ఆహా ఏమి రుచి...

ఎగిరే పావురమా చిత్రంలోని ఒక సరదా పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు. ఈ సినిమాలో గుత్తొంకాయ్ పేరు వినగానే హీరోగారి కన్నా ముందు నేనే "ఆహా సూపరూ" అని అనుకున్నా. అసలు వంకాయని తిట్టిందని అంత అందంగా నవ్వే లైలాని కూడా కాసేపు ద్వేషించేశాను. ఆ తర్వాత పాట పాడిందని క్షమించేశా అనుకోండి. తాజా కూరల్లో రాజా (విత్ కిరీటం) వంకాయ గురించి మీరే విని తెలుసుకోండి.

  

 

చిత్రం : ఎగిరే పావురమా (1997)
సంగీతం : ఎస్.వి. కృష్ణారెడ్డి
సాహిత్యం : సిరివెన్నెల
గానం : చిత్ర 

ఆ... ఆహా ఏమి రుచి అనరా మైమరచి
రోజూ తిన్నా మరీ మోజే తీరనిదీ
తాజా కూరలలో రాజా ఎవరండీ
ఇంకా చెప్పాలా వంకాయేనండీ

ఆహా ఏమి రుచి అనరా మైమరచి
రోజూ తిన్నా మరీ మోజే తీరనిదీ

అల్లం పచ్చిమిర్చీ
శుచిగా నూరుకునీ...ఈ...
ఆ......
దానికి కొత్తిమీరీ బాగా తగిలిస్తే
గుత్తొంకాయ కర్రీ ఆకలి పెంచుకదా
అది నా చేతుల్లో అమృతమే అవదా
ఒండుతూ ఉంటేనే రాదా..
ఘుమఘుమ ఘుమఘుమ
ఘుమఘుమలు

ఆహా ఏమి రుచి ...అనరా మైమరచి
రోజూ తిన్నా మరీ మోజే తీరనిదీ

లేత వంకాయలతో వేపుడు చేసేదా...
మపద...దనిసరి రిగరిగగరిస...నిసగప...
మెట్టవంకాయలతో చట్నీ చేసేదా
టొమెటోతో కలిపి వండిపెడితే మీరు
అన్నమంత వదిలేసి
ఒట్టి కూర తింటారు
ఒకటా రెండా మరి వంకాయ లీలలు
తెలియగ తెలుపగ తరమా

ఆహా... ఏమి రుచి అనరా మైమరచి
రోజూ తిన్నా మరీ మోజే తీరనిదీ
తాజా కూరలలో రాజా ఎవరండీ
ఇంకా చెప్పాలా వంకాయేనండీ

ఆ...

Posted in: ఎస్.వి.కృష్ణారెడ్డి,చిత్ర,సిరివెన్నెల