నరుడి బ్రతుకు నటన...

శుభసంకల్పం సినిమాలోని ఒక హృద్యమైన సన్నివేశం కోసం ’సాగరసంగమం’ లోని "తకిటతధిమి" పాటలోని నరుడి బ్రతుకు నటన అనే చరణాన్ని పల్లవిగా వాడుకుని రీమిక్స్ చేశారు. ఆ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు. లిరికల్ వీడియో ఇక్కడ చూడవచ్చు. 

చిత్రం : శుభసంకల్పం (1995)

సంగీతం : ఇళయరాజా

రీమిక్స్ : ఎమ్.ఎమ్.కీరవాణి

సాహిత్యం : వేటూరి

గానం : బాలు   

నరుడి బ్రతుకు నటన 

ఈశ్వరుడి తలపు ఘటన 

ఆ రెంటి నట్ట నడుమ 

నీకెందుకింత తపన 

నరుడి బ్రతుకు నటన 

ఈశ్వరుడి తలపు ఘటన 

ఆ రెంటి నట్ట నడుమ 

నీకెందుకింత తపన... 

తెలుసా మనసా నీకిది తెలిసీ అలుసా 

తెలిసీ తెలియని ఆశల వయాసీ వరసా... 

తెలుసా మనసా నీకిది తెలిసీ అలుసా.ఆ . 

తెలిసీ తెలియని ఆశల వయాసీ వరసా 

యేటిలోని అలలవంటి 

కంటిలోని కలలు కదిపి 

గుండియెలను అందియలుగ చేసీ 

తకిట తదిమి తకిట తదిమి తందాన 

హృదయలయల జతుల గతుల తిల్లాన 

తడబడు అడుగుల తప్పని తాళాన 

తడిసిన పెదవుల రేగిన రాగాన 

శృతిని లయని ఒకటి చేసి 

తకిట తదిమి తకిట తదిమి తందాన 

హృదయలయల జతుల గతుల తిల్లాన 

కంటి పాపకు నేను లాల పోసే వేళ 

చంటి పాపా..ఆఆఆఅ...

చంటి పాప నీకు లాలినౌతానంది 

ఉత్తరాన చుక్క ఉలికి పడతా ఉంటే 

చుక్కానిగా నాకు చూపు అవుతానంది 

గుండెలో రంపాలు కోత పెడతా ఉంటే 

పాత పాటలు మళ్ళీ పాడుకుందామంది 

సీతమ్మ అందాలు రామయ్య గోత్రాలు 

రఘురామయ్య వైనాలు సీతమ్మ సూత్రాలు 

అన్నదేదో అంది ఉన్నదేదో ఉంది 

తలపై నా గంగ తలపులో పొంగింది 

ఆ .ఆ.ఆ ఆఆ ఆఅ ఆఆ 

ఆది విష్ణు పాదమంటి ఆకశాన ముగ్గు పెట్టి 

జంగమయ్య జంట కట్టి కాశిలోన కాలు పెట్టి 

కడలి గుడి కి కదలి పోయే గంగా 

తకిట తదిమి తకిట తదిమి తందాన 

హృదయలయల జతుల గతుల తిల్లాన 

తకిట తదిమి తకిట తదిమి తందాన 

హృదయలయల జతుల గతుల తిల్లాన

ఇక ఈ పాట ఒరిజినల్ వర్షన్ ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.  

చిత్రం : సాగరసంగమం (1983)

సంగీతం : ఇళయరాజా

సాహిత్యం : వేటూరి

గానం : ఎస్.పి.బాలు

తకిట తధిమి

తకిట తధిమి తందానా

హృదయ లయల

జతుల గతుల తిల్లానా ॥

తడబడు అడుగుల తప్పని తాళాన

తడిసిన పెదవుల రేగిన రాగాన॥

శ్రుతిని లయని ఒకటి చేసి ॥

నరుడి బ్రతుకు నటన

ఈశ్వరుడి తలపు ఘటన

ఆ రెంటి నట్టనడుమ

నీకెందుకింత త పన ॥

తెలుసా మనసా

నీకిది తెలిసీ అలుసా

తెలిసీ తెలియని

ఆశల వయసీ వరసా ॥

తెలుసా మనసా

నీకిది తెలిసీ అలుసా

తెలిసీ తెలియని

ఆశల లలలా లలలా

ఏటిలోని అలల వంటి కంటిలోని

కలలు కదిపి గుండియలను

అందియలుగ చేసి ॥

తడబడు అడుగుల తప్పని తరిగి

డదోం తరిగిడదోం తరిగిడదోం

తడిసిన పెదవులు రేగిన ఆ ఆ ఆ...

శ్రుతిని లయని ఒకటి చేసి ॥

తకిట తధిమి

తకిట తధిమి తందానా

హృదయ లయల

జతుల గతుల తిల్లానా ॥

తడబడు అడుగుల తప్పని తాళాన

తడిసిన పెదవుల రేగిన రాగాన॥

శ్రుతిని లయని ఒకటి చేసి ॥

పలుకు రాగ మధురం

నీ బ్రతుకు నాట్యశిఖరం

సప్తగిరులుగా వెలిసే

సుస్వరాల గోపురం ॥

అలరులు కురియగనాడెనదే

అలకల కులుకుల అలమేల్మంగా॥

అన్న అన్నమయ్య మాట

అచ్చ తేనె తెనుగుపాట

పల్లవించు పద కవితలు పాడీ...

తకిట తధిమి

తకిట తధిమి తందానా

హృదయ లయల

జతుల గతుల తిల్లానా ॥

తడబడు అడుగుల తప్పని తాళాన

తడిసిన పెదవుల రేగిన రాగాన॥

శ్రుతిని లయని ఒకటి చేసి ॥ 

 

Posted in: ఇళయరాజా,కీరవాణి,బాలు,విశ్వనాథ్,వేటూరి