బుధవారం, జులై 01, 2020

కళ్యాణ వైభవమీనాడే...

ఈ రోజు తొలి ఏకాదశి సందర్భంగా జగ్గయ్య గారి వ్యాఖ్యానంతో అలనాటి తిరుపతి శ్రీ వేంకటేశ్వరుని వైభవాన్ని చూపించే ఈ వీడియోలో ఆ వెంకన్న దర్శనం చేసుకుందాం. ఎంబెడెడ్ వీడియో ఇక్కడ చూడవచ్చు.   


ఇక ఆ శ్రీమణ్ణారాయణుని తలచుకుంటూ శ్రీ వెంకటేశ్వర మహత్యం చిత్రంలోని ఒక చక్కని పాటను తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు. 


చిత్రం : శ్రీ వేంకటేశ్వర మహత్యం (1960)
సంగీతం : పెండ్యాల 
సాహిత్యం : ఆత్రేయ 
గానం : జిక్కి, పి.లీల 

కళ్యాణ వైభవమీనాడే 
చెలి కళ్యాణ వైభవమీనాడే 
మన పద్మావతీ శ్రీనివాసుల 
కళ్యాణ వైభవమీ నాడే

చూతమురారే సుదతులందరూ
చూతమురారే సుదతులందరూ
చేతమురారే సింగారాలు 
కళ్యాణ వైభవమీనాడే
 
పసుపు కుంకుమ అలదండీ 
పచ్చని తోరణాల్ కట్టండీ 
పసుపు కుంకుమ అలదండీ 
పచ్చని తోరణాల్ కట్టండీ 
రంగురంగులా రత్నాలు కలిపీ
ఆఆ...ఆఆఅ...ఆఆఅ....ఆ... 
రంగురంగులా రత్నాలు కలిపి
ముత్యాల ముగ్గులు వేయండి 

కళ్యాణ వైభవమీనాడే 
చెలి కళ్యాణ వైభవమీనాడే 
మన పద్మావతీ శ్రీనివాసుల 
కళ్యాణ వైభవమీ నాడే

అతివ కోరిన వరుడు 
అతిలోక సుందరుడోయమ్మా
అతగానికన్నింట జతయౌను 
మా యమ్మా ఆహూ.. ఆహూ..
అల్లారు ముద్దుగ 
పెరిగింది మాపిల్ల ఓయమ్మా
పువ్వుల్లో పుట్టాడు 
మా పిల్లవాడమ్మా ఆహూ.. ఆహూ.. 
 
చిలకలకొలికీ పద్మావతికీ 
కులుకే సింగారం
చెలి గుణమే బంగారం
మా చిలకలకొలికీ పద్మావతికీ 
కులుకే సింగారం 
చెలి గుణమే బంగారం

నవలామణికి నగవుల గనికి 
మనసే లావణ్యం లే వయసే వయ్యారం 
చక్కని చెక్కిలి చుక్కెందులకే.. ఎందుకే
చందమామలో నలుపున్నందుకే.. ఆహా
చిన్నదానికి ఆ సిగ్గెందులకే 
అవును ఎందుకే 
మనసులోన మరులున్నందులకే

చల్లనైన తల్లివి శంకరుని రాణివి
చల్లనైన తల్లివీ శంకరుని రాణివీ
దీవనలే ఇవ్వవమ్మా దేవేరి జయగౌరి 
చల్లనైన తల్లివీ శంకరుని రాణివీ
చల్లనైన తల్లివీ 

పసిడి కలల బాల తన పరిణయ శుభవేళా 
పసిడి కలల బాల తన పరిణయ శుభవేళా 
ప్రణమిల్లెను బ్రతుకెల్లను పచ్చనైన పంటగా
దీవనలే ఇవ్వవమ్మా దేవేరి జయగౌరీ
  

2 comments:

తొలి ఏకాదశి శుభకామన..

థ్యాంక్స్ శాంతి గారూ.. మీకు కూడా తొలి ఏకాదశి శుభాకాంక్షలు..

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.