శనివారం, ఆగస్టు 15, 2009

ఈ బ్లాగ్ ఎందుకంటే ??

అతిథులకు నమస్కారం. ఓ ఏడాది క్రితం నా ఙ్ఞాపకాలు పదిల పరచుకోవాలని మొదలు పెట్టిన నా బ్లాగ్ లో నా ఙ్ఞాపకాల కంటే పాటల గురించే ఎక్కువ టపాలు ప్రచురించాను. నాకు పాటలంటే అంత ఇష్టం. కానీ నేను ఏవిధమైన సంగీతం నేర్చుకోలేదు కేవలం శ్రోతని మాత్రమే.. అప్పుడప్పుడూ శ్రుతి, రాగం, తాళం లాటి వాటి తో పని లేకుండా పాటలు పాడుకుంటుంటాను. కాలేజి రోజులలో నా సౌండ్ బాగుందని ఒకటి రెండు సార్లు స్టేజ్ పై కూడా పాడనిచ్చారు లేండి అది వేరే విషయం. సరే ఇంత పాటల పిచ్చి ఉన్న నేను పాటల ప్రధానంగా ఒక బ్లాగ్ ప్రారంభిస్తే ఎలా ఉంటుంది అని చాలా రోజులగా ఆలోచించీ..చించీ..చించగా ఇప్పటికి దానికి ఒక కార్య రూపం ఇవ్వగలిగాను. తత్ఫలితమే ఈ బ్లాగు.

నా మరో బ్లాగ్ లో ఇప్పటి వరకూ పోస్ట్ చేసిన పాటలన్నీ ఇక్కడికి కాపీ చేశాను. వాటిని కాస్త సరిచేసి ఇండెక్సింగ్ చేయాలన్న ఆలోచనని ఎప్పటికి ఆచరణ లో పెడాతాను అనే విషయం ఇప్పుడే అడగకండి. ఇక ఈ బ్లాగ్ నుండి ఏమి ఆశించవచ్చు అంటారా? ముఖ్య విభాగాలు చూసిన వారు ఇప్పటికే ఓ అంచనాకి వచ్చి ఉంటారు. ముఖ్యంగా నాకు ఎనభైల లో వచ్చిన తెలుగు పాటలు ఇష్టం, ఇంకా విశ్వనాధ్ గారి పాటలు, వాటితో పాటు బాలమురళీ కృష్ణ గారి శాస్త్రీయ సంగీతమూ విని ఆనందిస్తాను. అలాగే మూడ్ ని పట్టి కొన్ని మాంచి మాస్ మసాలా పాటలూ, అదే చెవితో మైఖేల్ జాక్సన్ లాటి ఆంగ్ల సంగీత కారుల పాటలూ వింటాను (ఇవి చాలా సెలక్టివ్ అనుకోండి).

సో నే వినే పాట లలోనుండి వీలుని పట్టి నాకు నచ్చిన పాటలూ, ఆ పాట వినగానే నా మనసులో కదిలే ఙ్ఞాపకాలు, ఆపాట నాకు అందించే అనుభూతులు అన్నీ మీతో పంచుకుంటాను. ప్రతిపాటకూ సాహిత్యం తప్పని సరిగా ఇవ్వడానికి ప్రయత్నిస్తాను, ఇంకా లభ్యతని పట్టి ఆడియో / వీడియో లింకు లు, పాటకి సంబందించిన ఇతర వివరాలు కూడా ఇవ్వడానికి ప్రయత్నిస్తాను. ఓ విధంగా ఇది నా అన్లైన్ సినిమా పాటల పుస్తకం అని చెప్పచ్చనమాట, సరే మరి అలా అలా నా పాటల ప్రపంచం లో విహారించండి ఇక, ప్రస్తుతానికి శలవు.

3 comments:

మీ ఆన్లైన్ పాటలపుస్తకం చాలా బాగుంది.

ఓహ్... అయితే బోలెడు మంచి మంచి పాటల్ని వినొచ్చనమాట.

Thanks గీతిక గారు, తప్పకుండా మంచి పాటలను పరిచయంచేయడానికి ప్రయత్నిస్తాను.

venugaru..okka sari veelaite- backstreet boys, colonial cousins, suno lucky ali vintara..endukante nenu cheyyaleni pani meeru chestunnaruga..avi na patala thotaloni konni gulabeelu..hope u like them..vini me kalam palikinche bhavalu telusukovalani chinni kutuhalam..ante..

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail