ఒహో ఒహో నిన్నే కోరెగా...

ఇద్దరు మిత్రులు చిత్రంలోని ఒక అందమైన పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : ఇద్దరు మిత్రులు (1961)

సంగీతం : ఎస్.రాజేశ్వరరావు

సాహిత్యం : శ్రీ శ్రీ

గానం : ఘంటసాల, సుశీల

ఒహో ఒహో నిన్నే కోరెగా

కుహు కుహూ అని కోయిల

ఒహో ఒహో నిన్నే కోరెగా

కుహుకుహూ అని కోయిల

వసంత వేళల పసందు మీరగా

అపూర్వగానమే ఆలపించే తీయగా

ఒహో ఒహో నిన్నే కోరెగా

కుహు కుహూ అని కోయిల

అదా కోరికా వయ్యారి కోయిల

జగాలే నీ చూపులో జలదిరించెలే

అదా కోరికా వయ్యారి కోయిల

జగాలే నీ చూపులో జలదిరించెలే

వరాల నవ్వులే గులాబి పువ్వులై

వలపు తేనె నాలోన చిలకరించెనే

ఒహో ఒహో నిన్నే కోరెగా

కుహు కుహూ అని కోయిల

ఫలించె నేను కన్న కలలు తీయతీయగా

సుఖాలలో సోలిపో హాయి హాయిగా

ఫలించె నేను కన్న కలలు తీయతీయగా

సుఖాలలో సోలిపో హాయి హాయిగా

ఉయ్యాలలూగే నా మది చిటారుకొమ్మల

నివాళి అందుకో ఈవేళ పండుగ

సదా సుధా తరంగాల తేలిపోదమా

ఒహో ఒహో నిన్నే కోరితి

కుహు కుహూ అని పాడితి

 

Posted in: ఘంటసాల,పి.సుశీల,శ్రీశ్రీ,సాలూరి