బుధవారం, జూన్ 03, 2020

అనురాగము విరిసేనా...

దొంగరాముడు చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు. దొంగరాముడు మ్యూజికల్ హిట్ ఇందులో పాటలన్నీ బావుంటాయి. పెండ్యాల గారి సంగీతం మలయమారుతం లాగా హాయిగా ఉంటుంది. ఈ పాట వింటూంటే ఓ సరదా విషయం జ్ఞాపకం వచ్చింది. రేరాజుని గురించి తెలియని చిన్నతనంలో రేడియోలో ఈ పాట వింటూ ఏంటీ పిల్ల మరీ ఎంత ప్రేమ ఎక్కువైతే మాత్రం రాజుగారిని ఒరే రాజా అని అంటూంది అని ఆశ్చర్యపోయేవాడ్ని :-)


చిత్రం : దొంగరాముడు (1955)
సంగీతం : పెండ్యాల
సాహిత్యం : సముద్రాల (సీనియర్)
గానం : సుశీల 

ఆఅ ఆఅ ఆఆ..
అనురాగము విరిసేనా
ఓ రేరాజా
అనుతాపము తీరేనా

విను వీధినేలే రాజువే
నిరుపేద చెలిపై మనసౌనా

అనురాగము విరిసేనా
ఓ రే రాజా
అనుతాపము తీరేనా

నిలిచేవు మొయిలూ మాటునా
పిలిచేవూ కనులా గీటునా
నిలిచేవు మొయిలూ మాటునా
పిలిచేవూ కనులా గీటునా
పులకించు నాదు డెందము
ఏ నాటి ప్రేమాబంధమో

ఓ రే రాజా
అనురాగము విరిసేనా


మునుసాగే మోహాలేమో
వెనుకాడే సందేహాలేమో
మును సాగే మోహాలేమో
వెనుకాడే సందేహాలేమో
నీ మనసేమొ తేటగా
తెనిగించవయ్య మహరాజా

ఓ రేరాజా
అనురాగము విరిసేనా
విను వీధినేలే రాజువే
నిరుపేద చెలిపై మనసౌనా
అనురాగము విరిసేనా

 

4 comments:

అవునండీ.. థ్యాంక్స్ ఫర్ ద కామెంట్..

మెలోడియస్ సాంగ్..

అవునండీ.. థ్యాంక్స్ ఫర్ యువర్ కామెంట్ శాంతి గారూ..

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.