పాడెద నీ నామమే...

హృదయంలో నీ రూపాన్నే నిలిపి నిరంతరమూ నీ నామమే పాడెదనంటూ ఈ గోపికమ్మ ఆ గోపాలుడిని ఎంత చక్కగా అర్చిస్తోందో మీరే వినీ చూసీ తెలుసుకోండి. కన్నయ్య పాట సుశీలమ్మ గళంలో సాలూరి వారి స్వరకల్పనలో ఎంత కమ్మగా ఉంటుందో మాటలలో వర్ణించి చెప్పతరమా. ఈ పాట ఆడియో వినాలంటే ఇక్కడ వినవచ్చు లేదా ఇక్కడ డౌన్లోడ్ చేయవచ్చు.

చిత్రం : అమాయకురాలు (1971)
సంగీతం : ఎస్. రాజేశ్వరరావు
సాహిత్యం : దాశరథి
గానం : సుశీల

ఆ... ఆ ఆ ఆ... ఆ ఆ ఆ... ఆ...
పాడెద నీ నామమే గోపాలా
పాడెద నీ నామమే గోపాలా
హృదయములోనే పదిలముగానే
నిలిపెద నీ రూపమేరా..ఆ..అ..
 

పాడెద నీ నామమే గోపాలా
 

మమతలతోనే మాలికలల్లి
నిలిచితి నీకోసమేరా
మమతలతోనే మాలికలల్లి
నిలిచితి నీకోసమేరా
ఆశలతోనే హారతి చేసి
పదములు పూజింతు రారా
 

పాడెద నీ నామమే గోపాలా
 

నీ మురళీ గానమే పిలిచెరా
కన్నుల నీమోము కదలెనులేరా
నీ మురళీగానమే పిలిచెరా
పొన్నలు పూచే బృందావనిలో
వెన్నెల కురిసే యమునాతటిపై 

ఆ... ఆ ఆ ఆ... ఆ ఆ ఆ... ఆ...  

పొన్నలు పూచే బృందావనిలో
వెన్నెల కురిసే యమునాతటిపై
నీ సన్నిధిలో జీవితమంతా ..
కానుక చేసేను రారా

పాడెద నీ నామమే గోపాలా
హృదయములోనే పదిలముగానే
నిలిపెద నీ రూపమేరా...
పాడెద నీ నామమే గోపాలా...

పూర్తిగా చదువు

పాట పాడుమా...

సాలూరి వారు స్వయంగా రచించి స్వరపరచి గానం చేసిన ఒక అందమైన పాట ఈరోజు మనం గుర్తు చేసుకుందాం. కమ్మటి సంగతులతో వారు అద్భుతంగా స్వరపరచి గానం చేసిన విధానం వినేవారి మనసులలో అమృతధారలు కురిపిస్తుంది. నాకు చాలా ఇష్టమైన ఈ పాట మీరూ వినండి. యూట్యూబ్ పని చేయకపోతే ఈ పాట ఆడియో ఇక్కడ వినవచ్చు లేదా డౌన్లోడ్ చేస్కోవచ్చు.

లలిత గీతం

సంగీతం, సాహిత్యం, గానం : సాలూరి రాజేశ్వరరావు

పాట పాడుమా..ఆఅ..

పాట పాడుమా కృష్ణా

పలుకు తేనె లొలుకు నటుల

మాటలాడుమా ముకుందా

మనసు తీరగా...ఆఆఅ...

శ్రుతిలయాదులన్ని చేర్చి

యతులు నిన్ను మదిని తలచె..ఏ..

శ్రుతిలయాదులన్ని చేర్చి

యతులు నిన్ను మదిని తలచె

సదమల హృదయా నిన్ను

సన్నుతింతు వరనామము

పాట పాడుమా కృష్ణా

పలుకు తేనె లొలుకు నటుల

మాటలాడుమా ముకుందా

మనసు తీరగా

సామవేద సారము

సంగీతము సాహిత్యమెగా..ఆఅ..

సామవేద సారము

సంగీతము సాహిత్యమెగా

దానికంతమగు గానము

పాటకూర్చి పాడుమా

పాట పాడుమా కృష్ణా

పలుకు తేనె లొలుకు నటుల

మాటలాడుమా ముకుందా

మనసు తీరగా...ఆఆ..ఆ..

పూర్తిగా చదువు

నీ చరణ కమలాల...

తన స్వామి చరణాల నీడ బృందావనం కన్నా మేలని దేవేరి... తన దేవేరి కనులలో విరిసే సాంత్వన నందనవనాలలో కూడా లభించదని కన్నయ్య చెబుతున్నారు... ఆలూమగల అన్యోన్యత అంటే ఇదే కదా... శ్రీకృష్ణావతారం చిత్రం లోని ఈ పాట ఎంత బాగుంటుందో మీరే చూడండి. ఆడియో మాత్రమే వినాలంటే ఇక్కడ వినవచ్చు లేదా డౌన్లోడ్ చేస్కోవచ్చు.

చిత్రం : శ్రీ కృష్ణావతారం (1967)

సంగీతం : టివి.రాజు

సాహిత్యం : సినారె

గానం : ఘంటసాల, సుశీల, పి.లీల

నీ చరణ కమలాల నీడయే చాలు
ఎందుకోయీ స్వామి బృందావనాలు
నీ చరణ కమలాల నీడయే చాలు
ఎందుకోయీ స్వామి బృందావనాలు 

 
నీ నయన కమలాల నేనున్న చాలు
ఎందుకే ఓ దేవీ నందన వనాలు
నీ నయన కమలాల నేనున్న చాలు
ఎందుకే ఓ దేవీ నందన వనాలు

నును మోవి చివురుపై
నను మురళిగా మలచి పలికించరా..ఆఆ..
పలికించరా మధువు లొలికించరా

మోవిపై కనరాని మురళిలో
వినలేని రాగాలు పలికింతునే 

మోవిపై కనరాని మురళిలో
వినలేని రాగాలు పలికింతునే 

మధురానురాగాలు చిలికింతునే

నీ ప్రణయ వనిలోన నేనున్న చాలు
ఎందుకోయీ స్వామి నందనవనాలు

నీ హృదయ గగనాన నేనున్న చాలు
ఎందుకే ఓ దేవి బృందావనాలు

తులసీ దళాలలో తొలివలపులందించి 

తులసీ దళాలలో తొలివలపులందించి
పూజింతునా...ఆఆ..ఆఆఅ...
పూజింతునా స్వామి పులకింతునా 

పూజలను గ్రహియించి పులకింతలందించి

పూజలను గ్రహియించి పులకింతలందించి 

లోలోన రవళింతునే 

లోలోన రవళింతునే 

ఓ దేవి నీలోన నివసింతునే  

ఓ దేవి నీలోన నివసింతునే

నీ చరణ కమలాల నీడయే చాలు
ఎందుకోయీ స్వామి బృందావనాలు

నీ నయన కమలాల నేనున్న చాలు
ఎందుకే ఓ దేవీ నందనవనాలు 

నీ ప్రణయ వనిలోన నేనున్న చాలు
ఎందుకోయీ స్వామి నందనవనాలు

 

పూర్తిగా చదువు

చందమామ రావే...

వెన్నెల్లో బృందావనాన్ని చూడాలని ఓ చిన్నారి కోరిక... వెళ్ళినా కనులారా చూడలేని అసక్తత... ఉన్న చోటనే తన వేణుగానంతో ఆ చిన్నారికి బృందావనాన్ని చూపించాడో కళాకారుడు. కె.వి.మహదేవన్ గారి స్వర సారధ్యంలో బాలు సుశీలలు గానం చేసిన ఈ సిరివెన్నెల రచన వింటే మనసు పులకించి మనమూ బృందావనిని చేరుకోవడం ఖాయం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : సిరివెన్నెల (1987)

సంగీతం : కె.వి.మహదేవన్

సాహిత్యం : సిరివెన్నెల

గానం : బాలు, సుశీల

చందమామ రావే జాబిల్లి రావే

కొండెక్కి రావే గోగుపూలు తేవే...

చందమామ రావే జాబిల్లి రావే

కొండెక్కి రావే గోగుపూలు తేవే...

చందమామ రావే జాబిల్లి రావే

చలువ చందనములు పూయ చందమామ రావే

జాజిపూల తావినీయ జాబిల్లి రావే

చలువ చందనములు పూయ చందమామ రావే

జాజిపూల తావినీయ జాబిల్లి రావే

కలువ చెలువ కలలు విరియ కొండనెక్కి రావే

కలువ చెలువ కలలు విరియ కొండనెక్కి రావే

గగనపు విరితోటలోని గోగుపూలు తేవే...

చందమామ రావే జాబిల్లి రావే

కొండెక్కి రావే గోగుపూలు తేవే...

చందమామ రావే జాబిల్లి రావే

మునిజన మానస మోహిని యోగిని బృందావనం

మురళీ రవళికి ఆడిన నాగిని బృందావనం

మునిజన మానస మోహిని యోగిని బృందావనం

మురళీ రవళికి ఆడిన నాగిని బృందావనం

రాధా మాధవ గాధల రంజిలు బృందావనం

గోపాలుని మృదుపద మంజీరము బృందావనం

గోపాలుని మృదుపద మంజీరము బృందావనం

బృందావనం బృందావనం

హే కృష్ణా ముకుందా మురారీ

కృష్ణా ముకుందా మురారీ..

జయ కృష్ణా ముకుందా మురారీ

జయ జయ కృష్ణా ముకుందా మురారీ

చందమామ రావే జాబిల్లి రావే

కొండెక్కి రావే గోగుపూలు తేవే...

చందమామ రావే జాబిల్లి రావే

పూర్తిగా చదువు

ఓహో మోహనరూపా...

ఆ మోహన రూపుడిని గాంచినంతనే మురవని మనసు ఉంటుందా. మరి అంతటి చక్కనయ్య కన్నయ్య కేళీ కలాపాల కబురులు ఏమిటో ఈ పాటలో మీరే చూసి తెలుసుకోండి. ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : శ్రీకృష్ణ తులాభారం(1966)

సంగీతం : పెండ్యాల నాగేశ్వర రావు

రచన : శ్రీ శ్రీ

గానం : బి వసంత, ఘంటసాల, పి సుశీల

ఓహో మోహనరూపా 

కేళీ కలాపా కృష్ణా

ఓహో మోహనరూపా కేళీ కలాపా 

కృష్ణా నిను గని మురిసెను నా మనసే

ఓహో మోహనరూపా కేళీ కలాపా 

కృష్ణా నిను గని మురిసెను నా మనసే

ఓఓఓ...ఆఆఅ....

మధువులు చిందే మందహాసం

మరులూరించే వేణుగానం

మధువులు చిందే మందహాసం

మరులూరించే వేణుగానం

వినివిని పరవశనైతినిలే

వినివిని పరవశనైతినిలే

బిగిబిగి కౌగిట కరగితిలే

ఓహో మోహనరూపా కేళీ కలాపా 

కృష్ణా... నిను గని మురిసెను నా మనసే

ప్రణయారాధన వేళ బాలా

పతిపూజలు నీకేల బేలా

ప్రణయారాధన వేళ బాలా

పతిపూజలు నీకేల బేలా..ఆఆ..

వలపు చిలుకును నీ చూపులు నాపై

నిలుపవే శుభాంగీ నిలుపవే లతాంగీ

ఓహో మోహనరూపా కేళీ కలాపా కృష్ణా...

నిను గని మురిసెను నా మనసే

ఓఓఓ....ఆఆఆ....

మధుర సుధా రాగమే

మదిలో కదిలే తీయగా

ఓఓఓఓఓ....

మధుర సుధా రాగమే

మదిలో కదిలే తీయగా

శిఖిపింఛమౌళీ నన్నేలగా

తనువే ఊగే హాయిగా

ఆఆఅ...ఓఓఓ..మ్మ్మ్...

అహో లీలామానుషవేషధారీ మురారీ

తనివార నినుగాంచి ధన్యతనొందితి శౌరీ

ఓహో మోహనరూపా కేళీ కలాపా 
మోహనరూపా..మోహనరూపా..

పూర్తిగా చదువు

తారంగం.. తారంగం...

విష్ణులీలల్లో సాగరమధన ఘట్టం, వామనావతార ఘట్టాలని చెరో చరణంలో పొదువుకుని చివరిగా అన్నదమ్ములు కలిసుండాలనీ చెప్పుడు మాటలు వినకూడదనీ చెబుతూ సాగే ఈ పాట చాలా బాగుంటుంది. బాలభారతం చిత్రంకోసం సాలురి వారి స్వరసారధ్యంలో సుశీలమ్మ గానం చేసిన సినారె వారి రచన ఇది, ఎంత బాగుంటుందో మీరే వినండి. ఆడియో వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : బాల భారతం(1972)
సంగీత : సాలూరు రాజేశ్వరరావు
రచన : సి నారాయణరెడ్డి
గాయకులు : పి సుశీల

తారంగం ! తారంగం ! తాండవకృష్ణా  తారంగం !
దైవం నీవే తారంగం ! ధర్మం నీవే తారంగం !
తారంగం ! తారంగం ! తాండవకృష్ణా  తారంగం !
దైవం నీవే తారంగం ! ధర్మం నీవే తారంగం !
 

దేవతలూ దానవులూ పాల సముద్రం తరిచారు
దేవతలూ దానవులూ పాల సముద్రం తరిచారు

అప్పుడు అమృతం పుట్టింది.. అందరికీ నూరూరింది
మాదే మాదే అమృతమని వాదులాడు సోదరుల గని
అప్పుడు నువ్వేం చేెశావు 

ఆడవేషం వేశావు
ఆ కులుకు ! ఆ తళుకు.. 
ఆ కిలకిల నవ్వుల బెళుకు !
ఇంకా నువ్వేం చేెశావు !
తగినవారికి సుధను పంచిపెట్టావు
పొగరు బోతులకేమో సున్నా చుట్టావు 
 

తారంగం ! తారంగం ! తాండవకృష్ణా  తారంగం !
దైవం నీవే తారంగం ! ధర్మం నీవే తారంగం !
 

ఇంద్ర పదవినే చేపట్టితినని
ఎగిరి ఎగిరి పడె బలి
వాని గర్వముని అణచి వెయగా
వామనుడాయెను హరి
వడుగై వానిని చేరెను
మూడడుగుల నేలను కోరెను
అడ్డుపడిన ఆ శుక్రుని కంటిని
దర్భ పుల్లతో పొడిచెను ఆ కన్నే లొట్టగ చెసెను 

ఆ..!!! ఆ..ఇంతై - వటుడంతై
మరి ఎంతో ఎంతో పెరిగెను . . . పెరిగీ !
భువినొక్క అడుగుతో మూసెను
దివినొక్క అడుగుతో దాచెను
మూడవ అడుగు ఏదని బలినే పాతాళానికి తొక్కెను 
 

తారంగం ! తారంగం ! తాండవకృష్ణా  తారంగం !
దైవం నీవే తారంగం ! ధర్మం నీవే తారంగం !
 

అన్నలారా విన్నారా ! చిన్న కృష్ణుని గాథలు !
అసూయలన్నవి లేకుంటే
బ్రతుకులు  కళకళ లాడునులే
చెప్పుడు మాటలు వినకుంటే
ఎప్పటికైనా శుభమౌలే
అన్నదమ్ములు కలిసుంటే
అందరికీ ఆనందం
ఆపై దేవుడు తోడుంటే
ఆనందం పరమానందం  
 

తారంగం ! తారంగం ! తాండవకృష్ణా  తారంగం !
దైవం నీవే తారంగం ! ధర్మం నీవే తారంగం !
దైవం నీవే తారంగం ! ధర్మం నీవే తారంగం !
ధర్మం నీవే తారంగం ! ధర్మం నీవే తారంగం !

పూర్తిగా చదువు

మనసే అందాల బృందావనం...

కన్నయ్య కడగంటి చూపైనా తమపై ప్రసరిస్తే జన్మధన్యమని తలచే గోపకాంతలెందరో.. ఆమాటకొస్తే అందరూ ఎదురు చూసేది ఆ నల్లనయ్య కరుణా కటాక్ష వీక్షణాలకోసమే కదా... ఈ మాటనే పాటగా మలచి సుశీలమ్మ స్వరంలో వింటూంటే నిజంగా మనసు అందాల బృందావనమవదా. నాకు చాలా ఇష్టమైన ఈ పాట ఆడియో మాత్రమే కావాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : మంచి కుటుంబం (1967)
సంగీతం : కోదండపాణి
సాహిత్యం : ఆరుద్ర
గానం : సుశీల

మనసే అందాల బృందావనం
వేణు మాధవుని పేరే మధురామృతం
 

మనసే అందాల బృందావనం
వేణు మాధవుని పేరే మధురామృతం
కమ్మని నగుమోము కాంచుటె తొలినోము
కడగంటి చూపైన కడుపావనం

 

మనసే అందాల బృందావనం
వేణు మాధవుని పేరే మధురామృతం
 

రాధను ఒక వంక లాలించునే
సత్యభామను మురిపాల తేలించునే
రాధను ఒక వంక లాలించునే
సత్యభామను మురిపాల తేలించునే...
 

మనసార నెరనమ్ము తనవారినీ
ఆ..ఆ..ఆ..ఆ..ఆ..ఆఆ....
మనసార నెరనమ్ము తనవారిని
కోటి మరులందు సుధలందు తనియింతునే..

మనసే అందాల బృందావనం 

దనిస దని నిదదమ
మదని నిదదమ
గమద దమమగస
గగ మమ మగస దని
గసా మగా దమా నిద
గమదనిస బృందావనం

మాగ మగస
దామ గమద
నీద నిసమ
గమ మద దనినిస
నిసమద మగస
గమ దనిసగ బృందావనం

సమగస గమదని
గదమగ మదనిస
మనిద మదనిసగ
ఆ...........

మనసే అందాల బృందావనం
వేణు మాధవుని పేరే మధురామృతం

పూర్తిగా చదువు

వ్రేపల్లియ ఎద ఝల్లున...

మధురమైన మురళీ గానం విని మైమరవని మనసుంటుందా అసలు, అచ్చంగా కన్నయ్య వినిపిస్తున్నాడేమో అనిపించె ఆహ్లాదకరమైన మురళీ నాదంతో ప్రారంభమయే ఈ పాట ముప్పై ఏళ్ళకు పైగా శ్రోతల ఎద కొల్లగొడుతూనే ఉంది. నాకు చాలా ఇష్టమైన ఈ పాట మీరూ చూసీ వినీ ఆనందించండి. ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : సప్తపది (1981)
సంగీతం : కె.వి. మహదేవన్
సాహిత్యం : వేటూరి
గానం : బాలు, సుశీల 

వ్రేపల్లియ ఎద ఝల్లున పొంగిన రవళీ
నవరస మురళీ.. ఆనందన మురళీ
ఇదేనా.. ఇదేనా.. ఆ మురళి.. మోహనమురళీ
ఇదేనా.. ఆ మురళీ

వ్రేపల్లియ ఎద ఝల్లున పొంగిన రవళీ
నవరస మురళీ.. ఆనందన మురళీ
ఇదేనా.. ఆ మురళి..మోహనమురళీ
ఇదేనా... ఆ మురళీ

కాళింది మడుగునా కాళియుని పడగలా
ఆబాల గోపాల మాబాల గోపాలుని
కాళింది మడుగునా కాళియుని పడగలా
ఆబాల గోపాల మాబాల గోపాలుని
అచ్చెరువున అచ్చెరువున విచ్చిన కన్నులజూడ
అచ్చెరువున అచ్చెరువున విచ్చిన కన్నులజూడ
తాండవమాడిన సరళి.. గుండెల మ్రోగిన మురళి
 
ఇదేనా..ఇదేనా ఆ మురళీ
 
అనగల రాగమై తొలుత వీనులలరించి
అనలేని రాగమై మరలా వినిపించీ.. మరులే కురిపించి
అనగల రాగమై తొలుత వీనులలరించి
అనలేని రాగమై మరలా వినిపించీ.. మరులే కురిపించి
జీవన రాగమై.. బృందావన గీతమై
ఆ.. జీవన రాగమై.. బృందావన గీతమై
కన్నెల కన్నుల కలువల వెన్నెల దోచిన మురళి

ఇదేనా.. ఇదేనా ఆ మురళీ

ఆఆ..వేణుగానలోలుని మురిపించిన రవళి..
నటనల సరళి ఆ నందనమురళీ
ఇదేనా ఆ మురళి.. మువ్వల మురళీ
ఇదేనా ఆ మురళీ...

మధురానగరిలో యమునా లహరిలో
ఆ రాధ ఆరాధనా గీతి పలికించి
మధురానగరిలో యమునా లహరిలో
ఆ రాధ ఆరాధనా గీతి పలికించి
సంగీత నాట్యాల సంగమ సుఖ వేణువై
ఆ....... ఆ....... ఆ..... 
సంగీత నాట్యాల సంగమ సుఖ వేణువై
రాసలీలకే ఊపిరిపోసిన అందెల రవళి
ఇదేనా.. ఇదేనా ఆ మురళీ

వ్రేపల్లియ ఎద ఝల్లున పొంగిన రవళీ
నవరస మురళీ..ఆనందన మురళీ
ఇదేనా ఇదేనా ఆ మురళి..మోహనమురళీ
ఇదేనా ఆ మురళీ...

పూర్తిగా చదువు

నీ పేరు తలచినా చాలు...

కన్నయ్య పేరు తలచుకున్నా చాలు మదిలో శతకోటి యమునా తరంగాలు ఉప్పొంగుతాయట... నిజమే కదా ఆయన పేరులో ఉన్న మహత్యమే అంత... ఏకవీర చిత్రంలో సుశీల గారు గానం చేసిన ఈ పాట ఎంత బాగుంటుందో మీరే వినండి. ఆడియో వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : ఏకవీర (1969)

సంగీతం : కె.వి. మహదేవన్

సాహిత్యం : సినారె

గానం : సుశీల

కృష్ణా....

నీ పేరు తలచినా చాలు

నీ పేరు తలచినా చాలు

మదిలో పొంగు శతకోటి 

యమునా తరంగాలు

నీ పేరు తలచినా చాలు

ఏమి మురళి అది ఏమీ రవళి రా..అ.ఆ..

ఏమి మురళి అది ఏమీ రవళి రా

పాట వినగ ప్రాణాలు కదలురా

ఏమీ మురళి అది ఏమీ రవళి రా

పాట వినగ ప్రాణాలు కదలురా

మురళీధరా నీ స్వరలహరులలో

మరణమైనా మధురమురా

నీ పేరు తలచినా చాలు

వెదురు పొదలలో తిరిగీ తిరిగీ

నీ పదపల్లవములు కందిపోయేనో

వెదురు పొదలలో తిరిగీ తిరిగీ

నీ పదపల్లవములు కందిపోయేనో

యెదపానుపుపై పవళించరా

నా పొదిగిన కౌగిట పులకించరా

నీ పేరు తలచినా చాలు

మదిలో పొంగు శతకోటి 

యమునా తరంగాలు

నీ పేరు తలచినా చాలు

గోపాలా.. నందబాలా..

నవమంజుల మురళీలోల

మృదు సమీర కంపిత

మనోజ్ఞకుంతల తమాలపల్లవజాలా

కృష్ణా నీ పేరు తలచినా చాలూ

ఏమీ పిలుపు అది ఏమి పిలుపు

బృందానికుంజముల పూలు పూసి

శరదిందు చంద్రికల కేయిసాకి

కరుణాంతరంగముల దాగి దాగి

చెలి అందెలందు చెలరేగి రేగి

నను తొందరించెరా ..ఆ...తొలకరించెరా..ఆ..

తొందరించెరా తొలకరించెరా

వలపు జల్లుగా పలుకరించెరా

వల్లవీరమణి చల్లని ఉల్లము

అల్లన ఝల్లన పరవశించెరా..ఆ..ఆ..

కృష్ణా....

నీ పేరు తలచినా చాలు

పూర్తిగా చదువు

మహా విష్ణు గాధలు...

మిత్రులకు నూతన సంవత్సర, వైకుంఠ ఏకాదశి శుభాకాంక్షలు. ఈపర్వదినాన ఆ మహావిష్ణువు మహిమలు తెలిపే పాటను గుర్తు చేసుకుందామా. బాపు గారి దర్శకత్వంలో వచ్చిన 'సీతా కళ్యాణం' చిత్రంలోని ఈ పాట చిత్రీకరణ బాగుంటుంది. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : సీతాకళ్యాణం (1976)

సంగీతం : కె వి మహదేవన్
సాహిత్యం : సి నారాయణరెడ్డి
గానం : పి సుశీల, బి వసంత, పి బి శ్రీనివాస్, రామకృష్ణ

మహావిష్ణు గాధలు మధురసుధా ధారలు
మహావిష్ణు గాధలు మధురసుధా ధారలు
అవి విన్న వీనులే వీనులు 

కనుగొన్న కన్నులే కన్నులూ
మహావిష్ణు గాధలు మధురసుధా ధారలు

చేపయై . . కూర్మ రూపమై, వరాహుడై, నరహరీంద్రుడై
చేపయై . . కూర్మ రూపమై, వరాహుడై, నరహరీంద్రుడై
దిగివచ్చెను యీ ధరణికి ఆదిదేవుడు 
దైత్యుల తెగటార్చగ ఆ మహానుభావుడు
 

మహావిష్ణు గాధలు మధురసుధా ధారలు

బలిమితో దేవతల గెలువంగలేక
కలిమితో జన్నముల పున్నెముల కలిమితో
స్వర్గమును కాజేయ సమకట్టె
విశ్వజిద్యాగమును తాజేయ తలపెట్టె
బలిచక్రవర్తి అసుర కుల చక్రవర్తి

అనంతా అచ్యుతా మాధవా రమాధవా 

ఆదుకొమ్మని ఆర్తనాదములు చేయగా
ఆదివిష్ణువే అవనికై దయచేయగా..

అడుగో అడుగో . . అల్లన వచ్చెను వడుగు,
అలనల్లన వచ్చెను వడుగు
వాడసురల చిచ్చర పిడుగు
వేసెను బుడి బుడి అడుగు
అది వేదాలకు పట్టిన వెల్లగొడుగు

ఎక్కడిదీ పసి వెలుగు ఎవ్వరివాడో యీ వడుగు
ఏ తల్లి ఏ నోము నోచెనో ఏ తండ్రి ఏ తపము చేసెనొ
ఏ వూరు ఓ బాబు నీది ? ఊరేగు వాని వూరేది ?
ఏ పేరు ఓ బాబు నీది ? ఏ పేరు పిలిచినా నాది
ఏమి కోరెద నీవు ? ఏమీయగల వీవు ?
మాడలా మేడలా వన్నెలా చిన్నెలా
వన్నియల చిన్నియల వలరాచ కన్నెలా? 

ఉట్టికి ఎక్కని పొట్టికి దక్కని
స్వర్గ సుఖమ్ములు ఎందుకులే
ముద్దూ ముచ్చట లెరుగని వడుగుకు
మూడడుగులే చాలునులే
మూడడుగులే చాలునులే
మూడడుగులే చాలునులే

ఇంతింతై వటుడింతయై అంతంతై నభమంతయై 

అంతే తెలియని కాంతియై ఆగమ్య దివ్య భ్రాంతియై
విక్రమించెను అవక్ర విక్రముడై త్రివిక్రముడై

సూర్య బింబమ్మంత శోభిల్లెను,
ఛత్రమై శిరోరత్నమై
శ్రవణ భూషణమై, గళాభరణమై,
దండ కడియమ్మై, చేతి కంకణమై
నడుమునకు గంటయై, అడుగునకు అందెయై
పదముకడ రేణువై వటుడిటుల వర్ధిల్లి వర్ధిల్లి  వర్ధిల్లి
పదునాల్గు లోకాలు పదయుగళితో కొలిచీ..

 
ఏదీ ఏదీ ఏదీ.. మూడవ అడుగు ఎచట మోపేదీ ?
ఏదీ చోటేదీ అని వడుగు అడుగగా
తలవంచె బలిచక్రవర్తి
పాద తలముంచె శ్రీ విష్ణు మూర్తి !
విష్ణు మూర్తి ! శ్రీ విష్ణు మూర్తి..

పూర్తిగా చదువు