చూపులు కలసిన శుభవేళ..

అక్కినేని నాగేశ్వరరావు గారికి అంజలి ఘటిస్తూ... తను లెక్కకు మిక్కిలిగా చేసిన ప్రేమ చిత్రాలలో ఒక ప్రేమ పాటను ఎన్నుకోవడమనే అతి కష్టమైన పనిని చేయలేక నాకు బాగా ఇష్టమైన ఈ పాటను మీకోసం అందిస్తున్నాను. చలాకీ చిలిపివయసులో ఏఎన్నార్ ఎంత అందంగా ఉంటాడో ఈ పాటలో. ఆడియో మాత్రం వినాలంటే రాగాలో ఇక్కడ వినండి. 

చిత్రం : మాయాబజార్ 

సంగీతం : ఘంటసాల 

సాహిత్యం : పింగళి 

గానం : ఘంటసాల, లీల 
 

చూపులు కలసిన శుభవేళ
ఎందుకు నీకీ కలవరము

చూపులు కలసిన శుభవేళ
ఎందుకు నీకీ కలవరము
ఉల్లాసముగా నేనూహించిన
అందమే నీలో చిందెనులే
చూపులు కలసిన శుభవేళ 
 

చూపులు కలసిన శుభవేళ
ఎందుకు నీకీ పరవశము

చూపులు కలసిన శుభవేళ
ఎందుకు నీకీ పరవశము
ఏకాంతములో ఆనందించిన
నా కలలే నిజమాయెనులే 

చూపులు కలసిన శుభవేళ 

ఆలాపనలు సల్లాపములు
కలకల కోకిల గీతములే... 
ఆలాపనలు సల్లాపములు
కలకల కోకిల గీతములే...

 చెలువములన్నీ చిత్ర రచనలే...
చెలువములన్నీ చిత్ర రచనలే
చలనములోహో నాట్యములే
చూపులు కలసిన శుభవేళ 

శరముల వలెనె చతురోక్తులను
చురుకుగా విసిరే నిజములే... 

శరముల వలెనె చతురోక్తులను
చురుకుగా విసిరే నిజములే...
ఉద్యానమున వీర విహారమే..
ఉద్యానమున వీర విహారమే
తెలిపెను ఒహో శౌర్యములే
చూపులు కలసిన శుభవేళ
ఎందుకు నీకీ పరవశము
ఎందుకు నీకీ కలవరము

Posted in: 70's-90's పాటలు,ఘంటసాల,పింగళి,లీల