శనివారం, జనవరి 31, 2015

అమ్మాయే సన్నగ...

ఖుషి చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలనుకుంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : ఖుషి (2001)
సంగీతం : మణిశర్మ
సాహిత్యం : చంద్రబోస్
గానం : ఉదిత్ నారాయణ్, కవితా సుబ్రహ్మణ్యం

అమ్మాయే సన్నగ అరనవ్వే నవ్వగ
మతి తప్పి కుర్రాళ్లే మంచాన పడ్డారే
అమ్మాయే సన్నగ అరనవ్వే నవ్వగ
మతి తప్పి కుర్రాళ్లే మంచాన పడ్డారే

అబ్బాయే సూటిగ కన్నెత్తి చూడగ
ఆ వాడి చూపులకు మంచైన మరిగేలే
ఆ నవ్వులు ఈ చూపులు
ఆ నవ్వులు ఈ చూపులు కలిపేస్తే ప్రేమేలే

అమ్మాయే సన్నగ అరనవ్వే నవ్వగ
మతి తప్పి కుర్రాళ్లే మంచాన పడ్డారే

ప్రేమలు పుట్టె వేళ పగలంత రేయేలే
ప్రేమలు పండె వేళ జగమంత జాతరలే
ప్రేమే తోడుంటె పామైన తాడేలే
ప్రేమే వెంటుంటె రాయైన పరుపేలే
నీ ఒంట్లో ముచ్చెమటైన నా పాలిట పన్నీరే
నువ్విచ్చె పచ్చి మిరపైన నా నోటికి నారింజె
ఈ వయసులో ఈ వరసలో
ఈ వయసులో ఈ వరసలో నిప్పైనా నీరేలే

అమ్మాయే సన్నగ అరనవ్వే నవ్వగ
మతి తప్పి కుర్రాళ్లే మంచాన పడ్డారే

నేనొక పుస్తకమైతే నీ రూపె ముఖ చిత్రం
నేనొక అక్షరమైతే నువ్వేలే దానర్ధం
యెగిరె నీ పైటె కలిగించె సంచలనం
ఒలికే నీ వలపె చెయ్యించె తలస్నానం
యెండల్లొ నీరెండల్లో నీ చెలిమె చలివేంద్రం
మంచుల్లో పొగ మంచుల్లో నీ తలపె రవి కిరణం
పులకింతలె మొలకెత్తగ
పులకింతలే మొలకెత్తగ ఇది వలపుల వ్యవసాయం

అమ్మాయే సన్నగ అరనవ్వే నవ్వగ
మతి తప్పి కుర్రాళ్లే మంచాన పడ్డారే
అబ్బాయే సూటిగ కన్నెత్తి చూడగ
ఆ వాడి చూపులకు మంచైన మరిగేలే
ఆ నవ్వులు ఈ చూపులు
ఆ నవ్వులు ఈ చూపులు కలిపేస్తే ప్రేమేలే


శుక్రవారం, జనవరి 30, 2015

పదిమందిలో పాట పాడినా..

ఆనందనిలయమ్ చిత్రం కోసమ్ పెండ్యాల గారు స్వరపరచిన ఒక చక్కని ఆరుద్ర రచనను ఈరోజు విందాం. ఈ పాట ఆడియో మాత్రమే వినాలంటే ఇక్కడ వినవచ్చు.


చిత్రం : ఆనంద నిలయం (1971)
సంగీతం : పెండ్యాల
సాహిత్యం : ఆరుద్ర
గానం : ఘంటసాల

పదిమందిలో పాటపాడినా..
అది అంకితమెవరో ఒకరికే
విరితోటలో పూలెన్ని పూసినా
గుడికి చేరేది నూటికి ఒకటే

పదిమందిలో పాటపాడినా
అది అంకితమెవరో ఒకరికే
 
గోపాలునికెంతమంది గోపికలున్నా
గుండెలోన నెలకొన్నా రాధ ఒక్కటే..
గోపాలునికెంతమంది గోపికలున్నా
గుండెలోన నెలకొన్నా రాధ ఒక్కటే..
ఆకాశవీధిలో తారలెన్ని ఉన్నా
అందాల జాబిల్లి అసలు ఒక్కడే

పదిమందిలో పాటపాడినా
అది అంకితమెవరో ఒకరికే

ఏడాదిలో ఎన్ని ఋతువులున్ననూ
వేడుక చేసే.. వసంతమొక్కటే
ఏడాదిలో ఎన్ని ఋతువులున్ననూ
వేడుక చేసే.. వసంతమొక్కటే
నా కన్నులందు ఎన్నివేల కాంతులున్ననూ
నా కన్నులందు ఎన్నివేల కాంతులున్ననూ
ఆ కలిమి కారణం నీప్రేమ ఒక్కటే

పదిమందిలో పాటపాడినా
అది అంకితమెవరో ఒకరికే
విరితోటలో పూలెన్ని పూసినా
గుడికి చేరేది నూటికి ఒకటే
పదిమందిలో పాటపాడినా
అది అంకితమెవరో ఒకరికే


గురువారం, జనవరి 29, 2015

సందెపొద్దులకాడ...

ఇళయరాజా గారి స్వరకల్పనలో వేటూరి గారు రచించిన ఒక అందమైన పాట, అప్పటి కుర్రకారును ఊపేసిన పాట ఈ రోజు మీకోసం. ఈ పాట ఆడియో మాత్రం వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. 


చిత్రం : అభిలాష (1983)
సంగీతం : ఇళయరాజా
సాహిత్యం : వేటూరి
గానం : బాలు, జానకి

సందెపొద్దులకాడ సంపంగి నవ్వింది
అందగత్తెను చూడ జాబిల్లి వచ్చింది
మబ్బు పట్టె కళ్ళు తబ్బిబ్బులయ్యే ఒళ్ళు
ఎవ్వరికిస్తుందో ఏమవుతుందో
ఎవ్వరికిస్తుందో ఏమవుతుందో

సందెపొద్దులకాడ సంపంగి నవ్వింది
అందగాడికి తోడు చలి గాలి రమ్మంది
ఎల్లువయ్యే ఈడు ఏడెక్కిపోయేవాడు
ఎన్నడు వస్తాడో ఏమిస్తాడో
ఎన్నడు వస్తాడో ఏమిస్తాడో

కొండ కోనా జలకాలాడే వేళ
కొమ్మరెమ్మ చీరకట్టే వేళ
పిందె పండై చిలకకొట్టే వేళ
పిల్ల పాప నిదరెపోయే వేళ
కలలో కౌగిలే కన్నులు దాటాలా
ఎదలే పొదరిళ్ళై వాకిలి తీయ్యాల
ఎదటే తుమ్మెద పాట పూవుల బాట వెయ్యాల

సందెపొద్దులకాడ సంపంగి నవ్వింది
అందగత్తెను చూడ జాబిల్లి వచ్చింది
ఎల్లువయ్యే ఈడు ఏడెక్కిపోయేవాడు
ఎన్నడు వస్తాడో ఏమిస్తాడో
ఎన్నడు వస్తాడో ఏమిస్తాడో

మల్లె జాజి మత్తుజల్లే వేళ
పిల్ల గాలి జోలపాడే వేళ
వానే వాగై వరదై పొంగే వేళ
నేనే నీవై వలపై సాగే వేళ
కన్నులు కొడుతుంటే ఎన్నెల పుట్టాల
పుట్టిన ఎన్నెల్లో పుటకలు కాగాలా
పగలే ఎన్నలగువ్వ చీకటి గవ్వలాడాలా
 
సందెపొద్దులకాడ సంపంగి నవ్వింది
అందగాడికి తోడు చలి గాలి రమ్మంది
మబ్బు పట్టె కళ్ళు తబ్బిబ్బులయ్యే ఒళ్ళు 
ఎవ్వరికిస్తుందో ఏమవుతుందో
ఎవ్వరికిస్తుందో ఏమవుతుందో

సందెపొద్దులకాడ సంపంగి నవ్వింది
అందగాడికి తోడు చలి గాలి రమ్మంది


బుధవారం, జనవరి 28, 2015

ఊహలేవో రేగే...

గుడ్ ఓల్డ్ రామ్ గోపాల్ వర్మ దర్శకత్వం వహించిన అంతం చిత్రంలోని ఒక చక్కని పాట ఈరోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. 


చిత్రం : అంతం (1992)
సంగీతం : ఆర్.డి. బర్మన్, మణిశర్మ
సాహిత్యం : సిరివెన్నెల
గానం : మనో, కవితాకృష్ణమూర్తి

హే...ఊహలేవో రేగే..
ఊహలేవోరేగే ఊపుతోననులాగే
వేడిసెగలైకాగే చిలిపి చలిచెలరేగే
ఆదుకోవా అయిన దాన్నేగా
 
హో పూలతీగై ఊగే లేతసైగేలాగే
హాయికథ కొనసాగే రేయిపగలు ఇలాగే
అందుకోవా ఆశేతీరగా

ఊహలేవోరేగే ఊపుతోననులాగే 
హాయికథ కొనసాగే రేయిపగలు ఇలాగే

ఇదివరకెరగని దిగులును దిగనీవా
నిలువున రగిలిన నిగనిగ నీడేగా
మెలికలు తిరిగిన మెరుపై దిగినావా
కుదురుగా నిలవని కులుకుల తూనిగా
ఓ..కోరివస్తా కాదు అనుకోకా...ఆ...
 
ఊహలేవోరేగే ఊపుతోననులాగే 
హాయికథ కొనసాగే రేయిపగలు ఇలాగే

హో ఎందుకు ఏమిటి అడగని గొడవేగా
ఓడేదాకా వదలని ఆటేగా
ఓ..గుసగుసవేడికి గుబులే కరుగునుగా
కుశలములడుగుతూ  చెరిసగమైపోగా
హో..ఒకరికొకరం పంచుకుందాం రా.. ఆ..ఆ..

పూలతీగై ఊగే లేతసైగేలాగే
హాయికథ కొనసాగే రేయిపగలు ఇలాగే
అందుకోవా ఆశేతీరగా
హే... ఊహలేవోరేగే ఊపుతోననులాగే
వేడిసెగలైకాగే చిలిపి చలిచెలరేగే
ఆదుకోవా అయిన దాన్నేగా.. ఆ..

 
లలలాల.. లాలలాలా.. లలలాలా
అ.ఆ...లాలలాలలాలా లాలలాలలలాలా


మంగళవారం, జనవరి 27, 2015

ఈ వేళ నాలో...

మూగనోము చిత్రంలోని ఒక అందమైన పాట ఈరోజు తలచుకుందాం... ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. 


చిత్రం : మూగనోము (1969)
సంగీతం : ఆర్. గోవర్ధన్
సాహిత్యం : దాశరథి
గానం : ఘంటసాల, సుశీల

ఈ వేళ నాలో ఎందుకో ఆశలు...
లోలోన ఏవో విరిసెలే వలపులు
ఈ వేళ నాలో ఎందుకో ఆశలు...
లోలోన ఏవో విరిసెలే వలపులు

 
నీలోని ఆశలన్నీ నా కోసమే...
నా పిలుపే నీలో వలపులై విరిసెలే
నీలోని ఆశలన్నీ నా కోసమే...
నా పిలుపే నీలో వలపులై విరిసెలే

నీ చూపులో స్వర్గమే తొంగి చూసే..
నీ మాటలో మధువులే పొంగిపోయే
నీ చూపులో స్వర్గమే తొంగి చూసే..
నీ మాటలో మధువులే పొంగిపోయే
నాలోని ఆణువణువు నీదాయెలే..
బ్రతుకంతా నీకే అంకితం చేయనా..

 
నీలోని ఆశలన్నీ నా కోసమే..
నా పిలిపే నీలో వలపులై విరిసెలే..
లా ... లాలలా... లలలా... లా...
 
నీ రూపమే గుండెలో నిండిపోయే...
నా స్వప్నమే నేటితో పండిపోయే
నీ రూపమే గుండెలో నిండిపోయే...
నా స్వప్నమే నేటితో పండిపోయే
ఉయ్యాల జంపాల ఊగేములే..
కలకాలం మనకు ప్రేమయే ప్రాణము..

ఈ వేళ నాలో ఎందుకో ఆశలు..
లోలోన ఏవో విరిసెలే వలపులు
లా ...లా ...లా ... లాలలా
లాలలా... ఊ హూ హు.

సోమవారం, జనవరి 26, 2015

భారత మాతకు జేజేలు...

మిత్రులందరకూ భారత రిపబ్లిక్ దినోత్సవ శుభాకాంక్షలు. రామారావు గారి సినిమాలలో ఆయన గెటప్ పరంగా నాకు బాగా నచ్చే సినిమా బడిపంతులు. అందులోని ఒక చక్కని దేశభక్తి గీతాన్ని నేడు గుర్తు చేసుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.



చిత్రం : బడి పంతులు (1972)
సంగీతం : కె.వి. మహదేవన్
సాహిత్యం : ఆచార్య ఆత్రేయ
గానం : ఘంటసాల, బృందం

భారత మాతకు జేజేలు బంగరు భూమికి జేజేలు
భారత మాతకు జేజేలు బంగరు భూమికి జేజేలు
ఆసేతు హిమాచల సస్యశ్యామల జీవధాత్రికి జేజేలు
ఆసేతు హిమాచల సస్యశ్యామల జీవధాత్రికి జేజేలు 
భారత మాతకు జేజేలు బంగరు భూమికి జేజేలు
ఆఆఆఆఆఆ..ఆఆఆఆఅఆ
ఆఆఆఆఆఆ..ఆఆఆఆఅఆ
 
త్రివేణి సంగమ పవిత్రభూమి 
నాల్గు వేదములు పుట్టిన భూమి
నాల్గు వేదములు పుట్టిన భూమి 
త్రివేణి సంగమ పవిత్రభూమి 
నాల్గు వేదములు పుట్టిన భూమి
గీతామృతమును పంచిన భూమి 
పంచశీల బోధించిన భూమి
పంచశీల బోధించిన భూమి
 
భారత మాతకు జేజేలు 
బంగరు భూమికి జేజేలు
 
శాంతిదూతగా వెలసిన బాపూ
జాతి రత్నమై వెలిగిన వెహ్రూ
శాంతిదూతగా వెలసిన బాపూ 
జాతి రత్నమై వెలిగిన వెహ్రూ 
విప్లవ వీరులు వీర మాతలు 
విప్లవ వీరులు వీర మాతలు 
ముద్దుబిడ్డలై మురిసే భూమి ..

భారత మాతకు జేజేలు 
బంగరు భూమికి జేజేలు
 
సహజీవనము సమభావనము 
సమతా వాదము వేదముగా
సమతా వాదము వేదముగా 
సహజీవనము సమభావనము 
సమతా వాదము వేదముగా
ప్రజా క్షేమము ప్రగతి మార్గము 
లక్ష్యములైన విలక్షణ భూమి
లక్ష్యములైన విలక్షణ భూమి
 
భారత మాతకు జేజేలు బంగరు భూమికి జేజేలు
ఆసేతు హిమాచల సస్యశ్యామల జీవధాత్రికి జేజేలు
భారత మాతకు జేజేలు బంగరు భూమికి జేజేలు

ఆఆఆఆఆఆ..ఆఆఆఆఅఆ
ఆఆఆఆఆఆ..ఆఆఆఆఅఆ


ఆదివారం, జనవరి 25, 2015

సంధ్యా రాగపు సరిగమలో...

ఇళయరాజా గారి పాటలలో నాకు ఇష్టమైన పాట, కమల్ విజయశాంతిల పై అందంగా చిత్రీకరించిన పాట ఈరోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : ఇంద్రుడు-చంద్రుడు (1989)
సంగీతం : ఇళయరాజా
సాహిత్యం : వేటూరి
గానం : బాలు, జానకి

సంధ్యా రాగపు సరిగమలో తొలి కలయికలో
సాయంకాలపు చలి చలి ఊహల పకపకలో
డో రే మీ రాగాల జోరేమీ
దా సా దా నా ప్రేమ నీమీద శృతికలిసిన
సంధ్యా రాగపు సరిగమలో తొలి కలయికలో
సాయంకాలపు చలి చలి ఊహల పకపకలో

చినుకు చినుకు నడుములో చిలకలులికి పడెనులే
కనుల కనుల నడుమలో కలలసుడులు తిరిగెలే
పెదవి పెదవి తడుపులో వలపు మధువు తొణికెలే
తనువు తనువు కుదుపులో తమకమొకటి మెరిసెలే
సంధ్యలో తారలాగా స్వప్నమైపోకుమా
కన్నెలో సోయగాలూ కంటితోనే తాగుమా
హంసలా హాయిగా ఆమనీ రేయిలా వాలిపో ప్రియా 

ఓ ఓ ఓ.....
సంధ్యా రాగపు సరిగమలో తొలి కలయికలో
సాయంకాలపు చలి చలి ఊహల పకపకలో
డో రే మీ రాగాల జోరేమీ
దా సా దా నా ప్రేమ నీమీద శృతికలిసిన
సంధ్యా రాగపు సరిగమలో తొలి కలయికలో
సాయంకాలపు చలి చలి ఊహల పకపకలో

ఎదుట పడిన బిడియమే చెమట నుదుట చిలికెలే
వణుకు తొణుకు పరువమే వడికి వయసు కలిపెలే
వలపు పొడుపు కధలలో చిలిపి ముడులు విడెనులే
మరుల విరుల పొదలలో మరుడి పురుడు జరిగెలే

తేనెలే దోచుకెళ్ళే తుమ్మెదై పోకుమా
గాలికే గంధమిచ్చే కౌగిలింతే దూరమా
పాటలా తోటలో పల్లవే ప్రేమగా పాడుకో ప్రియా

ఓ ఓ ఓ...
సంధ్యా రాగపు సరిగమలో తొలి కలయికలో
సాయంకాలపు చలి చలి ఊహల పకపకలో
డో రే మీ రాగాల జోరేమీ
ద సా దా నా ప్రేమ నీమీద శృతికలిసిన
సంధ్యా రాగపు సరిగమలో తొలి కలయికలో
సాయంకాలపు చలి చలి ఊహల పకపకలో 


శనివారం, జనవరి 24, 2015

హాయిగా ఆలుమగలై...

మాంగల్య బలం చిత్రంకోసం మాస్టర్ వేణు స్వరసారధ్యంలో శ్రీశ్రీ గారు రచించిన ఒక చక్కని పాట ఈరోజు మీకోసం. ఈ పాట ఆడియో ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : మాంగల్య బలం (1958)
సంగీతం : మాస్టర్ వేణు
సాహిత్యం : శ్రీశ్రీ
గానం : సుశీల, సరోజిని
 
హాయిగా ఆలుమగలై కాలం గడపాలి
హాయిగా ఆలుమగలై కాలం గడపాలి
వేయ్యేళ్ళు మీరనుకూలంగా ఒకటై బ్రతకాలి
హాయిగా.. చేయి చేయిగా ఆలుమగలై కాలం గడపాలి

సతి ధర్మం పతి సేవేయని పతి భక్తిని చూపాలి
అనుదినము అత్త మామల పరిచర్యలనే చేయాలి
పతి ఇంట్లో బంధు జనాల అభిమానం పొందాలి
పతి ఇంట్లో బంధు జనాల అభిమానం పొందాలి
పదిమంది నీ సుగుణాలే పలుమార్లు పొగడాలి

హాయిగా ఆలుమగలై కాలం గడపాలి
 
ఇల్లాలే ఇంటికి వెలుగని ఎల్లప్పుడు తెలియాలి
సంసారపు బండికి మీరే చక్రాలై తిరగాలి
శరీరాలు వేరే కానీ మనసొకటై మసలాలి
శరీరాలు వేరే కానీ మనసొకటై మసలాలి
సుఖమైనా అసత్యమైనా సగపాలుగా మెలగాలి

హాయిగా.. చేయి చేయిగా ఆలుమగలై కాలం గడపాలి
వేయ్యేళ్ళు మీరనుకూలంగా ఒకటై బ్రతకాలి
హాయిగా ఆలుమగలై కాలం గడపాలి
 
ఇరుగమ్మలు పొరుగమ్మలతో ఇంటి సంగతులు అనవద్దు
చీరలు నగలిమ్మని భర్తను చీటికి మాటికి అడగద్దు
అత్తింటను అదిరిపాటుతో పుట్టింటిని పొగడద్దు
అత్తింటను అదిరిపాటుతో పుట్టింటిని పొగడద్దు
తరుణం దొరికిందే చాలని తలగడ మంత్రం చదవద్దు

హాయిగా.. చేయి చేయిగా ఆలుమగలై కాలం గడపాలి
వేయ్యేళ్ళు మీరనుకూలంగా ఒకటై బ్రతకాలి
హాయిగా ఆలుమగలై కాలం గడపాలి
వేయ్యేళ్ళు మీరనుకూలంగా ఒకటై బ్రతకాలి
హాయిగా ఆలుమగలై కాలం గడపాలి


శుక్రవారం, జనవరి 23, 2015

కనులను తాకే ఓ కల...

మనం చిత్రం కోసం అనూప్ రూబెన్స్ స్వరపరచిన ఒక చక్కని పాట ఈరోజు మీకోసం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : మనం (2014) 
సంగీతం : అనూప్ రూబెన్స్ 
సాహిత్యం : వనమాలి
గానం : అజిత్ సింగ్

టీ టీటిటి టిటిటీటి టీ టీటిటి టిటిటీటి

ఓ కనులను తాకే ఓ కల చూపే నిన్నిలా
నన్నే మార్చెనా నువ్వయ్యేలా
ఓ మనసును లాగే మాయలా వేసే ఓ వలా
నీ నవ్వులే నేడిలా
ఓ ఆయి నీలో ఉన్నా నీలోనే ఉన్నా
నీ ప్రేమే నే కోరుకున్నా..
నీలో ఉన్నా నీ తోడై ఉన్నా
నిన్నే నే ప్రేమించినా
 
ఓ కనులను తాకే ఓ కలా... ఓ...
 
హో ఇన్నాళ్లూ ఆనందం వెల్లువాయెనే
ఏమైందో ఈ నిమిషం దూరమాయెనే
వెన్నెలింక చీకటయ్యేనా
నవ్వులింక మాయమయ్యేనా
బాధలింక నీడలాగ నాతో సాగేనా..
నాలో రేగింది ఓ గాయమే..
దారే చూపేన ఈ కాలమే యేయేయేయే..
ఓ నీవే నేనా నీ మౌనం నేనా
నీ ఊసే ఈ గుండెలోనా..
నీతో లేనా ఆహా..
 
ఓ కనులను తాకె ఓ కలా... ఓ.. ఓ.. ఓ.. 
చంద ఓ చందమామ రావా
మా వెంటే రావా పైనే నువ్వు దాక్కున్నావా
వాన ఓ వెన్నెల వాన రావా
నువ్వైనా రావా మాతో నువు చిందేస్తావా
 
టీ టీటిటి టిటిటీటి టీ టీటిటి టిటిటీటి
టీ టీటిటి టిటిటీటీ టిటిటీ టీటి టిటిటీ టీటి టి

 
ఓ ఈ దూరం ఎందాక తీసుకెళ్లునో
ఈ మౌనం ఏ నాటికి వీడిపోవునో
బంధమింక ఆవిరయ్యేనా
పంతమింక ఊపిరయ్యేనా
నీటి మీద రాత లాగ ప్రేమే మారేనా..
ఇంక ఈ జీవితం ఎందుకో..
కంట కన్నీరు నింపేందుకో.. ఓ ఓ ఓ ఓ..
నీతో రానా నీ నీడై పోనా
నీ కోపం వెంటాడుతున్నా..
నీలో లేనా ఆహా..


గురువారం, జనవరి 22, 2015

అమ్మంటే మెరిసే మేఘం..

ముగ్గురు మొనగాళ్ళు చిత్రంలోని ఒక చక్కని అమ్మపాటను ఈరోజు గుర్తు చేసుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : ముగ్గురు మొనగాళ్ళు (1994)
సంగీతం : విద్యాసాగర్
సాహిత్యం : వేటూరి
గానం : బాలు, చిత్ర

ఓ..ఓఓ ఓ..ఓఓ ఓ..ఓఓ 
ఆ..ఆఆ ఆ..ఆఆ ఆ..ఆఆ
అమ్మంటే మెరిసే మేఘం..మ్మ్..మ్మ్.మ్మ్
నాన్నంటే నీలాకాశం..మ్మ్..మ్మ్.మ్మ్
అమ్మంటే మెరిసే మేఘం కురిసే వానా
నాన్నంటే నీలాకాశం తల వంచేనా
నూరేళ్ళ ఆశాదీపం నువ్వే మా ఆరోప్రాణం
నువ్వే మా తారాదీపం పూజా పుష్పం

ఓ..అమ్మంటే మెరిసే మేఘం కురిసే వానా
నాన్నంటే నీలాకాశం తల వంచేనా
ఓ..ఓఓ ఓ..ఓఓ ఓ..ఓఓ 
ఆ..ఆఆ ఆ..ఆఆ ఆ..ఆఆ

శోకంలో పుట్టింది శ్లోకంగా రామ కథా
శోకంగా మిగిలింది కుమిలిన ఈ అమ్మ కథా
బంధాలే భస్మాలు విధే కదా వింత కథా
మమకారం మాతృత్వం నిన్నటి నీ ఆత్మ కథా
బ్రతుకంతా నిట్టూర్పై ఎడారైన బాధల్లో
కన్నీరై చల్లార్చే గతేలేని గాధల్లో

ఓ..ఓఓ ఓ..ఓఓ ఓ..ఓఓ 
ఆ..ఆఆ ఆ..ఆఆ ఆ..ఆఆ

చింతల్లో సీమంతం శిలలోనే సంగీతం
శిథిలం నీ సంసారం చిగురేసే అనుబంధం
ఒక బ్రహ్మని కన్నావు అమ్మకి అమ్మైనావు
శివవిష్నువులిద్దరినీ చీకటిలో కన్నావు..ఆ.ఆ.ఆ..ఆ
త్రిమూర్తులకి జన్మవో తిరుగులేని అమ్మవో
ఏ బిడ్డని పెంచేవో ఏ ఒడ్డుకి చేరేవో
ఆ..ఆఆ ఆ..ఆఆ ఆ..ఆఆ 
ఆ..ఆఆ ఆ..ఆఆ ఆ..ఆఆ
 

బుధవారం, జనవరి 21, 2015

తళతళా మిలమిలా...

అన్నపూర్ణ చిత్రం కోసం సుసర్ల దక్షిణామూర్తి గారి స్వర సారధ్యంలో సుశీల గారు గానం చేసిన ఒక చక్కని పాట ఈరోజు మీకోసం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : అన్నపూర్ణ (1960)
సంగీతం : సుసర్ల దక్షిణామూర్తి
సాహిత్యం : ఆరుద్ర
గానం : సుశీల

ఆ... ఆ... ఆ...
తళతళా... మిలమిలా ...
తళతళా మిలమిలా పగటిపూట వెన్నెలా... ఆ...
ఎందువలన ఓ లలనా ఎందువలన ?
ఎందువలన ఓ లలనా ఎందువలన ??

తళతళా...ఆ.. మిలమిలా ...ఊ..ఊ..
తళతళా మిలమిలా పగటిపూట వెన్నెలా... ఆ...
ఎందువలన ఓ లలనా ఎందువలన?
ఎందువలన ఓ లలనా ఎందువలన??

చిలకమ్మల కిలకిల.. చిగురాకుల కలకల..
చిలకమ్మల కిలకిల.. చిగురాకుల కలకల...
గాలి వీచి పూలు కురిసి కథలు తెలిపె కోయిలా..
తెలియరాని ఊహలలో తేలిపోవు వేళా
చిలిపిగా పావురాలు చూసి నవ్వెనేలా!

తళతళా... మిలమిలా ...
తళతళా మిలమిలా పగటిపూట వెన్నెలా... ఆ...
ఎందువలన ఓ లలనా ఎందువలన?
ఎందువలన ఓ లలనా ఎందువలన??

మురిసిపోవు మనసులోని మధురభావన
మరుపురాని మరువలేని ఎవరిదీవెనా..
చిన్ననాటి మా చెలిమి చిగురించెను నేటికి
మనసు పయనమైనది మధురమైన చోటుకి...

తళతళా... మిలమిలా ...
తళతళా మిలమిలా పగటిపూట వెన్నెలా... ఆ..ఓ..ఓ...
ఎందువలన ఓ లలనా ఎందువలన?
ఎందువలన ఓ లలనా ఎందువలన..ఆ..ఆ



మంగళవారం, జనవరి 20, 2015

నీలగిరి చల్లనా...

నాకు రేడియో పరిచయం చేసిన పాటలలో ఇదీ ఒకటి. చక్రవర్తి గారి సంగీతం సింపుల్ గా ఒక చక్కని రిథమ్ తో సాగిపోతుంది, అలాగే వాణీజయరాం గారి స్వరం ఒక వింత అందాన్నిచ్చింది. నాకు ఇష్టమైన ఈ పాటను మీరూ వినండి. ఆడియో మాత్రమే వినాలంటే ఇక్కడ వినవచ్చు లేదా డౌన్లోడ్ చేస్కోవచ్చు. 


చిత్రం : జీవితంలో వసంతం (1977)
సంగీతం : చక్రవర్తి
సాహిత్యం : వేటూరి
గానం : బాలు, వాణీ జయరాం

నీలగిరి చల్లన నీ వడి వెచ్చన
నీలగిరి చల్లన నీ వడి వెచ్చన
నువ్వు నేను ఒకటైతే నూరేళ్ళు పచ్చన   
నీ మది కోవెల అన్నది కోయిల
నీ జత నేనుంటే బ్రతుకే ఊయల
నీలాల మబ్బులలో...
తేలి తేలి పోదామా
సోలి సోలి పోదామా
ప్రియతమా... ప్రియతమా ఓ ఓ ఓ 

నీలగిరి చల్లన నీ వడి వెచ్చన
నీ మది కోవెల అన్నది కోయిల
 
నీ లేడి కన్నులలో మెరిసే తారకలు
నీ లేత నవ్వులలో విరిసే మల్లికలు
నీ మాట వరసలలో వలపే వెల్లువగా
నీ పాట తోటలలో పిలుపే వేణువుగా
 
పులకించిన నా మదిలో పలికించిన రాగాలు
చెలరేగిన వయసులో తీయని అనురాగాలు  

ఇదే ఇదేలే జీవితం లలాలలా
జీవితంలో వసంతం ఆ ఆ ఆ ఆ
ఇదే ఇదేలే జీవితం
అహహహహ
జీవితంలో వసంతం నీలాల మబ్బులలో...
తేలి తేలి పోదామా సోలి సోలి పోదామా 
ప్రియతమా... ప్రియతమా

నీలగిరి చల్లన నీ వడి వెచ్చన
నీ మది కోవెల అన్నది కోయిల 
 
ఈ ఏటి తరగలలో గలగలలే నీ గాజులుగా
ఈ కొండగాలులలో హా గుసగుసలే నీ ఊసులుగా
ఈ సంధ్య వెలుగులలో కలయికలే కవితలుగా
ఈ కౌగిలింతలలో అల్లికలే మమతలుగా 
తొలి పువ్వుల చిరునవ్వుల సిరిమువ్వల సవ్వడిలో
మరుమల్లెల విరిజల్లుల మనసిచ్చిన నీ వడిలో 

ఇదే ఇదేలే జీవితం లలాలలా
జీవితంలో వసంతం ఆ ఆ ఆ ఆ
ఇదే ఇదేలే జీవితం
ఓహోఓహో
జీవితంలో వసంతం నీలాల మబ్బులలో... 
నీలాల మబ్బులలో
తేలి తేలి పోదామా... తేలి తేలి పోదామా
సోలి సోలిపోదామా...
సోలి సోలిపోదామా
ప్రియతమా... ప్రియతమా


సోమవారం, జనవరి 19, 2015

ఇది మౌనగీతం...

ఆషా భోంస్లే గారు తెలుగులో పాడిన మొదటి పాట ఇది. చిన్నపుడు రేడియోలో వింటూ తన స్వరంలో తెలుగు నాజూకుగా స్టైల్ గా పలకడం చాలా ఆసక్తిగా గమనించేవాడ్ని. సత్యం గారి సంగీతం వీనుల విందుగా ఉంటుంది. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.



చిత్రం : పాలు నీళ్ళు (1981) 
సంగీతం : సత్యం 
సాహిత్యం : దాసరి 
గానం : ఆషాభోంస్లే 

ఆఆఆఆఅ..ఆఆఆఆఆ...
ఇది మౌనగీతం ఒక మూగరాగం 
పాడింది పెల్లుబికి కళ్యాణి రాగం 
పాడింది పెల్లుబికి కళ్యాణి రాగం 

ఇది మౌనగీతం ఒక మూగరాగం 
పాడింది పెల్లుబికి కళ్యాణి రాగం
పాడింది పెల్లుబికి కళ్యాణి రాగం 
 ఇది మౌనగీతం...

పట్టపగలు చందమామ పొడిచిన రోజూ
ఆకాశం హరివిల్లై వంగిన రోజూ
పట్టపగలు చందమామ పొడిచిన రోజూ
ఆకాశం హరివిల్లై వంగిన రోజూ
కడలి పొంగి ఆడిన రోజు 
 మూగ గొంతు పాడిన రోజు 
కడలి పొంగి ఆడిన రోజు 
మూగ గొంతు పాడిన రోజు
దొరకక దొరకక...
దొరకక దొరకక దొరికిన రోజు 
దొరికీ దొరకక దొరకని రోజు 
ఒకే ఒక్క రోజు తిరిగిరాని రోజు
ఒకే ఒక్క రోజు తిరిగిరాని రోజు 

ఇది మౌనగీతం ఒక మూగరాగం 

వెన్నెలంతా మల్లెలై పూచిన రోజూ
మల్లెలన్నీ తారలై మెరిసిన రోజూ 
వెన్నెలంతా మల్లెలై పూచిన రోజూ
మల్లెలన్నీ తారలై మెరిసిన రోజూ
గుండెబరువు మరిచిన రోజు 
పాల గుండె పొంగిన రోజు 
గుండెబరువు మరిచిన రోజు 
పాల గుండె పొంగిన రోజు 
మిగలక మిగలక
మిగలక మిగలక మిగిలిన రోజు 
మిగిలీ మిగలక మిగలని రోజు
ఒకే ఒక్క రోజు తిరిగిరాని రోజు  
ఒకే ఒక్క రోజు తిరిగిరాని రోజు 

ఇది మౌనగీతం ఒక మూగరాగం
పాడింది పెల్లుబికి కళ్యాణి రాగం 
పాడింది పెల్లుబికి కళ్యాణి రాగం 
ఇది మౌనగీతం


ఆదివారం, జనవరి 18, 2015

పయనించే మన వలపుల...

బావామరదళ్ళు చిత్రం కోసం పెండ్యాల గారు స్వరపరచిన ఒక చక్కని పాటను నేడు తలచుకుందాం. ఈ పాట ఆడియో వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : బావమరదళ్ళు (1960)
సంగీతం : పెండ్యాల
సాహిత్యం : ఆరుద్ర
గానం : ఘంటసాల, సుశీల

పయనించే మన వలపుల బంగరు నావ
శయనించవె హాయిగా జీవనతార...
నా జీవనతార..ఆ..ఆ
పయనించే...

ఊ...ఊ...ఊ..ఊ..ఊ..
నెలబాలుని చిరునవ్వుల తెలివెన్నెల సోనలలో....
నెలబాలుని చిరునవ్వుల తెలివెన్నెల సోనలలో
చెలరేగే అలల మీద ఊయలలూగి...
 

పయనించే మన వలపుల బంగరు నావ
శయనించవె హాయిగా జీవనతార...
నా జీవనతార..ఆ..ఆ
పయనించే...

వికసించె విరజాజులు వెదజల్లగ పరిమళాలు...
వికసించె విరజాజులు వెదజల్లగ పరిమళాలు
రవళించె వేణుగీతి...రవళించె వేణుగీతి...
రమ్మని పిలువా..ఆఆఅ..

పయనించే మన వలపుల బంగరు నావ
శయనించవె హాయిగా జీవనతార...
నా జీవనతార..ఆ..ఆ
పయనించే...
ఉహు ఉహు..ఊ..ఉహు..ఉహు..ఊ...


శనివారం, జనవరి 17, 2015

ప్రియా ప్రియా చంపొద్దే...

అందీ అందకుండా ఊరిస్తూన్న అందమైన ప్రేయసిని ఆమె అందాలతో తనని చంపోద్దని ఆ ప్రియుడు ఎలా వేడుకుంటున్నాడో మీరే చూడండి. జీన్స్ చిత్రం కోసం రెహ్మాన్ తొలినాళ్లలో కంపోజ్ చేసిన ఈ పాట నాకు చాలా ఇష్టమైన పాటలలో ఒకటి. ఈ పాట ఆడియో వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : జీన్స్ (1998)
సంగీతం : ఎ.ఆర్.రెహ్మాన్
సాహిత్యం : ఏ.ఎం.రత్నం, శివగణేష్
గానం : శ్రీనివాస్

ఆహా.హా.ఆఆ..ఆఆఅ...
ఆహా.హా.ఆఆ..ఆఆఅ...
ప్రియా ప్రియా చంపోద్దే నవ్వీ నన్నే ముంచోద్దే
చెలీ కన్నులతో హృదయం కాల్చోద్దే
అయ్యో వన్నెలతో ప్రాణం తీయోద్దే
 
ప్రియా ప్రియా చంపోద్దే నవ్వీ నన్నే ముంచోద్దే

చెలియా నీదు నడుమును చూసా అరెరే బ్రహ్మెంత పిసనారి
తలపైకెత్తా కళ్ళు తిరిగిపోయే ఆహా అతడే చమత్కారి
మెరుపును తెచ్చి కుంచెగ మలచి రవివర్మ గీసిన వదనమట
నూరడుగుల శిల ఆరడుగులుగా శిల్పులు చెక్కిన రూపమట
భువిలో పుట్టిన స్త్రీలందరిలో నీదే నీదే అందమటా..
అంతటి అందం అంతా ఒకటై నన్నే చంపుట ఘోరమటా..
 
ప్రియా ప్రియా చంపోద్దే నవ్వీ నన్నే ముంచోద్దే
 
అందమైన పువ్వా పువ్వా చెలి కురుల సురభి తెలిపేవా
అందమైన నదివే నదివే చెలి మేని సొగసు తెలిపేవా
అందమైన గొలుసా గొలుసా కాలి సొగసు తెలిపేవా
అందమైన మణివే మణివే గుండె గుబులు తెలిపేవా

   
ఆహా.హా.ఆఆ..ఆఆఅ...
ఆహా.హా.ఆఆ..ఆఆఅ...
 

చంద్రగోళంలో ఆక్సిజన్ నింపి అక్కడ నీకొక ఇల్లుకడతా
నీ ప్రాణాలను కాపాడేందుకు నా ప్రాణాలను బదులిస్తా..
ఆహా.హా.ఆఆ..ఆఆఅ...
మబ్బులు తెచ్చి పరుపుగ పేర్చి కోమలాంగి నిను జో కొడతా
నిద్దురలోన చెమటలు పడితే నక్షత్రాలతో తుడిచేస్తా..
పంచవన్నె చిలక జలకాలాడగ మంచుబిందువులె సేకరిస్తా..
దేవత జలకాలాడిన జలమును గంగా జలముగ సేవిస్తా..

ప్రియా ప్రియా చంపోద్దే...
ప్రియా ప్రియా చంపోద్దే నవ్వీ నన్నే ముంచోద్దే...
 
ఆహా.హా.ఆఆ..ఆఅఅ...

 

శుక్రవారం, జనవరి 16, 2015

మహారాజ రాజశ్రీ...

హరిదాసులు, గంగిరెద్దుల వాళ్ళు, రంగవల్లులు, బంధు మిత్రులూ, ఆటపాటలూ, పిండి వంటలూ ఇతరత్రాలతో ఎంతో సందడిగా ముచ్చటగా మూడురోజులు జరుపుకునే సంక్రాంతి పండుగ చివరి రోజుకు వచ్చేసింది. ఈరోజు సంక్రాంతి సందడులలో ఒకరైన గంగిరెద్దులవాళ్ళను చూడగానే గుర్తొచ్చే ఓ చక్కని పాటను తలచుకుందామా. విశ్వనాథ్ గారి దర్శకత్వంలో అక్కినేని గారు ఎంతో హుందాగా ఈ పాత్రను పోషించారు. నాకెంతో ఇష్టమైన ఈ పాట చూసీ వినీ మీరుకూడా ఆనందించండి. ఆడియో వినాలంటే ఇక్కడ వినవచ్చు, ఇక్కడ డౌన్లోడ్ చేస్కోవచ్చు.


చిత్రం : సూత్రధారులు (1989)
సంగీతం : కె.వి.మహదేవన్
రచన : సిరివెన్నెల
గానం : బాలు, మనో

మహారాజ రాజశ్రీ మహానీయులందరికి
వందనాలు వంద వందనాలు
మహారాజ రాజశ్రీ మహానీయులందరికి
వందనాలు వంద వందనాలు
 

హరిహరులను సేవించే ఈ దాసులాడేటి
తందనాలు తకిట తందనాలు
హరిహరులను సేవించే ఈ దాసులాడేటి
తందనాలు తకిట తందనాలు

వందనాలు వందవందనాలు
తందనాలు తకిట తందనాలు

 
సన్నాయి స్వరమెక్కి చిన్నారి బసవన్న
చెన్నార చిందాడ కన్నార కనులార
సిరులిచ్చి దీవించే సింహాదిరప్పన్న
సిరిగజ్జలల్లాడ సెవులార విన్నారా 
ముంగిళ్ళ బసవన్న మురిసి ఆడేవేళ
ముంగిళ్ళ బసవన్న మురిసి ఆడేవేళ
గుండె గుడిలో శివుడు మేలుకోవాలా..
కోదండ రామన్న గోవుల్ల గోపన్న
కోలాటమాడుతు కొలువు తీరాల

మహారాజ రాజశ్రీ మహానీయులందరికి
వందనాలు వంద వందనాలు
తందనాలు తకిట తందనాలు
వందనాలు వందవందనాలు


గురువారం, జనవరి 15, 2015

భ‌జే భాజే...

మిత్రులందరకూ సంక్రాంతి శుభాకాంక్షలు. పిండివంటల ఘుమ ఘుమలు, కొత్త బట్టల రెపరెపలు, కుటుంబ సభ్యులు బంధుమిత్రుల కోలాహలం నడుమ ఆనందోత్సాహాలతో పండుగ జరుపుకొంటున్నారని తలుస్తాను. కొత్త సంవత్సరాన సంక్రాంతికి విడుదలైన మల్టీ స్టారర్ గోపాల గోపాల సినిమాలోని ఓ చక్కని కన్నయ్య పాటను ఈ సందర్బంగా తలచుకుందాం. సాక్షాత్ కన్నయ్యే భువికి దిగివచ్చి భక్తులతో పరాచికమాడినట్లుగా అనంత శ్రీరాం రాసిన ఈ పాట నాకు బాగా నచ్చింది, మీరూ వినండి. ఈ పోస్ట్ లో ఎంబెడ్ చేసినది ఈ పాట వీడియో ట్రైలర్. పూర్తిపాట ఆడియో ఇక్కడ వినవచ్చు లేదా యూట్యూబ్ జ్యూక్ బాక్స్ లో ఇక్కడ వినవచ్చు.


చిత్రం : గోపాల గోపాల (2015)
సంగీతం : అనూప్ రూబెన్స్
సాహిత్యం : అనంత శ్రీరాం
గానం : హరిచరణ్, కోరస్

ఆలారే ఆలా.. ఆయ నందలాల
అందరూ చూడండయ్యా చూపిస్తాడూ ఏదో లీల
ఆలారే అలా.. ఆయ నందలాల
ఆడలా ఈలేసాడో కోలాటాల గోలా గోల

 

దూరంగా రంగా దొంగా దాక్కోకోయ్ ఇయ్యాలా
వ‌చ్చి నువ్ మాతో సిందెయ్యాలా
మందిరం క‌ట్టింద‌య్యా భూమి నీకీవేళ‌
మంచి చెయ్యాలోయ్ చాలా చాలా
ఎవ‌డో ఏల.. ఇది నీ నేల
నువు చేసే ప్ర‌తి మంచీ ఎదురై ఎగిరేయ‌దా ఇలా..

భ‌జే భాజే ఆ డోలు భ‌జే భాజే ఆ డోలు భ‌జేరే
భ‌జే భాజే ఆ డోలు భ‌జే భాజే ఆ డోలు భ‌జేరే


దూరంగా రంగా దొంగా దాక్కోకోయ్ ఇయ్యాలా
వ‌చ్చి నువ్ మాతో సిందెయ్యాలా

భామ‌కే లొంగేటోడు బాధేం తీరుస్తాడు
ప్రేమ‌కే పొంగాడంటే ప్రాణం బ‌దులిస్తాడు

ఆవుల్నే తోలేటోడు నిన్నేం పాలిస్తాడు
యుద్ధంలో రథం తోలి నీతిని గెలిపించాడు 

న‌ల్ల‌ని రంగున్నోడు తెల్ల‌ని మ‌న‌సున్నోడు 
అల్ల‌రి పేరున్నోడు అంద‌రికీ అయినోడూ 
మీ పిచ్చీ ఎన్నాళ్లో అన్నాళ్లూ అన్నేళ్లూ
మీలోనే ఒక‌డై ఉంటాడు

భ‌జే భాజే ఆ డోలు భ‌జే భాజే ఆ డోలు భ‌జేరే 
బజేరే బజేరే బజెరే..ఏఏ... 
భ‌జే భాజే ఆ డోలు భ‌జే భాజే ఆ డోలు భ‌జేరే 
బజేరే బజేరే బజెరే..ఏఏ...

భ‌జే భాజే ఆ డోలు భ‌జే భాజే ఆ డోలు భ‌జేరే 
బజేరే బజేరే బజెరే..ఏఏ... 
భ‌జే భాజే ఆ డోలు భ‌జే భాజే ఆ డోలు భ‌జేరే
 బజేరే బజేరే బజెరే..ఏఏ...
భ‌జే భాజే ఆ డోలు భ‌జే భాజే ఆ డోలు భ‌జేరే 
బజేరే బజేరే బజెరే..ఏఏ...
 భ‌జే భాజే ఆ డోలు భ‌జే భాజే ఆ డోలు భ‌జేరే 
 బజేరే బజేరే బజెరే..ఏఏ...


బుధవారం, జనవరి 14, 2015

విందువా వీనుల విందుగా...

మిత్రులందరకూ భోగి పండుగ శుభాకాంక్షలు. ఉదయమే చలిమంటలు వేసి పిల్లలకు భోగిపళ్ళు పోశారా.. ఈ రోజు ధనుర్మాసపు చివరి రోజు గోదాకళ్యాణమైన పుణ్యదినం. నేటితో ఈ బ్లాగ్ లో కన్నయ్య పాటల సిరీస్ కు స్వస్తి. ఈ సందర్బంగా మొల్ల కు గోదా దేవి కళ్యాణం గురించి చెప్పినప్పటి సందర్బంలోని ఈ పాట తలచుకుందామా. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : కథానాయిక మొల్ల (1970)
సంగీతం : ఎస్.పి.కోదండపాణి
సాహిత్యం : దేవులపల్లి
గానం : జానకి

విందువా వీనుల విందుగా 
గోవిందునాండాళ్ళు పరిణయమ్మైన గాథ 

ఉన్నదా విల్లి పుత్తూరు అందుగలరు 
శ్రీహరి కింకరులు పెరియాళ్వారు 
వారి చిన్నారి కుమారి ఆండాళ్ళు 
శ్రీ తులసీ వనములోన వెలసే కూన 
అయ్యకన్నను మిన్న ఆ కన్నె 
శ్రీరంగ పురిని వేంచేసిన హరిన వలచి 
పతిగా కొలిచి మేటి వ్రతమూని 
కృతులన్ని సరసిజాక్షుని అలంకరణమునకు 
ఏరి పూలా కూరిచి మాలా ఎలమిదాని 
ముదిత తన క్రొమ్ముడిని మునుముందె ముడిచి 
అద్దమున చూచి తలయూచి అలరే 
అవల కోవెలకేగి పెరుమాళ్ళకొసగుచుండె..ఏ..
ఏ..ఏఎ...ఆఆఅ..ఆ

అపుడా శ్రీహరి 

చెదరదుగదే చెలువ చిత్తము రవంతా..ఆఅ..ఆ
పెరచింత విడనాడుకొని నన్నె 
హృదయమున నిలుపుకొనె పదిలముగా ఆఅ.. 
అని మెచ్చి సదయుడై 
శ్రీరంగ నగరీ సదనుడు ఆళ్వారుల కదలి రావించి 
ఆ సుదతి తన దేవిగ వరించెన్ 
ముదమొందె ముల్లోకములును.. 
గోదాదేవి భువనమోహనుడు పెండ్లాడగా..ఆఅ..ఆ 

చూశావా మొల్ల తులసీ వనములోన దొరికిన మొలక 
అలహరి వలపు పంజరపు రాచిలుకా..ఆఅ..


మంగళవారం, జనవరి 13, 2015

జీవితమే కృష్ణ సంగీతము...

సుసర్ల దక్షిణామూర్తి వారి స్వర సారధ్యంలో బాలమురళీ కృష్ణ గారు గానం చేసిన ఈ వేటూరి రచన శ్రోతలను ఇట్టే ఆకట్టుకుంటుంది. బాలమురళి గారి గళం విని మైమరచిపోని వాళ్ళు ఎవరుంటారు చెప్పండి. మొదట్లో వచ్చే మురళీనాదమే చాలా ఆహ్లాదంగా ఉంటుంది. నాకు ఇష్టమైన ఈ పాట మీరు కూడా విని ఆనందించండి. ఈ పాట ఆడియో ఇక్కడ వినవచ్చు లేదా డౌన్లోడ్ చేస్కోవచ్చు.


చిత్రం : శ్రీమద్విరాటపర్వము (1979)
సంగీతం : సుసర్ల దక్షిణామూర్తి
సాహిత్యం : వేటూరి
గానం : మంగళంపల్లి బాలమురళీకృష్ణ

ఆఆఅ...ఆఆ...ఆఆఆ...
జీవితమే కృష్ణ సంగీతమూ.. 
జీవితమే కృష్ణ సంగీతమూ.. 
సరిసరి నటనలు స్వరమధురిమలు 
అంతరంగాన ఊగే రస తరంగాల తేలే 
అంతరంగాన ఊగే రస తరంగాల తేలే 
యమునా నదీ లహరికా నాట్య గీతము.. 

జీవితమే కృష్ణ సంగీతమూ..  

నందుని నట్టింటి కరి లేగదూడా.. 
కాళింది లో కేళిగా పాము తలనాడా.. 
నందుని నట్టింటి కరి లేగదూడా.. 
కాళింది లో కేళిగా పాము తలనాడా.. 
గోకులమది చూడ గోపబాలకులాడా 
ఆఆఅ..ఆఆ....
గోకులమది చూడ గోపబాలకులాడా 
అది విన్న ఇల్లాలు యశోదమ్మ అల్లాడ.. 
ఆనంద తాండవమాడినా ఆనందనందనుని 
శ్రీ పాద యుగళ శ్రీ పారిజాత సుమదళాలా 
పరిమళాల పరవశించే 

జీవితమే కృష్ణ సంగీతమూ..  

వెన్నల రుచికన్నా.. 
వెన్నల రుచికన్నా మన్నుల చవిమిన్న
అన్నన్నా ఇది ఏమి అల్లరిరా అన్నా..
తెరచిన తన నోట తరచి చూచిన కంట 
ఈరేడు భువనాలు కనిపించెనంట 
ఆబాలగోపాలమది కని ఆ బాల గోపాల దేవుని 
పదమునాను కథలు విన్న 
ఎదలు పొంగి యమునలైన మా.. 

జీవితమే కృష్ణ సంగీతమూ.. 
సరిసరి నటనలు స్వరమధురిమలు 
అంతరంగాన ఊగే రస తరంగాల తేలే 
అంతరంగాన ఊగే రస తరంగాల తేలే 
యమునా నదీ లహరికా నాట్య గీతమూ.. 

జీవితమే కృష్ణ సంగీతమూ.. 


సోమవారం, జనవరి 12, 2015

పాడవేల రాధికా...

ఎస్. రాజేశ్వరరావు గారి స్వరకల్పనలో సుశీలమ్మ గానం చేసిన మరో అమృత గుళిక ఈరోజు మనందరి కోసం. ఈ పాట రెండవ చరణంలో శ్రీశ్రీ గారు అంత్యప్రాసలతో ఆకట్టుకుంటారు. ఇక సాలూరి వారి స్వరరచన సంధ్యవేళ పిల్లతెమ్మెరలా తాకుతుంది. సాక్షాత్ గోపాలుడే ఈ రాధిక గానానికి పరవశించి బృందావని వీడి వచ్చేస్తాడేమో అనిపిస్తుంది. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : ఇద్దరు మిత్రులు (1961)
సంగీతం : ఎస్. రాజేశ్వరరావు
సాహిత్యం : శ్రీశ్రీ
గానం : ఘంటసాల, సుశీల

ఆ..ఆ ..ఆఆ...ఆఆఆ...ఆఆఆ....
ఓఓ.. ఓఓ..ఓఓఓఓ...ఓఓఓఓఓఓ.....
పాడవేల రాధికా ప్రణయ సుధా గీతికా
పాడవేల రాధికా ప్రణయ సుధా గీతికా
పాడవేల రాధికా

ఈ వసంత యామినిలో..ఓ..ఓ..
ఈ వెన్నెల వెలుగులలో..ఓ..ఓ..
ఈ వసంత యామినిలో
ఈ వెన్నెల వెలుగులలో
జీవితమే పులకించగ
జీవితమే పులకించగ
నీ వీణను సవరించి 

పాడవేల రాధికా

గోపాలుడు నిను వలచి
నీ పాటను మది తలచి
గోపాలుడు నిను వలచి
నీ పాటను మది తలచి
ఏ మూలనొ పొంచి పొంచి
ఏ మూలనొ పొంచి పొంచి
వినుచున్నాడని ఎంచి 

పాడవేల రాధికా

వేణుగానలోలుడు నీ వీణా
మృదు రవము వినీ
ఈ....ఈ...ఈఈ....ఈఈఈ.....
వేణుగానలోలుడు నీ వీణా
మృదు రవము వినీ
ప్రియమారగ నిను చేరగ
దయచేసెడి శుభ వేళ 

పాడవేల రాధికా....

ప్రణయ సుధా గీతికా
పాడవేల రాధికా..

ఆదివారం, జనవరి 11, 2015

విన్నారా.. అలనాటి వేణుగానం...

రమేష్ నాయుడు గారి స్వరకల్పనలో ఘంటసాలగారు సుశీలగారు గానం చేసిన ఆరుద్ర వారి రచన ఈ రోజు గుర్తుచేసుకుందాం. ఒక సాంఘీక చిత్రంలో హీరో తత్వాన్ని కృష్ణ తత్వంతో పోలుస్తూ రాసిన ఈపాట చాలా బాగుంటుంది. ఈ పాట ఆడియో మాత్రమే వినాలంటే ఇక్కడ వినవచ్చు.


చిత్రం : దేవుడు చేసిన మనుషులు (1973)
సంగీతం : రమేశ్ నాయుడు
సాహిత్యం : ఆరుద్ర
గానం : ఘంటసాల, సుశీల

మరల రేపల్లెవాడలో.. మురళి మోగె
మోడువారిన హృదయాలు పూయసాగె..

విన్నారా..  విన్నారా..
అలనాటి వేణుగానం మోగింది మరల..
అలనాటి వేణుగానం మోగింది మరల
చెలరేగే మురళీ సుధలు..
తలపించును కృష్ణుని కథలు..  విన్నారా

పుట్టింది ఎంతో గొప్పవంశం..
పెరిగింది ఏదో మరో లోకం
పుట్టింది ఎంతో గొప్పవంశం.. 
పెరిగింది ఏదో మరో లోకం
అడుగడుగున గండాలైనా
ఎదురీది బతికాడు
అడుగడుగున గండాలైనా
ఎదురీది బతికాడు
చిలిపి చిలిపి దొంగతనాలు
చిననాడే మరిగాడు
దొంగైనా.. దొర అయినా..
మనసే హరించేనులే   

విన్నారా..
అలనాటి వేణుగానం మోగింది మరల
అలనాటి వేణుగానం.. మోగింది మరల

ద్వేషించే కూటమిలోన నిలచి.. 
ప్రేమించే మనిషేకదా మనిషి
ద్వేషించే కూటమిలోన నిలచి.. 
ప్రేమించే మనిషేకదా మనిషి
ఆడేది నాటకమైనా
పరుల మేలు  తలచాడు
ఆడేది నాటకమైనా
పరుల మేలు  తలచాడు
అందరికీ ఆనందాల
బృందావని నిలిపాడు
ఆ నాడు..  ఈ నాడు మమతే తరించేనులే 

విన్నారా.. 
అలనాటి వేణుగానం మోగింది మరల
చెలరేగే మురళీ సుధలు..
తలపించును కృష్ణుని కథలు..  విన్నారా


నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail