శుక్రవారం, జులై 10, 2020

గలగల పారుతున్న గోదారిలా...

మహేష్ బాబు కెరీర్ ను మలుపు తిప్పిన "పోకిరి" సినిమా కోసం కృష్ణ గారి "గౌరి" చిత్రంలోని "గలగల పారుతున్న గోదారిలా" పాటను రీమిక్స్ చేశారు. ఐతే ఒరిజినల్ లోని పల్లవి ట్యూన్ ను మరియూ పాట మొదటి లైన్ ను మాత్రమే తీసుకుని సందర్బంతో సహా సంగీత సాహిత్యాలను మార్చేసిన ఈ రీమిక్స్ పాట దదాపు ఒరిజినల్ సాంగ్ అనే చెప్పుకోవచ్చేమో. ఈ సూపర్ హిట్ సాంగ్ ఆడియో ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు. 


చిత్రం : పోకిరి (2006)
సంగీతం : మణిశర్మ
సాహిత్యం : కందికొండ  
గానం : నిహాల్  

గలగల పారుతున్న గోదారిలా
జలజల జారుతుంటె కన్నీరలా
గలగల పారుతున్న గోదారిలా
జలజల జారుతుంటె కన్నీరలా
నా కోసమై నువ్వలా కన్నీరులా మారగా
నాకెందుకో ఉన్నదీ హాయిగా
నా కోసమై నువ్వలా కన్నీరులా మారగా
నాకెందుకో ఉన్నదీ హాయిగా

గలగల పారుతున్న గోదారిలా
జలజల జారుతుంటె కన్నీరలా
గలగల పారుతున్న గోదారిలా

వయ్యారి వానలా వాన నీటిలా ధారగా
వర్షించి నేరుగా వాలినావిలా నా పైనా
తెన్నేటి తారలా వేచి నువ్విలా చాటుగా
పొమ్మన్న పోవెలా చేరుతావిలా నా లోనా

ఉవ్వోహువోహా
ఈ అల్లరి 
ఉవ్వోహువోహా 
బాగున్నది
ఉవ్వోహువోహా

గలగల పారుతున్న గోదారిలా
గలగల పారుతున్న గోదారిలా
జలజల జారుతుంటె కన్నీరలా
జలజల జారుతుంటె కన్నీరలా
గలగల పారుతున్న గోదారిలా

Gal I'm watching your booty
Coz you're making me to feel so naughty
Let's go out tonight and party
Ohu vohu vohu vohu vohu voho

Gal I'm watching your beauty
To love you forever is my duty
So feel it you're my baby
Ohu vohu vohu vohu vohu voho

చామంతి రూపమా తాళలేవుమా రాకుమా
ఈ ఎండమావితో నీకు స్నేహమా చాలమ్మా
హిందోళ రాగమా మేళ తాళమా గీతమా
కన్నీటి సవ్వడి హాయిగున్నది ఏమైనా

ఉవ్వోహువోహా
ఈ లాహిరీ
ఉవ్వోహువోహా 
నీకే మరీ
ఉవ్వోహువోహా

గలగల పారుతున్న గోదారిలా
గలగల పారుతున్న గోదారిలా
జలజల జారుతుంటె కన్నీరలా
జలజల జారుతుంటె కన్నీరలా
గలగల పారుతున్న గోదారిలా

~*~*~*~*~*~*~*~*~*~*~*~

ఇక పల్లెసీమల అందాలను వర్ణిస్తూ సాగే "గౌరి" చిత్రంలోని ఈ పాట ఒరిజినల్ వర్షన్ ఆడియో ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు. ఈ ఒరిజినల్ పాట కూడా "లిసన్ టు ద పోరింగ్ రెయిన్" అనే ఇంగ్లీష్ పాటకు ఫ్రీమేక్ వర్షన్ అని ఓ టాక్ ఆ పాట ఇక్కడ వినవచ్చు. 


చిత్రం : గౌరి (1974)
సంగీతం : సత్యం
సాహిత్యం : దాశరథి
గానం : బాలు

గలగల పారుతున్న గోదారిలా
రెపరెపలాడుతున్న తెరచాపలా
ఈ చల్లనీ గాలిలా.. ఆ పచ్చనీ పైరులా
ఈ జీవితం సాగనీ.. హాయిగా..  హే..
గలగల పారుతున్న గోదారిలా 

అందాల పందిరి వేసే ఈ తోటలూ 
ఆనింగి అంచులు చేరే ఆ బాటలూ
నాగలి పట్టే రైతులూ.. 
కడవలు మోసే కన్నెలూ
బంగరు పంటల సీమలూ.. 
చూడరా..  హే..  
          
గలగల పారుతున్న గోదారిలా
రెపరెపలాడుతున్న తెరచాపలా
ఈ చల్లనీ గాలిలా.. ఆ పచ్చనీ పైరులా
ఈ జీవితం సాగనీ.. హాయిగా..  హే..
గలగల పారుతున్న గోదారిలా 

దేశానికాయువు పోసే ఈ పల్లెలూ 
చల్లంగ ఉండిననాడే సౌభాగ్యమూ
సత్యం ధర్మం నిలుపుటే 
న్యాయం కోసం పోరుటే
పేదల సేవలు చేయుటే 
జీవితం.. హే.. 

గలగల పారుతున్న గోదారిలా
రెపరెపలాడుతున్న తెరచాపలా
ఈ చల్లనీ గాలిలా.. ఆ పచ్చనీ పైరులా
ఈ జీవితం సాగనీ.. హాయిగా..  హే..
గలగల పారుతున్న గోదారిలా 
  

2 comments:

ఈ పాట రెండు వెర్షన్లు అదుర్స్..

అవునండీ.. థ్యాంక్స్ ఫర్ ద కామెంట్ శాంతి గారూ..

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.