నగుమోము చూపించవా గోపాలా...

సాలూరి వారి స్వర సారధ్యంలో సుశీలమ్మ గానం చేసిన ఓ చక్కని పాటను నేడు తలచుకుందాం... ఈ గోపికమ్మకు గోపాలుడు తన నగుమోమును చూపించటం లేదట ఎందుకలా ఉడికిస్తున్నావంటూ ఎలా నిలదీస్తోందో చూడండి. ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : అమరశిల్పి జక్కన (1964)
సంగీతం : ఎస్.రాజేశ్వరరావు

సాహిత్యం : సినారె
గానం : సుశీల

నగుమోము చూపించవా గోపాలా
నగుమోము చూపించవా గోపాలా
మగువల మనసుల ఉడికింతువేలా
నగుమోము చూపించవా గోపాలా..ఆ..ఆ..ఆ

ఎదుట… ఎదుట వెన్నెల పంట.. ఎదలో తీయని మంట...
ఎదుట వెన్నెల పంట.. ఎదలో తీయని మంట ...
ఎదుట వెన్నెల పంట... ఎదలో తీయని మంట...
ఇక సైపలేను నీవే నా... ముద్దుల జంట
 

నగుమోము చూపించవా గోపాలా…

వగకాడవని నిన్నే వలచీ వచ్చెను రాధ...
వగకాడవని నిన్నే వలచీ వచ్చెను రాధ...
మగనాలిపై ఇంత బిగువూ చూపెదవేల..

నగుమోము చూపించవా గోపాలా...

 
కలువ పువ్వుల శయ్య పిలిచేను రావయ్య...
కలువ పువ్వుల శయ్య పిలిచేను రావయ్య...
నెలవంకలిడి నన్ను అలరించవేమయ్య...

నగుమోము చూపించవా గోపాలా…
 

నగుమోము చూపించవా గోపాలా
మగువల మనసుల ఉడికింతువేలా
నగుమోము చూపించవా గోపాలా..ఆ..ఆ..ఆ

Posted in: పి.సుశీల,వేణుగాన సమ్మోహనం,సాలూరి,సినారె