సోమవారం, జూన్ 24, 2019

తమలపాకు లాంటి...

రక్తతిలకం చిత్రంలోని ఒక హుషారైన పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


చిత్రం : రక్త తిలకం (1988)
సంగీతం : కె.చక్రవర్తి
సాహిత్యం : వేటూరి
గానం : యస్.పి.బాలు , పి.సుశీల

తమలపాకు లాంటిదాన
నీ అందమంత తాంబూలం వేసుకోనా
పత్తిపువ్వు లాంటిదాన
వయ్యారమంత పరుపుగా చేసుకోనా
సరసాల కౌగిట్లో చెరవేయనా
గిలిగింత వడ్డాణం పెట్టేయనా

చందమామ లాంటివాడ
నీ వెన్నెలంత చీరగా చుట్టుకోనా
సూరీడు లాంటివాడ
నీ చేయి తగిలి మంచులా కరిగిపోనా
చిలకల్లే సిగ్గులతో పలకరించనా
తొలిప్రేమ పన్నీరు చిలకరించనా


పున్నపువ్వు నడుము నీది
దాన్ని పట్టకుంటే తప్పు నాది
కలువపువ్వు సొగసు నీది
దాన్ని దోచుకునే హక్కు నాది
పోట్లగిత్త పొగరు నీది
దాన్ని తట్టుకొనే వడుపు నాది
ఆకతాయి చెయ్యి నీది
దాన్ని ఆపేసే చూపు నాది

సరదాల పరువాలు నీవే
మురిపాల దూకుళ్ళు నావే
సింగారి సంపంగి నేనే 
పొంగారె వలపంతా నాదే


తమలపాకు లాంటిదాన
నీ అందమంత తాంబూలం వేసుకోనా
చందమామ లాంటివాడ
నీ వెన్నెలంత చీరగా చుట్టుకోనా


ఊరుకోని వయసు నీది
మరి దాచలేని మనసు నాది
చిలిపి చిలిపి చూపు నీది
దాన్ని ఇసురుకొనే గుండె నాది

అడవి నెమలి కులుకు నీది
దాన్ని పెనవేసే ఆశనాది
అసలు అందమంత నీది
దాన్ని అందుకునే కిటుకు నాది
ఈ కన్నె సిగపువ్వు నీదే
ఎరుపెక్కే పులకింత నాదే

నీ బుగ్గ సిరి చుక్క నేనే
నిన్నిడిచి నేనుండలేనే

చందమామ లాంటివాడ
నీ వెన్నెలంత చీరగా చుట్టుకోనా

తమలపాకు లాంటిదాన
నీ అందమంత తాంబూలం వేసుకోనా
తొలిప్రేమ పన్నీరు చిలకరించనా
గిలిగింత వడ్డాణం పెట్టేయనా 

 

2 comments:

ఫుట్ టాపింగ్ పాట..

అవునండీ.. థాంక్స్ ఫర్ ద కామెంట్ శాంతి గారూ..

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.