అందానికి అందం నేనే...

చివరకు మిగిలేది చిత్రంలోని ఒక చక్కని పాటను ఈ రోజు తలచుకుందాం ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు. సరెగమా యూట్యూబ్ ఛానల్లో క్లియర్ ఆడియో ఇక్కడ వినవచ్చు.

చిత్రం : చివరకు మిగిలేది (1960)
సంగీతం : అశ్వద్ధామ
సాహిత్యం : మల్లాది రామకృష్ణ శాస్త్రి
గానం : జమునారాణి

అందానికి అందం నేనే
జీవన మకరందం నేనే
అందానికి అందం నేనే
జీవన మకరందం నేనే
తీవెకు పూవును నేనే
పూవుకు తావిని నేనే
తీవెకు పూవును నేనే
పూవుకు తావిని నేనే
ధరణి అమరధామమయే
ఆనందము నేనే

అందానికి అందం నేనే
జీవన మకరందము నేనే

వాలు కనుల చూపులే
చెంగల్వ తోరణాలు
వాలారు చిరునవ్వులే..లే..
వన్నె విరుల హారాలు
నా మేనే..ఏ..మెరుపు తీవ
నగు మోమే..ఏ..చందమామ
నా మేనే మెరుపు తీవ
నగు మోమే చందమామ
నవరసాల సమ్మోహ
సమ్మేళన నేనే

అందానికి అందం నేనే
జీవన మకరందము నేనే

మలయానిల..లాలనలో
పదే పదే..పరవశమై
మలయానిల..లాలనలో
పదే పదే..పరవశమై
గానమేలు ఎలకోయిల
గళ మధురిమ నేనే
గానమేలు ఎలకోయిల
గళ మధురిమ నేనే
మాయని తియ్యందనాలు
మన వరాలే
అవలీలగా..జగమేలగా
అవలీలగా..జగమేలగా
నవచైతన్య సమ్మోహ
సమ్మేళన నేనే

అందానికి అందం నేనే
జీవన మకరందం నేనే
అందానికి అందం నేనే
జీవన మకరందం నేనే 

Posted in: అశ్వత్థామ,జమునా రాణి,మల్లాది