గురువారం, డిసెంబర్ 26, 2019

తిరుప్పావై 11 కత్తుక్కఱవై...

ధనుర్మాసం లోని పదకొండవ రోజు పాశురము "కత్తు కఱవై". ఈ పాట ఆడియో ఇక్కడ వినవచ్చు లేదా డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


ఆల్బం : గోదా గీత మాలిక
సంగీతం : రాధా గోపి
సాహిత్యం : శ్రీమాన్ ఎస్.ఎన్.సి.పార్థసారధి అయ్యంగార్
గానం : వాణీజయరాం 

 
పెక్కు విధముల
గోవుల విదుక గల్గి
శాస్త్రవుల జెంది
ఎట్టి దోషములు లేని
మంచి గోపాల
కులమున విచ్చినట్టి
నెలత బంగరు తీగరో
జలజ వర్ణ
పదములన్ పాడ
ఉలకవు పలుకవేమీ
ఇట్టి నీ నిద్రకి
అర్ధమదేమి చెప్పుమా
    
~*~*~*~*~*~*~*~*~*~*~*~*~*~

ఈ ముప్పై రోజుల తమిళ పాశురములను తెలుగు స్క్రిప్ట్ లో అందమైన బాపు గారి బొమ్మలతో కూర్చి చక్కని వ్యాఖ్యానం చేర్చి తెలుగు వన్ వారు అందిస్తున్నారు. వాటిలో నేటి పదకొండవ పాశురం వీడియోను ఇక్కడ చూడవచ్చు. 
 

 
కత్తుక్కఱవై క్కణంగళ్ పలకఱన్దు,
శత్తార్ తి ఱలழிయచ్చెన్ఱు శెరుచ్చెయ్యుమ్,
కుత్తమొన్ఱిల్లాద కోవలర్ దమ్ పొఱ్కొడియే !
పుత్తరవల్ గుల్ పునమయిలే! పోదరాయ్,
శుత్తుత్తు త్తోழிమారెల్లారుమ్ వన్దు, నిన్
ముత్తమ్ పుకున్దు ముకిల్ వణ్ణన్ పేర్ పాడ
శిత్తాదే పేశాదే శెల్వప్పెండాట్టి, నీ !
ఎత్తుక్కుఱంగమ్ పొరుళేలో రెమ్బావాయ్.


సూచన : తమిళ అక్షరం ’ழ’/'zha' ను తెలుగులోని ’ఱ’ ’ళ’ అక్షరాలను కలిపి పలికినట్లుగా పలుకవలెను. ఉదా : ழ = ళ, ழி = ళి, ழை = ళై, ழ் = ళ్, ழும்=ళుం

~*~*~*~*~*~*~*~*~*~*~*~*~*~

ఈ పాశురములను శ్రీ ఆచ్చి వేణుగోపాలచార్య గారు పాటలుగా మార్చి వ్రాయగా వి.డి.శ్రీకాంత్ సంగీతంలో నిత్యసంతోషిణి, గాయత్రి గానం చేశారు. నేటి పదకొండవ పాట వీడియో ఇక్కడ చూడవచ్చు.


ఆల్బం : తిరుప్పావై గీతగోపాలం
సంగీతం : వి.డి.శ్రీకాంత్
సాహిత్యం : ఆచ్చి వేణుగోపాలాచార్య
గానం : నిత్య సంతోషిణి, గాయత్రి


చిన్న దూడలు వెంటనున్న
ఆలమందల పాలు పితుకుచు
శత్రు శేషము ఉండవలదని
చక్ర యుద్దము చేయునట్టి
పరమ హితమౌ గోపకులమున
పరిమళించిన పసిడి బొమ్మా
కనులు తెరచి కరుణ దలచి
నిదుర లెమ్మా

పుట్టలోనికి దూరు నాగిని
జఘన భాగము కలిగిన అమ్మ
అడవి నెమలుల అందమంతయు
కురుల ముడిలో ఒదిగినమ్మా
తనువు మరచి మనసు తెరచి
తలుపుతీయగా లేచిరామ్మా


బందువర్గమూ చెలుల బృందమూ
భక్తులెల్లరూ భజన చేయుచు
మంగళమ్ములు పాడినారు
ఉలక కుండా పలక కుండా ఉన్నవేమమ్మా
తెలుపు మా సంపదల తల్లి
నీ నిద్రకేమి అర్ధమమ్మా..

చిన్న దూడలు వెంటనున్న
ఆలమందల పాలు పితుకుచు
శత్రు శేషము ఉండవలదని
చక్ర యుద్దము చేయునట్టి
పరమ హితమౌ గోపకులమున
పరిమళించిన పసిడి బొమ్మా
కనులు తెరచి కరుణ దలచి
నిదుర లెమ్మా



2 comments:

గోవిందా..గోకుల బృందా..

థాంక్స్ ఫర్ ద కామెంట్ శాంతి గారు..

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.