మల్లెకన్న తెల్లన...

విశ్వనాథ్ గారి దర్శకత్వంలో వచ్చిన 'ఓ సీత కథ' సినిమాలోని ఈ చక్కని యుగళ గీతం పెళ్ళి గురించి కమ్మని కలలు కంటున్న ఇద్దరు ప్రేమికుల ఊహలను అందంగా చూపెడుతుంది. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : ఓ సీత కథ (1974) 

సంగీతం : కె.వి.మహదేవన్ 

సాహిత్యం : సినారె 

గానం : బాలు, సుశీల 

మల్లెకన్న తెల్లన మా సీత సొగసు

వెన్నెలంత చల్లన మా సీత సొగసు

ఏది ఏది ఏది

తేనె కన్న తీయన మా బావ మనసు

తెలుగంత కమ్మన మా బావ మనసు

నన్ను పిలిచి అత్తమ్మ అడగాలి..

నన్ను పిలిచి అత్తమ్మ అడగాలి..

ఏమని

కన్నె సీత కలలన్నీ పండేది ఎపుడని

కన్నె సీత కలలన్నీ పండేది ఎపుడని

నీతోనే ఒక మాట..

నీతోనే ఒక మాట చెప్పాలి..

ఏమని

నీ తోడే లేకుంటే ఈ సీతే లేదని

మల్లెకన్న తెల్లన మా సీత సొగసు

తేనె కన్న తీయన మా బావ మనసు

 

మనసుంది ఎందుకని 

మమతకు గుడిగా మారాలని

వలపుంది ఎందుకని 

ఆ గుడిలో దివ్వెగా నిలవాలని

ఆఆఅ.. మనసుంది ఎందుకని 

మమతకు గుడిగా మారాలని

వలపుంది ఎందుకని 

ఆ గుడిలో దివ్వెగా నిలవాలని

ఆఆఅ మనువుంది ఎందుకని 

ఆ దివ్వెకు వెలుగై పోవాలని

బ్రతుకుంది ఎందుకని 

ఆ వెలుగే నీవుగా చూడాలని

ఆ వెలుగే నీవుగా చూడాలని

మల్లెకన్న తెల్లన.. మ్.మ్.హుహు

తేనె కన్న తీయన... మ్మ్..మ్.హుహు

Posted in: 70's-90's పాటలు,కె.వి.మహదేవన్,పి.సుశీల,బాలు,విశ్వనాథ్,సినారె