అడగవయ్య అయ్యగారి...

ఈ రోజు వరలక్ష్మీ వ్రతం చేసుకుంటున్న మహాలక్ష్ములకు, వారికి అన్ని విధాలా సహాయ సహకారాలందిస్తున్న పురుష పుంగవులకూ ప్రత్యేక శుభాకాంక్షలు. ఈ సంధర్బంగా అయ్యవారి ఎక్కువేవిటో వారికన్నా తానెందులో తక్కువో తేల్చి చెప్పమని అమ్మవారు అడిగే ఈ చక్కని పాటను తలచుకుందాం. ఈ పాట ఆలోచన బాపూరమణలలో ఎవరిదో కానీ ఆరుద్ర గారి సాహిత్యం మాత్రం వహ్వా అనిపించక మానదు. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు. 

చిత్రం : మిస్టర్ పెళ్ళాం (1993)

సంగీతం : కీరవాణి

సాహిత్యం : ఆరుద్ర 

గానం : బాలు, చిత్ర 

అడగవయ్య అయ్యగారి ఎక్కువేవిటో

అలా అడగవయ్య అయ్యగారి ఎక్కువేవిటో 

చెప్పమను ఆడవాళ్ళ తక్కువేవిటో

అడగవయ్య అయ్యగారి ఎక్కువేవిటో 

చెప్పమను ఆడవాళ్ళ తక్కువేవిటో

ఆ ఎక్కువేవిటో ఈ తక్కువేవిటో

ఆ ఎక్కువేవిటో ఈ తక్కువేవిటో

పదునాలుగు భువనాలన్నీ 

పాలిస్తున్నాను పరిపాలిస్తున్నాను

ఆ భువనాలను దివనాలను 

నేను పోషిస్తున్నాను నేనే పోషిస్తున్నాను

సిరి లేని హరి వట్టి దేశ దిమ్మరి 

సిరి లేని హరి వట్టి దేశ దిమ్మరి

నేను అలిగి వెళ్ళానా తనకు లేదు టికానా

ఓహో ఏడు కొండలవాడి కథా తల్లీ 

నువు చెప్పేది బాగుందమ్మా కానీ కానీ

పెళ్లి కోసం తిప్పలు చేశాడండి అప్పులు

నాతో పెళ్లి కోసం తిప్పలు చేశాడండి అప్పులు

వడ్డీ కాసుల వాడా వెంకటరమణా గోవిందా గోవింద

కొండ మీద నేను మరి కొండ కింద ఎవరో 

నువ్వూ అడగవయ్యా

నడిరేయి దాటగానే దిగి వచ్చేదెవరో 

దిగి వచ్చేదెవరో

అడగవయ్య అయ్యగారి ఎక్కువేవిటో 

చెప్పమను ఆడవాళ్ళ తక్కువేవిటో

ఆ ఎక్కువేవిటో ఈ తక్కువేవిటో

ఆ ఎక్కువేవిటో ఈ తక్కువేవిటో

త్రేతాయుగమున నేను 

ఆ శ్రీరామచంద్రుడిని

ఐనా సీతాపతి అనే పిలిచారండి 

మిమ్ము పిలిచారండి

నరకాసుర వధ చేసిన 

కృష్ణుడిని తెలుసా

సత్యభామని విల్లంబులు తెల్లంబుగ 

పట్టిన సత్యభామని వీరభామని

భామగారి నోరు భలే జోరు జోరు 

మొగుడిని దానమిచ్చినారు 

మొగసాలకెక్కినారు

ఆ తులాభారం అదో తలభారం 

భలే మంచి చౌక బేరము

సవతి చెంత కాళ్ళ బేరము

అయ్యా దొరగారి పరువు 

తులసీ దళం బరువు

సత్యం సత్యం పునః సత్యం

శ్రీ మద్ రమా రమణ గోవిందో హరిః 

 

Posted in: ఆరుద్ర,కీరవాణి,చిత్ర,బాలు