ఓహో లైలా ఓ చారుశీలా...

బాలు గారు ఒక మాంచి స్టైల్ తో పాడిన పాట ఈ పాట. సినిమాకూడా అప్పట్లో వైవిధ్యంగా కార్ రేసుల నేపధ్యంతో తీసిన సినిమా బాగుంటుంది కాకపోతే కాన్సెప్ట్ కి ప్రేక్షకులు అంతగా కనెక్ట్ అయినట్లు లేరు బహుశా ఏదైనా ఇంగ్లీష్ సినిమా నుండి డైరెక్ట్ లిఫ్ట్ ఏమో కూడా తెలీదు. ఇళయరాజా గారు స్వరపరచిన ఈ సినిమాలో పాటలన్నీ కూడా బాగానే ఉంటాయి. మీరూ ఎంజాయ్ చేయండి. ఈ పాట ఆడియో మాత్రమే వినాలంటే ఇక్కడ వినండి. 

చిత్రం : చైతన్య (1991)
సంగీతం : ఇళయరాజా
సాహిత్యం : వేటూరి
గానం : బాలు

ఓహో లైల ఓ చారుశీలా కోపమేలా
మనకేలా గోల మందారమాలా మాపటేళ
ఒహొ పిల్లా... శుభానల్లా...
సరాగంలో... విరాగాలా...
మిసమిస వయసు రుసరుసల దరువుల
గుసగుస తెలిసె కలికి చిలకా
కసికసి పెదవి కదలికల కవితల
పిలుపులు తెలిసె కవిని గనకా

ఓహో లైల ఓ చారుశీలా కోపమేలా
మనకేలా గోల మందారమాలా మాపటేళా

విశాఖలో నువ్వు నేనూ వసంతమే ఆడాలా
ఉషారుగా చిన్నాపెద్దా షికారులే చెయ్యాలా
వివాహపు పొద్దుల్లోనే వివాదమా ఓ బాలా
వరించినా వలపుల్లోనే విరించిలా రాయాలా
అందచందాల అతివల్లోనా కోపమే రూపమా
కోపతాపాల మగువల్లోనా తప్పనీ తాళమా
చాల్లేబాల నీ ఛాఛఛీలా సంధ్యారాగాలాపనా

ఓహో లైల ఓ చారుశీలా కోపమేలా
మనకేలా గోల మందారమాలా మాపటేళ
ఒహొ పిల్లా... శుభానల్లా...
సరాగంలో... విరాగాలా...
మిసమిస వయసు రుసరుసల దరువుల
గుసగుస తెలిసె కలికి చిలకా
కసికసి పెదవి కదలికల కవితల
పిలుపులు తెలిసె కవిని గనకా.. హ..

జపించినా మంత్రం నీవే తపించిన స్నేహంలో
ప్రపంచమూ స్వర్గం నీవే స్మరించినా ప్రేమల్లో
చెలీ సఖీ అంటూ నీకై జ్వలించిన ప్రాణంలో
ఇదీ కథా అన్నీ తెలిసీ క్షమించవే ప్రాయంతో
కాళ్ళ బేరాలకొచ్చాకైనా కాకలే తీరవా
గేరు మార్చేసి పాహీ అన్నా కేకలే ఆపవా
పోవే బాల చాలించు గోల ప్రేమిస్తున్నా ఘాటుగా

ఓహో లైల ఓ చారుశీలా కోపమేలా
మనకేలా గోల మందారమాలా మాపటేళ
ఒహొ పిల్లా... శుభానల్లా...
సరాగంలో... విరాగాలా...
ఒరె..మిసమిస వయసు రుసరుసల దరువుల
గుసగుసల తెలిసె కలికి చిలకా
కసికసి పెదవి కదలికల కవితల
పిలుపులు తెలిసె కవిని గనకా

ఓహో లైల ఓ చారుశీలా కోపమేలా
మనకేలా గోల మందారమాలా మాపటేళా..ళా.ళ్ళా..ళ..ళ..

Posted in: 70's-90's పాటలు,ఇళయరాజా,బాలు,వేటూరి