శుక్రవారం, డిసెంబర్ 20, 2019

తిరుప్పావై 5 మాయనై మన్ను...

ధనుర్మాసం లోని ఐదవ రోజు పాశురము "మాయనై మన్ను". ఈ పాట ఆడియో ఇక్కడ వినవచ్చు లేదా డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


ఆల్బం : గోదా గీత మాలిక
సంగీతం : రాధా గోపి
సాహిత్యం : శ్రీమాన్ ఎస్.ఎన్.సి.పార్థసారధి అయ్యంగార్
గానం : వాణీజయరాం 

 
  మాయతొ గూడి ఉత్తర మధురన్ పుట్టి
తల్లినలరించి యమునను దాటి వచ్చి
అచట రేపల్లె మణి దీపమై తనర్చి
తల్లి త్రాట గట్టగా
 

దామముదరమందు దాల్చి
దామోదరుండైన కృష్ణు శుచులమై
మంచి అలరుల సరిది గొల్చి
పలికి నోరారా పాపముల్ పారిపోయి 


అగ్నిలోన పడ్డ దూదియై అంతరించు
అగ్నిలోన పడ్డ దూదియై అంతరించు

~*~*~*~*~*~*~*~*~*~*~*~*~*~

ఈ ముప్పై రోజుల తమిళ పాశురములను తెలుగు స్క్రిప్ట్ లో అందమైన బాపు గారి బొమ్మలతో కూర్చి చక్కని వ్యాఖ్యానం చేర్చి తెలుగు వన్ వారు అందిస్తున్నారు. వాటిలో నేటి వీడియోను మీరు ఇక్కడ చూడవచ్చు. 
 

 
మాయనై మన్ను వడమదురై మైన్దనై
త్తూయ పెరునీర్ యమునై త్తుఱైవనై
ఆయర్ కులత్తినిల్ తోన్ఱుమ్ మణివిళక్కై
తాయై క్కుడల్ విళక్కమ్ శెయ్ ద దామోదరనై,
తూయోమాయ్ వన్దునామ్ తూమలర్ తూవిత్తొழுదు
వాయినాల్ పాడి, మనత్తినల్ శిన్దిక్క
పోయపిழைయుమ్ పుగుతరువా నిన్ఱనవుమ్
తీయినిల్ తూశాగుమ్ శెప్పేలో రెమ్బావాయ్


సూచన : తమిళ అక్షరం ’ழ’/'zha' ను తెలుగులోని ’ఱ’ ’ళ’ అక్షరాలను కలిపి పలికినట్లుగా పలుకవలెను. ఉదా : ழ = ళ, ழி = ళి, ழை = ళై, ழ் = ళ్, ழு=ళు

~*~*~*~*~*~*~*~*~*~*~*~*~*~

ఈ పాశురములను శ్రీ ఆచ్చి వేణుగోపాలచార్య గారు పాటలుగా మార్చి వ్రాయగా వి.డి.శ్రీకాంత్ సంగీతంలో నిత్యసంతోషిణి, గాయత్రి గానం చేశారు. నేటి ఐదవ పాట వీడియో ఇక్కడ చూడవచ్చు.


ఆల్బం : తిరుప్పావై గీతగోపాలం
సంగీతం : వి.డి.శ్రీకాంత్
సాహిత్యం : ఆచ్చి వేణుగోపాలాచార్య
గానం : నిత్య సంతోషిణి, గాయత్రి
 
మాయా మానుష మంజుల రూపుని
మర్మము కనుగొన మగువలు రండి

తల్లి యశోద త్రాడుతొ కట్టగా
ముల్లోకనాథుడు ముందుకెళ్ళగా
ముసి ముసి నగవుల ముద్దు లొలకగా
పసి బాలకృష్ణుని పదములంటగా


సొగసులు చిలికెడి మధురా నగరిలో
సుందర యమునా తటి సీమలలో
కాళీయునిపై కాలుని మోపి
కేళిని సలిపిన లీలా లోలుని

పరిమళమొలికెడి పరి పరి విధముల
విరి కన్నెలతో జరిపిన పూజల
పాపాలు దహియించు ప్రత్తిలా తృటిలో
అజ్ఞానమంతమై విజ్ఞానమొసగే


మాయా మానుష మంజుల రూపుని
మర్మము కనుగొన మగువలు రండి
 


 

2 comments:

జై శ్రీ కృష్ణ..

థాంక్స్ ఫర్ ద కామెంట్ శాంతి గారు..

కామెంట్‌ను పోస్ట్ చేయండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.