నిలువుమా నిలువుమా నీలవేణీ...

అమరశిల్పి జక్కన లోని ఓ మధుర గీతం ఈరోజు మీకోసం. సాలూరి వారి సంగీతం అంటే ఎంత శ్రావ్యమైన గీతమో నేను ప్రత్యేకంగా చెప్పక్కర్లేదు కదా.. నాకు చాలా ఇష్టమైన ఈ పాట మీరూ ఆస్వాదించండి. ఈ పాట ఆడియో వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : అమరశిల్పి జక్కన (1964)
సంగీతం : ఎస్. రాజేశ్వరరావు
సాహిత్యం : సముద్రాల (సీనియర్)
గానం : ఘంటసాల, సుశీల

నిలువుమా నిలువుమా నీలవేణీ
నీ కన్నుల నీలినీడ నా మనసు నిదురపోనీ
నిలువుమా నిలువుమా నీలవేణీ
అడుగడుగున ఆడే లేనడుమూ సొంపులా
అడుగడుగున ఆడే లేనడుమూ సొంపులా
తడబడే అడుగుల నటనల మురిపింపులా
తడబడే అడుగుల నటనల మురిపింపులా

సడిసేయక ఊరించే...
సడిసేయక ఊరించే... ఒయారపు ఒంపులా
కడకన్నుల ఇంపులా గడసరి కవ్వింపులా
నడచిరా నడచిరా నాగవేణీ
నీ కన్నుల నీలినీడ నా మనసూ నిదురపోనీ
అద్దములో నీ చెలువు తిలకించకు ప్రేయశీ..

అలిగేవూ నీ సాటి చెలిగా తలపోసి
అలిగేవూ నీ సాటి చెలిగా తలపోసి
నా ఊర్వశి రావే రావే అని పిలువనా
నా ఊర్వశి రావే రావే అని పిలువనా

ఆ సుందరి నెర నీటూ నీ గోటికి సమమౌనా
నా చెలి నిను మదీ దాచుకోనీ

నీ కన్నుల నీలినీడ నా మనసూ నిదురపోనీ.

Posted in: ఘంటసాల,పి.సుశీల,సముద్రాల(Sr),సాలూరి