నా మనసే ఒక తెల్లని కాగితం...

అర్ధాంగి చిత్రంలోని ఒక చక్కని పాటను ఈరోజు తలచుకుందాం. సుశీల గారి మధురగళం ఈ పాటకు మరింత అందాన్నిచ్చింది. ఈ పాట ఆడియో వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : అర్ధాంగి (1977)

సంగీతం : టి. చలపతిరావు

సాహిత్యం : సినారె

గానం : సుశీల

నా మనసే ఒక తెల్లని కాగితం

నీ వలపే తొలి వెన్నెల సంతకం

నా మనసే ఒక తెల్లని కాగితం

నీ వలపే తొలి వెన్నెల సంతకం

అది ఈనాడైనా ఏనాడైనా.. నీకే నీకే అంకితం..

నా మనసే ఒక తెల్లని కాగితం

నీ వలపే తొలి వెన్నెల సంతకం

తెరచిన నా కన్నులలో ఎపుడు నీ రూపమే

మూసిన నా కన్నులలో ఎపుడు నీ కలల దీపమే

తెరచిన నా కన్నులలో ఎపుడు నీ రూపమే

మూసిన నా కన్నులలో ఎపుడు నీ కలల దీపమే

కనులే కలలై.. కలలే కనులై

కనులే కలలై.. కలలే కనులై

చూసిన అందాలు అనుబంధాలు.. 

అవి నీకే నీకే అంకితం

నా మనసే ఒక తెల్లని కాగితం

నీ వలపే తొలి వెన్నెల సంతకం

నిండిన నా గుండెలలో ఎపుడూ నీ ధ్యానమే

పండిన ఆ ధ్యానంలో ఎపుడూ నీ ప్రణయ గానమే

నిండిన నా గుండెలలో ఎపుడూ నీ ధ్యానమే

పండిన ఆ ధ్యానంలో ఎపుడూ నీ ప్రణయ గానమే

ధ్యానమే గానమై.. గానమే ప్రాణమై

ధ్యానమే గానమై.. గానమే ప్రాణమై

పలికిన రాగాలు అనురాగాలు.. 

అవి నీకే నీకే అంకితం

నా మనసే ఒక తెల్లని కాగితం

నీ వలపే తొలి వెన్నెల సంతకం

Posted in: 70's-90's పాటలు,టి.చలపతిరవు,పి.సుశీల,సినారె