కాదని నువ్వంటున్నదీ...

హ్యాపీ వెడ్డింగ్ చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ లిరిక్ వీడియో ఇక్కడ చూడవచ్చు.

చిత్రం : హ్యాపీ వెడ్డింగ్ (2018)

సంగీతం : శక్తికాంత్ కార్తీక్      

సాహిత్యం : సిరివెన్నెల  

గానం : హేమచంద్ర, శ్రావణభార్గవి  

ఓఓ..ఓఓ.. కాదని నువ్వంటున్నదీ

అవునని వినిపిస్తున్నది నిజమేనా

కాదని నువ్వంటున్నదీ

అవునని వినిపిస్తున్నది.. నిజమేనా.. ఓ..

ఏమో.. ఏమన్నానో

ఏమో.. ఏంవిన్నావో

ఏం కావాలంటున్నదీ

అటు ఇటు ఊగే నీ మది.. తెలిసేనా

ఏం కావాలంటున్నదీ

అటు ఇటు ఊగే నీ మది.. తెలిసేనా..

ఏమో.. ఎం కావాలో

తనకీ.. తెలుసో లేదో

ఏమో.. ఎం కావాలో

తనకీ.. తెలుసో లేదో

కోరే.. వరమేదో.. మునుముందే నిలుచుందే

ఇంకా.. కలలేనా.. కనుపాపా

చేరే దరియేదో.. రమ్మంటూ ఎదురైతే

చూస్తూ.. నిలుచోదే తెరచాపా

పారాడే పసిపాపవా.. ప్రాయం రాలేదా

అడుగేస్తే పడిపోతావా.. పడవే ముందడుగా

ముందూ వెనక  చూడకా.. పడిపోమంటావా

నువ్వు చూపిందే తోవంటూ.. తరిమే దుందుడుకా

ఏమో.. ఎం కావాలో

తనకీ.. తెలుసో లేదో

ఏమో.. ఎం కావాలో

తనకీ.. తెలుసో లేదో

నీలో.. నీతోనే.. దోబూచి దొంగాట

నీకే.. నువ్వు దొరికేదెపుడంటా

ఆటో వేటో తేలనీ మన ఈ చెలగాట

ఆలోచిద్దాం అందాక.. తప్పేం లేదంటా

కవ్వించే కయ్యాలతో.. నెగ్గదు చెలిమాటా

ఓటమినే గెలుపంటుంది.. మనసుల ముద్దాటా

అవునా.. అంతేనేమో

అయినా.. ఇంతేనేమో

అవునా.. అంతేనేమో

అయినా.. ఇంతేనేమో

ఓ.. కాదని నువ్వంటున్నదీ

అవునని వినిపిస్తున్నది.. నిజమేనా.. ఓ..

ఓ.. ఎం కావాలంటున్నదీ

అటు ఇటు ఊగే నీ మది.. తెలిసేనా.. ఓఓ..

ఏమో.. ఏమో.. ఏమన్నానో.. ఏమన్నావో

ఏమో.. ఏమో.. ఎం విన్నావో.. ఎం విన్నానో

ఏమో.. ఏమన్నానో

ఏమో.. ఎం విన్నావో.. ఏమో

Posted in: శక్తికాంత్ కార్తీక్,శ్రావణభార్గవి,సిరివెన్నెల,హేమచంద్ర