అందమైన నా ఊహల మేడకు

రాజశేఖర్ కెరీర్ కు మేలిమలుపునిచ్చిన సినిమాల్లో ఒకటైన "ఆహుతి" సినిమాలోని ఈపాటను పాడుకోని కుర్రకారు బహుశా అప్పట్లో ఉండి ఉండదేమో. సత్యం గారి సంగీత దర్శకత్వంలో వచ్చిన ఈ చక్కని మెలొడీ... ఇప్పటికీ అలరిస్తుంది వింటూంటే నాస్టాల్జిక్ గా అనిపిస్తుంది. ప్రేయసిని తలచుకుంటూ తన అందాన్ని మెచ్చుకుంటూ తను పక్కన ఉంటే ఏం సాధించగలడో ఓ ప్రేమికుడు చక్కని తెలుగులో చెప్తూన్నట్లుగా సాగే ఈ పాట మల్లెమాల గారు అబ్బాయిలకి ఇచ్చిన మంచి గిఫ్ట్. ఈ అందమైన పాట మీకోసం.. ఆడియోను చిమటమ్యూజిక్ లో ఇక్కడ వినవచ్చు. 

చిత్రం : ఆహుతి (1988)

సంగీతం : సత్యం

సాహిత్యం : యం. యస్. రెడ్డి(మల్లెమాల)

గానం : బాలు

అందమైన నా ఊహల మేడకు ఆవిడ మణిదీపం

అందీ అందని నా ఆశలకు ఆమే ప్రతిరూపం

ఆ తలపే నా ధ్యానం ఆ అభినవ దేవత నా ప్రాణం

అందమైన నా ఊహల మేడకు ఆవిడ మణిదీపం

అందీ అందని నా ఆశలకు ఆమే ప్రతి రూపం

మల్లెపూల కన్నా మంచు పొరల కన్నా

నా చెలి ముసి ముసి నవ్వులు అందం...

ఆ... నెమలి హొయలకన్నా...

సెలయేటి లయల కన్నా...

నా చెలి జిలిబిలి నడకలు అందం

అపురూపం ఆ నవ లావణ్యం...

అపురూపం ఆ నవ లావణ్యం

అది నా మదిలో చెదరని స్వప్నం...

అందమైన నా ఊహల మేడకు ఆవిడ మణిదీపం

అందీ అందని నా ఆశలకు ఆమే ప్రతిరూపం

పైడిబొమ్మ లాంటి ఆమె పక్కనుంటె

పగలే వెన్నెల నే కురిపిస్తా...

ఆ... నీడ లాగ నాతో...

ఏడడుగులు సాగితే...

ఇలలో స్వర్గం నే సృష్టిస్తా...

రస రమ్యం ఆ రాగ విలాసం...ఆ..ఆ..

రస రమ్యం ఆ రాగ విలాసం

వసి వాడదు అది ఆజన్మాంతం

అందమైన నా ఊహల మేడకు ఆవిడ మణిదీపం

అందీ అందని నా ఆశలకు ఆమే ప్రతిరూపం

ఆ తలపే నా ధ్యానం ఆ అభినవ దేవత నా ప్రాణం

అందమైన నా ఊహల మేడకు ఆవిడ మణిదీపం

అందీ అందని నా ఆశలకు ఆమే ప్రతి రూపం

Posted in: 70's-90's పాటలు,బాలు,సత్యం