అందాల హృదయమా... ~ పాటతో నేను

శనివారం, డిసెంబర్ 13, 2014

అందాల హృదయమా...

శనివారం, డిసెంబర్ 13, 2014 వేణూశ్రీకాంత్ 2 వ్యాఖ్యలు

అనురాగ దేవత చిత్రంలోని ఒక చక్కని పాట ఈరోజు మీకోసం... బాలు గారు హీరోకి తగినట్లుగా స్వల్పంగా స్వరాన్ని మార్చే పాడే విధానం అప్పట్లో చాలా ఆకట్టుకునేది ముఖ్యంగా సినిమా చూస్తున్నపుడే కాక పాట విన్నపుడు కూడా గాయకుడు కాకుండా నటుడు మాత్రమే గుర్తొచ్చేవాడు. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడ్ చేసిన వీడియో మొదటి చరణం మాత్రమే రెండవ చరణం ఇక్కడ చూడవచ్చు.

చిత్రం : అనురాగదేవత (1982)
సంగీతం : చక్రవర్తి
సాహిత్యం : వేటూరి
గానం : బాలు

ఆ..ఆ..ఆఅ..అ ఆ..అ ఆ..అ ఆ అ ఆ ఆ
అందాల హృదయమా.. అనురాగ నిలయమా
అందాల హృదయమా.. అనురాగ నిలయమా
నీ గుండెలోని తొలిపాట
వినిపించు నాకు ప్రతిపూట
వెంటాడు నన్ను ప్రతిచోట..

అందాల హృదయమా.. అనురాగ నిలయమా
అందాల హృదయమా.. అనురాగ నిలయమా

ఏ పాటకైనా ఆ ఆ... కావాలి రాగము..ఊ..ఊ
ఏ జంటకైనా ఆ ఆ...కలవాలి యోగము..
జీవితమెంతో తీయనైనదనీ..
మనసున మమతే మాసిపోదనీ
తెలిపే నీతో సహవాసం
వలచే వారికి సందేశం

అందాల హృదయమా.. అనురాగ నిలయమా
అందాల హృదయమా.. అనురాగ నిలయమా

మనసున్న వారికే ఏ..ఏ.. మమతాను బంధాలు
కనులున్న వారికే..ఏ..ఏ.. కనిపించు అందాలు
అందరి సుఖమే నీదనుకుంటే..
నవ్వుతూ కాలం గడిపేస్తుంటే..
ప్రతి ౠతువు ఒక వాసంతం
ప్రతి బ్రతుకు ఒక మధుగీతం

అందాల హృదయమా.. అనురాగ నిలయమా
అందాల హృదయమా.. అనురాగ నిలయమా
నీ గుండెలోని తొలిపాట
వినిపించు నాకు ప్రతిపూట
వెంటాడు నన్ను ప్రతిచోట..