కదిలే కోరికవో..

నాకు రేడియో పరిచయం చేసిన మంచి పాటలలో ఇదీ ఒకటి.. జంధ్యాల గారి మల్లెపందిరి చిత్రంలోని ఈ హుషారైన ప్రేమగీతాన్ని మీరూ విని ఆనందించండి. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : మల్లె పందిరి (1981)
సంగీతం : రమేశ్ నాయుడు
సాహిత్యం : వేటూరి
గానం : బాలు, జానకి

హే హే హే హే హే హా హా హా హా హా

కదిలే కోరికవో.. హా
కథలో నాయికవో.. అహా
కవితా కన్యకవో.. ఆహా
భువిలో తారకవో.. ఆహా
ఓ ప్రియా.. ఓ ప్రియా.. నీకిదే స్వాగతం

ల ల లల..ల హ హ హ

వలచే గోపికని.. హా
కొలిచే రాధికని.. ఒహో
మనసే కానుకని.. ఆహా
మురిసే బాలికని.. ఓహో
ఓ ప్రియా.. ఓ ప్రియా.. నీకిదే స్వాగతం

జాజిమల్లి వానజల్లులోనా..
జలకాలాడే జాణ సింగారాలే 

నావిగా ... లా ల లా
సందె గాలి తావి చిందులోనా..
అందాలన్ని ముద్దమందారాలై 

నావిగా ... హా హా హా
ఏ వంక లేని వంక జాబిల్లి
నా వంక రావే నడిచే రంగవల్లి
అందుకో కమ్మని ఆమని ప్రేమని 

 

కదిలే కోరికవో.. హా
కథలో నాయికవో.. అహా
కవితా కన్యకవో.. ఆహా
భువిలో తారకవో.. ఆహా

ఓ ప్రియా.. ఓ ప్రియా.. నీకిదే స్వాగతం

కోనసీమ పచ్చ కోక గట్టి..
గోదారమ్మ పొంగే కొంగు చుట్టి..
లీలగా ... హా హా హా
కోయిలమ్మ ఇంటి కున్నలమ్మ
గొంతు దాటి కొత్త పాట పాడి
తియ్యగా ... లా ల లా
నీవంకే వాలే నింక రాచిలక
చిలకమ్మ కోరే గూడె గోరింక
పంచుకో గూడుని గువ్వని గుండెని..

 

వలచే గోపికని.. హా
కొలిచే రాధికని.. ఒహో
మనసే కానుకని.. ఏహా
మురిసే బాలికని.. ఓహో
ఓ ప్రియా.. ఆహాహా.. ఓ ప్రియా.. ఆహహా..
నీకిదే.. లలలా..స్వాగతం

 

Posted in: 70's-90's పాటలు,జంధ్యాల,జానకి,బాలు,రమేష్ నాయుడు,వేటూరి