వలపు తేనెపాట...

పాత పాటలు అని పిలవాలంటే మనసొప్పకపోయినా అప్పటి పాటలు వింటూంటే కలిగే హాయైన అనుభూతే వేరుగా ఉంటుంది. అందుకే అవి కాలంతో మరుగున పడకుండా ఇప్పటికీ నిలిచి ఉన్నాయ్ అలాంటి ఎవర్ గ్రీన్ సాంగ్స్ కొన్నింటిని ఈ నెల తలచుకుందాం. ముందుగా అభిమానం చిత్రంలోని ఒక చక్కని పాటతో ఈ సిరీస్ మొదలు పెడదాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : అభిమానం (1960)

సంగీతం : ఘంటసాల

రచన : శ్రీశ్రీ

గానం : ఘంటసాల, జిక్కి

ఆహాహా హాహాహా... ఆహాహా హాహాహా...

ఊఁహూఃఊఁ.. ఊఁహూఃఊఁ..

వలపు తేనెపాట.. తొలివయసు పూలతోట

పరువాల చిన్నెల సయ్యాట

వలపు తేనెపాట.. తొలివయసు పూలతోట

పరువాల చిన్నెల సయ్యాట

వలపించి వలచు చోటా.. నే ప్రేమ పసిడితోటా

ఓ ఓ ఓ ఓ... ఓహోహో ఓ ఓ ఓ...

వలపించి వలచు చోటా.. నే ప్రేమ పసిడితోటా

కూరిమి నెరిగి కలిసేవారి బ్రతుకు పూలబాట

కూరిమి నెరిగి కలిసేవారి బ్రతుకు పూలబాట

వలపు తేనెపాట.. తొలివయసు పూలతోట

పరువాల చిన్నెల సయ్యాట

నిలవాలిలే హమేషా..ఆ.. ఈనాటి ప్రేమభాషా..ఆ..

ఓ ఓ ఓ ఓ... ఓహోహో ఓ ఓ ఓ...

నిలవాలిలే హమేషా..ఆ.. ఈనాటి ప్రేమభాషా..ఆ..

ప్రేమ పెళ్ళి ముచ్చటలంటే కాదులే తమాషా

ప్రేమ పెళ్ళి ముచ్చటలంటే కాదులే తమాషా

 

వలపు తేనెపాట తొలివయసు పూలతోట

పరువాల చిన్నెల సయ్యాట

పరువాల చిన్నెల సయ్యాట

ఆహహా ఆహహా హాహ హాహాహహా..హాహాహహా

Posted in: ఘంటసాల,జిక్కి,శ్రీశ్రీ