ఆకాశ వీధిలో అందాల జాబిలీ...

మాంగల్య బలం చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : మాంగల్య బలం (1959)

సంగీతం : మాస్టర్ వేణు  

సాహిత్యం : శ్రీశ్రీ

గానం : ఘంటసాల, సుశీల  

ఆకాశ వీధిలో అందాల జాబిలీ

వయ్యారి తారను జేరి

ఉయ్యాలలూగెనే సయ్యాటలాడెనే

ఆకాశ వీధిలో అందాల జాబిలీ

వయ్యారి తారను జేరి

ఉయ్యాలలూగెనే సయ్యాటలాడెనే

ఆకాశ వీధిలో అందాల జాబిలీ

వయ్యారి తారను జేరి

ఉయ్యాలలూగెనే సయ్యాటలాడెనే

జలతారు మేలిమబ్బు

పరదాలు నేసీ తెరచాటు చేసీ

పలుమారు దాగి దాగి

పంతాలు పోయీ పందాలు వేసీ

అందాల చందామామ

దొంగాటలాడెనే దోబూచులాడెనే

ఆకాశ వీధిలో అందాల జాబిలీ

వయ్యారి తారను జేరి

ఉయ్యాలలూగెనే సయ్యాటలాడెనే

జడివాన హోరుగాలి

సుడిరేగి రానీ జడిపించబోని

కలకాలము నీవే నేనని

పలుబాసలాడీ చెలి చెంత చేరీ

అందాల చందామామ

అనురాగం చాటెనే నయగారం చేసెనే

ఆకాశ వీధిలో అందాల జాబిలీ

వయ్యారి తారను జేరి

ఉయ్యాలలూగెనే సయ్యాటలాడెనే 

 

Posted in: ఘంటసాల,పి.సుశీల,మాస్టర్ వేణు,శ్రీశ్రీ