శనివారం, మే 09, 2020

పాలరాతి మందిరాన...

నేనూ మనిషినే చిత్రంలోని ఒక అందమైన పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


చిత్రం : నేనూ మనిషినే (1971)
సంగీతం : వేద (ఎస్.వేదాచలం)
సాహిత్యం : సినారె
గానం : బాలు, సుశీల

పాలరాతి మందిరాన పడతిబొమ్మ అందం
అనురాగ గీతిలోన అచ్చ తెలుగు అందం
పాలరాతి మందిరాన పడతిబొమ్మ అందం

రతనాల కోట ఉంది రాచకన్నె లేదు
రంగైన తోట ఉంది రామచిలుక లేదు
ఆ రాచ కన్నెవు నీవై అలరిస్తే అందం
నా రామచిలుకవు నీవై నవ్వితే అందం

పాలరాతి మందిరాన పడతిబొమ్మ అందం
అనురాగ గీతిలోన అచ్చ తెలుగు అందం
పాలరాతి మందిరాన పడతిబొమ్మ అందం

కన్నెమనసు ఏనాడూ సన్నజాజి తీగ
తోడు లేని మరునాడూ వాడి పోవు కాదా
ఆ తీగకు పందిరి నీవై అందుకుంటే అందం
ఆ కన్నెకు తోడుగ నిలచి అల్లుకుంటే అందం


పాలరాతి మందిరాన పడతిబొమ్మ అందం
అనురాగ గీతిలోన అచ్చ తెలుగు అందం
పాలరాతి మందిరాన పడతిబొమ్మ అందం

నీ సోగకన్నుల పైనా బాస చేసినాను
నిండు మనసు కోవెలలోనా నిన్ను దాచినాను
ఇరువురిని ఏకం చేసే ఈ రాగబంధం
ఎన్నెన్ని జన్మలకైనా చెరిగి పోని అందం

చెలుని వలపు నింపుకున్న
చెలియ బ్రతుకు అందం
అనురాగ గీతిలోనా అచ్చ తెలుగు అందం..
లా.ల.లా..ల.. లాలలాలలాలా..
 

0 comments:

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.