ఆదివారం, జులై 31, 2016

నువ్వే నచ్చావు ప్రేమలా..

అహా నా పెళ్ళంట చిత్రం కోసం రఘుకుంచె స్వరపరచిన ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : అహనా పెళ్ళంట (2011)
సంగీతం : రఘుకుంచె 
సాహిత్యం : సిరాశ్రీ
గానం : చిత్ర

నీకోసం.. నీకోసం.. 
నువ్వే నచ్చావు ప్రేమలా.. 
నాతో కలిసావు నీడలా..
నువ్వే నచ్చావు ప్రేమలా.. 
నాతో కలిసావు నీడలా.. 
మౌనమే దాటని మాటలే నీవని.. 
కన్నులే కలవని కలయికె నీవనీ..

ఏవేవొ అనుకుంటున్నా.. 
ఎన్నెన్నొ కనుగొంటున్నా..
పులకింతలోనే ఉంటున్నా.. 
పులకింతలోనే ఉంటున్నా.. 
ఎదరాగమే వింటున్నా.. 
కనుతెరచి కలగంటున్నా..
ఇది వింత సుఖమే అంటున్నా..
ఇది వింత సుఖమే అంటున్నా..

ఆ మురళి రవళిలో సరిగమలా 
ఆ నిండు కడలిలో తొలి అలలా.. 
అర విచ్చుకున్న పూవనిలా.. 
ఆ నింగినున్న చిరు తారకలా..  
నీ చెలిమి కనిపిస్తూ ఉంది..
అని నాకు అనిపిస్తు ఉంది.

 

శనివారం, జులై 30, 2016

మనసా నువ్వుండే చోటే...

మున్నా చిత్రం కోసం హరీస్ జైరాజ్ స్వరపరచిన ఓ చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. 


చిత్రం : మున్నా (2007)
సంగీతం : హారిస్ జయరాజ్
రచన : కందికొండ
గానం : సాధనా సర్గం , నరేష్ అయ్యర్, క్రిష్ , హరిచరణ్

మనసా.. నువ్వుండే చోటే చెప్పమ్మా
మనసే.. నీకేదో చెప్పాలందమ్మా
నిన్నా మొన్నా ఈ వైనం నాలో లేదమ్మా
ఈ రోజేదో ఆనందం చంపేస్తుందమ్మా
మనసా.. నువ్వుండే చోటే చెప్పమ్మా
మనసే.. నీకేదో చెప్పాలందమ్మా
నిన్నా మొన్నా ఈ వైనం నాలో లేదమ్మా
ఈ రోజేదో ఆనందం చంపేస్తుందమ్మా

ఓ సోనా వెన్నెల సోనా..నేనంతా నువ్వయ్యానా
నీ రూపూ రేఖల్లోనా .. నేనుండీ వెలుగైపోనా
ఓ సోనా వెన్నెల సోనా.... నీ వాలే కన్నుల్లోనా
నా చిత్రం చిత్రించెయినా..కనుపాపైపోనా

నీవే తోడని నిజంగా..నీలో చేరితి క్రమంగా
నీవుంటే ఒక యుగమే..అయిపోయే ఇక క్షణమే
తెలుసా తెలుసా ఇది తెలుసా
మార్చేసావే నా ఈ వరసా
నువ్వు మార్చేసావే నా ఈ వరసా

ఓ సోనా వెన్నెల సోనా..రేపావే అల్లరి చానా
చెక్కిల్లో చుక్కైపోనా..చూపుల్తో చుట్టేసెయ్ నా
ఓ సోనా వెన్నెల సోనా..ముంగిట్లో ముగ్గైరానా
ముద్దుల్తో ముంచేసెయ్ నా..కౌగిలికే రానా

మనసా.. నువ్వుండే చోటే చెప్పమ్మా
మనసే.. నీకేదో చెప్పాలందమ్మా
నిన్నా మొన్నా ఈ వైనం నాలో లేదమ్మా
ఈ రోజేదో ఆనందం చంపేస్తుందమ్మా

కూసే కోయిల స్వయంగా..వాలే వాకిట వరంగా
నీ ఊసే అది తెలిపే..మౌనంగా మది మురిసే
కలిసా కలిసా నీతో కలిసా
నీలో నిండీ అన్నీ మరిచా
హో నీలో నిండీ అన్నీ మరిచా

ఓ సోనా వెన్నెల సోనా..నీవైపే వచ్చానమ్మా
నీ ఊహే కన్నానమ్మా..నా ఊసే పంపానమ్మా
ఓ సోనా వెన్నెల సోనా..నీ గుండె చప్పుల్లోనా
నా ప్రాణం నింపానమ్మా....నిను చేరానమ్మా !

మనసా.. నువ్వుండే చోటే చెప్పమ్మా
ఓ మనసే.. నీకేదో చెప్పాలందమ్మా
నిన్నా మొన్నా ఈ వైనం నాలో లేదమ్మా
ఈ రోజేదో ఆనందం చంపేస్తుందమ్మా

ఓ సోనా వెన్నెల సోనా..నేనంతా నువ్వయ్యానా
ఓ సోనా వెన్నెల సోనా..నీ వాలే కన్నుల్లోనా


శుక్రవారం, జులై 29, 2016

నీ స్టైలే నాకిష్టం...

మణిశర్మ స్వరపరచిన రాఘవేంద్ర చిత్రం నుండి ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమె వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కొవచ్చు. పూర్తి పాట ఇక్కడ వినవచ్చు.


చిత్రం : రాఘవేంద్ర (2003)
సంగీతం : మణిశర్మ 
సాహిత్యం : సుద్దాల అశోక్ తేజ
గానం : హరీష్ రాఘవేంద్ర, సుజాత

నీ స్టైలే నాకిష్టం నీ స్మైలే నా ప్రాణం
నువు నాకోసం ఇక సంతోషం
అంతొద్దు లేమ్మా ఈ స్నేహం చాలమ్మా
నువు నా బంధం ఇది ఆనందం
తెలిసి తెలియని నా మనసే
తరుముతున్నది నీకేసే
తడిసి తడియని నీ కురులే
పలుకుతున్నది నా పేరే

నీ స్టైలే నాకిష్టం నీ స్మైలే నా ప్రాణం
నువు నాకోసం ఇక సంతోషం

నీవు మాటాడితే ప్రాణం లేచి వస్తుందిరా
పలకకున్నా సరే నీపై మోజు కలిగెలేరా
అందరీ తీరుగా నేను తెలుగు కుర్రాణ్ణిగా
ఎందుకే ఇంతగా పిచ్చి ప్రేమ చాలిక
నీ మగసిరి నడకలలోన
తెలియని మత్తేదో ఉందిరా
అది నన్ను తడిపి ముద్ద చేసే
పగలే కల కంటున్నావో
కలవరింతలో ఉన్నావో
ఊహ నుండి బయటకు రావమ్మో

నీ స్టైలే నాకిష్టం నీ స్మైలే నా ప్రాణం
నువు నాకోసం ఇక సంతోషం

నూటికో కోటికో నీలా ఒక్కరుంటారురా
సూటిగా చెప్పనా నీలో కోపం నచ్చేరా
ప్రేమని గుడ్డిది అంటే నమ్మలేదెన్నడూ
నమ్మక తప్పదు నిన్నే చూశా ఇప్పుడు
నీ కంటి బొమ్మల విరుపు
నీచులపై కొరడా చరుపు
అది నీపై వలపే కలిపెరా
పూవంటి హృదయంలోన 
తేనంటిమనసే నీది
నీ ప్రేమకు ఇదిగో జోహారే

నీ స్టైలే నాకిష్టం నీ స్మైలే నా ప్రాణం
నువు నాకోసం ఇక సంతోషం
అంతొద్దు లేమ్మా ఈ స్నేహం చాలమ్మా
నువు నా బంధం ఇది ఆనందం
తెలిసి తెలియని నా మనసే
తరుముతున్నది నీకేసే
తడిసి తడియని నీ కురులే
పలుకుతున్నది నా పేరే

నీ స్టైలే నాకిష్టం నీ స్మైలే నా ప్రాణం
నువు నాకోసం ఇక సంతోషం

 

గురువారం, జులై 28, 2016

నాలో నేను లేనే లేను...

చక్రి స్వరసారధ్యంలో వంశీ గారి దర్శకత్వంలొ వచ్చిన ఓ చక్కని పాటను ఈ రోజు తలచుకుందాం. ఈ పాట ఆడియో మాత్రమె వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. పూర్తిపాట ఇక్కడ వినవచ్చు.


చిత్రం : అవును వాళ్ళిద్దరు ఇష్టపడ్డారు (2002)
సంగీతం : చక్రి
సాహిత్యం : సిరివెన్నెల
గానం : సాందీప్, కౌసల్య

నాలో నేను లేనే లేను
ఎపుడో నేను నువ్వయ్యాను
అడగక ముందే అందిన వరమా
అలజడి పెంచే తొలి కలవరమా
ప్రేమ ప్రేమ ఇది నీ మహిమా
ప్రేమ ప్రేమ ఇది నీ మహిమా


మొన్న నిన్న తెలియదే అసలు
మొన్న నిన్న తెలియదే అసలు
మదిలోన మొదలైన ఈ గుసగుసలు
ఏం తోచనీకుంది తీయని దిగులు
రమ్మని పిలిచే కోయిల స్వరమా
కమ్మని కలలే కోరిన వరమా
ఎందాక సాగాలి ఈ పయానాలు
ఏ చోట ఆగాలి నా పాదాలు 
 
నాలో నేను లేనే లేను
ఎపుడో నేను నువ్వయ్యాను
అడగక ముందే అందిన వరమా
అలజడి పెంచే తొలి కలవరమా
ప్రేమ ప్రేమ ఇది నీ మహిమా
ప్రేమ ప్రేమ ఇది నీ మహిమా

ఎన్నో విన్నా జంటల కధలు
ఎన్నో విన్నా జంటల కధలు
నను తాకనే లేదు ఆ మధురిమలు
కదిలించనే లేదు కలలు అలలు
గత జన్మలో తీరని రుణమా
నా జంటగా చేరిన ప్రేమా
నా ప్రాణమే నిన్ను పిలిచిందేమో
నా శ్వాసతో నిన్ను పెంచిందేమో

నాలో నేను లేనే లేను
ఎపుడో నేను నువ్వయ్యాను
అడగక ముందే అందిన వరమా
అలజడి పెంచే తొలి కలవరమా
ప్రేమ ప్రేమ ఇది నీ మహిమా
ప్రేమ ప్రేమ ఇది నీ మహిమా 
 
 

బుధవారం, జులై 27, 2016

పాడనా వేణువునై...

సత్యం గారి స్వరకల్పనలొ వేటూరి వారు రచించిన ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : సుందరి సుబ్బారావ్ (1984)
సంగీతం : సత్యం
సాహిత్యం : వేటూరి
గానం : బాలు, జానకి(ఆలాపన)

పాడనా వేణువునై నీవు నా ప్రాణమై
పాడనా వేణువునై నీవు నా ప్రాణమై
నా జీవన బృందావని లో
ప్రియ దర్శన రస మాధురిలో

పాడనా వేణువునై  నీవు నా ప్రాణమై

చెలీ! సఖీ! ప్రియే! చారుశీలే! అనీ..
తలచి తనువు మరచి కలలు కన్నానులే
కాముడిలా సుమ బాణాలు వేసి
కదిలిన నీ చలి కోణాలు చూసి
ఆమనిలో సుమ గంధాలు పూసి
కవితలుగా నవ వేదాలు రాసి
మోవికి తగిలి ముద్దుల మురళి
కౌగిళ్ళలో ప్రియ కళ్యాణిలో
సంగీతమే పాడిందిలే

పాడనా వేణువునై నీవు నా ప్రాణమై

కలం..గళం..స్వరం నాకు నీవేననీ
మధుర ప్రణయ కవిత పాడుకున్నానులే
నీలో అలిగే అందాల రూపం
నాలో వెలిగే శృంగార దీపం
నీలో కరిగే ఆ ఇంద్ర చాపం
నాలో జరిగే అమృతాభిషేకం
సన్నని కులుకే వెన్నెల చినుకై
రమ్మందిలే మనసిమ్మందిలే
నీ రాగమే పాడిందిలే

పాడనా వేణువునై నీవు నా ప్రాణమై
నా జీవన బృందావని లో
ప్రియ దర్శన రస మాధురిలో

పాడనా వేణువునై నీవు నా ప్రాణమై

మంగళవారం, జులై 26, 2016

మనసేమో చెప్పిన మాటే...

యువరాజు చిత్రం కోసం రమణ గోగుల స్వరపరచిన ఒక చక్కని మెలొడీని ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : యువరాజు (2000)
సంగీతం : రమణ గోగుల 
సాహిత్యం : వేటూరి
గానం : చిత్ర, రమణగోగుల

మనసేమో చెప్పిన మాటే వినదు.. అది ఏమో ఇవాళ
పెదవుల్లో దాచినదసలే అనదు.. అనరాని నిజాలా
ఏ మాయ చేసాయో ఏ మత్తు జల్లాయో
ఆ కళ్ళే ఆశలతో వయస్సులో
ఓ నిమిషం నిట్టూర్పు ఓ నిమిషం మైమరపు
అదేమిటో ఈ కధేమిటో

అధరం మధురం నయనం మధురం
వచనం మధురం వదనం మధురం
చరణం మధురం మధురం మధురం
శ్రీ మధురాధిపతి రఖిలం మధురం

నా పరువం ప్రణయం పయనం పరుగులే నీ కోసం
నా హృదయం వదనం నయనం అడిగెను నీ స్నేహం
నీ రూపమే ఆలాపనై నీ చూపుకే నీ దాననై
మౌనాలలో దాచానులే రాగాలిలా మోగాలిలా

ఓహోహో...హో..ఓ..ఓఓ....ఓఓఓఓ....

ఆ… సరసం విరసం విరహం సరిగమ సంగీతం
ఆ… చరణం చలనం గమనం ఇపుడిక నా సొంతం
అనుకున్నదే చెప్పాలని అనుకోనిదే అడగాలని
ఊరేగిన నా ఊహలో మేఘాలలో తేలానులే
ఓహోహో...హో..ఓ..ఓఓ....ఓఓఓఓ....

మనసేమో చెప్పిన మాటే వినదు.. అది ఏమో ఇవాళ
పెదవుల్లో దాచినదసలే అనదు.. అనరాని నిజాలా
ఏ మాయ చేసాయో ఏ మత్తు జల్లాయో
ఏ మాయ చేసాయో ఏ మత్తు జల్లాయో

  

సోమవారం, జులై 25, 2016

ఏరువాక సాగుతుండగా...

ఒకేఒక్కడు చిత్రం కోసం రహ్మన్ స్వరపరచిన ఒక అందమైన పాట ఈ రోజు తలచుకుందాం. ఈ పాట ఆడియో మాత్రమె వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : ఒకే క్కడు (1999)
సంగీతం : ఎ ఆర్ రెహ్మాన్
రచన : ఎ. ఎం.రత్నం, శివగణేశ్.
గానం : స్వర్ణలత, శ్రీనివాస్.

ఎలేలే... ఏ... ఏ... ఏలేలే... ఏ...
ఏరువాక సాగుతుండగా
చెట్టు పైరగాలి వీస్తుండగా
నే నేరు దాటి అయ్యకేమో
సద్దికూడు తీసుకెళ్ళా
ఎన్నో మంచి మంచి శకునాలు
చూసి నేను మురిసిపోయా

ఒకవైపు కన్నదిరే
మరువైపు మేనదిరే
వీధుల్లో నిండిన కుండలు
మ్రోగెను గంటలు ఏలనో
ఒక పూలమ్మి ఎదురొచ్చె
పాడి ఆవొకటి కనిపించె
ఇక ఏమౌతుందో ఏటౌతుందో
ఈ చిన్నదాన్ని దైవం మెచ్చి
వరమిచ్చునో

సొంపైన సంపంగి
నీ చెంపలోన కెంపు ఉంది
నా కళ్ళలోన గూడుగట్టి
చెవిలోన పాడే చిలకా
నువ్వు అందకుండ పోతుంటే
నన్ను వీడి పోవు వయసు


 

ఆదివారం, జులై 24, 2016

ఓ సారి నీ చెయ్యే తాకి...

కీరవాణి గారు స్వరపరచిన ఓ మాంచి రొమాంటిక్ సాంగ్ ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : ఈ అబ్బాయి చాలా మంచోడు(2003)
సంగీతం : కీరవాణి
సాహిత్యం : చంద్రబోస్
గానం : బాలు, చిత్ర

ఓ సారి నీ చెయ్యే తాకి ఓ సారి నీ చెంపే నొక్కి
ఓ సారి ఇంకేదో చెయ్యాల
ఓ సారి నీ కాలే తొక్కి ఓ సారి నీ ఒళ్ళే రక్కి
ఓ సారి ఏదేదో కావాల

పొగరే దిగనీ సొగసే కందనీ
అనుభూతి మనదైన వేళ
ఏహే.. హేహే..ఏహే.. 
ఓ సారి నీ చెయ్యే తాకి ఓ సారి నీ చెంపే నొక్కి
ఓ సారి ఇంకేదో చెయ్యాల

ముద్దాడనా.. పెదవిని వలదని
నడుమును ముద్దాడుకో

వాటేయ్యనా.. ఎదురుగ వలదని
వెనకగ వాటేసుకో

చిన్నంగ నీ చెవిని స్పృశియించనా
నున్నంగా నీ వేళ్ళు నిమిరేయనా
ఆ పై లంఘించి విజృంభించి వివరించనా
నిదురా వద్దులే బెదురా లేదులే
చూడాలి శృంగార మేళ
 
ఓ సారి నీ చెయ్యే తాకి ఓ సారి నీ చెంపే నొక్కి
ఓ సారి ఇంకేదో చెయ్యాల

వేధించనా.. సరసవు సగమున
విడిపడి వేధించుకో
వడ్డించనా.. అడగని క్షణమున
ఎగబడి వడ్డించుకో
నా పట్టు వస్త్రాలు వదిలెయ్యనా
నీ గట్టి ఒత్తిళ్ళు తరియించనా
అంతా అయిపోతే తెగ సిగ్గేసి తల వంచనా
ఏహే..లాలా..ఏహె..లాలా..
వ్రతమే చెడనీ ఫలమే అందనీ
చేరాలి స్వర్గాల మూల


ఓ సారి నీ చెయ్యే తాకి ఓ సారి నీ చెంపే నొక్కి
ఓ సారి ఇంకేదో చెయ్యాల
ఓ సారి నీ కాలే తొక్కి ఓ సారి నీ ఒళ్ళే రక్కి
ఓ సారి ఏదేదో కావాల 

 

శనివారం, జులై 23, 2016

నువు లేక వెన్నెలంత...

మణిరత్నం దర్శకత్వంలొ వచ్చిన గురుకాంత్ చిత్రం కోసం రహ్మాన్ స్వరపరచిన ఓ అందమైన పాట ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : గురుకాంత్ (2007)
సంగీతం : ఎ.ఆర్.రహ్మాన్
సాహిత్యం : వేటూరి
గానం : ఏ.ఆర్.రహ్మాన్, చిన్మయి, కదిర్

దందర దందర మస్తు మస్తు.
దర దందర దందర మస్తు మస్తు.
దర దందర దం దం..
నీ తోనే జీవితమెంతైనా
దందర దందర మస్తు మస్తు.
దర దందర దందర మస్తు మస్తు.
దర దందర దం దం..
నీ నీడై నేనిక సాగేనా..

నువ్వు లేక వెన్నెలంత
వేసవాయే సఖియా. ఓ సఖియా.
నువ్వు లేక వెన్నెలంత
వేసవాయే సఖియా. ఓ సఖియా.
హొ... రుచేలేదు ఏ రాత్రి..
కాటేసే కదా కలైనా..
నువ్వు లేక వెన్నెలంత
వేసవాయే సఖియా. ఓ సఖియా.
నువ్వు లేక వెన్నెలంత
వేసవాయే సఖియా. ఓ సఖియా హొ...

దందర దందర మస్తు మస్తు.
దర దందర దందర మస్తు మస్తు.
దర దందర దం దం..
నీ తోనే జీవితమెంతైనా.
దందర దందర మస్తు మస్తు.
దర దందర దందర మస్తు మస్తు.
దర దందర దం దం..
నీ నీడై నేనిక సాగేనా..

ఓఓహొ.హొ..ఓఓ...

ఏదో చాకిరీకి పోకే సవతీ ఊసు ఎత్తబోకె
నీకై వసంతాలు వెతికీ. వేసారే...
బిక్కు బిక్కు బెంగపడ్డ ఆ రాతిరి
గడవదుగా ఈ ఘడియ.
అబ్బ నువ్వు లేక సఖియా సఖియా..
కావే కలైనా కాలాలు కాటేసే ఓ ప్రియా
నువ్వు లేక వెన్నెలంత
వేసవాయే సఖియా. ఓ సఖియా. హో..

దందర దందర మస్తు మస్తు.
దర దందర దందర మస్తు మస్తు.
దర దందర దం దం..
నీ తోనే జీవితమెంతైనా.

ఓ.ఓ.. ఓఓ.. నీవు లేక ఆ... ఆఆ..
నీవు లేక జాబిలి జాలి కోరెనే..
పసిడి పచ్చ దూళి ఊరంతా చల్లెనే..
నువ్వు లేక సిరులే కరిగే..
నువ్వు తాక చీకటి వెలిగే..
జతే చేరుకో నాప్రియా..

దందర దందర మస్తు మస్తు.
దర దందర దందర మస్తు మస్తు.
దర దందర దం దం..
నీ నీడై నేనిక సాగేనా..

నువ్వు లేక వెన్నెలంత
వేసవాయే ఓ సఖా. నా సఖా.
నువ్వు లేక వెన్నెలంత
వేసవాయే సఖియా. ఓ సఖియా హొ...
రుచేలేదు ఏ రాత్రి.. కాటేసే కదా కలైనా..

దందర దందర మస్తు మస్తు.
దర దందర దందర మస్తు మస్తు.
దర దందర దం దం..
నీ తోనే జీవితమెంతైనా.

ఓ..హో.ఓహో..ఓహో..ఓఓఓఓ...

దందర దందర మస్తు మస్తు.
దర దందర దందర మస్తు మస్తు.
దర దందర దం దం..
నీ నీడై నేనిక సాగేనా..

 

శుక్రవారం, జులై 22, 2016

దిల్ సే దిల్ సే నీ ఊహల్లో...

గబ్బర్ సింగ్ చిత్రంలోని ఒక హుషారైన గీతాన్ని ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : గబ్బర్ సింగ్ (2012)
సంగీతం : దేవీశ్రీప్రసాద్
సాహిత్యం : భాస్కరభట్ల
గానం : కార్తీక్, శ్వేతా మోహన్

దిల్ సే దిల్ సే నీ ఊహల్లో
ఎగసే ఎగసే ఆనందంలో
పడి దొర్లేస్తున్నా నీలాకాశంలో
మెరిసే మెరిసే నీ కన్నుల్లో
కురిసే కురిసే నీ నవ్వుల్లో
చెలి దూకేస్తున్నా తికమక లోయల్లో
తొలి తొలి చూపుల మాయా
తొలకరిలో తడిసిన హాయా
తనువున తకదిమి చూశా ఓ ప్రియా
గుండె జారి గల్లంతయ్యిందే
తీరా చూస్తే నీ దగ్గర ఉందే
నీలో ఏదో తియ్యని విషముందే
నా ఒంట్లోకి సర్రున పాకిందే

దిల్ సే దిల్ సే నీ ఊహల్లో
ఎగసే ఎగసే ఆనందంలో
పడి దొర్లేస్తున్నా నీలాకాశంలో

నా గుండెలోన మ్యాండొలిన్ మోగుతున్నదే
ఒళ్ళు తస్సదియ్య స్ప్రింగు లాగ ఊగుతున్నదే
ఓ.. సనమ్ నాలో సగం
పైట పాలపిట్ట గుంపులాగ ఎగురుతున్నదే
లోన పానిపట్టు యుద్ధమేదొ జరుగుతున్నదే
నీ.. వశం నేనే కసమ్
పిల్లి కళ్ళ చిన్నదాన్ని మళ్ళి మళ్ళి చూసి
వెల్లకిల్ల పడ్డ ఈడు ఈల వేసే
కల్లు తాగి కోతిలాగ పిల్లిమొగ్గలేసే
 
గుండె జారి గల్లంతయ్యిందే
తీరా చూస్తే నీ దగ్గర ఉందే
నీలో ఏదో తియ్యని విషముందే
నా ఒంట్లోకి సర్రున పాకిందే

రెండు కళ్ళలోన కార్నివల్ జరుగుతున్నదే
వింత హాయి నన్ను వాలీబాల్ ఆడుతున్నదే
ఈ.. సుఖం అదో.. రకం
బుగ్గ పోస్టుకార్డు ముద్దు ముద్దరెయ్యమన్నదే
లేకపోతె సిగ్గు ఊరుదాటి వెళ్లనన్నదే
ఈ.. క్షణం నిరీక్షణం
హే.. చుక్కలాంటి చక్కనమ్మ నాకు దక్కినావే

చుక్క వేసుకున్న ఇంత కిక్కు రాదే
లబ్ డబ్ మాని గుండె ఢంఢనాక ఆడే.. హో..
 
గుండె జారి గల్లంతయ్యిందే
తీరా చూస్తే నీ దగ్గర ఉందే
నీలో ఏదో తియ్యని విషముందే
నా ఒంట్లోకి సర్రున పాకిందే

దిల్ సే దిల్ సే నీ ఊహల్లో
ఎగసే ఎగసే ఆనందంలో
పడి దొర్లేస్తున్నా నీలాకాశంలో
మెరిసే మెరిసే నీ కన్నుల్లో
కురిసే కురిసే నీ నవ్వుల్లో
చెలి దూకేస్తున్నా తికమక లోయల్లో హో..

 

గురువారం, జులై 21, 2016

మెల మెల్లగా చిగురించెనే...

వెంకటాద్రి ఎక్స్ ప్రెస్ చిత్రం కోసం రమణ గోగుల స్వరపరచిన ఒక చక్కని పాట ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : వెంకటాద్రిఎక్స్ ప్రెస్ (2013)
సంగీతం : రమణగోగుల
సాహిత్యం : కాసర్ల శ్యామ్
గానం : శ్వేతా మోహన్, అంజనా సౌమ్య

మెల మెల్లగా చిగురించెనే
నా మనసులో ఓ కోరికా
మరుమల్లెలా వికసించెనే
ఎదలోతులో ఈ కలయికా

పెదవంచులుదాటి మౌనమే దిగివచ్చెను నేలా
పొగమంచును మీటినా కిరణమే తెచ్చెను హాయిలా
నిలువెల్లా నిండిపోయెనే నువ్వేనేనులా

ఐ లవ్యు సో.. ఐ లవ్యు సో...
ఐ లవ్యు సో.. ఐ లవ్యు సో...

మెల మెల్లగా చిగురించెనే
నా మనసులో ఓ కోరికా

అనుకోని తీరమైనా నిను నేను చేరనా
చిరుగాలి తాకుతున్నా చిగురాకులా
ననుచూసి ఇలా నాక్కూడా కొత్తగ ఉందికదా
కలకాదు కదా నీ వెంట ఉన్నది నేనేగా

ఐ లవ్యు సో.. ఐ లవ్యు సో...
ఐ లవ్యు సో.. ఐ లవ్యు సో...

మెల మెల్లగా చిగురించెనే
నా మనసులో ఓ కోరికా

మెరుపల్లె చేరువైతే చినుకల్లె మారనా
నీలోన నేనుకరిగీ పులకించనా
నీకోసమిలా కదిలేటి నిముషమునాపేస్తా
నీతోడుఅలా సాగేటి కాలమె నేనౌతా

ఐ లవ్యు సో.. ఐ లవ్యు సో...
ఐ లవ్యు సో.. ఐ లవ్యు సో...

మెల మెల్లగా చిగురించెనే
నా మనసులో ఓ కోరికా

 

బుధవారం, జులై 20, 2016

చిటికెయ్యవే చినదానా..

రాధాకళ్యాణం చిత్రం కోసం మహదేవన్ గారు స్వరపరచిన ఒక అందమైన పాటను ఈ రోజు తలచుకుందాం. ఈ పాట ఆడియో మాత్రమె వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కొవచ్చు. 


చిత్రం : రాధా కళ్యాణం (1981)
సంగీతం : కె.వి. మహదేవన్
సాహిత్యం : సినారె
గానం : బాలు, సుశీల

ఫాలఘాట్ మాధవన్.. పాటంటే ధనాధన్..
మదరాశి మాధవన్.. మాటంటే ఝణాఝన్
నా.. చాన్స్ దొరికితే కానా.. ఆ.. ఆ..
మ మ మ మ.. మహదేవన్..

చిటికెయ్యవే చినదానా.. చిందెయ్యవే తందానా
చిటికెయ్యవే చినదానా.. చిందెయ్యవే తందానా
నీ చిటికెల చినుకుల చిత్తుగా తడిసి
పూటకొక్క పాటకట్టి.. పాటతోనె కోటకట్టి..
కోటలోన నిన్నుపెట్టి
చిటికెయ్యవే చినదానా.. చిందెయ్యవే తందానా

పనిపమ... రిమపనిపమ..
రిమపని పమ మపమరి రిమరిస రిపమప
మెత్తగా పదమెత్తగా..
కుసుమించిన అందెల గుండెలు ఘల్లనా
మపమరి సరిమపమరి
నిస రిసమరి మపనిప మరిరిస సనినిసప
ఆడగా.. నడుమాడగా..
జడ వంపు మరో మరుడెత్తిన విల్లనగా
సుస్వర భాస్వర సురుచిర లయఝరిగా..
సనిపమ రిసనిపని

హా.. చిటికెయ్యవే చినదానా.. చిందెయ్యవే తందానా

కొప్పులోని జాజిపూలు
ఘుమఘుమలే మా సరిగమలన్నాయి
గుండెలోని పొంగులేమో
గుసగుసలే మా పల్లవులన్నాయి

కొప్పులోని జాజిపూలు
ఘుమఘుమలే మా సరిగమలన్నాయి
గుండెలోని పొంగులేమో
గుసగుసలే మా పల్లవులన్నాయి

తకధిమి అంటూ ఆడే అడుగులు
తామే చరణాలన్నాయి
ఎదలో తీయని కదలికలేమో
మృదంగ నాదాలన్నాయి

ఓరి మాధవా.. ఆ.. ఓరి మాధవా..
నా అణువణువున కేరళ గీతాలున్నాయి
కేరళ గీతాలున్నాయి.. కేరళ గీతాలున్నాయి

లలలాలల లలలాల..
లలలాలల లలలాల
లలలాలల లలలాల..
ఉహుహుహు.. ఉహుహు.. 


మంగళవారం, జులై 19, 2016

జై షిరిడీ నాథా..

గురుపౌర్ణమి సంధర్బంగా శ్రీ షిరిడీ సాయిబాబా మహత్యం చిత్రం కోసం రామకృష్ణ గారు గానం చేసిన ఈ దండకాన్ని తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : శ్రీ షిరిడీ సాయిబాబా మహత్యం
సంగీతం : ఇళయరాజా
సాహిత్యం :
గానం : రామకృష్ణ

జై శ్రీ షిరిడీ నాథా.. సాయిదేవా.. ప్రభో..
శ్రీమన్ మహాదేవ దేవేశ షిరిడీశ సాయీశ
వాగీశ నాగేశ లోకేశ విశ్వేశ సర్వేశ పాహిమాం పాహిమాం

బృందారకానేక సందోహ సంసేవ్య
సారుప్య సామీప్య సాయుజ్య సామ్రాజ్య సంధాయక
వేద వేదాంగ సర్వార్థ వాక్యార్థ సంభావనాధూర్య
జేజియమాన ప్రతాపా చిత్ స్వరూపా
శశి సూర్య నేత్రాగ్ని తేజో స్వరూపా
విశ్వ విఖ్యాత రూపా సాయిదేవా పాహిమాం పాహిమాం

దీనాలి దీనార్తి రోగార్తి విచ్ఛేధనా
భవ్య దివ్యఔషధ ప్రభావా
అచించ స్వరూపా ఆనంద సందాయకా
బహుజన్మ ప్రారభ్ద భాధావినిర్ముక్త సాద్గుణ్య
శ్రీ షిరిడీ బాబా ప్రభో పాహిమాం పాహిమాం..

దేవాధి దేవా సమస్తంబు
కల్పింప పాలింప దూలింపగా
పెక్కు దివ్యావతారంబులన్ బొందు
నీ పాద పంకేరుహధ్యాన  పారీణ
సుస్వాంతులయ్యపు భక్తాళి నిన్ బ్రోవవే
దేవతా చక్రవర్తి శ్రీ ద్వారకామాయి వాసా
శ్రీ షిరిడీ బాబా నమస్తే నమస్తే నమః


సోమవారం, జులై 18, 2016

అల్లిబిల్లి కలలా రావే...

వంశీ ఇళయరాజాల కాంబినేషన్ లో వచ్చిన ఓ మధుర గీతాన్ని ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : చెట్టు కింద ప్లీడరు (1989)
సంగీతం : ఇళయరాజా
సాహిత్యం : వెన్నెలకంటి
గానం : బాలు, చిత్ర

అల్లిబిల్లి కలలా రావే
అల్లుకున్న కధలా రావే
అల్లిబిల్లి కలలా రావే
అల్లుకున్న కధలా రావే
మల్లెపూల చినుకై రావే
పల్లవించు పలుకై రావే
వేచే ఎదలో వెలుగై రావే

అల్లిబిల్లి కలలా రానా... ఆహ
అల్లుకున్న కధలా రానా... ఆహ
మల్లెపూల చినుకై రానా
పల్లవించు పలుకై రానా
వేచే ఎదలో వెలుగై రానా

అల్లిబిల్లి కలలా రావే... ఆహ
అల్లుకున్న కధలా రావే.... ఆహ
అల్లిబిల్లి కలలా...

సోగకళ్ళ విరిసే సొగసే గోగుపూలు కురిసే
రాగమైన పిలుపే తెలిపే మూగగుండె వలపే
రెప్పచాటు చూపే నేడు రెక్కలొచ్చి ఎగిసే
నిన్న కన్న కలలే నేడు నిన్నుకోరి నిలిచే
ఏల బిగువా ఏలుకొనవా ప్రేమకధ వినవా

అల్లిబిల్లి కలలా రానా... ఆహ
అల్లుకున్న కధలా రానా... ఆహ
అల్లిబిల్లి కలలా

ఆ ఆ ఆ...

జావళీలు పాడే జాణ జాబిలమ్మ తానై
గుండె నిండి పోయే చానా వెండి మబ్బు తానై
సంగతేదొ తెలిపే తలపే సంగతులు పలికే
దూరమింక చెరిపే వలపే దోరనవ్వు చిలికే
మేనికులుకే తేనెచినుకై పూల జల్లు కురిసే

అల్లిబిల్లి కలలా రావే... ఆహ
అల్లుకున్న కధలా రావే... ఆహ
అల్లిబిల్లి కలలా రానా...
అల్లుకున్న కధలా రానా... ఆహ
మల్లెపూల చినుకై రావే
పల్లవించు పలుకై రావే
వేచే ఎదలో వెలుగై రానా

అల్లిబిల్లి కలలా రావే
అల్లుకున్న కధలా రానా
అల్లిబిల్లి కలలా...

 

ఆదివారం, జులై 17, 2016

దేవత ఓ దేవత...

రామజొగయ్య శాస్త్రి గారు రాసిన ఓ చక్కని ప్రేమ గీతాన్ని ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : పోటుగాడు
సంగీతం : అచ్చు
సాహిత్యం : రామజోగయ్య శాస్త్రి
గానం : కార్తిక్

ఇది వరకిటువైపుగా రాలేదుగా నా కల
చేజారినదేమిటో తెలిసిందిగా ఈ వేళ
చిమ్మ చీకటి నిన్నలో దాగింది నా వెన్నెల
మరు జన్మము పొందేలా సరికొత్తగా పుట్టానే మరల

దేవత ఓ దేవత
నా మనసునే మార్చావే
ప్రేమతో నీ ప్రేమతో నను మనిషిగా మలిచావే
దేవత ఓ దేవత
నా మనసునే మార్చావే
ప్రేమతో నీ ప్రేమతో నను మనిషిగా మలిచావే
ఓ......ఓ......ఓ...

ఓహో..హో..హో...హో
నా గుండే కదలికలో వినిపించే స్వరము నువే
నే వేసే అడుగు నువే నడిపించే వెలుగు నువే
నా నిన్నలనే మరిపించేలా మాయేదో చేశావే
అనురాగపు తీపిని నాకు రుచి చూపించావే అమ్మల్లే

దేవత ఓ దేవత
నా మనసునే మార్చావే
ప్రేమతో నీ ప్రేమతో నను మనిషిగా మలిచావే
దేవత ఓ దేవత
నా మనసునే మార్చావే
ప్రేమతో నీ ప్రేమతో నను మనిషిగా మలిచావే
ఓ......ఓ......ఓ...

ఓహో..హో..హో...హో
నీ వల్లే కరిగిందే మనసంతా కను తడిగా
నిజమేదో తెలిసేలా నలుపంతా చెరిగెనుగా
గత జన్మల ఋణబంధముగా కలిశామే చెలితీగా
ఇకపై నేనెప్పటికి నీ ఊపిరిగాలల్లే ఉంటాగా

దేవత ఓ దేవత
నా మనసునే మార్చావే
ప్రేమతో నీ ప్రేమతో నను మనిషిగా మలిచావే
దేవత ఓ దేవత
నా మనసునే మార్చావే
ప్రేమతో నీ ప్రేమతో నను మనిషిగా మలిచావే
ఓ......ఓ......ఓ...

 

శనివారం, జులై 16, 2016

లైఫ్ ఈజ్ బ్యూటిఫుల్...

లైఫ్ ఈజ్ బ్యూటిఫుల్ చిత్రంలోని ఒక హుషారైన పాటను ఈ రోజు తలచుకుందాం. ఈ పాట ఆడియో ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : లైఫ్ ఈజ్ బ్యూటిఫుల్ (2012)
సంగీతం : మిక్కీ జె.మేయర్
సాహిత్యం : అనంత శ్రీరామ్
గానం : కె.కె.

అహ అహ అది ఒక ఉదయం
ఆశలను తడిమిన సమయం
ఆ క్షణమే పిలిచెను హృదయం
లే అని లేలే అని...
జిల్లుమని చల్లని పవనం
ఆ వెనకే వెచ్చని కిరణం
అందరిని తరిమెను త్వరగా
రమ్మని రా రమ్మని
వేకువే వేచిన వేళలో
లోకమే కోకిలై పాడుతుంది

లైఫ్ ఈజ్ బ్యూటిఫుల్ లైఫ్ ఈజ్ బ్యూటిఫుల్
లైఫ్ ఈజ్ బ్యూటిఫుల్ లైఫ్ ఈజ్ బ్యూటిఫుల్
 
లైఫ్ ఈజ్ బ్యూటిఫుల్ లైఫ్ ఈజ్ బ్యూటిఫుల్
లైఫ్ ఈజ్ బ్యూటిఫుల్ లైఫ్ ఈజ్ బ్యూటిఫుల్
 
అహ అహ అది ఒక ఉదయం
ఆశలను తడిమిన సమయం
ఆ క్షణమే పిలిచెను హృదయం
లే అని లేలే అని...

రోజంతా అంతా చేరి సాగించేటి
చిలిపి చిందులు కొంటె చేష్టలు
పెద్దోళ్లే ఇంటా బయటా
మాపై విసిరే చిన్ని విసురులు
కొన్ని కసురులు
ఎండైనా వానైనా ఏం తేడాలేదు
ఆగవండి మా కుప్పిగంతులు
కోరికలు నవ్వులు బాధలు
సందడులు సంతోషాలు
పంచుకోమన్నది
ఈ అల్లరి అల్లరి అల్లరి జీవితం

లైఫ్ ఈజ్ బ్యూటిఫుల్ లైఫ్ ఈజ్ బ్యూటిఫుల్
లైఫ్ ఈజ్ బ్యూటిఫుల్ లైఫ్ ఈజ్ బ్యూటిఫుల్
 
లైఫ్ ఈజ్ బ్యూటిఫుల్ లైఫ్ ఈజ్ బ్యూటిఫుల్
లైఫ్ ఈజ్ బ్యూటిఫుల్ లైఫ్ ఈజ్ బ్యూటిఫుల్

సాయంత్రం అయితే చాలు
చిన్నా పెద్దా రోడ్డు మీదనే
హస్కు వేయడం
దీవాలీ హోలీ క్రిస్టమస్ భేదం లేదు
పండగంటే పందిళ్లు వేయటం
ధర్నాలు రాస్తారోకోలెన్నవుతున్నా
మమ్ము చేరనేలేదు ఏ క్షణం
మా ప్రపంచం ఇది మాదిది
ఎన్నడూ మాకే సొంతం
సాగిపోతున్నది
ఈ రంగుల రంగుల రంగుల జీవితం

లైఫ్ ఈజ్ బ్యూటిఫుల్ లైఫ్ ఈజ్ బ్యూటిఫుల్
లైఫ్ ఈజ్ బ్యూటిఫుల్ లైఫ్ ఈజ్ బ్యూటిఫుల్
 
లైఫ్ ఈజ్ బ్యూటిఫుల్ లైఫ్ ఈజ్ బ్యూటిఫుల్
లైఫ్ ఈజ్ బ్యూటిఫుల్ లైఫ్ ఈజ్ బ్యూటిఫుల్

 


శుక్రవారం, జులై 15, 2016

ఆది అనాదియు నీవే దేవా...

ఈ రోజు తొలేకాదశి సందర్భంగా ఆ శ్రీమన్నారయణుని తలచుకుంటూ భక్తప్రహ్లాద చిత్రం కోసం బాలమురళీకృష్ణ గారు గానం చేసిన ఈ పాట పాడుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : భక్తప్రహ్లాద (1967)
సంగీతం : సాలూరి రాజేశ్వరరావు
సాహిత్యం : దాశరథి
గానం : మంగళంపల్లి బాలమురళీకృష్ణ

ఆది అనాదియు నీవే దేవా
నింగియు నేలయు నీవే కావా
ఆది అనాదియు నీవే దేవా

అంతట నీవే ఉండెదవు
అంతట నీవే ఉండెదవు
శాంతివై కాంతివై నిండెదవు
ఆది అనాదియు నీవే దేవా

నారద సన్నుత నారాయణా
నారద సన్నుత నారాయణా
నరుడవో సురుడవో శివుడవో
లేక శ్రీసతి పతివో
నారద సన్నుత నారాయణా

దానవ శోషణ మానవ పోషణ
శ్రీచరణా భవహరణ ॥
దానవ శోషణ మానవ పోషణ
శ్రీచరణా భవహరణ ॥
కనకచేల భయ శమన శీల
నిజ సుజనపాల హరి సనాతనా
క్షీర జలధిశయనా అరుణ కమలనయనా
గాన మోహనా! నారాయణా!



గురువారం, జులై 14, 2016

మళ్ళి కూయవే గువ్వా...

ఇట్లు శ్రావణీ సుబ్రహ్మణ్యం చిత్రంలోని ఓ చక్కని మెలోడీ ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : ఇట్లు శ్రావణీ సుబ్రహ్మణ్యం (2001)
సంగీతం : చక్రి
సాహిత్యం : చంద్రబోస్
గానం : హరిహరన్, కౌసల్య

మళ్ళి కూయవే గువ్వా
మోగిన అందెల మువ్వా
తుళ్ళి పాడవే పువ్వా
గుండెలో సవ్వడి నువ్వా

మళ్ళి కూయవే గువ్వా
మోగిన అందెల మువ్వా
తుళ్ళి పాడవే పువ్వా
గుండెలో సవ్వడి నువ్వా
విధివరమే నీవేగా నీవేగా...
కలనిజమై పూచేగా పూచేగా..
జిలిబిలి పలుకుల నువ్వా
దివిలో తారాజువ్వా
జిలిబిలి పలుకుల నువ్వా
దివిలో తారాజువ్వా
జువ్వా... జువ్వా...

మళ్ళి కూయవే గువ్వా
మోగిన అందెల మువ్వా
తుళ్ళి పాడవే పువ్వా
గుండెలో సవ్వడి నువ్వా

సిరిసిరి మువ్వలా చిరుసడి వింటే
స్మృతి పదమున నీ గానమే
సిరిసిరి మువ్వలా చిరుసడి వింటే
స్మృతి పదమున నీ గానమే
పొంగే పారే ఏటిలో తొంగి తొంగి చూస్తే
తోచెను ప్రియ నీ రూపమే
సోకేటి పవనం నువ్వు మురిపించే గగనం
కోనేటి కమలం లోలో నీ అరళం
కలత నిదురలో కలలాగ
జారిపోకే జవరాలా
నీలి సంద్రమున అలలాగా
హృదయ లోగిలిలో నువ్వా..
నువ్వా..నువ్వా...

మళ్ళి కూయవే గువ్వా
మోగిన అందెల మువ్వా
తుళ్ళి పాడవే పువ్వా
గుండెలో సవ్వడి నువ్వా

తీయనైన ఊసుతో ప్రియ విరహముతో
క్రుంగెను ఎద నీ కోసమే
తీయనైన ఊసుతో ప్రియ విరహముతో
క్రుంగెను ఎద నీ కోసమే
సాగిపోయే దారిలో వేసే ప్రతి అడుగులా
తగిలెను నీ మృదు పాదమే
ఎగిసేటి కెరటం చేరేలే తీరం
చీకటిలో పయనం నువ్వేలే అరుణం
వలపు వరదలో నదిలాగ
తడిపిపో జడివానలా
మంచుతెరలలో తడిలాగా
నయన చిత్తడిలో నువ్వా
నువ్వా..నువ్వా...

మళ్ళి కూయవే గువ్వా
మోగిన అందెల మువ్వా
తుళ్ళి పాడవే పువ్వా
గుండెలో సవ్వడి నువ్వా
మళ్ళి కూయవే గువ్వా
మోగిన అందెల మువ్వా
తుళ్ళి పాడవే పువ్వా
గుండెలో సవ్వడి నువ్వా
విధివరమే నీవేగా నీవేగా...
కలనిజమై పూచేగా పూచేగా..
జిలిబిలి పలుకుల నువ్వా
దివిలో తారాజువ్వా
జిలిబిలి పలుకుల నువ్వా
దివిలో తారాజువ్వా
జువ్వా... జువ్వా...

మళ్ళి కూయవే గువ్వా
మోగిన అందెల మువ్వా
తుళ్ళి పాడవే పువ్వా
గుండెలో సవ్వడి నువ్వా 



నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.