ప్రియతమా తమా సంగీతం...

వంశీ అండ్ ఇళయరాజా కాంబినేషన్లో బెస్ట్ ఆల్బమ్ అనదగినది ఆలాపన. అందులోని ఓ చక్కని పాట ఈరోజు గుర్తు చేసుకుందామా... మంచి హుషారైన ట్యూన్ కి తగ్గట్టు జానకి గారు పాడిన విధానం ఈ పాటను వేరే రేంజ్ కి తీస్కెళ్ళిపోయింది. ఈ పాట వీడియో దొరకలేదు... ఎంబెడ్ చేసినది యూట్యూబ్ జ్యూక్ బాక్స్ అది పనిచేయకుంటే ఆడియో ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : ఆలాపన (1986)

సంగీతం : ఇళయరాజా

గీతరచయిత : వేటూరి

నేపధ్య గానం : జానకి

తతతతరతరత్త తతరరతరతరత్త

ప్రియతమా తమా సంగీతం

విరిసె సుమములై వసంతం

అడుగుల సడే మయూరం

అడుగుకో వయ్యారం

పలికిన పదం సరాగం

జరిగెలే పరాగం

 

ప్రియతమా తమా సంగీతం

విరిసె సుమములై వసంతం

తరతరతరతరత్త తతరరతరతరత్త

రేగే రాగాలన్ని నాలో ఉయ్యాలూగెలే.. హాయ్..

మళ్ళి మళ్ళి నన్ను మత్తెక్కిస్తున్నాయిలే.. హాయ్..

హోయ్.. రేగే రాగాలన్ని నాలో ఉయ్యాలూగెలే.. హాయ్..

మళ్ళి మళ్ళి నన్ను మత్తెక్కిస్తున్నాయిలే.. హాయ్..

నాలోన లీలగా నాద స్వరాలుగా..

పూసింది లాలస పున్నాగలా

రేయంత ఎండాయె నా గుండెలో..

రేరాణి వెన్నెల్లలో..

ఈ మోహమెందాక పోతున్నదో

ఈ దేహమింకేమి కానున్నదో

వలపులే పిలువగా...

ప్రియతమా తమా సంగీతం

విరిసె సుమములై వసంతం

తరతరత్తర తరరరర తరతరత్తర...

పూలే తేనైపోయి నాలో వాగై పొంగెలే.. హోయ్..

నిన్నే నిన్నే కోరి నాట్యాలనే చేసెనే.. హోయ్..

హో..  పూలే తేనైపోయి నాలో వాగై పొంగెలే.. హోయ్..

ఏయ్..నిన్నే నిన్నే కోరి నాట్యాలనే చేసెనే.. హా..

నా పాన్పు పంచుకో..  ఈ బాధ తీర్చిపో

శివ రాతిరవ్వనీ ఈ రాతిరీ

తేనెల్లు పొంగాలి చీకట్లలో..

కమ్మన్ని కౌగిళ్ళలో..

నీ తోడు కావాలి ఈ జన్మకి

నే నీడనవుతాను నీ దివ్వెకి

పెదవులో..  మధువులా...

ప్రియతమా తమా సంగీతం

విరిసె సుమములై వసంతం

తరతరత్తర తతతతర తరరరర తరతరత్తర...

అడుగుల సడే మయూరం

అడుగుకో వయ్యారం

పలికిన పదం సరాగం

జరిగెలే పరాగం

ప్రియతమా తమా సంగీతం

విరిసె సుమములై వసంతం

తరతరత్తర తతతతర తరరరర తరతరత్తర

Posted in: 70's-90's పాటలు,ఇళయరాజా,జానకి,వంశీ,వేటూరి