్చు అనిపిస్తుంది. నాకు శివాజీ గణేషన్, కమల్, రేవతి, నాజర్, గౌతమిల నటన చూడటానికైనా ఒకసారి చూసి తీరవలసిందే అనిపించింది. ఇళయరాజా సంగీతం అందించిన ఈ సినిమాలోని ఈ రెండు పాటలు నాకు చాలా ఇష్టం.

“సన్నజాజి పడక” పాటలో జానకి బాలు ఇద్దరూ కలిసి ఆటలాడుకున్నట్లుగా పాడారు. పాట మొదట్లో జానకి గారు నోటితో వేసే మ్యూజిక్.. ఎందుకే.. అన్న చోట తను రాగంతీసినపద్దతితో ఆకట్టుకుంటే.. బాలుగారు కూడా నేనేం తక్కువతిన్నానా అంటూ అవకాశమొచ్చినపుడల్లా అల్లరి చేసేరు. ఇక “మురిసే పండగపూట” లో మాధవపెద్ది రమేష్ గారి గొంతువైవిధ్యంగా ఆకట్టుకుంటుంది. పాటంతా ఒకే మూడ్ తో సాగే ఈ పాటలో ఘటం తో వేసే దరువు  నాకు చాలా ఇష్టం. ఈ రెండు పాటలు మీకోసం. యూట్యూబ్ వీడియో ప్లే అవకపోతే మ్యూజిక్ మజా ప్లగిన్ లో ఆడియో మాత్రం వినవచ్చు.

<p><a href="http://musicmazaa.com/telugu/audiosongs/movie/Kshatriya+Putrudu.html?e">Listen to Kshatriya Putrudu Audio Songs at MusicMazaa.com</a></p>

చిత్రం : క్షత్రియపుత్రుడు
సంగీతం : ఇళయరాజా
సాహిత్యం : వెన్నెలకంటి
గానం : జానకి, బాలు గారు

సన్నజాజి పడకా..
మంచ కాడ పడకా..
సన్నజాజి పడకా.. మంచ కాడ పడకా.. చల్ల గాలి పడకా..
మాట వినకుందీ.. ఎందుకే.. ||3||
అడిగితే సిగ్గేసిందీ.. సిగ్గులో మొగ్గేసిందీ..
మొగ్గలా బుగ్గే కందీ పో..యేనే..

||సన్నజాజి||

సన్నజాజి పడకా.. మంచ కాడ పడకా.. చల్ల గాలి పడకా..
మాట వినకుందీ.. ఎందుకే..
మనసులో ప్రేమేఉందీ.. మరువనీ మాటేఉందీ..
మాయనీ ఊసేపొంగి.. పాటై రావే..

||సన్నజాజి||

కొండమల్లి పూవులన్నీ.. గుండెల్లోనీ నవ్వులన్ని..
దండే కట్టి దాచుకున్నా.. నీ కొరకే..
పండు వెన్నెలంటి ఈడు.. యెండల్లొన చిన్నబోతే..
పండించగ చెరుకున్నా.. నీ దరికే..
అండ దండ నీవేననీ.. పండగంత నాదేననీ..
ఉండి ఉండి ఊగింది నా మనసే...
కొండపల్లి బోమ్మా ఇక.. పండు చెండూ దోచెయ్యనా..
దిండే పంచే వేళయినది రావే..
దిండే పంచే వేళయినది.. రా..వే..

||సన్నజాజి|| 

~*~*~*~*~*~*~*~*~*~*~*~*~*~*~*~*~*~*~

చిత్రం : క్షత్రియపుత్రుడు
సంగీతం : ఇళయరాజా
సాహిత్యం : వెన్నెలకంటి
గానం : మాదవపెద్ది రమేష్, రాజశ్రీ

ఓ ఓ ఓ...
మురిసే పండగపూటా.. రాజుల కథ ఈ పాటా..
సాహసాల గాధకే పేరు మనదిలే హొయ్..
మొక్కులందు వాడే క్షత్రియ పుత్రుడే హొ..

||మురిసే||

కల్లా కపటమంటూ లేనీ.. డింగ్ డంగ్ డింగ్ డంగ్ డింగ్ డంగడో
పల్లె పట్టు ఈ మాగాణీ.. డింగ్ డంగ్ డింగ్ డంగ్ డింగ్ డంగడో
కల్లా కపటమంటూ లేనీ పల్లె పట్టు ఈ మాగాణీ..
మల్లె వంటి మనసే వుందీ.. మంచే మనకు తోడై వుంది..
కన్నతల్లి లాంటి ఉన్నఊరి కోసం.. పాటుపడేనంటా రాజు గారి వంశం..
వీరులున్న ఈ ఊరు పౌరుషాల సెలయేరు..
పలికే.. దైవం.. మా రాజు గారు..

||మురిసే||

న్యాయం మనకు నీడైఉందీ.. డింగ్ డంగ్ డింగ్ డంగ్ డింగ్ డంగడో
ధర్మం చూపు జాడేఉందీ.. డింగ్ డంగ్ డింగ్ డంగ్ డింగ్ డంగడో
న్యాయం మనకు నీడైఉందీ.. ధర్మం చూపు జాడేఉంది..
దేవుడ్నైన ఎదురించేటీ.. దైర్యం మనది ఎదురేముంది..
చిన్నోళ్ళింటి శుభకార్యాలు.. చేయించేటి ఆచారాలు..
వెన్నెలంటి మనసుల తోటి.. దీవించేటి అభిమానాలు..
కలిసిందీ ఒక జంట.. కలలెన్నో కలవంట
కననీ.. విననీ.. కథ ఏదో వుందంట..

||మురిసే||    

పూర్తిగా చదువు

బెజ బెజ బెజవాడ - బెజవాడరౌడీలు పాట

రామ్ గోపాల్ వర్మ కొత్త సినిమా “బెజవాడరౌడీలు” సినిమా కోసం రికార్డ్ చేసిన పాట తన ట్విట్టర్ నుండి సేకరించినది... మీకోసం సాహిత్యం ఇక్కడ ఇస్తున్నాను వింటూ చదువుకోండి. ఆ గోలలో అక్కడక్కడ పదాలు అర్ధంకాలేదు అవి బ్లాంక్స్ ఇచ్చాను మీకేమైనా అర్ధమైతే కామెంట్ ద్వారా చెప్పండి.

http://www.mediafire.com/?lsbhce2qarhtpef
 

 

 
చిత్రం: బెజవాడరౌడీలు
రచన : సిరాశ్రీ
సంగీతం : అమర్ మోహ్లి
గానం : జొ జొ

బెజ బెజ బెజ బెజ బెజ బెజ బెజ బెజ బెజ బెజ బెజ బెజ
బెజ బెజ బెజ బెజ బెజవాడా..గజ గజ గజ గజ గజలాడా..
కమ్మనైన నవ్వునవ్వి కత్తిపెడితే కాపుకాసి గొంతుకోసి కాలరాయరా..
దద్దరిల్లి గుండెలన్నీ అదరంగా... ముందరున్న వాడిదమ్ము చెదరంగా..
సంఘనీతి పాపభీతి వలదేవీ .. కత్తికన్న గొప్పవేమి కాదేవీ..
కోరుకుంటే కొమ్ముకాసి కాకపోతే కాలరాసి
పొంచిఉన్న పంజాచూసి గేలమేసి వేటువేసి
కుత్తుకలో కత్తిదూసి అగ్గిరాసి బుగ్గిచేసి 
కలుపులన్ని పెరికేసి కుళ్ళునంత కడిగేసి

||బెజ బెజ బెజవాడ||

నీదమ్మునే నమ్ము పొగలాగ నువ్ కమ్మూ
పగబట్టిలేకుమ్ము గెలుపు నీదే లేరా
నువ్వేలె ఈరోజు నువ్వేలే రారాజు
నువ్ ఏలే ఆరోజు ముందరుందిలేరా

అదురువద్దురా.. బెదురువద్దురా..
కుదురువద్దురా.. నిదురవద్దురా..
శ్వాసనిండుగా ఆశనింపరా..
పట్టుపట్టరా గద్దెనెక్కరా..
పదవె ముద్దురా.. పైడిముద్దరా
బంధువొద్దురా బంధమొద్దురా
యుద్దమప్పుడే కృష్ణుడెప్పుడో గీతపాడెరా నిజము చెప్పెరా
ఇంద్రకీలమే.. ఇక నీకు తోడురా..
అడుగై పిడుగై పడగై కాటేయ్ రా... 

||బెజ బెజ||

పూర్తిగా చదువు

చిటపట చినుకులు - ఐతే

వారంలో ఒక్కసారైనా తప్పనిసరిగా నేను వినే పాటలలో సిరివెన్నెల గారు రాసిన ఈపాట ఖచ్చితంగా ఉంటుంది. సినిమా విడుదలైన తర్వాత మాత్రమే పరిచయమైన ఈ పాట విన్నవెంటనే నన్ను ఆకట్టుకుంది. ఆశవహ దృక్పధం గురించి కనే కలల గురించి వర్ణిస్తూ సాగే శాస్త్రిగారి సాహిత్యం సినిమా ఫీల్ కు తగినట్లుగా ఆంగ్లపదాలతోకూడా అందంగా ఆటలాడుకున్నట్లుగా సాగుతుంది, కీరవాణి వైవిధ్యమైన కంఠస్వరం ఈపాటకు చక్కగా నప్పింది. పాట చిత్రీకరణ కూడా వైవిధ్యంగా చాలా బాగుంటుంది. 

అప్పట్లో ఈ లోబడ్జెట్ సినిమా బెంగుళూరులో చాలారోజులవరకూ రిలీజ్ అవ్వలేదు, ఏదోపనిమీద హైదరాబాద్ వెళ్ళినపుడు అక్కడ చూశాను. ఆ తర్వాత పాటకూడా చాలారోజులు దొరకలేదు ఇప్పటంత విరివిగా అంతర్జాల వాడకం కూడా లేకపోవడంతో అక్కడా చుక్కెదురే. కొంతకాలానికి ఈ సినిమాలోని ఈపాట ఇంకొన్ని మ్యూజిక్ బిట్స్, అమృతం సీరియల్ టైటిల్ సాంగ్, లిటిల్ సోల్జర్స్ పాటలు అన్నీ కలిపి ఒక సిడి గా రిలీజ్ చేశారు. అదే సమయానికి నా నేస్తం హైదరాబాద్ నుండి బెంగుళూరు వస్తుంటే తనతో తెప్పించుకున్నా ఈ సిడి. ఈ పాటవిన్న ప్రతిసారీ ఈ ఙ్ఞాపకాలు కూడా ఒక రీల్ లా మనసులో తిరుగుతుంటాయ్.

చిత్రం : ఐతే (2004)

సంగీతం : కళ్యాణిమాలిక్

సాహిత్యం : సిరివెన్నెల సీతారామశాస్త్రి 

గానం : కీరవాణి

చిటపట చినుకులు అర చేతులలో ముత్యాలైతే ఐతే ఐతే
తరగని సిరులతొ తలరాతలనే మార్చేస్తుంటే ఇట్టే ఇట్టే
అడ్డు చెప్పదె umbrella ఎపుడూ ఓ వానా నువ్వొస్తానంటే

నిధులకు తలుపులు తెరవగా మనకొక ఆలీ బాబా ఉంటే
అడిగిన తరుణమె పరుగులు తీసే అల్లావుద్దీన్ జీనీ ఉంటే
చూపదా మరి ఆ మాయా దీపం మన fate ఏ flight అయ్యే runway
ఓ ఓ ఓ ఓ ఓ ఓ ఓ ఓ
ఓ ఓ ఓ ఓ ఓ ఓ ఓ ఓ...

నడిరాత్రే వస్తావెం స్వప్నమా?
పగలంతా ఎం చేస్తావ్ మిత్రమా.....?
ఊరికినే ఊరిస్తే న్యాయామా ?
సరదాగా నిజమైతే నష్టమా?
మోనాలిసా మొహం మీదే నిలుస్తావా? ఓ చిరునవ్వా.. ఇలా రావా?
ఓ ఓ ఓ ఓ ఓ ఓ ఓ ఓ
ఓ ఓ ఓ ఓ ఓ ఓ ఓ ఓ...

వేకువనే మురిపించె ఆశలు
వెనువెంటనే అంతా నిట్టూర్పులూ

లోకం లో లేవా ఏ రంగులు ?
నలుపొకటే చూపాల కన్నులూ?
ఇలాగేనా ప్రతీ రోజు ? ఎలాగైనా ఏదో రోజు మనదై రాదా?
ఓ ఓ ఓ ఓ ఓ ఓ ఓ ఓ
ఓ ఓ ఓ ఓ ఓ ఓ ఓ ఓ

చిటపట చినుకులు అర చేతులలో ముత్యాలైతే ఐతే ఐతే
తరగని సిరులతొ తలరాతలనే మార్చేస్తుంటే ఇట్టే ఇట్టే

పూర్తిగా చదువు

పొద్దున్నేమో ఓ సారీ - బొ.బ్ర.చం.సి.

జంధ్యాల గారి హయాంలో హాస్య చిత్రాలలో కూడా ఆణిముత్యాల లాంటి పాటలు ఉంటుండేవి ఆ తర్వాత కాలంలో పూర్తిగా వినడం మానేశాను. కాని తర్వాత కాలంలో సంగీత దర్శకురాలు శ్రీలేఖ పుణ్యమా అని ఎప్పుడో అమావాస్యకో పున్నానికో ఇలాంటి ఒక మంచి పాట వినే అదృష్టానికి నోచుకుంటున్నాం. సాథారణంగా హాస్య చిత్రాలు చూసేప్పుడు పాటలు ఫార్వార్డ్ చేసే నేను ఈ రోజు అనుకోకుండా ఈ పాట వినడం జరిగింది వెంటనే మీతో పంచుకోవాలని ఈ ప్రయత్నం, విని ఆనందించండి. పూర్తిపాట వీడియో దొరకలేదు కనుక పూర్తిగా వినడానికి కింద ఇచ్చిన రాగా ప్లేయర్ లోడ్ అయ్యాక దాని ప్లేబటన్ పై క్లిక్ చేయండి.

చిత్రం: బొమ్మనా బ్రదర్స్ చందనా సిస్టర్స్
సంగీతం: శ్రీలేఖ
సాహిత్యం: భాస్కరభట్ల
గానం: కార్తీక్, శ్వేత

చెలీ .. తొలి కలవరమేదో
ఇలా .. నను తరిమినదే
ప్రియా .. నీ తలపులజడిలో
ఇంతలా .. ముంచకే .. మరీ !

పొద్దున్నేమో ఓ సారీ .. సాయంకాలం ఓ సారీ ..
నిన్నే చూడాలనిపిస్తోంది .. What can I do?

ముగ్గే పెడుతూ ఓ సారీ .. ముస్తాబవుతూ ఓ సారీ ..
ఏదో అడగాలనిపిస్తోంది .. What shall I do?

కొత్తగా .. సరికొత్తగా .. చిరుగాలి పెడుతోంది కితకితా
ముద్దుగా .. ముప్పొద్దులా .. వయసుడికిపోతుంది కుతకుతా
ఏమైనా ఈ హాయి తరి తరికిటా !

తరికిటా .. తరికిటా .. తరికిటా తోం తరికిటా !
తరికిటా .. తరికిటా .. తరికిటా నం తరికిటా !!

పొద్దున్నేమో ఓ సారీ .. సాయంకాలం ఓ సారీ ..
నిన్నే చూడాలనిపిస్తోంది .. What can I do?

అతిథిగ వచ్చే నీకోసం స్వాగతమౌతానూ
చిరునవ్వై వచ్చే నీకోసం పెదవే అవుతానూ
చినుకై వచ్చే నీకోసం దోసిలినౌతానూ
చిలకై వచ్చే నీకోసం చెట్టే అవుతానూ

చాటుగా .. ఎద చాటుగా .. ఏం జరిగిపోతుందో ఏమిటో
అర్ధమే .. కానంతగా .. ఎన్నెన్ని పులకింతలో
తొలిప్రేమ కలిగాక అంతేనటా !

తరికిటా .. తరికిటా .. తరికిటా తోం తరికిటా !
తరికిటా .. తరికిటా .. తరికిటా నం తరికిటా !!

అలలా వచ్చే నీకోసం సెలయేరౌతానూ
అడుగై వచ్చే నీకోసం నడకే అవుతానూ
కలలా వచ్చే నీకోసం నిదురే అవుతానూ
చలిలా వచ్చే నీకోసం కౌగిలినౌతానూ

పూర్తిగా .. నీ ధ్యాసలో .. మది మునిగిపోతోంది ఎందుకో
పక్కనే .. నువ్వుండగా .. ఇంకెన్ని గిలిగింతలో
నాక్కూడా నీలాగే అవుతోందటా !

తరికిటా .. తరికిటా .. తరికిటా తోం తరికిటా !
తరికిటా .. తరికిటా .. తరికిటా నం తరికిటా !!

పొద్దున్నేమో ఓ సారీ .. సాయంకాలం ఓ సారీ ..
నిన్నే చూడాలనిపిస్తోంది .. What can I do?

ముగ్గే పెడుతూ ఓ సారీ .. ముస్తాబవుతూ ఓ సారీ ..
ఏదో అడగాలనిపిస్తోంది .. What shall I do?

కొత్తగా .. సరికొత్తగా .. చిరుగాలి పెడుతోంది కితకితా
ముద్దుగా .. ముప్పొద్దులా .. వయసుడికిపోతుంది కుతకుతా
ఏమైనా ఈ హాయి తరి తరికిటా !

 

Lyrics copied with minor corrections from పాటల పల్లకి

పూర్తిగా చదువు

టాటా ! వీడుకోలూ !!

కొన్ని అనివార్య కారణాల వలన నా ఈ బ్లాగుకు తాత్కాలిక విరామాన్ని ప్రకటించదలచాను. ఒక ఐదారు నెలల పాటు ఈ బ్లాగులో ఏ విధమైన కొత్త టపాలు ప్రచురించను. బ్లాగ్ ఓపెన్ యాక్సెస్ తోనే ఉంటుంది. ఇదివరకు ప్రచురించిన టపాలు చూడతలచిన వారు వచ్చి చూడవచ్చు. వెళ్ళేముందు సంధర్బశుద్ది లేకపోయినా నాకు టాటా అన్న పదం వినగానే గుర్తొచ్చే ఓ పాట గురించి చెప్తాను.

నాకు పాత సినిమా పాటలు పరిచయమైన కొత్తలో ఘంటసాల మాష్టారి పాటలు అంటే మా ఊరి టెంట్ హాల్ లో వేసే నమో వెంకటేశ, ఏడుకొండలవాడా లాంటి భక్తిపాటలు, పాడుతా తీయగా, కొండగాలి తిరిగిందీ గుండె ఊసులాడింది లాంటి మధురమైన గీతాలు మాత్రమే అని ఓ అభిప్రాయం ఉండేది. మొదటి సారి ఈ పాట విన్నపుడు కెవ్ మని కేకేసాను :-) ఎలాంటి మూడ్ అయినా నేను మెప్పించగలనోయ్ అని స్వయానా ఆయనే నాతో అన్నట్లు అనిపించింది. బాపు రమణ గారు ఏం చెప్పి ఒప్పించారో కానీ మొత్తానికి తెలుగు ప్రేక్షకులకు ఓ ప్రత్యేకమైన గీతం దొరికింది. ప్రియురాలి వలపులకన్నా.. నునువెచ్చనిదేదీ లేదని లైన్ లో నునువెచ్చని అనే పదం ఆయన పలకడం వింటే మనకు ఆ వెచ్చదనం అనుభూతికి వస్తుంది అనడం అతిశయోక్తికాదేమో. ఇచ్చుటలో ఉన్నహాయి వేరెచ్చటనూ లేదని లాటి ఆరుద్ర గారి ఛమక్కులకు కొదవలేదు. ఇక అక్కినేని గారి తాగుబోతు నటన గురించి చెప్పేదేముంది ఇప్పుడు చూస్తే కాస్త నవ్వొస్తుంది కానీ అప్పట్లో కేక :-) హ హ సరే మరి ఈ పాట మీరుకూడా ఓ సారి చూసి/విని ఎంజాయ్ చేసేయండి. కొంత విరామం తర్వాత మళ్ళీ కలుద్దాం.

చిత్రం : బుద్దిమంతుడు
సంగీతం : కె.వి.మహదేవన్
సాహిత్యం: ఆరుద్ర
గానం: ఘంటసాల

టాటా.. వీడుకోలు... గుడ్ బై ఇంక సెలవు
టాటా.. వీడుకోలు... గుడ్ బై ఇంక సెలవు
తొలినాటి స్నేహితులారా... చెలరేగే కోరికలారా.. హోయ్..
తొలినాటి స్నేహితులారా... చెలరేగే కోరికలారా...
టాటా వీడుకోలు.. గుడ్ బై ఇంక సెలవు..
టాటా వీడుకోలూ...

ప్రియురాలి వలపులకన్నాఆ ఆ.. నును వెచ్చనిదేదీ లేదని...
ప్రియురాలి వలపులకన్నాఆ ఆ.. నును వెచ్చనిదేదీ లేదని...
నిన్నను నాకు తెలిసింది... ఒక చిన్నది నాకు తెలిపింది...
ఆ... ప్రేమ నగరుకే పోతాను... పోతాను... పోతాను...
ఈ... కామ నగరుకు రాను... ఇక రాను...

టాటా.. వీడుకోలు గుడ్ బై.. ఇంక సెలవు
టాటా.. వీడుకోలూ...

ఇచ్చుటలో ఉన్న హాయీ...ఈ.. వేరెచ్ఛటను లేనే లేదనీ...
ఇచ్చుటలో ఉన్న హాయీ...ఈ.. వేరెచ్ఛటను లేనే లేదనీ...
లేటుగా తెలుసుకున్నాను... నా లోటును దిద్దుకున్నాను
ఆ స్నేహ నగరుకే పోతాను... పోతాను... పోతాను...
ఈ మోహ నగరుకు రాను... ఇక రాను...

టాటా.. వీడుకోలు.. గుడ్ బై.. ఇంక సెలవు
టాటా.. వీడుకోలూ...

మధుపాత్రకెదలో ఇంక.. ఏమాత్రం చోటూ లేదనీ...
మధుపాత్రకెదలొ ఇంక.. ఏమాత్రం చోటూ లేదనీ...
మనసైన పిల్లే చెప్పిందీ...
మనసైన పిల్లే చెప్పిందీ...
నా మనసంతా తానై నిండింది
నా మనసంతా తానై నిండింది
నే... రాగ నగరుకే పోతాను...
అనురాగ నగరుకే పోతాను...

పూర్తిగా చదువు

బాణం - నాలోనేనేనా, మోగిందీ జేగంటా

బాణం, రొటీన్ చిత్రాల ప్రవాహంలో ఓ వైవిధ్యమైన ప్రయత్నం. ఈ సినిమా కాన్సెప్ట్ ఎంత వైవిధ్యంగా రఫ్ గా ఉంటుందో దీనిలో ప్రేమకథ అంతే వైవిధ్యంగా సున్నితంగా ఉంటుంది. ఆ ప్రేమకథకు తగినవిధంగా ఉన్నవి రెండే పాటలు అయినా చక్కని మెలొడీతో ఆకట్టుకుంటాయి. రిలీజ్ అయిన దగ్గర నుండీ ఈ సినిమా పాటలు రెండూ నను వెంటాడుతూనే ఉన్నాయి వారానికి ఒక సారైనా వినకుండా ఉండనివ్వట్లేదు. ఒక వేళ మీరు ఇంతవరకూ విని ఉండక పోతే వెంటనే వినేయండి. మణిశర్మగారు స్వరపరిచిన ఈ రెండు పాటల సంగీతం, సాహిత్యం మరియూ చిత్రీకరణ అన్నీ ఒకదానితో ఒకటి పోటీ పడుతున్నట్లు ఉంటాయి కాని వీడియో కేవలం ఒక నిముషం నిడివి ఉన్నవి మాత్రమే దొరికాయి. కనుక పూర్తి పాట ఆడియో లింకుల్లో వినండి.

నాకు అత్యంత ఇష్టమైన మొదటి పాట "నాలో నేనేనా" ఈ మధ్య వరకూ కూడా దదాపు ప్రతిరోజూ రెండు మూడు సార్లైనా ఈ పాట కొంతైనా వినేంతగా నచ్చింది. దీని అందమైన లిరిక్ ఒక ఎత్తైతే ఈ పాటకు మరింత అందం చేకూర్చింది హేమచంద్ర గానం. మణిశర్మ మెలొడీ.. ఈ మధ్యకాలంలో ఇంత శ్రద్దగా మణి చేసిన ట్యూన్ లేదేమో అనిపించేంతగా, ఇంకా చెప్పాలంటే అసలు మణిశర్మేనా ఈ ట్యూన్ కట్టింది అనిపించేలా స్వరపరిచారు. దానిని అంతే అందంగా హేమచంద్ర సైంధవి తమ గళాల్లో పలికించారు.

"నేనేనా.. ఏదో అన్నానా.. నువ్వు విన్నావా.. ఇంతకీ ఏం విన్నావ్" అంటూ తనతో తనులేని కథానాయకుని మైమరుపుని స్పష్టంగా చెప్తూ పల్లవి మొదలెట్టించేస్తారు. మొదటి చఱణం లో కథానాయకుడు "తడబాటుని దాటేసి, పరదాలను తొలగించుకుని.. ప్రాణమే పలుకుగా వెలువడనీ" అని చెప్తుంటే, కథానాయికతో "మన పిచ్చిగానీ అసలు ఎదలో ఉన్నదంతా పదాల్లో పలుకుతుందా ? నా మౌనమే ప్రేమాలాపన.. నామనసున ఉన్నది నీ మాటల్లో బయటకు వస్తుంటే ఇక మన మధ్య మాటలెందుకు ? అనిపించి, వారిద్దరి మధ్య ఉన్న అనుభంధాన్ని మనకి స్పష్టంగా అర్ధమయ్యేలా చెప్పేస్తారు. ఇక రెండో చఱణంలో కథానాయిక "సాక్షాత్తూ ఆ దైవమే వరంగా నాలో సగమై నాకు దొరికింది" అని చెప్తుంటే నీతో చెలిమి చేస్తున్న నిముషాలు నూరేళ్ళుగా ఎదిగిపోయాయి.. మన మనువుకు మనమే సాక్ష్యం, మన మాటే మంత్రం, మన మధ్యఉన్న ప్రేమే మనని కలిపి ఉంచే బంధం.." అని కథానాయకునితో అనిపించి ఆ అనుభంధాన్ని మరింత దృఢంగా చూపించేస్తారు.

02 Naalo Nenena [a...

చిత్రం : బాణం

సహిత్యం : రామజోగయ్య శాస్త్రి

సంగీతం : మణి శర్మ

గానం : హేమచంద్ర , సైంధవి

నాలో నేనేనా.. ఏదో అన్నానా..

నాతో నేలేని మైమరపునా..

ఏమో అన్నానేమో.. నువ్వు విన్నావేమో..

విన్న మాటేదో నిన్నడగనా ||నాలో నేనేనా||

అలా సాగిపోతున్న నాలోన

ఇదేంటిలా కొత్త ఆలోచన

మనసే నాదీ.. మాటే నీదీ..

ఇదేం.. మాయో...

నాలో నేనేనా.. ఏదో అన్నానా..

నాతో నేలేని మైమరపునా..

ఏమో అన్నానేమో.. నువ్వు విన్నావేమో..

చిన్న మాటేదో నిన్నడగనా..

ఔనూ కాదు తడబాటునీ.. అంతో ఇంతో గడి దాటనీ..

విడి విడి పోనీ పరదానీ.. పలుకై రానీ ప్రాణాన్నీ..

ఎదంతా పదాల్లోన పలికేనా.. 

నా మౌనమే ప్రేమ ఆలాపన..

మనసే..నాదీ.... మాటే..నీదీ..

ఇదేం.. మాయో..

నాలో నేనేనా.. ఏదో అన్నానా..

నాతో నేలేని మైమరపునా..

ఏమో అన్నానేమో.. నువ్వు విన్నావేమో..

చిన్న మాటేదో నిన్నడగనా..

దైవం వరమై దొరికిందనీ.. నాలో సగమై కలిసిందనీ

మెలకువ కానీ హృదయాన్నీ.. చిగురై పోనీ శిశిరాన్నీ..

నీతో చెలిమి చెస్తున్న నిమిషాలూ..

నూరేళ్ళుగా ఎదిగిపోయాయిలా..

మనమే సాక్ష్యం... మాటే మంత్రం

ప్రేమే.. బంధం..

నాలో నేనేనా.. ఏదో అన్నానా..

నాతో నేలేని మైమరపునా..

ఏమో అన్నానేమో.. నువ్వు విన్నావేమో..

చిన్న మాటేదో నిన్నడగనా..

~*~^~*~^~*~^~*~^~*~^~*~^~*~^~*~

ఇదే సినిమాలో నాకు నచ్చిన మరో అందమైన పాట "మోగిందీ జేగంటా". అసలు ఈ పాటకన్నా శ్రేయ గొంతు విని తన్మయత్వంలో మునిగిపోయేవాడ్ని. "తననాన నానాన" అని తను మొదలు పెట్టగానే ఏదో లోకంలోకి వెళ్ళిపోతాం. ఆ తర్వాత కమ్మనైన తన కంఠస్వరం ఆ అందమైన ట్యూన్ లో వయ్యారాలు పోతుంటే అసలు లిరిక్ పై ధ్యాస ఎక్కడ పెట్టగలం మీరే చెప్పండి.అలా ముందు ఒక పాతిక సార్లు ఆ గొంతు విని ఆ మాయాజాలం తట్టుకుని బయట పడిన తర్వాత లిరిక్ పై ధ్యాస పెడితే వహ్వా రామజోగయ్య శాస్త్రి గారు ఎంత బాగా రాశారు పాట అని అనుకోకుండా ఉండలేము.

కొన్ని పాటలు మాములుగా వినడం కన్నా సినిమాలో చూసినపుడు లిరిక్ మరింత అర్ధవంతంగా అనిపించి మరింత బాగా నచ్చేస్తాయి, అటువంటి పాటలలో ఇదికూడా ఒకటి. పాట ప్రారంభంలోనే "జేగంట మోగింది.. అంతా మంచే జరుగుతుందని మనసు చెబుతుంది" అంటూ అమాయకత్వం నిండిన హీరోయిన్ చెపుతుంటే ఆ మాటలను శ్రేయ గొంతులో వింటూ "మరే ఇంత అమాయకురాలికి అంతా మంచే జరగాలి" అని మనం కూడా మనసులో ఆశీర్వదించేస్తాం. "ననుపిలిచినదీ పూబాటా.. తనతో పాటే వెళిపోతా" అని అంటుంటే అప్పటికే హీరో స్వభావం తెలిసిన మనం ఏం పర్లేదు వెళ్ళిపో అంటూ భరోసా ఇచ్చేస్తాం.

ఇక చరణం మొదలెట్టాక "అలుపెరుగనీ పసి మనసునై సమయంతో వెళుతున్నా" అంటూ కథానాయిక స్వభావాన్ని అద్భుతంగా ఆవిష్కరించేస్తారు రచయిత. "ఏ దూరమో.. ఏ తీరమో ప్రశ్నించనీ పయనం లోనా.. ఈ దారితో సహవాసమై కొనసాగనా ఏదేమైనా.." అంటూ తన భరోసాను మనకి తెలియచేసి "మనకి కూడా ఇంతటి భరోసా చూపగల తోడు దొరికితే బాగుండు" అనిపించేస్తాడు.

రెండవ చరణం లో "కల నిలవనీ కనుపాపలో కళలొలికినదోఉదయం.. అది మెదలుగా నను ముసిరినా ఏకాంతం మటుమాయం.." అని అంటూ తన ఒంటరితనం అతని చెలిమితో ఎలా మాయమయ్యిందో వివరించేస్తారు. "చిరు నవ్వుతో ఈ పరిచయం వరమై ఇలా నను చేరిందా" అంటూ తన ఆరాధనను ఒక్క లైన్ లో చెప్పించేస్తారు.

04 Mogindi Jeganta...

చిత్రం : బాణం

సంగీతం : మణిశర్మ

సాహిత్యం : రామజోగయ్య శాస్త్రి

గానం : శ్రేయా ఘోషల్

తననాన నానాన..

తననాన నానాన..

మోగిందీ జేగంటా.. మంచే జరిగేనంటా..

మనసంటోందీ ఈ మాటా..

కొలిచే దైవాలంతా.. దీవించారనుకుంటా..

నను పిలిచినదీ పూబాటా..

తనతోపాటే వెళిపోతా

ఆకాశం నీడంతా నాదేనంటోందీ..

అలలు ఎగసే.. ఆశా..

ఏ చింతా కాసింతా లేనే లేదందీ

కలత మరిచే.. శ్వాస..

||మోగిందీ జేగంటా||

పద పదమనీ నది నడకనీ ఇటు నడిపినదెవరైనా..

తన పరుగులో తెలినురగలో నను నేనే చూస్తున్నా..

ప్రతి పిలుపునీ కథమలుపనీ మలి అడుగులు వేస్తున్నా..

అలుపెరుగనీ పసిమనసునై సమయంతో వెళుతున్నా..

నలుసంత కూడా నలుపేది లేనీ.. వెలుగుంది నేడూ నా చూపునా

ఏ దూరమో.. ఏ తీరమో ప్రశ్నించనీ పయనం లోనా..

ఈ దారితో సహవాసమై కొనసాగనా ఏదేమైనా..ఆఆఆఅ...

||మోగిందీ జేగంటా||

ఒక చలువలా ఒక విలువలా జత కలిసినదోసాయం..

మనసెరిగినా మధుమాసమై నను చేర్చిందీ గమ్యం..

కల నిలవనీ కనుపాపలో కళలొలికినదోఉదయం

అది మెదలుగా నను ముసిరినా ఏకాంతం మటుమాయం..

నా చుట్టూ అందంగా మారింది లోకం.. ఊహల్లోనైనా లేదీ నిజం

చిరు నవ్వుతో ఈ పరిచయం వరమై ఇలా నను చేరిందా

బదులడగనీ ఈ పరిమళం నా జన్మనే మురిపించేనా..ఆఆఆఅ..

||మోగిందీ జేగంటా||

పూర్తిగా చదువు

ఒకటే జననం.. ఒకటే మరణం..

చాలా రోజులుగా రాద్దాం అనుకుంటున్న ఈ టపా అనుకోకుండా ఈ పాట ఈ వారం ఈనాడు ఆదివారం సంచిక లో రచయిత సుద్దాల అశోక్ తేజగారి వ్యాఖ్యానంతో కనిపించే సరికి వెంటనే ప్రచురించేస్తున్నాను. ఈ సినిమా శ్రీహరి సినిమాల్లో నాకు నచ్చిన వాటిలో ఒకటి, కాస్త లాజిక్కులను పక్కన పెట్టి చూస్తే కంట్రోల్డ్ యాక్షన్ తో ఆకట్టుకుంటుంది ఒక సారి ఛూసి ఆనందించవచ్చు. ఇది నచ్చడానికి మరో కారణం సింధుమీనన్ కూడా లేండి. తన మొదటి తెలుగు సినిమా అనుకుంటాను మోడర్న్ డ్రస్సుల్లో కాకుండా మన పక్కింటి అమ్మాయిలా సాదాసీదాగా చూడచక్కగా ఉండి ఇట్టే ఆకట్టుకుంటుంది. పాటకచేరి శీర్షిక నిర్వహిస్తున్న ఈనాడు వారికి ధన్యవాదాలు తెలుపుకుంటూ ఆ పత్రిక క్లిప్పింగ్ కూడా ఇక్కడ ఇస్తున్నాను ఆసక్తి ఉన్నవారు చదువుకోవచ్చు.

సాహిత్యానికి సంగీతమో సంగీతానికి సాహిత్యమో తెలియదు కానీ ఈ పాటలో రెండూ ఒకదానికి ఒకటి అన్నట్లు ఒదిగి పోతాయి. పల్లవిలో ఉన్న ఫోర్స్ చరణాలలో కొంచెం తగ్గినట్లు కనిపిస్తుంది కానీ మొత్తం పాట విన్నపుడు ఒకే రకమైన ఉత్తేజాన్ని ఇస్తుంది. పల్లవి ఎత్తుగడ మాత్రం అద్భుతం సాహిత్యం పరంగా కానీ సంగీత పరంగా కానీ. నేను వాకింగ్ చేసేప్పుడు వినే ప్లేలిస్ట్ లో ఈ పాట మొదట ఉండేది (అంటే వాకింగ్ చేసింది కొద్దిరోజులైనా ఇలాటి అర్భాటలకు తక్కువ చేసే వాడ్ని కాదులెండి:-) నిజం చెప్పద్దూ, ఇదీ, ముత్తులో ఒకడే ఒక్కడు మొనగాడు, తమ్ముడు లో look at my face లాంటి పాటలు వింటూ జిమ్ కెళ్తే వచ్చే ఆ ఉత్సాహం  ఆనందం మాటల్లో చెప్పలేం అంటే నమ్మండి. సరే మరి మీరు విని ఉండక పోతే ఒకసారి వినేయండి.

చిత్రం : భద్రాచలం
సంగీతం : వందేమాతరం శ్రీనివాస్
సాహిత్యం : సుద్దాల అశోక్ తేజ
గానం : శంకర్ మహదేవన్, చిత్ర

ఒకటే జననం ఒకటే మరణం
ఒకటే గమనం ఒకటే గమ్యం
గెలుపు పొందె వరకూ అలుపు లేదు మనకు..
బతుకు అంటె గెలుపూ గెలుపుకొరకె బ్రతుకు..
కష్టాలు రానీ కన్నీళ్ళు రానీ
ఏమైన గానీ ఎదురేది రానీ
ఓడిపోవద్దు రాజీపడొద్దు
నిద్ర నీకొద్దు నీకేది హద్దు

||ఒకటే||

రాబోయే విజయాన్ని పిడికిలిలో చూడాలి
ఆ గెలుపూ తప్పట్లే గుండెలలో మోగాలీ
నీ నుదిటీ రేఖలపై సంతకమే చేస్తున్నా
ఎదనిండా చిరునవ్వే చిరునామై ఉంటున్నా
నిన్నే వీడని నీడవలే నీతో ఉంటా ఓ నేస్తం
నమ్మకమే మనకున్న బలం

నీలికళ్ళలో మెరుపూ మెరవాలి
కారు చీకట్లో దారి వెతకాలి
గాలివానల్లో ఉరుమై సాగాలి
తగిలే గాయాల్లో గేయం ఊదాలి

||ఒకటే||

నిదరోకా నిలుచుంటా.. వెన్నెలలో చెట్టువలె
నీకోసం వేచుంటా.. కన్నీటీ బొట్టువలె
అడుగడుగు నీ గుండె ..గడియారం నేనవుతా
నువు నడిచే దారులలో.. ఎదురొచ్చి శుభమవుతా
రాసిగ పోసిన కలలన్నీ దోసిలి నిండా నింపిస్తా
చేతులు చాచిన స్నేహంలా ...

ముట్టుకున్నావా మువ్వా అవుతుంది
పట్టుకున్నావా పాటే అవుతుంది
అల్లుకున్నావా జల్లే అవుతుంది
హత్తుకున్నావా వెల్లుఔతుంది...

||ఒకటే||

ఈ నూతన సంవత్సరం ఈ పాటలా మీలో ఉత్తేజాన్ని నమ్మకాన్ని నింపి మీకందరికీ అన్ని శుభాలను చేకూర్చాలని, మీరు కోరుకున్న రీతిలో జీవిస్తూ సుఖసంతోషాలను మీ సొంతం చేసుకోవాలని ఆశిస్తూ... అందరికీ 2010 నూతనసంవత్సర శుభాకాంక్షలు, కాస్త ముందుగా :-)

పూర్తిగా చదువు

మిడిసిపడే దీపాలివి !!

అప్పట్లో దూరదర్శన్ చిత్రలహరిలో ఒకటి రెండు సార్లు ఈ పాట చూసిన గుర్తు. చంద్రమోహన్ నల్లశాలువా ఒకటి కప్పుకుని ఏటి గట్టున అటు ఇటు తిరుగుతూ తెగ పాడేస్తుంటాడు. అతనికోసం కాదు కానీ నాకు చాలా ఇష్టమైన ఏసుదాస్ గారి గొంతుకోసం ఈ పాటను శ్రద్దగా వినే వాడ్ని. లిరిక్స్ కూడా చాలా బాగున్నాయ్ అనిపించేది. నా ఇంజనీరింగ్ మొదటి సంవత్సరం డిపార్ట్మెంట్ డే సంధర్బంగా జరిగిన పాటలపోటీలో నేను తప్పక పాల్గొనాలి అని మావాళ్ళంతా డిసైడ్ చేశారు. ర్యాగింగ్ పీరియడ్ లో బలవంతంగా నాతో పాడించిన పాటలను కాస్తో కూస్తో రాగయుక్తంగా పాడేసరికి నే బాగా పాడతాను అనే అపోహలో ఉండేవారు. సరే ఏ పాటపాడాలి అని తర్జన భర్జనలు పడటం మొదలుపెట్టాను. జేసుదాస్ పాటే పాడాలి అని మొదటే నిర్ణయించుకున్నాను కానీ ’ఆకాశదేశానా’, ’మిడిసిపడే’ పాటలలో ఏదిపాడాలి అని తేల్చుకోలేక చివరికి నా ఆప్తమితృడికి పాటలు రెండూ వినిపించి సలహా అడిగితే నీగొంతుకు ’మిడిసిపడే’ బాగ సూట్ అవుతుంది అదే అని ఖాయం చేసేసుకో అని చెప్పాడు. నాకు కూడా అదినిజమే అనిపించింది. అదీకాక "ఆకాశదేశాన" లోని సంగతులు సరిగా పాడలేకపోతున్నాను అని స్పష్టంగా తెలుస్తుంది.

అలా మొదటి సారి ఈ పాట పూర్తి సాహిత్యాన్ని సంగ్రహించి శ్రద్దగా నేర్చుకోవడం జరిగింది. పోటీ రోజు రానే వచ్చింది నాకు పాట పాడటం వచ్చినా సాహిత్యం సరిగా గుర్తుండేది కాదు. అదీకాక అందరి ముందు నుంచొని పాడవలసి వచ్చినపుడు మైండ్ బ్లాంక్ అయి అసలు గుర్త్తొచ్చేది కాదు. ఈ సారి ఎలా అయినా గెలవాలని పాట రాసుకుని పేపర్ చేతిలో పెట్టుకుని వెళ్ళాను. నా గొంతుకు కాస్తగాంభీర్యత జోడించి బోలెడంత విషాదాన్ని నింపి సీరియస్ గా పాడటం మొదలు పెట్టాను. అప్పటివరకూ కాస్త అల్లరి చేస్తున్నవారు సైతం నిశ్శబ్దంగా పాటలోలీనమై వినడం మొదలుపెట్టారు, మొదటి చరణం పూర్తైంది శ్రోతల కళ్ళలో ప్రశంస స్పష్టంగా కనిపించింది, రెండవచరణం మొదలు పెట్టాక అందులో చివరి లైన్లు ఎప్పుడూ గుర్తుండేవే అన్నధైర్యంతో పేపర్ మడిచి లోపల పెట్టేశాను కానీ అక్కడికి వచ్చేసరికి హఠాత్తుగా ఆ లైన్లు మర్చి పోయి తడబడిపోయాను. మళ్ళీ పేపర్ తీసి పాట పూర్తి చేయవలసి వచ్చింది. జడ్జిలు నువ్వు ఆ పేపర్ పెట్టుకోకుండా తడబడాకుండా పాడితే ప్రైజ్ నీదే అయి ఉండేది, పైన చెప్పిన కారణాల వలన నిన్ను నాలుగో స్థానానికి నెట్టేయవలసి వచ్చింది అని వ్యాఖ్యానించారు. 

ఈపాట ఎప్పుడు విన్నా ఆనాటిసంఘటన అంతా కళ్ళకు కట్టినట్లు కనిపిస్తుంది. నా క్లాస్ మేట్ ఒక అమ్మాయి అయితే వీడికి ఏదో చాలా పే..ద్ద ఫ్లాష్ బ్యాక్ ఉండి ఉంటుంది అందుకే ఇంత విషాదగీతాన్ని భావయుక్తంగా పాడుతున్నాడు అనుకుందిట. తరువాత రోజుల్లో నాకు మంచి నేస్తమయ్యాక "అసలు సంగతేంటి గురూ.." అని అడిగింది అంత స్టోరీ లేదమ్మా అని చెప్పాను. ఇంజనీరింగ్ లో కాదుకానీ తర్వాత రోజులో ఈపాట పాడుకోదగిన అనుభవాలు కొన్ని ఎదురయ్యాయి కాని ఎక్కువ కాలం బాధించలేదనుకోండి అది వేరే విషయం. ఇంతకీ విషయం ఏమిటంటే పాట చాలా బాగుంటుంది, వేటూరి గారి సాహిత్యం ఆకట్టుకుంటే రాజా సంగీతం హృదయాన్ని సున్నితంగా స్పృశిస్తుంది. ఇక ఏసుదాస్ గారి గొంతు మరింత వన్నెచేకూర్చింది అని చెప్పాల్సిన పనేలేదు.

చిత్రం : ఆస్తులు అంతస్తులు

సంగీతం : ఇళయరాజా

సాహిత్యం : వేటూరి

గానం : కె.జె.ఏసుదాస్

మిడిసి పడే దీపాలివి

మిన్నెగసి పడే కెరటాలివి

మిడిసి పడే దీపాలివి

మిన్నెగిసి పడే కెరటాలివి

వెలుగు పంచలేవు ఏ దరిని చేరుకోవు

వెలుగు పంచలేవు ఏ దరిని చేరుకోవు

ఈ జీవితమే ఒక గమ్యం లేని నావ

సుఖ దుఃఖాలే ఏకమైన రేవులో

||మిడిసి||

బావి లోతు ఇంతని తెలుసు

నదుల లోతు కొంతే తెలుసు

ఆడ గుండె లోతు ఎంతో లోకం లో యెవరికి తెలుసు

ఏ నిమిషం ప్రేమిస్తుందో ఏ నిమిషం పగబడుతుందో

ఎప్పుడెలా మారుతుందో తెలిసిన మగవాడు లేడు

రాగం అనురాగం ఎర వేసి జత చేరి

కన్నీట ముంచుతుందిరా

||మిడిసి||

పాము విషం సోకిన వాడు ఆయువుంటె బతికేస్తాడు

కన్నె వలపు కరిచిన వాడు నూరేళ్ళకి తేరుకోడు

సొగసు చూసి మనసిచ్చావా బందీగా నిలబడతావు

నీ కలలే విరిగిననాడూ కలతే నీ తోడవుతుంది

లేదు ఏ సౌఖ్యం రవ్వంత సంతోషం ఈ ఆడదాని ప్రేమలో

||మిడిసి||

ఇదే పాట కథానాయిక పాడినది ఇక్కడ చూడండి. రెండు సాహిత్యాలు వేటికవే సాటి అన్నట్లు ఉన్నాయి. ఇదికూడా వేటూరిగారే రాశారేమో తెలియదు. ఈ పాటను కామెంట్ ద్వారా అందించిన తృష్ణ గారికి ధన్యవాదాలు.

 

అలుపు రాని కెరటాలివి
ఏ గెలుపు లేని హృదయాలివి
వయసు ఊరుకోదు ఆ వలపుమాసిపోదు
ఏనాడైనా తెరచాప లేని నావ
చేరగలిగేనా తను కోరుకున్న రేవుకి

||అలుపు||

ప్రేమించిన ఆడ మనసు ప్రాణమైన అర్పిస్తుంది
ప్రేమ విలువ తెలియకపోతే ఆడదెపుడు అర్ధం కాదు
తనువులోని అందం గాని మనసులోని మర్మం గానీ
నమ్మిన మగవాడి ముందు ఏ ఆడది దాచలేదు
లేదు నా నేరం...ఏముందో తెలిపావో
శిరసొంచి మొక్కుతానులే

||అలుపు||

ఆడదంటే అమృత హృదయం
తల్లితనమే సృష్టికి మూలం
పైట చాటు రొమ్ము వెనుక అమ్మ మనసు దాగుంటుంది
కన్నీటిని దాచుకుంటూ చిరునవ్వును పంచిస్తుంది
తను సీతై నిప్పుల పడిలో రామవాక్కు నిలబెడుతుంది
నాడు ఈనాడు ఆ రాత ఎద కోత
రవ్వంత మారలేదులే

||అలుపు||

పూర్తిగా చదువు

ఓ నిండు చందమామ !!

లేతమావి చిగురులు అప్పుడే తిన్న గండు కోయిలలా... ఆ పరమేశ్వరుడు గరళాన్ని నిలిపినట్లు ఇతనెవరో అమరత్వాన్ని సైతం త్యాగం చేసి అమృతాన్ని తన గొంతులోనే నిలిపివేసాడా? ప్రతి పాటలోనూ అదే మాధుర్యాన్ని ఒలికిస్తున్నాడు అనిపించేటట్లు, తన విలక్షణమైన గళంతో శ్రోతలను మంత్ర ముగ్ధులను చేసే అద్భుతమైన గాయకుడు కె.జె.ఏసుదాసు. తను పాడినది కొన్ని పాటలే అయినా ఆయన పాటలను పదే పదే ఇప్పటికీ వింటున్నారంటే ఆపాటల సంగీత సాహిత్యాలు ఒక కారణమైనా ఆయన గళం లోని మాధుర్యం సైతం పెద్ద పాత్ర వహిస్తుంది అన్నదాంట్లో ఎలాంటి సందేహంలేదు. ఏసుదాస్ పేరు వినగానే తెలుగులో మొదట గుర్తు వచ్చేది మేఘసందేశం అయినా తర్వాత గుర్తొచ్చేది మోహన్ బాబు గారి పాటలు. ఇవేకాకుండా తెలుగులో ఆయన ఇంకా చాలా మంచి పాటలు పాడారు. ఇక హిందీ విషయానికి వస్తే ఆయన పేరు విన్న వెంటనే చిత్‍చోర్ చిత్రాన్ని అందులోని "గొరి తెర గావ్ బడాప్యారా" పాటనీ గుర్తు చేసుకోని వారు ఎవరూ ఉండరేమో.

తెలుగులో బాగా ప్రాచుర్యాన్ని పొందిన పాటలు చాలా ఉన్నా నాకు ఎందుకో ఈ "నిండు చందమామ.." పాట చాలా ఇష్టం. సహజంగా జాబిలి అంటే ఉన్న ఇష్టం వల్లనో తెలియదు. తనగొంతులోని మాధుర్యమో తెలియదు. సాహిత్యం లోని అందమో తెలియదు కారణమేదైనా నాకు చాలా నచ్చిన పాట ఇది. మొదటి సారి అలవోకగా విన్నపుడు పాత పాట కనుక పి.బి. శ్రీనివాస్ గారు పాడారేమో అనుకున్నాను కానీ గొంతు ఏసుదాస్ గారిదిలా ఉందే అని తర్వాత క్యాసెట్ పై చూసి అచ్చెరువొందాను. ఈన అప్పుడే ’63 లోనే తెలుగు సినిమాకు పాడారా అని. ఆరుద్ర గారి సాహిత్యం మదిలో గిలిగింతలు పెడితే, కోదండపాణి గారి సంగీతం హాయిగా సాగిపోతుంది. ఇక ఏసుదాస్ గారి గాత్రం గురించి  చెప్పనే అక్కరలేదు. ప్రత్యేకించి "నిండు చందమామ" కు ముందు "ఓ ఓ ఓ ఒ ఒ ఒ ఓ.." అని పలికినపుడు ఆహా అనిపించక మానదు. మీరు కూడా విని ఆనందించండి.

ఈ పాట వినాలంటే చిమట మ్యూజిక్ కోసం ఇక్కడ క్లిక్ చేయండి.

చిత్రం : బంగారు తిమ్మరాజు (1963)
సంగీతం : యస్.పి. కోదండపాణి
సాహిత్యం: ఆరుద్ర
గానం : కె.జె.ఏసుదాస్

ఓ నిండు చందమామ నిగ నిగలా భామ
ఒంటరిగా సాగలేవు కలసి మెలసి పోదామా..
ఓ..ఓ..ఓ...ఒ ఒ ఒ ఓ నిండు చందమామ...

నిదురరాని తీయని రేయి నిను పిలిచెను వలపుల హాయి
మధురమైన కలహాలన్నీ మనసుపడే ముచ్చటలాయే..

నిదురరాని తీయని రేయి నిను పిలిచెను వలపుల హాయి
మధురమైన కలహాలన్నీ మనసుపడే ముచ్చటలాయే..

మేలుకున్న స్వప్నములోనా ఏల ఇంత బిడియపడేవూ..
మేలుకున్న స్వప్నములోనా ఏల ఇంత బిడియపడేవూ..
ఏలుకునే ప్రియుడను కానా లాలించగ సరసకు రానా..

ఓ ఓ ఓ నిండు

దోర వయసు ఊహలు నీలో దోబూచులు ఆడసాగే..
కోరుకున్న మురిపాలన్నీ కొసరి కొసరి చెలరేగే..

దోర వయసు ఊహలు నీలో దోబూచులు ఆడసాగే..
కోరుకున్న మురిపాలన్నీ కొసరి కొసరి చెలరేగే..

నీదు మనసు నీలో లేదూ నాలోనె లీనమయే..
నీదు మనసు నీలో లేదూ నాలోనె లీనమయే..
నేటినుంచి మేనులు రెండూ నెరజాణా ఒకటాయే..

ఓ..ఓ..ఓ...ఒ ఒ ఒ ఓ నిండు చందమామ....

ఏసుదాస్ గారి గురించి చెప్పి ’గొరితెర గావ్ బడా ప్యారా’ వీడియో ఇవ్వకుండా ముగించాలని అనిపించడం లేదు అందుకనే ఈ పాటకు తగ్గ విజువల్స్ తో కూర్చిన ఈ అందమైన వీడియో మీకోసం.

పూర్తిగా చదువు