సోమవారం, డిసెంబర్ 30, 2019

తిరుప్పావై 15 ఎల్లే ఇళంకిళియే...

ధనుర్మాసం లోని పదిహేనవ రోజు పాశురము "ఎల్లే! ఇళంకిళియే !". ఈ పాట ఆడియో ఇక్కడ వినవచ్చు లేదా డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


ఆల్బం : గోదా గీత మాలిక
సంగీతం : రాధా గోపి
సాహిత్యం : శ్రీమాన్ ఎస్.ఎన్.సి.పార్థసారధి అయ్యంగార్
గానం : వాణీజయరాం 

 
ఓసి చిన్నారి చిలుకమ్మా
ఒడలెరుంగకుండ ఇంత నిద్రయా
గోల వలదు వచ్చు చున్నాను
మాటలు వలదు రమ్ము

లేచి వచ్చిరా అందరు
లెక్కగొనుము
మత్త మాతంగమును
పరిమార్చినట్టి
పరమపురుషుని
నామాడి పాడుకొనగా
ఆలసింపకా రావమ్మా 

 
తరళ నయనా
తరళ నయనా
తరళ నయనా
    
    
~*~*~*~*~*~*~*~*~*~*~*~*~*~
 
ఈ ముప్పై రోజుల తమిళ పాశురములను తెలుగు స్క్రిప్ట్ లో అందమైన బాపు గారి బొమ్మలతో కూర్చి చక్కని వ్యాఖ్యానం చేర్చి తెలుగు వన్ వారు అందిస్తున్నారు. వాటిలో నేటి పదిహేనవ పాశురం వీడియోను ఇక్కడ చూడవచ్చు. 
 

 
ఎల్లే! ఇళంకిళియే ! ఇన్నముఱంగుదియో,
శిల్లె న్ఱழை యేన్మిన్ నంగైమీర్, పోదరుగిన్ఱేన్,
వల్లై ఉన్ కట్టురైగళ్ పండే యున్ వాయఱిదుమ్,
వల్లీర్ గళ్ నీంగళే, నానేదా నాయుడుగ,
వల్లైనీ పోదాయ్! ఉన్నక్కెన్న వేఱుడైయై ?
ఎల్లారుమ్ పోన్దారో? పోన్దార్, పోన్దెణ్ణిక్కొళ్
వల్లానై కొన్ఱానై మాత్తారై మాత్తழிక్క
వల్లానై, మాయనై ప్పాడేలో రెమ్బావాయ్.

  
సూచన : తమిళ అక్షరం ’ழ’/'zha' ను తెలుగులోని ’ఱ’ ’ళ’ అక్షరాలను కలిపి పలికినట్లుగా పలుకవలెను. ఉదా : ழ = ళ, ழி = ళి, ழை = ళై, ழ் = ళ్, ழும்=ళుం

~*~*~*~*~*~*~*~*~*~*~*~*~*~

ఈ పాశురములను శ్రీ ఆచ్చి వేణుగోపాలచార్య గారు పాటలుగా మార్చి వ్రాయగా వి.డి.శ్రీకాంత్ సంగీతంలో నిత్యసంతోషిణి, గాయత్రి గానం చేశారు. నేటి పదిహేనవ పాట వీడియో ఇక్కడ చూడవచ్చు.


ఆల్బం : తిరుప్పావై గీతగోపాలం
సంగీతం : వి.డి.శ్రీకాంత్
సాహిత్యం : ఆచ్చి వేణుగోపాలాచార్య
గానం : నిత్య సంతోషిణి, గాయత్రి


ఇదియేమిటమ్మా ఓ చిట్టి చిలుకా
ఎంత ప్రొద్దాయెనూ నిదుర చాలింకా

నీలోని నేర్పు మరి నీ మాటతీరునూ
నీ లీలలన్నియు మాకెపుడొ తెలిసెను
అలిగిన సఖులార ఎద ఘల్లుమనగను
పరిగెడుతూ వచ్చెను పలుక్షణములాగరా


మీ నేర్పు మీ ఓర్పు మీ కఠిన చర్యలు
మీనాక్షులారా నా కన్ని తెలియును
శ్రీకాంతుని కొలిచే వారంత వచ్చారా
శ్రీ వారి చరణాల సన్నిధి వదిలేసీ

ఏలాతీయదు తలుపు ఓ బోణులారా
ఏకాంతమొదిలేసి ఈ కాంతలను చేరి
గోపికలోలుని కువలయ గమనుని
గానము చేయుటకు మాతో రావమ్మా
గమ

ఇదియేమిటమ్మా ఓ చిట్టి చిలుకా
ఎంత ప్రొద్దాయెనూ నిదుర చాలింకా 



 

2 comments:

గిరిధారి..కృష్ణ మురారి..

థాంక్స్ ఫర్ ద కామెంట్ శాంతి గారు..

కామెంట్‌ను పోస్ట్ చేయండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.