మబ్బులు కురిసే...

భావుకురాలైన ఓ అమ్మాయి తన ప్రేమనంతటినీ అక్షరాలలో పెడితే ఇదిగో ఈ పాటలా ఉంటుంది. ఆహ్లాదకరమైన వాతావరణంతో మది పులకింపచేసే ఈ చల్లని వర్షాకాలంలో అంతే సున్నితమైన భావాలతో ఈ రోజు పుట్టిన నా నేస్తానికి పుట్టిన రోజు శుభాకాంక్షలు తెలుపుతూ ఈ పాటను తనకి అంకితమిస్తున్నాను. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ జ్యూక్ బాక్స్ వీడియో ఇక్కడ చూడవచ్చు.

 

చిత్రం : మల్లెలతీరం (2013)

సంగీతం : పవన్ కుమార్

సాహిత్యం : ఉమామహేశ్వరరావు

గానం : క్రాంతి   

తన్నననన తన్నననన తానననన

తతన్నననన తన్నననన తానననన

మబ్బులు కురిసే మొగ్గలు విరిసే 

మది మురిసే

దిక్కులు మెరిసే చుక్కలు విరిసే 

ఎద ఎగసే

చేతికి అందెను ఆకాశం

చినుకై రాలెను సంతోషం

తీయని తేనెల సావాసం

తోడై దొరికెను ఈ సమయం

సుడులై పొంగిన నది వేగం

సాగర సంగమ ప్రియ దాహం

మల్లెలు పూసే మౌనం విరిసే మది మురిసే

కన్నులు మెరిసే వెన్నెల కాసే ఎద ఎగసే

ఏ జన్మ కథ మళ్ళీ మొదలై 

నా జన్మ కదిలిందీ

ఆశగ నీతో అడుగేస్తుంటే 

అణువణువు అదిరిందీ

చిరు చిరు గాలులు తాకిన నీవని

చిరు సడి విన్నా అది నీ మాటని

చిరు చిరు గాలులు తాకిన నీవని

చిరు సడి విన్నా అది నీ మాటని

మమతల ముడి పడి 

మురళిగ నిలబడి 

మానస కోయిల కూసెనుగా

మబ్బులు కురిసే మొగ్గలు విరిసే 

మది మురిసే

దిక్కులు మెరిసే చుక్కలు విరిసే 

ఎద ఎగసే

ఏ కొమ్మ తొలి సిగ్గుల మొగ్గై 

ఏ చోట పూస్తుందో

ఉరికే వాగులు పారే యేరులు 

చేరే తీరాలేవో

తెలుసా వాటికి తమ తలరాతలు

తెలిసిన ఆగవు వలచిన చరితలు

తెలుసా వాటికి తమ తలరాతలు

తెలిసిన ఆగవు వలచిన చరితలు

పూవుల ఘుమ ఘుమ 

మువ్వల సరిగమ

ఎవ్వరు ఆపిన ఆగవుగా

మబ్బులు కురిసే మొగ్గలు విరిసే 

మది మురిసే

దిక్కులు మెరిసే చుక్కలు విరిసే 

ఎద ఎగసే

నా చూపులకు సోయగమిచ్చి 

నీ కంటి కళవచ్చీ

నువ్వే నేనని భావన చేస్తూ 

నాతో నేను రమించీ

చూసేదంతా సొగసనిపించి

చేసేవన్నీ నిజమనిపించె

చూసేదంతా సొగసనిపించి

చేసేవన్నీ నిజమనిపించె

గువ్వల కిల కిల 

నవ్వుల పరిమళ

మల్లెల తీరము కనిపించీ

మల్లెల తీరము కనిపించీ

తన్నననన తన్నననన తానననన

తతన్నననన తన్నననన తానననన

మబ్బులు కురిసే మొగ్గలు విరిసే 

మది మురిసే

దిక్కులు మెరిసే చుక్కలు విరిసే 

ఎద ఎగసే

మబ్బులు కురిసే మొగ్గలు విరిసే 

మది మురిసే

దిక్కులు మెరిసే చుక్కలు విరిసే 

ఎద ఎగసే

చేతికి అందెను ఆకాశం

చినుకై రాలెను సంతోషం

తీయని తేనెల సావాసం

తోడై దొరికెను ఈ సమయం

సుడులై పొంగిన నది వేగం

సాగర సంగమ ప్రియ దాహం

మల్లెలు పూసే మౌనం విరిసే 

మది మురిసే

కన్నులు మెరిసే వెన్నెల కాసే 

ఎద ఎగసే 

లల్లలలాల లల్లలలాల లాలలాలల

లల్లలలాల లల్లలలాల లాలలాలల

 

పూర్తిగా చదువు

పిల్లగాలుల పల్లకీలో...

మల్లెల తీరం చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ జ్యూక్ బాక్స్ వీడియో ఇక్కడ చూడవచ్చు.

చిత్రం : మల్లెలతీరం (2013)
సాహిత్యం : ఉమామహేశ్వరరావు
సంగీతం : పవన్ కుమార్
గానం : లిప్సిక 

పిల్లగాలుల పల్లకీలో
మల్లె మధువై నీలొ చేరి
నిన్ను చూస్తూ నన్ను నేనే
వెదుకుకుంటున్నా

మరచి విశ్వము మరచి నేనే
మరచి సర్వము నన్ను నేనే
మౌనమే మకరందమౌతూ
మురిసిపోతున్నా

కన్న కలలే వెన్నెలవుతూ
కన్నులెదుటే విరగబూసె
ఎన్ని జన్మల పుణ్య ఫలమో
నిన్ను కలిసితిని

అలుకలన్ని ఆవిరయ్యె
వేదనంతా వేడుకయ్యె
చీకటంతా వెలుతురయ్యె
చెలిమి తోడయ్యే

ఆకశములో చందమామ
కొలను పూసిన కలువ భామ
నేల నడిచెను కలసి మెలసి
కొత్త దారులలో

పలుకు తేనెల గోరు వంకతొ
పంజరములో రామచిలుకను
కలిపి నడిపిన బ్రహ్మ రాతను
మార్చు వారెవరో

గోరు వెచ్చని నింగి మనసు
ఆకు పచ్చని నేల సొగసు
కలసి కమ్మని తోడు నీడై
అడుగులేసేనా

నేల రాలిన చినుకు వానగు
వాన నీరె పారు ఏరగు
పారు యేరులె పొంగి పొరలుతు
సంద్రమయ్యెనుగా

అంత సంద్రమె ఆవిరౌతు
మబ్బు లోపలె చేరే నీరై
అట్టి నీరె చిట్టి చినుకై
మట్టి తాకెనుగా

మనసులొకటై మమతలొకటై
ఆశలొకటై బాసలొకటై
పరిమళించిన జంట మల్లెలు
జతను వీడేనా

 

 

పూర్తిగా చదువు

నీ నీడనా ఇలా నడవనా...

రెండక్షరాల ప్రేమని వ్యక్తం చేయడానికి ఒకోసారి ఎన్ని మాటలైనా సరిపోవనిపిస్తుంది.. కానీ అదే ప్రేమ ఒకోసారి మౌనంగా కూడా వేలమాటలకు అందని భావాన్ని వ్యక్తపరచగలదు. మల్లెలతీరం చిత్రంలోని ఈపాటను చూడండి ఈ అమ్మాయి తన ప్రేమనంతా రెండేలైన్లలో ఎంత చక్కగా చెప్పిందో. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : మల్లెల తీరంలో సిరిమల్లె పువ్వు (2013)
సంగీతం : పవన్ కుమార్
సాహిత్యం : ఉమామహేశ్వర్రావు
గానం : ప్రణవి

నీ నీడనా
ఇలా నడవనా
నీ నీడనా
ఇలా నడవనా

పరిమళించు పూవులాగ పలుకరించన
చినుకుతాకు మొలకరీతి చిగురుతొడగనా
నీ పాటనా సుధై పారనా
మనసు కోరు మల్లెనౌతు 

నేను నీలొ కలసిపోన

నీ నీడనా
ఇలా నడవనా

హా హాహా అహా హహహ

హా హాహా అహా హహహ

నీ నీడనా
ఇలా నడవనా
నీ నీడనా
ఇలా నడవనా
 
పరిమళించు పూవులాగ పలుకరించన
చినుకుతాకు మొలకరీతి చిగురుతొడగనా
నీ పాటనా సుధై పారనా
మనసు కోరు మల్లెనౌతు 

నేను నీలొ కలసిపోన

నీ నీడనా
ఇలా నడవనా
హా హాహా అహా హహహ

హా హాహా అహా హహహ

పూర్తిగా చదువు

మాటకందని పాటగా...

ఈరోజు నుండీ కొంతకాలంపాటు ఈ బ్లాగ్ లో ప్రతిరోజు ఉదయం ఏడు గంటలకు ఒక మంచి పాటతో మిమ్మల్ని పలకరించాలని నిర్ణయించుకున్నాను, అలాగే మీకు నచ్చిన పాటలు వేటికైనా లిరిక్స్ కావలసి ఉంటే కూడా ఈ బ్లాగ్ పోస్టులలో కామెంట్స్ రూపంలో నాకు తెలియజేయండి. తప్పకుండా సాధ్యమైనంత త్వరలో అందించడానికి ప్రయత్నిస్తాను.

ముందుగా మధురమైన పాటలంటే పాతవి మాత్రమే కాదు కొత్తపాటల్లోనూ అందమైన పాటలూ మళ్ళీ మళ్ళీ వినాలనిపించే పాటలూ ఉంటాయనే నమ్మకాన్ని కలిగించిన కొత్త సినిమా “మల్లెలతీరం” నుండి “మాటకందని పాటగా” పాట సాహిత్యం మీకోసం. సినిమా కథా నేపధ్యాన్ని పక్కన పెడితే ఇద్దరు ప్రేమికుల మధ్య పాటగా చూసినపుడు ఈ పాట చాలా చాలా బాగుంటుంది దదాపు ఒక నెలపాటు నేను రోజూ విన్నపాట ఇప్పటికీ తరచుగా వినేపాట. కొత్తపాటలలో ఇలా వినగలిగేవి దీర్ఘకాలం మనగలిగేవీ బహు అరుదు అని చెప్పచ్చేమో. అలాంటి అరుదైన పాట ప్రోమో మీకోసం.

పూర్తిపాట ఆడియో వర్షన్ రాగాలో ఇక్కడ కానీ కింద ఎంబెడ్ చేయబడిన జ్యూక్ బాక్స్ లో ఇక్కడ కానీ వినవచ్చు. డివిడి రిలీజ్ కానందున ఇంకా పూర్తి వీడియో సాంగ్ లభ్యత లేదు.

చిత్రం : మల్లెలతీరం
సాహిత్యం : ఉమామహేశ్వరరావు
సంగీతం : పవన్ కుమార్
గానం : నిత్యసంతోషిణి

మాటకందని పాటగా మనమిద్దరమూ కలిశాముగా
మల్లెపువ్వుల దారిలో ఒక శ్వాసై అడుగేసాముగా
సుమాలు విరిసే సరసులోనా పరాగమే మనమే
సుశీలమైన స్వరములోన ఇద్దరమే మనమిద్దరమే

మాటకందని పాటగా మనమిద్దరమూ కలిశాముగా

తూరుపు వెలుగుల పడమటి జిలుగుల
పగడపు మెరుపులలో మనమే
సాగర తీరపు చల్లని గాలుల గానంలో మనమే
చంద్రుడైనా చిన్నబోయే, ఇంద్రధనుసున ఇద్దరమే
చీకటి నలుపున మనమే
చిగురాకుల ఎరుపున మనమే
అలలకు కదులుతు అలసట ఎరుగని
నడచిన నావలు మనమే
ఆశల ఉషస్సున ఆరని జ్యోతులమిద్దరమే!

ఆఅ... మాటకందని పాటగా మనమిద్దరమూ కలిశాముగా

స్వఛ్చపు తొలకరి వెచ్చని జల్లుల
పచ్చని కాంతులలో మనమే..
గలగల పరుగుల సరిగమ పలుకుల సెలపాటల మనమే
నింగి నేల చిన్నబోయే రంగులన్నీ ఇద్దరమే
ముసిరిన మంచున మనమే
గతియించని అంచున మనమే
ద్వైతము ఎరగని చరితను చెరపని కమ్మని ప్రియకథ మనమే
ఊహల జగాలలో ఊపిరి ఊసులమిద్దరమే

మాటకందని పాటగా మనమిద్దరమూ కలిశాముగా
మల్లెపువ్వుల దారిలో ఒక శ్వాసై అడుగేసాముగా
సుమాలు విరిసే సరసులోనా పరాగమే మనమే
సుశీలమైన స్వరములోన ఇద్దరమే మనమిద్దరమే

మాటకందని పాటగా మనమిద్దరమూ కలిశాముగా

 

పూర్తిగా చదువు