నీ మాయలో పడితే/నీ నవ్వు చాలంటా...

ఇటీవల జీ ఫై లో విడుదలైన ఫీల్ గుడ్ ఎంటర్టైనర్ "నిన్నిలా నిన్నిలా" సినిమాలోని ఓ చక్కని మెలోడీని ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా డౌన్లోడ్ చేస్కోవచ్చు. ఎంబెడెడ్ లిరికల్ వీడియో ఇక్కడ చూడవచ్చు. 

చిత్రం : నిన్నిలా నిన్నిలా (2021)

సంగీతం : రాజేష్ మురుగేశన్  

సాహిత్యం : శ్రీమణి  

గానం : విజయ్ ఏసుదాస్, రాజేష్ మురుగేశన్

నీ నవ్వు చాలంటా 

నా కంటనీరు మాయం

నీ చూపు చాలంటా 

ఈ చీకటే మాయం

మాటలెన్నున్నా 

నచ్చే మౌనమే నువ్వూ

పాటలా నిన్నూ 

పలికే పెదవినే నేనూ

నీ నవ్వు చాలంటా 

నా కంటనీరు మాయం

నీ నవ్వు చాలంటా 

నీ నవ్వు చాలంటా 

తియ్యనీ నీ పిలుపులో 

నా అడుగుకెన్ని పరుగులో 

నువ్వు తాకి చూసే వేళలో

ఒక రంగుకెన్నీ రంగులో

క్షణముకెన్ని ఊహలో 

నీ ఊసులే విను మనసులో

ఈ కలలకెన్నీ కులుకులో

నా నిదురకెన్ని ఉలుకులో

నీ నవ్వు చాలంటా 

నా కంటనీరు మాయం

నీ నవ్వు చాలంటా 

నీ నవ్వు చాలంటా 

ఆఆ... అలసిపోయే వేళలో 

నువ్వు కలిసి ఉంటే చాలులే 

ఇక మాయమవదా అలసటే 

మటు మాయమవదా నిలకడే

ఊహలంటే తెలియదే 

నీ ఊసులే విను మనసుకే 

ఈ కలలు అంటే తెలియదే 

నా నిదుర నిండా నీ కథే 

మాయమవదా లోకమంతా

మెరిసిపోదా మనసిలా 

నీ మాయలో పడితే 

నీ మాయలో పడితే 

మారిపోదా కాలమంతా 

మరపు రానీ గురుతులా

నీ మాయలో పడితే 

నీ మాయలో పడితే 

 

పూర్తిగా చదువు

ఎవరే ప్రేమను మాయంది...

లేటెస్ట్ హిట్ ప్రేమమ్ చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కొవచ్చు. ఎంబెడెడ్ వీడియో లోడ్ అవని వాళ్ళు ఇక్కడ చూడవచ్చు.

చిత్రం : ప్రేమమ్ (2016)

సంగీతం : రాజేష్ మురుగన్

సాహిత్యం : శ్రీమణి

గానం : విజయ్ ఏసుదాస్

తెలవారితే కనురెప్పల తొలి మెలకువ నువ్వే

నా గుప్పెడు గుండెల్లో చిరు చప్పుడు నువ్వే

పొలమారితె నీ మనసుకి అది నా పొరపాటే

నీ పేరే పలకడమే పెదవులకలవాటే

వెన్నెలలా ఉంటుందే నీ పక్కన చోటే

వేకువలా చూస్తోందే నువు నడిచిన బాటే

ప్రాణాలే తీస్తోందే నీ ఊహలతోటే

నా మనసే నీదయ్యే వినదే నామాటే

ఎవరే.. ఎవరే ప్రేమను మాయంది..

ఎవరే.. ఈ హాయికి హృదయము చాలందీ..

ఎవరే నిన్నే నా వైపు నడిపే

నా ఊహల మధురోహల హరివిల్లు నింపే

తియ్య తియ్యని నిముషాలే నీలోన ఒంపే

నా ఒంటరి కాలాన్నే నీతోన చెరిపే..

ఆ దైవమే నాకు చెప్పింది ఎపుడో

నీ చిన్ని చిరునవ్వె విలువైన వరమంటూ

నా ప్రాణమే నీకు చెబుతోంది ఇపుడూ

నువు లేక నే లేననీ ..

గదిలాంటి మదిలో నదిలాంటి నిన్నే

దాచేయాలనుకుంటే అది నా అత్యాశే

అడుగంత దూరం నువు దూరమైనా

నా ఊపిరి చిరునామా తెలిపేదెవరే..

ఎవరే..

వెన్నెలలా ఉంటుందే నీ పక్కన చోటే

వేకువలా చూస్తోందే నువు నడిచిన బాటే

ప్రాణాలే తీస్తోందే నీ ఊహలతోటే

నా మనసే నీదయ్యే వినదే నామాటే

ఎవరే.. ఎవరే ప్రేమను మాయంది..

ఎవరే.. ఈ హాయికి హృదయము చాలందీ..

ఓఓ...ఓఓఓ...ఓఓఓ...ఓఓ...

పూర్తిగా చదువు