కళ్లల్లో కలవరమై...

దొరసాని చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : దొరసాని (2019)
సంగీతం : ప్రశాంత్ ఆర్. విహారి
సాహిత్యం : శ్రేష్ట
గానం : చిన్మయి  

కళ్లల్లో కలవరమై కలవరమై
గుండెల్లో పరవశమో వరమై
కళ్లల్లో కలవరమై కలవరమో
వరమే అవ్వగా

కళ్లల్లో కలవరమై కలవరమై
గుండెల్లో పరవశమే వశమై
కళ్లలో కలవరమై కలవరమై
కలిగే కోరిక

ఏకాంతాల చెరలో స్వేచ్ఛగా
ఊహాలే ఎన్నో కొంటె కథలే చెప్పగా
ఆరాటాల ఒడిలో ఆడుతూ ప్రాణమే
ఆనందాల నిధికై చూడగా
ఊరించే ఊసులు ఎన్నో
ఉడికిస్తూ చంపుతుంటే
ఆ తపనలోన తనువు
తుళ్ళి పడుతుంటే

పాల బుగ్గలోని తళుకులే
వెన్నుపూస లోన వణుకులై
కంటిపాప లోన కవితలా మారే
చిన్ని మనసులోని కోవెల
పసిడి వన్నెలోని నవ్వులా
లేత పెదవిపైన ముత్యమై మెరిసే

ఏవో ఏవో ఏవో ఆశలే మెల్లగా
ఎదపై తీపి మధువే చెల్లగా
ఏదో ఏదో ఏదో మైకమే ముద్దుగా
మైమరపించు మాయే చెయ్యగా
అణువణువూ అలజడి రేగి
తమకంలో తేల్చుతుంటే
ఆ ఆదమరపులోన
ఈడు సతమతమై

పాల బుగ్గలోని తళుకులే
వెన్నుపూస లోన వణుకులై
కంటిపాప లోన కవితలా మారే
చిన్ని మనసులోని కోవెల
పసిడి వన్నెలోని నవ్వులా
లేత పెదవిపైన ముత్యమై మెరిసే
 

Posted in: చిన్మయి,ప్రశాంత్ ఆర్. విహారి,శ్రేష్ఠ