ఘనా ఘన సుందరా

పాత భక్తిపాటల్లో కొన్ని మనసుకు అలా హత్తుకు పోతాయి. అలాంటి పాటల్లో దేవులపల్లి గారు రచించగా ఆదినారాయణ గారు స్వరపరచిన "ఘనా ఘన సుందరా" ఒకటి. భక్తతుకారం సినిమాలోని పాటలు అన్నీ బాగుంటాయి కానీ ఈ పాట ప్రత్యెకతే వేరు. దేవులపల్లి గారు చక్కని పదాలతో ప్రభాత వేళను కనుల ముందు నిలిపితే అందమైన సంగీతం లో ఘంటసాల గారి గాత్రం తన్మయత్వంతో ఊయలలూగిస్తుంది. నాకు సంగీతంతో పరిచయం లేదు కానీ ఈ పాట మోహన రాగం లో చేసినదని అందుకే అంత మాధుర్యం అనీ ఎక్కడో చదివాను. ఈ పాట చరణం చివర ఘంటసాల గారు పైస్థాయిలో "నిఖిల జగతి నివాళులిడదా" అన్న వెంటనే ఆర్తిగా "వేడదా.. కొనియాడదా.." అన్నచోట ఒక్కసారిగా మనకు మనమే ఆ స్వామికి అర్పించుకున్న అనుభూతి కలుగుతుంది.

ఇంకా ఈ పాట ఎప్పుడు విన్నా చిన్నతనంలో ఉదయాన్నే గుడిలో మైకుద్వారా విన్నప్పటి రోజులలోకి వెళ్తూ ఆనందానుభూతిని పొందుతాను. మీరు గమనించారోలేదో పాత గ్రామ్ ఫోన్ రికార్డ్ లలో పాటలు వింటున్నపుడు ఒక విథమైన చిర్పింగ్ సౌండ్ వస్తుంది, కొన్ని పాటలు పూర్తి క్లారిటీ తో వినడం కంటే ఆ చిర్పింగ్ సౌండ్ తో వినడం లోనే ఎక్కువ ఆనందం ఉంటుంది. ఇది కూడా అలాంటి పాటలలో ఒకటి. పాట చిత్రీకరణ కూడా చాలా బాగుంటుంది. ఆలశ్యమెందుకు మీరు కూడా చూసి విని ఆనందించండి. వీడియోలో ఆడియో క్లారిటీ అంత బాగాలేదు, ఆడియో మాత్రమే వినాలంటే చిమటా మ్యూజిక్ లో ఇక్కడ వినచ్చు.  

 

చిత్రం : భక్త తుకారం
సంగీతం : ఆదినారాయణరావు
సాహిత్యం : దేవులపల్లి కృష్ణశాస్త్రి
గానం : ఘంటసాల

హరి ఓం... ఓ. ఓం..
హరి ఓం... ఓ. ఓం..
హరి ఓం... ఓ. ఓం..
ఆ-అ-అ-అ-అ-ఆ... అ-ఆ...
ఆ.ఆ... ఆ.ఆ... ఆ... అ-ఆ...

ఘనా. ఘన సుందరా...
కరుణా.. రస మందిరా.
ఘనా. ఘన సుందరా..
కరుణా.. రస మందిరా. ..
అది పిలుపో.. మేలు కొలుపో..
నీ పిలుపో.. మేలు కొలుపో..
అది మధుర. మధుర.
మధురమౌ ఓంకారమో.. ..

పాండురంగ. పాండురంగ..
ఘనా. ఘన సుందరా...
కరుణా.. రస మందిరా...
ఆ... అ-అ-ఆ..
.....

ప్రాభాత మంగళ పూజావేళ..
నీపద సన్నిధి నిలబడీ...
నీపద పీఠిక తలనిడీ..

ప్రాభాత మంగళ పూజావేళ..
నీపద సన్నిధి నిలబడి...
నీపద పీఠిక తలనిడీ..

నిఖిల జగతి నివాళులిడదా..
నిఖిల జగతి నివాళులిడదా..
వేడదా.. కొనియాడదా..

పాండురంగ. పాండురంగ..
ఘనా. ఘన సుందరా
కరుణా.. రస మందిరా
ఆ... అ-అ-ఆ..
 
గిరులూ ఝరులూ..
విరులూ తరులూ..
నిరతము నీ పాద ధ్యానమే...
నిరతము నీ నామ గానమే...

గిరులూ ఝరులూ..
విరులూ తరులూ..
నిరతము నీ పాద ధ్యానమే...
నిరతము నీ నామ గానమే...

సకల చరాచర.. లోకేశ్వరేశ్వర..
సకల చరాచర.. లోకేశ్వరేశ్వర..
శ్రీకరా... భవహరా...

పాండురంగ. పాండురంగ..
ఘనా. ఘన సుందరా.అ-అ-ఆ..
కరుణా.. రస మందిరా.అ-అ-ఆ..
ఆ... అ-అ-ఆ..
ఘనా. ఘన సుందరా.అ-అ-ఆ..
పాండురంగ. పాండురంగ.
పాండురంగ. పాండురంగ..
...
పాండురంగ. పాండురంగ.
పాండురంగ. పాండురంగ..
...
పాండురంగ. పాండురంగ.
పాండురంగ. పాండురంగ.
పాండురంగ. పాండురంగ.
పాండురంగ. పాండురంగ..
...

 ఈ సాహిత్యం ఈ సైట్ నుండి స్వల్ప మార్పులతో సంగ్రహించబడినది.

పూర్తిగా చదువు

తెలుగు హనుమాన్ చాలీసా

బహుశా సులువుగా అర్ధమవడం వలనో లేదా చిన్నతనం నుండీ ఎక్కువగా విన్నందువలనో నాకు హనుమాన్ చాలీసా అంటే ఎమ్ యస్ రామారావు(మోపర్తి సీతారామారావు)గారు పాడిన తెలుగు హనుమాన్ చాలీసా మాత్రమే గుర్తొస్తుంది. ఇతరములు ఏవి విన్నా ఇంత భక్తిభావం కానీ తదాత్మ్యతకు లోనవడం కాని జరగవు. ఆయన వైవిధ్యమైన గొంతు, సన్నివేశానికి తగ్గట్లుగా స్వరాన్ని స్వల్పంగా మార్చి పాడే విధానం అంతా అద్భుతం. ఆ గాన మాధుర్యాన్ని చవి చూసి హనుమాన్ భక్తి పారవశ్యంలో మీరూ ఓలలాడండి... 

ఆపదామపహర్తారం దాతారం సర్వ సంపదాం
లోకాభిరామం శ్రీరాం భూయో భూయో నమామ్యహం
హనుమాన్ అంజనా సూనుః వాయుపుత్రో మహ బలహః
రామేష్టః ఫల్గుణ సఖః పింగాక్షో అమిత విక్రమః
ఉధధిక్రమణ శ్చైవ సీతా శోక వినాశకః
లక్ష్మణ ప్రాణదాతచ దశగ్రీవస్య దర్పః
ద్వాదశైతాని నామాని కపీంద్రస్య మహాత్మనః
స్వాపకాలే పఠేన్నిత్యం యాత్రాకాలే విశేషత
తస్య మృత్యుభయం నాస్తి సర్వత్ర విజయీభవేత్

శ్రీ హనుమాను గురుదేవు చరణములు
ఇహపర సాథక శరణములు

బుద్దిహీనతను కల్గిన తనువులు
బుద్భుదములని తెలుపు సత్యములు

||శ్రీ హనుమాను||

జయహనుమంత ఙ్ఞాన గుణవందిత
జయ పండిత త్రిలోక పూజిత

రామదూత అతులిత బలధామ
అంజనీ పుత్ర పవన సుతనామ

ఉదయభానుని మధుర ఫలమని
భావన లీల అమృతమును గ్రోలిన

కాంచన వర్ణ విరాజిత వేష
కుండలమండిత కుంచిత కేశ 

||శ్రీ హనుమాను||

రామ సుగ్రీవుల మైత్రిని గొలిపి
రాజపదవి సుగ్రీవున నిలిపి

జానకీ పతి ముద్రిక దోడ్కొని
జలధిలంఘించి లంక జేరుకొని

సూక్ష్మ రూపమున సీతను జూచి
వికట రూపమున లంకను గాల్చి

భీమ రూపమున అసురుల జంపిన
రామ కార్యమును సఫలము జేసిన

||శ్రీ హనుమాను||

సీత జాడగని వచ్చిన నిను గని
శ్రీ రఘువీరుడు కౌగిట నినుగొని

సహస్ర రీతుల నిను కొనియాడగ
కాగల కార్యము నీపై నిడగ

వానర సేనతో వారధి దాటి
లంకేశునితో తలపడి పోరి

హోరు హోరునా పోరు సాగిన
అసురసేనల వరుసన గూల్చిన

||శ్రీ హనుమాను||

లక్ష్మణ మూర్ఛతో రాముడడలగ
సంజీవి దెచ్చిన ప్రాణ ప్రదాత

రామ లక్ష్మణుల అస్త్రధాటికీ
అసురవీరులు అస్తమించిరి

తిరుగులేని శ్రీ రామ బాణము
జరిపించెను రావణ సంహారము

ఎదురిలేని ఆ లంకాపురమున
ఏలికగా విభీషణు జేసిన

||శ్రీ హనుమాను||

సీతారాములు నగవుల గనిరి
ముల్లోకాల హారతులందిరి

అంతులేని ఆనందాశృవులే
అయోధ్యాపురి పొంగిపొరలె

సీతా రాముల సుందర మందిరం
శ్రీకాంతుపదం నీ హృదయం

రామ చరిత కర్ణామృత గాన
రామ నామ రసామృతపాన

||శ్రీ హనుమాను||

దుర్గమమగు ఏ కార్యమైనా
సుగమమే యగు నీకృపజాలిన

కలుగు సుఖములు నిను శరణన్న
తొలగు భయములు నీ రక్షణ యున్న

రామ ద్వారపు కాపరివైన నీ
కట్టడి మీర బ్రహ్మాదుల తరమా

భూత పిశాచ శాకిని ఢాకిని
భయపడి పారు నీనామజపము విని

||శ్రీ హనుమాను||

ధ్వజావిరాజా వజ్ర శరీరా
భుజ బల తేజా గధాధరా

ఈశ్వరాంశ సంభూత పవిత్రా
కేసరీ పుత్ర పావన గాత్ర

సనకాదులు బ్రహ్మాది దేవతలు
శారద నారద ఆదిశేషులు

యమ కుబేర దిగ్పాలురు కవులు
పులకితులైరి నీ కీర్తి గానముల

||శ్రీ హనుమాను||

సోదరభరత సమానా యని
శ్రీ రాముడు ఎన్నిక గన్న హనుమా

సాధులపాలిట ఇంద్రుడవన్నా
అసురుల పాలిట కాలుడవన్నా

అష్టసిద్ది నవ నిధులకు దాతగ
జానకీమాత దీవించెనుగా

రామ రసామృత పానము జేసిన
మృత్యుంజయుడవై వెలసినా

||శ్రీ హనుమాను||

నీనామ భజన శ్రీరామ రంజన
జన్మ జన్మాంతర ధుఃఖ బంజన

ఎచ్చటుండినా రఘువరదాసు
చివరకు రాముని చేరుట తెలుసు,

ఇతర చింతనలు మనసున మోతలు
స్థిరముగ మారుతి సేవలు సుఖములు

ఎందెందున శ్రీరామ కీర్తన
అందందున హనుమాను నర్తన

||శ్రీ హనుమాను||

శ్రద్దగ దీనిని ఆలకింపుమా
శుభమగు ఫలములు కలుగు సుమా

భక్తిమీరగ గానము చేయగ
ముక్తి కలుగు గౌరీశులు సాక్షిగ,

తులసీదాస హనుమాన్ చాలిసా
తెలుగున సుళువుగ నలుగురు పాడగ

పలికిన సీతారాముని పలుకున
దోషములున్న మన్నింపుమన్న

||శ్రీ హనుమాను||

మంగళ హారతి గొను హనుమంత
సీతారామ లక్ష్మణ సమేత
నా అంతరాత్మ నిలుమో అనంత
నీవే అంతా శ్రీ హనుమంత

ఓం శాంతిః శాంతిః శాంతిః

పూర్తిగా చదువు

టాటా ! వీడుకోలూ !!

కొన్ని అనివార్య కారణాల వలన నా ఈ బ్లాగుకు తాత్కాలిక విరామాన్ని ప్రకటించదలచాను. ఒక ఐదారు నెలల పాటు ఈ బ్లాగులో ఏ విధమైన కొత్త టపాలు ప్రచురించను. బ్లాగ్ ఓపెన్ యాక్సెస్ తోనే ఉంటుంది. ఇదివరకు ప్రచురించిన టపాలు చూడతలచిన వారు వచ్చి చూడవచ్చు. వెళ్ళేముందు సంధర్బశుద్ది లేకపోయినా నాకు టాటా అన్న పదం వినగానే గుర్తొచ్చే ఓ పాట గురించి చెప్తాను.

నాకు పాత సినిమా పాటలు పరిచయమైన కొత్తలో ఘంటసాల మాష్టారి పాటలు అంటే మా ఊరి టెంట్ హాల్ లో వేసే నమో వెంకటేశ, ఏడుకొండలవాడా లాంటి భక్తిపాటలు, పాడుతా తీయగా, కొండగాలి తిరిగిందీ గుండె ఊసులాడింది లాంటి మధురమైన గీతాలు మాత్రమే అని ఓ అభిప్రాయం ఉండేది. మొదటి సారి ఈ పాట విన్నపుడు కెవ్ మని కేకేసాను :-) ఎలాంటి మూడ్ అయినా నేను మెప్పించగలనోయ్ అని స్వయానా ఆయనే నాతో అన్నట్లు అనిపించింది. బాపు రమణ గారు ఏం చెప్పి ఒప్పించారో కానీ మొత్తానికి తెలుగు ప్రేక్షకులకు ఓ ప్రత్యేకమైన గీతం దొరికింది. ప్రియురాలి వలపులకన్నా.. నునువెచ్చనిదేదీ లేదని లైన్ లో నునువెచ్చని అనే పదం ఆయన పలకడం వింటే మనకు ఆ వెచ్చదనం అనుభూతికి వస్తుంది అనడం అతిశయోక్తికాదేమో. ఇచ్చుటలో ఉన్నహాయి వేరెచ్చటనూ లేదని లాటి ఆరుద్ర గారి ఛమక్కులకు కొదవలేదు. ఇక అక్కినేని గారి తాగుబోతు నటన గురించి చెప్పేదేముంది ఇప్పుడు చూస్తే కాస్త నవ్వొస్తుంది కానీ అప్పట్లో కేక :-) హ హ సరే మరి ఈ పాట మీరుకూడా ఓ సారి చూసి/విని ఎంజాయ్ చేసేయండి. కొంత విరామం తర్వాత మళ్ళీ కలుద్దాం.

చిత్రం : బుద్దిమంతుడు
సంగీతం : కె.వి.మహదేవన్
సాహిత్యం: ఆరుద్ర
గానం: ఘంటసాల

టాటా.. వీడుకోలు... గుడ్ బై ఇంక సెలవు
టాటా.. వీడుకోలు... గుడ్ బై ఇంక సెలవు
తొలినాటి స్నేహితులారా... చెలరేగే కోరికలారా.. హోయ్..
తొలినాటి స్నేహితులారా... చెలరేగే కోరికలారా...
టాటా వీడుకోలు.. గుడ్ బై ఇంక సెలవు..
టాటా వీడుకోలూ...

ప్రియురాలి వలపులకన్నాఆ ఆ.. నును వెచ్చనిదేదీ లేదని...
ప్రియురాలి వలపులకన్నాఆ ఆ.. నును వెచ్చనిదేదీ లేదని...
నిన్నను నాకు తెలిసింది... ఒక చిన్నది నాకు తెలిపింది...
ఆ... ప్రేమ నగరుకే పోతాను... పోతాను... పోతాను...
ఈ... కామ నగరుకు రాను... ఇక రాను...

టాటా.. వీడుకోలు గుడ్ బై.. ఇంక సెలవు
టాటా.. వీడుకోలూ...

ఇచ్చుటలో ఉన్న హాయీ...ఈ.. వేరెచ్ఛటను లేనే లేదనీ...
ఇచ్చుటలో ఉన్న హాయీ...ఈ.. వేరెచ్ఛటను లేనే లేదనీ...
లేటుగా తెలుసుకున్నాను... నా లోటును దిద్దుకున్నాను
ఆ స్నేహ నగరుకే పోతాను... పోతాను... పోతాను...
ఈ మోహ నగరుకు రాను... ఇక రాను...

టాటా.. వీడుకోలు.. గుడ్ బై.. ఇంక సెలవు
టాటా.. వీడుకోలూ...

మధుపాత్రకెదలో ఇంక.. ఏమాత్రం చోటూ లేదనీ...
మధుపాత్రకెదలొ ఇంక.. ఏమాత్రం చోటూ లేదనీ...
మనసైన పిల్లే చెప్పిందీ...
మనసైన పిల్లే చెప్పిందీ...
నా మనసంతా తానై నిండింది
నా మనసంతా తానై నిండింది
నే... రాగ నగరుకే పోతాను...
అనురాగ నగరుకే పోతాను...

పూర్తిగా చదువు

దేవ దేవ ధవళాచల మందిర

భక్తి పాటలు ఎన్నున్నా, విన్న సంధర్భాన్ని పట్టో, పాటలోని మాధుర్యం వలనో కొన్ని పాటలు అలా గుర్తుండిపోతాయి అలాంటివే మరికొన్ని వచ్చినా ఆ పాట మీద అభిమానం మాత్రం చెక్కు చెదరదు. అలా నాకు బాగా నచ్చిన పాట భూకైలాస్ చిత్రం లోని "దేవ దేవ ధవళాచల మందిర" పాట. సముద్రాల గారి సాహిత్యం ప్రాసలతో సాగుతూ అలరిస్తే ఘంటసాల గాత్రం తో చక్కని సంగీతంతో ఈ పాట విన్న వారి మనసుల్లో భక్తిభావాన్ని ఇనుమడింప చేస్తూ అలా గుండెల్లో ఒదిగిపోతుంది. పాట వింటూ తన్మయత్వంతో తలాడించని వారు ఉండరు అంటే అతిశయోక్తి కాదేమో. ఇక రావణబ్రహ్మ గా రామారావుగారి మనోహరమైన రూపాన్ని చూడటానికి రెండు కళ్ళు చాలవు. శంకరుని స్తుతిస్తూ సాగే ఈ భక్తిగీతం లో చివరలో చాలా సహజంగా అలవోకగా నారాయణుని స్తుతిని కలిపేస్తారు సంగీత దర్శకులు. నారద పాత్రలో నాగేశ్వరరావు గారిని చూడటం కూడా కన్నుల పండుగే.. మహా శివరాత్రి సంధర్భంగా అందరికీ శుభాకాంక్షలు తెలుపుతూ ఈ పాట మీ కోసం.

చిత్రం: భూకైలాస్
సంగీతం: ఆర్.సుదర్శనం, ఆర్.గోవర్ధనం
సాహిత్యం: సముద్రాల రాఘవాచార్య
గానం: ఘంటసాల

దేవ దేవ ధవళాచల మందిర గంగాధరా హర నమోనమో
దైవత లోక సుధాంబుధి హిమకర లోక శుభంకర నమోనమో

||దేవ దేవ||

పాలితకింకర భవనా శంకర శంకర పురహర నమోనమో
పాలితకింకర భవనా శంకర శంకర పురహర నమోనమో
హాలాహలధర శూలాయుధకరా శైలసుతావర నమో నమో
హాలాహలధర శూలాయుధకరా శైలసుతావర నమో నమో

||దేవ దేవ||

దురిత విమోచనా..ఆఅ..ఆఅ..ఆఆఅ..ఆఅ..అ.అ
దురిత విమోచన ఫాలవిలోచన పరమదయాకర నమో నమో
కరిచర్మాంబర చంద్రకళాధర సాంబ దిగంబర నమో నమో
కరిచర్మాంబర చంద్రకళాధర సాంబ దిగంబర నమో నమో

||దేవ దేవ||

నమో నమో నమో నమో నమో నమో

నారాయణ హరి నమో నమో నారాయణ హరి నమో నమో
నారాయణ హరి నమో నమో నారాయణ హరి నమో నమో
నారద హృదయ విహారి నమో నమో 

నారద హృదయ విహారి నమో నమో
నారాయణ హరి నమో నమో నారాయణ హరి నమో నమో
పంకజ నయనా పన్నగ శయనా.. ఆ ఆ ఆఆఆఅ...
పంకజనయనా పన్నగ శయనా
పంకజనయనా పన్నగ శయనా
శంకర వినుతా నమో నమో
శంకర వినుతా నమో నమో

నారాయణ హరి నమో నమో
నారాయణ హరి నారాయణ హరి
నారా..యణ హరి నమో నమో

పూర్తిగా చదువు

బాణం - నాలోనేనేనా, మోగిందీ జేగంటా

బాణం, రొటీన్ చిత్రాల ప్రవాహంలో ఓ వైవిధ్యమైన ప్రయత్నం. ఈ సినిమా కాన్సెప్ట్ ఎంత వైవిధ్యంగా రఫ్ గా ఉంటుందో దీనిలో ప్రేమకథ అంతే వైవిధ్యంగా సున్నితంగా ఉంటుంది. ఆ ప్రేమకథకు తగినవిధంగా ఉన్నవి రెండే పాటలు అయినా చక్కని మెలొడీతో ఆకట్టుకుంటాయి. రిలీజ్ అయిన దగ్గర నుండీ ఈ సినిమా పాటలు రెండూ నను వెంటాడుతూనే ఉన్నాయి వారానికి ఒక సారైనా వినకుండా ఉండనివ్వట్లేదు. ఒక వేళ మీరు ఇంతవరకూ విని ఉండక పోతే వెంటనే వినేయండి. మణిశర్మగారు స్వరపరిచిన ఈ రెండు పాటల సంగీతం, సాహిత్యం మరియూ చిత్రీకరణ అన్నీ ఒకదానితో ఒకటి పోటీ పడుతున్నట్లు ఉంటాయి కాని వీడియో కేవలం ఒక నిముషం నిడివి ఉన్నవి మాత్రమే దొరికాయి. కనుక పూర్తి పాట ఆడియో లింకుల్లో వినండి.

నాకు అత్యంత ఇష్టమైన మొదటి పాట "నాలో నేనేనా" ఈ మధ్య వరకూ కూడా దదాపు ప్రతిరోజూ రెండు మూడు సార్లైనా ఈ పాట కొంతైనా వినేంతగా నచ్చింది. దీని అందమైన లిరిక్ ఒక ఎత్తైతే ఈ పాటకు మరింత అందం చేకూర్చింది హేమచంద్ర గానం. మణిశర్మ మెలొడీ.. ఈ మధ్యకాలంలో ఇంత శ్రద్దగా మణి చేసిన ట్యూన్ లేదేమో అనిపించేంతగా, ఇంకా చెప్పాలంటే అసలు మణిశర్మేనా ఈ ట్యూన్ కట్టింది అనిపించేలా స్వరపరిచారు. దానిని అంతే అందంగా హేమచంద్ర సైంధవి తమ గళాల్లో పలికించారు.

"నేనేనా.. ఏదో అన్నానా.. నువ్వు విన్నావా.. ఇంతకీ ఏం విన్నావ్" అంటూ తనతో తనులేని కథానాయకుని మైమరుపుని స్పష్టంగా చెప్తూ పల్లవి మొదలెట్టించేస్తారు. మొదటి చఱణం లో కథానాయకుడు "తడబాటుని దాటేసి, పరదాలను తొలగించుకుని.. ప్రాణమే పలుకుగా వెలువడనీ" అని చెప్తుంటే, కథానాయికతో "మన పిచ్చిగానీ అసలు ఎదలో ఉన్నదంతా పదాల్లో పలుకుతుందా ? నా మౌనమే ప్రేమాలాపన.. నామనసున ఉన్నది నీ మాటల్లో బయటకు వస్తుంటే ఇక మన మధ్య మాటలెందుకు ? అనిపించి, వారిద్దరి మధ్య ఉన్న అనుభంధాన్ని మనకి స్పష్టంగా అర్ధమయ్యేలా చెప్పేస్తారు. ఇక రెండో చఱణంలో కథానాయిక "సాక్షాత్తూ ఆ దైవమే వరంగా నాలో సగమై నాకు దొరికింది" అని చెప్తుంటే నీతో చెలిమి చేస్తున్న నిముషాలు నూరేళ్ళుగా ఎదిగిపోయాయి.. మన మనువుకు మనమే సాక్ష్యం, మన మాటే మంత్రం, మన మధ్యఉన్న ప్రేమే మనని కలిపి ఉంచే బంధం.." అని కథానాయకునితో అనిపించి ఆ అనుభంధాన్ని మరింత దృఢంగా చూపించేస్తారు.

02 Naalo Nenena [a...

చిత్రం : బాణం

సహిత్యం : రామజోగయ్య శాస్త్రి

సంగీతం : మణి శర్మ

గానం : హేమచంద్ర , సైంధవి

నాలో నేనేనా.. ఏదో అన్నానా..

నాతో నేలేని మైమరపునా..

ఏమో అన్నానేమో.. నువ్వు విన్నావేమో..

విన్న మాటేదో నిన్నడగనా ||నాలో నేనేనా||

అలా సాగిపోతున్న నాలోన

ఇదేంటిలా కొత్త ఆలోచన

మనసే నాదీ.. మాటే నీదీ..

ఇదేం.. మాయో...

నాలో నేనేనా.. ఏదో అన్నానా..

నాతో నేలేని మైమరపునా..

ఏమో అన్నానేమో.. నువ్వు విన్నావేమో..

చిన్న మాటేదో నిన్నడగనా..

ఔనూ కాదు తడబాటునీ.. అంతో ఇంతో గడి దాటనీ..

విడి విడి పోనీ పరదానీ.. పలుకై రానీ ప్రాణాన్నీ..

ఎదంతా పదాల్లోన పలికేనా.. 

నా మౌనమే ప్రేమ ఆలాపన..

మనసే..నాదీ.... మాటే..నీదీ..

ఇదేం.. మాయో..

నాలో నేనేనా.. ఏదో అన్నానా..

నాతో నేలేని మైమరపునా..

ఏమో అన్నానేమో.. నువ్వు విన్నావేమో..

చిన్న మాటేదో నిన్నడగనా..

దైవం వరమై దొరికిందనీ.. నాలో సగమై కలిసిందనీ

మెలకువ కానీ హృదయాన్నీ.. చిగురై పోనీ శిశిరాన్నీ..

నీతో చెలిమి చెస్తున్న నిమిషాలూ..

నూరేళ్ళుగా ఎదిగిపోయాయిలా..

మనమే సాక్ష్యం... మాటే మంత్రం

ప్రేమే.. బంధం..

నాలో నేనేనా.. ఏదో అన్నానా..

నాతో నేలేని మైమరపునా..

ఏమో అన్నానేమో.. నువ్వు విన్నావేమో..

చిన్న మాటేదో నిన్నడగనా..

~*~^~*~^~*~^~*~^~*~^~*~^~*~^~*~

ఇదే సినిమాలో నాకు నచ్చిన మరో అందమైన పాట "మోగిందీ జేగంటా". అసలు ఈ పాటకన్నా శ్రేయ గొంతు విని తన్మయత్వంలో మునిగిపోయేవాడ్ని. "తననాన నానాన" అని తను మొదలు పెట్టగానే ఏదో లోకంలోకి వెళ్ళిపోతాం. ఆ తర్వాత కమ్మనైన తన కంఠస్వరం ఆ అందమైన ట్యూన్ లో వయ్యారాలు పోతుంటే అసలు లిరిక్ పై ధ్యాస ఎక్కడ పెట్టగలం మీరే చెప్పండి.అలా ముందు ఒక పాతిక సార్లు ఆ గొంతు విని ఆ మాయాజాలం తట్టుకుని బయట పడిన తర్వాత లిరిక్ పై ధ్యాస పెడితే వహ్వా రామజోగయ్య శాస్త్రి గారు ఎంత బాగా రాశారు పాట అని అనుకోకుండా ఉండలేము.

కొన్ని పాటలు మాములుగా వినడం కన్నా సినిమాలో చూసినపుడు లిరిక్ మరింత అర్ధవంతంగా అనిపించి మరింత బాగా నచ్చేస్తాయి, అటువంటి పాటలలో ఇదికూడా ఒకటి. పాట ప్రారంభంలోనే "జేగంట మోగింది.. అంతా మంచే జరుగుతుందని మనసు చెబుతుంది" అంటూ అమాయకత్వం నిండిన హీరోయిన్ చెపుతుంటే ఆ మాటలను శ్రేయ గొంతులో వింటూ "మరే ఇంత అమాయకురాలికి అంతా మంచే జరగాలి" అని మనం కూడా మనసులో ఆశీర్వదించేస్తాం. "ననుపిలిచినదీ పూబాటా.. తనతో పాటే వెళిపోతా" అని అంటుంటే అప్పటికే హీరో స్వభావం తెలిసిన మనం ఏం పర్లేదు వెళ్ళిపో అంటూ భరోసా ఇచ్చేస్తాం.

ఇక చరణం మొదలెట్టాక "అలుపెరుగనీ పసి మనసునై సమయంతో వెళుతున్నా" అంటూ కథానాయిక స్వభావాన్ని అద్భుతంగా ఆవిష్కరించేస్తారు రచయిత. "ఏ దూరమో.. ఏ తీరమో ప్రశ్నించనీ పయనం లోనా.. ఈ దారితో సహవాసమై కొనసాగనా ఏదేమైనా.." అంటూ తన భరోసాను మనకి తెలియచేసి "మనకి కూడా ఇంతటి భరోసా చూపగల తోడు దొరికితే బాగుండు" అనిపించేస్తాడు.

రెండవ చరణం లో "కల నిలవనీ కనుపాపలో కళలొలికినదోఉదయం.. అది మెదలుగా నను ముసిరినా ఏకాంతం మటుమాయం.." అని అంటూ తన ఒంటరితనం అతని చెలిమితో ఎలా మాయమయ్యిందో వివరించేస్తారు. "చిరు నవ్వుతో ఈ పరిచయం వరమై ఇలా నను చేరిందా" అంటూ తన ఆరాధనను ఒక్క లైన్ లో చెప్పించేస్తారు.

04 Mogindi Jeganta...

చిత్రం : బాణం

సంగీతం : మణిశర్మ

సాహిత్యం : రామజోగయ్య శాస్త్రి

గానం : శ్రేయా ఘోషల్

తననాన నానాన..

తననాన నానాన..

మోగిందీ జేగంటా.. మంచే జరిగేనంటా..

మనసంటోందీ ఈ మాటా..

కొలిచే దైవాలంతా.. దీవించారనుకుంటా..

నను పిలిచినదీ పూబాటా..

తనతోపాటే వెళిపోతా

ఆకాశం నీడంతా నాదేనంటోందీ..

అలలు ఎగసే.. ఆశా..

ఏ చింతా కాసింతా లేనే లేదందీ

కలత మరిచే.. శ్వాస..

||మోగిందీ జేగంటా||

పద పదమనీ నది నడకనీ ఇటు నడిపినదెవరైనా..

తన పరుగులో తెలినురగలో నను నేనే చూస్తున్నా..

ప్రతి పిలుపునీ కథమలుపనీ మలి అడుగులు వేస్తున్నా..

అలుపెరుగనీ పసిమనసునై సమయంతో వెళుతున్నా..

నలుసంత కూడా నలుపేది లేనీ.. వెలుగుంది నేడూ నా చూపునా

ఏ దూరమో.. ఏ తీరమో ప్రశ్నించనీ పయనం లోనా..

ఈ దారితో సహవాసమై కొనసాగనా ఏదేమైనా..ఆఆఆఅ...

||మోగిందీ జేగంటా||

ఒక చలువలా ఒక విలువలా జత కలిసినదోసాయం..

మనసెరిగినా మధుమాసమై నను చేర్చిందీ గమ్యం..

కల నిలవనీ కనుపాపలో కళలొలికినదోఉదయం

అది మెదలుగా నను ముసిరినా ఏకాంతం మటుమాయం..

నా చుట్టూ అందంగా మారింది లోకం.. ఊహల్లోనైనా లేదీ నిజం

చిరు నవ్వుతో ఈ పరిచయం వరమై ఇలా నను చేరిందా

బదులడగనీ ఈ పరిమళం నా జన్మనే మురిపించేనా..ఆఆఆఅ..

||మోగిందీ జేగంటా||

పూర్తిగా చదువు

శివారెడ్డి మిమిక్రీ వీడియో

నేను ఎపుడైనా రిలాక్స్ అవ్వాలంటే యూట్యూబ్ లో చూసే వీడియోలలో శివారెడ్డి మిమిక్రీ వీడియోలు ఖచ్చితంగా ఉంటాయి. కేవలం ద్వని అనుకరణకు పరిమితం కాకుండా మ్యానరిజమ్స్ క్యాచ్ చేసి వాటిని అనుకరించడం శివారెడ్డికి ఇంత పేరు రావడానికి కారణం అని నేను అనుకుంటూ ఉంటాను. వజ్రోత్సవాల ఫంక్షన్ లో డ్యాన్సు లతో చూసిన వీడియో అంతా చూసి ఉంటారు. లేదంటే రిలేటెడ్ వీడియోలల్లో అవికూడా దొరకవచ్చు ప్రయత్నించండి. మొదట ఇచ్చినది ప్రముఖులు వీధుల్లో అమ్మకాలు చేపడితే ఎలా ఉంటుంది అనే అంశం దీనిలో కృష్ణం రాజు హైలైట్. ఇక రెండోది రాజకీయ నాయకుల ఎదురుగా వాళ్ళ గొంతులను అనుకరించడం. ఇందులో సత్యన్నారాయణ గారి గొంతు హైలైట్. ఇక మూడోది, ఈ చిచ్చర పిడుగు పేరు నాగేంద్ర అనుకుంటాను, ఇతను కూడా చాలా బాగా చేస్తున్నాడు. ఇందులో బాలకృష్ణ గారి కుక్క మిమిక్రి హైలైట్ :-)

పూర్తిగా చదువు

ఒకటే జననం.. ఒకటే మరణం..

చాలా రోజులుగా రాద్దాం అనుకుంటున్న ఈ టపా అనుకోకుండా ఈ పాట ఈ వారం ఈనాడు ఆదివారం సంచిక లో రచయిత సుద్దాల అశోక్ తేజగారి వ్యాఖ్యానంతో కనిపించే సరికి వెంటనే ప్రచురించేస్తున్నాను. ఈ సినిమా శ్రీహరి సినిమాల్లో నాకు నచ్చిన వాటిలో ఒకటి, కాస్త లాజిక్కులను పక్కన పెట్టి చూస్తే కంట్రోల్డ్ యాక్షన్ తో ఆకట్టుకుంటుంది ఒక సారి ఛూసి ఆనందించవచ్చు. ఇది నచ్చడానికి మరో కారణం సింధుమీనన్ కూడా లేండి. తన మొదటి తెలుగు సినిమా అనుకుంటాను మోడర్న్ డ్రస్సుల్లో కాకుండా మన పక్కింటి అమ్మాయిలా సాదాసీదాగా చూడచక్కగా ఉండి ఇట్టే ఆకట్టుకుంటుంది. పాటకచేరి శీర్షిక నిర్వహిస్తున్న ఈనాడు వారికి ధన్యవాదాలు తెలుపుకుంటూ ఆ పత్రిక క్లిప్పింగ్ కూడా ఇక్కడ ఇస్తున్నాను ఆసక్తి ఉన్నవారు చదువుకోవచ్చు.

సాహిత్యానికి సంగీతమో సంగీతానికి సాహిత్యమో తెలియదు కానీ ఈ పాటలో రెండూ ఒకదానికి ఒకటి అన్నట్లు ఒదిగి పోతాయి. పల్లవిలో ఉన్న ఫోర్స్ చరణాలలో కొంచెం తగ్గినట్లు కనిపిస్తుంది కానీ మొత్తం పాట విన్నపుడు ఒకే రకమైన ఉత్తేజాన్ని ఇస్తుంది. పల్లవి ఎత్తుగడ మాత్రం అద్భుతం సాహిత్యం పరంగా కానీ సంగీత పరంగా కానీ. నేను వాకింగ్ చేసేప్పుడు వినే ప్లేలిస్ట్ లో ఈ పాట మొదట ఉండేది (అంటే వాకింగ్ చేసింది కొద్దిరోజులైనా ఇలాటి అర్భాటలకు తక్కువ చేసే వాడ్ని కాదులెండి:-) నిజం చెప్పద్దూ, ఇదీ, ముత్తులో ఒకడే ఒక్కడు మొనగాడు, తమ్ముడు లో look at my face లాంటి పాటలు వింటూ జిమ్ కెళ్తే వచ్చే ఆ ఉత్సాహం  ఆనందం మాటల్లో చెప్పలేం అంటే నమ్మండి. సరే మరి మీరు విని ఉండక పోతే ఒకసారి వినేయండి.

చిత్రం : భద్రాచలం
సంగీతం : వందేమాతరం శ్రీనివాస్
సాహిత్యం : సుద్దాల అశోక్ తేజ
గానం : శంకర్ మహదేవన్, చిత్ర

ఒకటే జననం ఒకటే మరణం
ఒకటే గమనం ఒకటే గమ్యం
గెలుపు పొందె వరకూ అలుపు లేదు మనకు..
బతుకు అంటె గెలుపూ గెలుపుకొరకె బ్రతుకు..
కష్టాలు రానీ కన్నీళ్ళు రానీ
ఏమైన గానీ ఎదురేది రానీ
ఓడిపోవద్దు రాజీపడొద్దు
నిద్ర నీకొద్దు నీకేది హద్దు

||ఒకటే||

రాబోయే విజయాన్ని పిడికిలిలో చూడాలి
ఆ గెలుపూ తప్పట్లే గుండెలలో మోగాలీ
నీ నుదిటీ రేఖలపై సంతకమే చేస్తున్నా
ఎదనిండా చిరునవ్వే చిరునామై ఉంటున్నా
నిన్నే వీడని నీడవలే నీతో ఉంటా ఓ నేస్తం
నమ్మకమే మనకున్న బలం

నీలికళ్ళలో మెరుపూ మెరవాలి
కారు చీకట్లో దారి వెతకాలి
గాలివానల్లో ఉరుమై సాగాలి
తగిలే గాయాల్లో గేయం ఊదాలి

||ఒకటే||

నిదరోకా నిలుచుంటా.. వెన్నెలలో చెట్టువలె
నీకోసం వేచుంటా.. కన్నీటీ బొట్టువలె
అడుగడుగు నీ గుండె ..గడియారం నేనవుతా
నువు నడిచే దారులలో.. ఎదురొచ్చి శుభమవుతా
రాసిగ పోసిన కలలన్నీ దోసిలి నిండా నింపిస్తా
చేతులు చాచిన స్నేహంలా ...

ముట్టుకున్నావా మువ్వా అవుతుంది
పట్టుకున్నావా పాటే అవుతుంది
అల్లుకున్నావా జల్లే అవుతుంది
హత్తుకున్నావా వెల్లుఔతుంది...

||ఒకటే||

ఈ నూతన సంవత్సరం ఈ పాటలా మీలో ఉత్తేజాన్ని నమ్మకాన్ని నింపి మీకందరికీ అన్ని శుభాలను చేకూర్చాలని, మీరు కోరుకున్న రీతిలో జీవిస్తూ సుఖసంతోషాలను మీ సొంతం చేసుకోవాలని ఆశిస్తూ... అందరికీ 2010 నూతనసంవత్సర శుభాకాంక్షలు, కాస్త ముందుగా :-)

పూర్తిగా చదువు

మిడిసిపడే దీపాలివి !!

అప్పట్లో దూరదర్శన్ చిత్రలహరిలో ఒకటి రెండు సార్లు ఈ పాట చూసిన గుర్తు. చంద్రమోహన్ నల్లశాలువా ఒకటి కప్పుకుని ఏటి గట్టున అటు ఇటు తిరుగుతూ తెగ పాడేస్తుంటాడు. అతనికోసం కాదు కానీ నాకు చాలా ఇష్టమైన ఏసుదాస్ గారి గొంతుకోసం ఈ పాటను శ్రద్దగా వినే వాడ్ని. లిరిక్స్ కూడా చాలా బాగున్నాయ్ అనిపించేది. నా ఇంజనీరింగ్ మొదటి సంవత్సరం డిపార్ట్మెంట్ డే సంధర్బంగా జరిగిన పాటలపోటీలో నేను తప్పక పాల్గొనాలి అని మావాళ్ళంతా డిసైడ్ చేశారు. ర్యాగింగ్ పీరియడ్ లో బలవంతంగా నాతో పాడించిన పాటలను కాస్తో కూస్తో రాగయుక్తంగా పాడేసరికి నే బాగా పాడతాను అనే అపోహలో ఉండేవారు. సరే ఏ పాటపాడాలి అని తర్జన భర్జనలు పడటం మొదలుపెట్టాను. జేసుదాస్ పాటే పాడాలి అని మొదటే నిర్ణయించుకున్నాను కానీ ’ఆకాశదేశానా’, ’మిడిసిపడే’ పాటలలో ఏదిపాడాలి అని తేల్చుకోలేక చివరికి నా ఆప్తమితృడికి పాటలు రెండూ వినిపించి సలహా అడిగితే నీగొంతుకు ’మిడిసిపడే’ బాగ సూట్ అవుతుంది అదే అని ఖాయం చేసేసుకో అని చెప్పాడు. నాకు కూడా అదినిజమే అనిపించింది. అదీకాక "ఆకాశదేశాన" లోని సంగతులు సరిగా పాడలేకపోతున్నాను అని స్పష్టంగా తెలుస్తుంది.

అలా మొదటి సారి ఈ పాట పూర్తి సాహిత్యాన్ని సంగ్రహించి శ్రద్దగా నేర్చుకోవడం జరిగింది. పోటీ రోజు రానే వచ్చింది నాకు పాట పాడటం వచ్చినా సాహిత్యం సరిగా గుర్తుండేది కాదు. అదీకాక అందరి ముందు నుంచొని పాడవలసి వచ్చినపుడు మైండ్ బ్లాంక్ అయి అసలు గుర్త్తొచ్చేది కాదు. ఈ సారి ఎలా అయినా గెలవాలని పాట రాసుకుని పేపర్ చేతిలో పెట్టుకుని వెళ్ళాను. నా గొంతుకు కాస్తగాంభీర్యత జోడించి బోలెడంత విషాదాన్ని నింపి సీరియస్ గా పాడటం మొదలు పెట్టాను. అప్పటివరకూ కాస్త అల్లరి చేస్తున్నవారు సైతం నిశ్శబ్దంగా పాటలోలీనమై వినడం మొదలుపెట్టారు, మొదటి చరణం పూర్తైంది శ్రోతల కళ్ళలో ప్రశంస స్పష్టంగా కనిపించింది, రెండవచరణం మొదలు పెట్టాక అందులో చివరి లైన్లు ఎప్పుడూ గుర్తుండేవే అన్నధైర్యంతో పేపర్ మడిచి లోపల పెట్టేశాను కానీ అక్కడికి వచ్చేసరికి హఠాత్తుగా ఆ లైన్లు మర్చి పోయి తడబడిపోయాను. మళ్ళీ పేపర్ తీసి పాట పూర్తి చేయవలసి వచ్చింది. జడ్జిలు నువ్వు ఆ పేపర్ పెట్టుకోకుండా తడబడాకుండా పాడితే ప్రైజ్ నీదే అయి ఉండేది, పైన చెప్పిన కారణాల వలన నిన్ను నాలుగో స్థానానికి నెట్టేయవలసి వచ్చింది అని వ్యాఖ్యానించారు. 

ఈపాట ఎప్పుడు విన్నా ఆనాటిసంఘటన అంతా కళ్ళకు కట్టినట్లు కనిపిస్తుంది. నా క్లాస్ మేట్ ఒక అమ్మాయి అయితే వీడికి ఏదో చాలా పే..ద్ద ఫ్లాష్ బ్యాక్ ఉండి ఉంటుంది అందుకే ఇంత విషాదగీతాన్ని భావయుక్తంగా పాడుతున్నాడు అనుకుందిట. తరువాత రోజుల్లో నాకు మంచి నేస్తమయ్యాక "అసలు సంగతేంటి గురూ.." అని అడిగింది అంత స్టోరీ లేదమ్మా అని చెప్పాను. ఇంజనీరింగ్ లో కాదుకానీ తర్వాత రోజులో ఈపాట పాడుకోదగిన అనుభవాలు కొన్ని ఎదురయ్యాయి కాని ఎక్కువ కాలం బాధించలేదనుకోండి అది వేరే విషయం. ఇంతకీ విషయం ఏమిటంటే పాట చాలా బాగుంటుంది, వేటూరి గారి సాహిత్యం ఆకట్టుకుంటే రాజా సంగీతం హృదయాన్ని సున్నితంగా స్పృశిస్తుంది. ఇక ఏసుదాస్ గారి గొంతు మరింత వన్నెచేకూర్చింది అని చెప్పాల్సిన పనేలేదు.

చిత్రం : ఆస్తులు అంతస్తులు

సంగీతం : ఇళయరాజా

సాహిత్యం : వేటూరి

గానం : కె.జె.ఏసుదాస్

మిడిసి పడే దీపాలివి

మిన్నెగసి పడే కెరటాలివి

మిడిసి పడే దీపాలివి

మిన్నెగిసి పడే కెరటాలివి

వెలుగు పంచలేవు ఏ దరిని చేరుకోవు

వెలుగు పంచలేవు ఏ దరిని చేరుకోవు

ఈ జీవితమే ఒక గమ్యం లేని నావ

సుఖ దుఃఖాలే ఏకమైన రేవులో

||మిడిసి||

బావి లోతు ఇంతని తెలుసు

నదుల లోతు కొంతే తెలుసు

ఆడ గుండె లోతు ఎంతో లోకం లో యెవరికి తెలుసు

ఏ నిమిషం ప్రేమిస్తుందో ఏ నిమిషం పగబడుతుందో

ఎప్పుడెలా మారుతుందో తెలిసిన మగవాడు లేడు

రాగం అనురాగం ఎర వేసి జత చేరి

కన్నీట ముంచుతుందిరా

||మిడిసి||

పాము విషం సోకిన వాడు ఆయువుంటె బతికేస్తాడు

కన్నె వలపు కరిచిన వాడు నూరేళ్ళకి తేరుకోడు

సొగసు చూసి మనసిచ్చావా బందీగా నిలబడతావు

నీ కలలే విరిగిననాడూ కలతే నీ తోడవుతుంది

లేదు ఏ సౌఖ్యం రవ్వంత సంతోషం ఈ ఆడదాని ప్రేమలో

||మిడిసి||

ఇదే పాట కథానాయిక పాడినది ఇక్కడ చూడండి. రెండు సాహిత్యాలు వేటికవే సాటి అన్నట్లు ఉన్నాయి. ఇదికూడా వేటూరిగారే రాశారేమో తెలియదు. ఈ పాటను కామెంట్ ద్వారా అందించిన తృష్ణ గారికి ధన్యవాదాలు.

 

అలుపు రాని కెరటాలివి
ఏ గెలుపు లేని హృదయాలివి
వయసు ఊరుకోదు ఆ వలపుమాసిపోదు
ఏనాడైనా తెరచాప లేని నావ
చేరగలిగేనా తను కోరుకున్న రేవుకి

||అలుపు||

ప్రేమించిన ఆడ మనసు ప్రాణమైన అర్పిస్తుంది
ప్రేమ విలువ తెలియకపోతే ఆడదెపుడు అర్ధం కాదు
తనువులోని అందం గాని మనసులోని మర్మం గానీ
నమ్మిన మగవాడి ముందు ఏ ఆడది దాచలేదు
లేదు నా నేరం...ఏముందో తెలిపావో
శిరసొంచి మొక్కుతానులే

||అలుపు||

ఆడదంటే అమృత హృదయం
తల్లితనమే సృష్టికి మూలం
పైట చాటు రొమ్ము వెనుక అమ్మ మనసు దాగుంటుంది
కన్నీటిని దాచుకుంటూ చిరునవ్వును పంచిస్తుంది
తను సీతై నిప్పుల పడిలో రామవాక్కు నిలబెడుతుంది
నాడు ఈనాడు ఆ రాత ఎద కోత
రవ్వంత మారలేదులే

||అలుపు||

పూర్తిగా చదువు

ఓ నిండు చందమామ !!

లేతమావి చిగురులు అప్పుడే తిన్న గండు కోయిలలా... ఆ పరమేశ్వరుడు గరళాన్ని నిలిపినట్లు ఇతనెవరో అమరత్వాన్ని సైతం త్యాగం చేసి అమృతాన్ని తన గొంతులోనే నిలిపివేసాడా? ప్రతి పాటలోనూ అదే మాధుర్యాన్ని ఒలికిస్తున్నాడు అనిపించేటట్లు, తన విలక్షణమైన గళంతో శ్రోతలను మంత్ర ముగ్ధులను చేసే అద్భుతమైన గాయకుడు కె.జె.ఏసుదాసు. తను పాడినది కొన్ని పాటలే అయినా ఆయన పాటలను పదే పదే ఇప్పటికీ వింటున్నారంటే ఆపాటల సంగీత సాహిత్యాలు ఒక కారణమైనా ఆయన గళం లోని మాధుర్యం సైతం పెద్ద పాత్ర వహిస్తుంది అన్నదాంట్లో ఎలాంటి సందేహంలేదు. ఏసుదాస్ పేరు వినగానే తెలుగులో మొదట గుర్తు వచ్చేది మేఘసందేశం అయినా తర్వాత గుర్తొచ్చేది మోహన్ బాబు గారి పాటలు. ఇవేకాకుండా తెలుగులో ఆయన ఇంకా చాలా మంచి పాటలు పాడారు. ఇక హిందీ విషయానికి వస్తే ఆయన పేరు విన్న వెంటనే చిత్‍చోర్ చిత్రాన్ని అందులోని "గొరి తెర గావ్ బడాప్యారా" పాటనీ గుర్తు చేసుకోని వారు ఎవరూ ఉండరేమో.

తెలుగులో బాగా ప్రాచుర్యాన్ని పొందిన పాటలు చాలా ఉన్నా నాకు ఎందుకో ఈ "నిండు చందమామ.." పాట చాలా ఇష్టం. సహజంగా జాబిలి అంటే ఉన్న ఇష్టం వల్లనో తెలియదు. తనగొంతులోని మాధుర్యమో తెలియదు. సాహిత్యం లోని అందమో తెలియదు కారణమేదైనా నాకు చాలా నచ్చిన పాట ఇది. మొదటి సారి అలవోకగా విన్నపుడు పాత పాట కనుక పి.బి. శ్రీనివాస్ గారు పాడారేమో అనుకున్నాను కానీ గొంతు ఏసుదాస్ గారిదిలా ఉందే అని తర్వాత క్యాసెట్ పై చూసి అచ్చెరువొందాను. ఈన అప్పుడే ’63 లోనే తెలుగు సినిమాకు పాడారా అని. ఆరుద్ర గారి సాహిత్యం మదిలో గిలిగింతలు పెడితే, కోదండపాణి గారి సంగీతం హాయిగా సాగిపోతుంది. ఇక ఏసుదాస్ గారి గాత్రం గురించి  చెప్పనే అక్కరలేదు. ప్రత్యేకించి "నిండు చందమామ" కు ముందు "ఓ ఓ ఓ ఒ ఒ ఒ ఓ.." అని పలికినపుడు ఆహా అనిపించక మానదు. మీరు కూడా విని ఆనందించండి.

ఈ పాట వినాలంటే చిమట మ్యూజిక్ కోసం ఇక్కడ క్లిక్ చేయండి.

చిత్రం : బంగారు తిమ్మరాజు (1963)
సంగీతం : యస్.పి. కోదండపాణి
సాహిత్యం: ఆరుద్ర
గానం : కె.జె.ఏసుదాస్

ఓ నిండు చందమామ నిగ నిగలా భామ
ఒంటరిగా సాగలేవు కలసి మెలసి పోదామా..
ఓ..ఓ..ఓ...ఒ ఒ ఒ ఓ నిండు చందమామ...

నిదురరాని తీయని రేయి నిను పిలిచెను వలపుల హాయి
మధురమైన కలహాలన్నీ మనసుపడే ముచ్చటలాయే..

నిదురరాని తీయని రేయి నిను పిలిచెను వలపుల హాయి
మధురమైన కలహాలన్నీ మనసుపడే ముచ్చటలాయే..

మేలుకున్న స్వప్నములోనా ఏల ఇంత బిడియపడేవూ..
మేలుకున్న స్వప్నములోనా ఏల ఇంత బిడియపడేవూ..
ఏలుకునే ప్రియుడను కానా లాలించగ సరసకు రానా..

ఓ ఓ ఓ నిండు

దోర వయసు ఊహలు నీలో దోబూచులు ఆడసాగే..
కోరుకున్న మురిపాలన్నీ కొసరి కొసరి చెలరేగే..

దోర వయసు ఊహలు నీలో దోబూచులు ఆడసాగే..
కోరుకున్న మురిపాలన్నీ కొసరి కొసరి చెలరేగే..

నీదు మనసు నీలో లేదూ నాలోనె లీనమయే..
నీదు మనసు నీలో లేదూ నాలోనె లీనమయే..
నేటినుంచి మేనులు రెండూ నెరజాణా ఒకటాయే..

ఓ..ఓ..ఓ...ఒ ఒ ఒ ఓ నిండు చందమామ....

ఏసుదాస్ గారి గురించి చెప్పి ’గొరితెర గావ్ బడా ప్యారా’ వీడియో ఇవ్వకుండా ముగించాలని అనిపించడం లేదు అందుకనే ఈ పాటకు తగ్గ విజువల్స్ తో కూర్చిన ఈ అందమైన వీడియో మీకోసం.

పూర్తిగా చదువు

మల్లెలు పూసే... వెన్నెల కాసే...

బాలు గారు పాడిన ఈ పాట నాకు చాలానచ్చే పాటలలో ఒకటి. హిందీలో కిషోర్ కుమార్ గారి పాటలలో సాహిత్యం, ట్యూన్ ఒక అందమైతే కిషోర్ కలిపే సంగతులు మరింత అందాన్నిస్తాయి. మెలొడీ + హిందీ అస్వాదించలేనంత చిన్న వయసు లోకూడా నేను కిషోర్ పాటలు ఈ జిమ్మిక్కుల కోసం వినే వాడ్ని. ఉదాహరణ కి దూరదర్శన్ లో ఆదివారం ఉదయం వచ్చే రంగోలీ లో ఈ పాట ఎక్కువగా వేసే వాడు. "చలాజాతాహూ కిసీకే దిల్ మే..." ఈ పాటలో మధ్య మధ్యలో కిశోర్ విరుపులు సాగతీతలు భలే ఉండేవి. ఇలాంటివే ఇంకా చాలా పాటలు ఉన్నాయ్.


ఇక ప్రస్తుతానికి వస్తే ఇంటింటి రామాయణం లోని ఈ పాటను కూడా బాలు తన స్వరంతోనే నవరసాలు పలికించేస్తారు. అక్కడక్కడ పదాలు పలకడం, సాగతీయడం లాటి సంగతులు పాటకు మరింత అందాన్ని ఇస్తాయి. "మల్లెలు పూసే వెన్నెలకాసే" అని వింటే మనకి నిజంగా వెన్నెల్లో తడిచినంత హాయైన అనుభూతి కలుగుతుందనడం అతిశయోక్తి కాదేమో. "ముసి ముసి నవ్వులలో.." అన్నచోట విరిసీ విరియని మొగ్గలా చిన్న నవ్వును మనమీద చిలకరిస్తారు.. చివరికి వచ్చే సరికి "పెనవేయి" అన్న మాట ఎంత బాగా పలుకుతారో ఆ అనుభూతి వింటే గానీ తెలియదు. వేటూరి వారి సాహిత్యం అందంగా అలరిస్తే, రాజన్ నాగేంద్ర గారి సంగీతం ఆహ్లాదకరంగా సాగిపోతుంది. మొత్తం మీద విన్నాక ఒక అందమైన అనుభూతిని మిగిల్చే ఈ పాట మన అందరి కోసం ఇక్కడ, మీరుకూడా విని ఆనందించండి.

పాట వినాలంటే ఇక్కడ నొక్కి వినండి

చిత్రం : ఇంటింటి రామాయణం(1979)
సంగీతం: రాజన్ నాగేంద్ర
సాహిత్యం : వేటూరి
గానం : యస్ పి బాలసుబ్రహ్మణ్యం

మల్లెలు పూసే.. వెన్నెల కాసే.. ఈ రేయి హాయిగా
మల్లెలు పూసే.. వెన్నెల కాసే.. ఈ రేయి హాయిగా
మల్లెలు పూసే.. వెన్నెల కాసే.. ఈ రేయి హాయిగా
మమతలు వేయిగ పెనవేయి నన్ను తీయగా...
మల్లెలు పూసే.. వెన్నెల కాసే.. ఈ రేయి హాయిగా

ముసి ముసి నవ్వులలో గుస గుస లాడినవే...
నా తొలి మొజులే.. నీ విరజాజులై
ముసి ముసి నవ్వులలో గుస గుస లాడినవే...
నా తొలి మోజులే.. నీ విరజాజులై

మిస మిస వన్నెలలో మిల మిల మన్నవిలే
నీ బిగి కౌగిలిలో జాబిలి రాత్రులే
కాటుకలంటుకున్న కౌగిలింత లెంత వింతలె

మనసులు పాడే మంతనమాడే ఈ పూట జంటగా
మమతలు వేయిగ పెనవేయి నన్ను తీయగా...
మల్లెలు పూసే వెన్నెల కాసే ఈ రేయి హాయిగా

హాహా..ఆ..హాహా...హా...ఆ....ఆ.......

తొలకరి కోరికలే తొందర చేసినవే
ఈ విరి శయ్యకే ఆవిరి తీరగా

తొలకరి కోరికలే తొందర చేసినవె
ఈ విరి శయ్యకే ఆవిరి తీరగా
సొగసరి కానుకలే సొద పెడుతున్నవిలే
యే తెర చాటునో ఆ చెఱ వీడగా..
అందిన పొందులోనె అందలేని విందులీయవె

కలలిక పండే కలయిక నేడే కావాలి వేయిగా
మమతలు వేయిగ పెనవేయి నన్ను తీయగా...
మల్లెలు పూసే వెన్నెల కాసే ఈ రేయి హాయిగా

మమతలు వేయిగ పెనవేయి నన్ను తీయగా...
మల్లెలు పూసే వెన్నెల కాసే ఈ రేయి హాయిగా

image courtesy tollywoodsingers.com

పూర్తిగా చదువు