సోమవారం, జూన్ 01, 2020

పిల్లగాలుల పల్లకీలో...

మల్లెల తీరం చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ జ్యూక్ బాక్స్ వీడియో ఇక్కడ చూడవచ్చు.


చిత్రం : మల్లెలతీరం (2013)
సాహిత్యం : ఉమామహేశ్వరరావు
సంగీతం : పవన్ కుమార్
గానం : లిప్సిక 

పిల్లగాలుల పల్లకీలో
మల్లె మధువై నీలొ చేరి
నిన్ను చూస్తూ నన్ను నేనే
వెదుకుకుంటున్నా

మరచి విశ్వము మరచి నేనే
మరచి సర్వము నన్ను నేనే
మౌనమే మకరందమౌతూ
మురిసిపోతున్నా


కన్న కలలే వెన్నెలవుతూ
కన్నులెదుటే విరగబూసె
ఎన్ని జన్మల పుణ్య ఫలమో
నిన్ను కలిసితిని

అలుకలన్ని ఆవిరయ్యె
వేదనంతా వేడుకయ్యె
చీకటంతా వెలుతురయ్యె
చెలిమి తోడయ్యే


ఆకశములో చందమామ
కొలను పూసిన కలువ భామ
నేల నడిచెను కలసి మెలసి
కొత్త దారులలో

పలుకు తేనెల గోరు వంకతొ
పంజరములో రామచిలుకను
కలిపి నడిపిన బ్రహ్మ రాతను
మార్చు వారెవరో


గోరు వెచ్చని నింగి మనసు
ఆకు పచ్చని నేల సొగసు
కలసి కమ్మని తోడు నీడై
అడుగులేసేనా

నేల రాలిన చినుకు వానగు
వాన నీరె పారు ఏరగు
పారు యేరులె పొంగి పొరలుతు
సంద్రమయ్యెనుగా


అంత సంద్రమె ఆవిరౌతు
మబ్బు లోపలె చేరే నీరై
అట్టి నీరె చిట్టి చినుకై
మట్టి తాకెనుగా

మనసులొకటై మమతలొకటై
ఆశలొకటై బాసలొకటై
పరిమళించిన జంట మల్లెలు
జతను వీడేనా
 

 

4 comments:

ఈ మూవీ ఆన్లైన్ లో యెప్పుడు పెడతారో..నైస్ సాంగ్..

నేనూ చాలా ఎదురు చూస్తున్నానండీ ఈ సినిమా కోసం... థ్యాంక్స్ ఫర్ యువర్ కామెంట్ శాంతి గారూ..

వెల్కమ్ బ్యాక్ సుజాత గారూ :-)

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.