జాణవులె వరవీణవులె... ~ పాటతో నేను

బుధవారం, డిసెంబర్ 10, 2014

జాణవులె వరవీణవులె...

బుధవారం, డిసెంబర్ 10, 2014 వేణూశ్రీకాంత్ 2 వ్యాఖ్యలు

బాలకృష్ణ సినిమాలో పాటలు విడుదలయ్యాయట విందాం అని మొదటి సారి విన్నపుడు ఈ పాట బొత్తిగా ఆశ్చర్య పరిచింది. ఒక సారి విన్నాక జిక్కీ గారి గళంలో ఇళయరాజా గారి సంగీతం పదే పదే వెంటాడుతూ హమ్ చేసుకోడానికి అలవాటు పడిపోయాను. నేనిష్టపడే పాటలలో ఒకటైన ఈపాట మీరూ చూసీ వినీ ఆనందించండి. ఈ పాట ఆడియో వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : ఆదిత్య 369 (1991)
సంగీతం : ఇళయరాజా
సాహిత్యం : వేటూరి
గానం : బాలు, జిక్కి, ఎస్. పి. శైలజ

ఆ... ఆ... ఆ.... ఆ.... ఆ...
నెరజాణవులె.. వరవీణవులె కిలికించితాలలో ఆ హ హ
జాణవులె మృదుపాణివిలె మధుసంతకాలలో...
కన్నులలో... సరసపు వెన్నెలలె..
సన్నలలో ...గుసగుస తెమ్మెరలె
మోవిగని మొగ్గగని.. మోజుపడిన వేళలో..

జాణవులె ..వరవీణవులే.. కిలికించితాలలో ఆ హ హ
జాణవులె.. మృదుపాణివిలె ..మధుసంతకాలలో...

మోమటుదాచీ మురిపెము పెంచే లాహిరిలో...
ఆ హ హ ఓ హొ హొ హో

మూగవుగానే మురళిని వూదే వైఖరిలో..
చెలి వొంపులలో హంపికళ ఊగే ఉయ్యాల
చెలి పై యెదలో తుంగ అలా పొంగే ..ఈ వేళ
మరియాదకు విరిపానుపు సవరించవేమిరా..

జాణవులె ..వరవీణవులే.. కిలికించితాలలో ఆ హ హ
జాణవులె.. మృదుపాణివిలె ..మధుసంతకాలలో...
కన్నులలొ సరసపు వెన్నెలలె..
సన్నలలొ గుసగుస తెమ్మెరలె...
మోవిగని మొగ్గగని ..మోజుపడిన వేళలో...

జాణవులె ..వరవీణవులే.. కిలికించితాలలో ఆ హ హ

నెరజాణవులె.. మృదుపాణివిలె ..మధుసంతకాలలో..

చీకటి కోపం చెలిమికి లాభం కౌగిలిలో...
ఆ హ హ ఓ హొ హొ హో
వెన్నెల తాపం ...వయసుకు ప్రాణం ఈ చలిలో...
చెలి నా రతిలా ..హారతిలా నవ్వాలీవేళ..
తొలి సోయగమే.. ఓ సగము.. ఇవ్వాలీవేళ...
పరువానికి.. పగవానికి.. ఒక న్యాయమింక సాగునా...

జాణవులె.. వరవీణవులే.. కిలికించితాలలో ఆ హ హ

జాణవులె.. మృదుపాణివిలె.. మధుసంతకాలలో...
కన్నులలో సరసపు వెన్నెలలె..

సన్నలలో గుసగుస తెమ్మెరలె...
మోవిగని మొగ్గగని ..మోజుపడిన వేళలో...
జాణవులె ..వరవీణవులే.. కిలికించితాలలో ఆ హ హ
జాణవులె.. మృదుపాణివిలె.. మధుసంతకాలలో...