తీయ తీయని కలలను...

బోంబే జయశ్రీ గారు పాడిన మరో మంచి పాట ఇది, చాలా బాగుంటుంది. ఇలాంటి చక్కని సంగీతాన్ని కంపోజ్ చేయగలిగిన ఆర్పీ పట్నాయక్ తన ట్యూన్స్ ఒకేలా కాకుండా జాగ్రత్తపడుతూ వైవిధ్యమైన సంగీతాన్నిచ్చి మ్యూజిక్ కెరీర్ పై మరికొంత శ్రద్దపెట్టి ఉంటే మరిన్ని మంచి పాటలు అందించగలిగి ఉండేవాడేమో. ఈ పాట ఆడియో మాత్రమే కావాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : శ్రీరామ్ (2002)

సంగీతం : ఆర్పీ పట్నాయక్ 

సాహిత్యం : ఆర్పీ పట్నాయక్, కులశేఖర్ 

గానం : బోంబే జయశ్రీ

తీయ తీయని కలలను కనడమే తెలుసు కమ్మనీ ప్రేమలో

మనసంతా నువ్వని చెప్పడం తెలుసు ప్రేమనే మత్తులో

ఎన్నాళ్ళైనా నేనుండి పోగలను నీ కౌగిళ్ళలో

నేనెవరన్నది నే మరచిపోగలను చూస్తూ నీ కళ్ళలొ

తీయ తీయని కలలను కనడమే తెలుసు కమ్మనీ ప్రేమలో

మనసంతా నువ్వని చెప్పడం తెలుసు ప్రేమనే మత్తులో

తందారె నరె నరె నరె నరె నారే...తందారె నరె నరె నారే

తందారె నరె నరె నరె నరె నారే...తందారె నరె నరె నారే

చల చల్లని మంచుకు అర్ధమే కాదు ప్రేమ చలవేమిటో

నును వెచ్చని మంటలు ఎరగవేనాడు ప్రేమ సెగలేమిటో

వచ్చీ రానీ కన్నీరుకే తెలుసు ప్రేమ లోతేమిటో

ముద్దేలేని అధరాలకే తెలుసు ఈడు బాధేమిటొ

తీయ తీయని కలలను కనడమే తెలుసు కమ్మనీ ప్రేమలో

మనసంతా నువ్వని చెప్పడం తెలుసు ప్రేమనే మత్తులో

మురిపెంతో సరసం తీర్చమంటోంది ప్రాయమీ వేళలో

తమకంతో దూరం తెంచమంటోంది తీపి చెరసాలలో

విరహంతో పరువం కరిగిపోతోంది ఆవిరై గాలిలో

కలిసుంటే కాలం నిలిచిపోతుంది ప్రేమ సంకెళ్లలో

తీయ తీయని కలలను కనడమే తెలుసు కమ్మనీ ప్రేమలో

మనసంతా నువ్వని చెప్పడం తెలుసు ప్రేమనే మత్తులో
 

Posted in: కులశేఖర్,బోంబే జయశ్రీ,R.P.పట్నాయక్