ఏమిటిది ఏమిటిది...

బాలు గారు స్వరపరచిన అతికొద్ది సినిమాలలో ఒకటైన "తూర్పు వెళ్ళే రైలు" లో ఒక అందమైన మెలోడీ ఈ రోజు మీకోసం. ఈ సినిమాలో పాటలన్నీ బాగుంటాయి. వాటిలో ప్రత్యేకించి ఈ పాటను సుశీల గారు పాడిన విధానం అద్భుతం. టీనేజ్ లో ఈ పాట వినడం ఒక మధురమైన అనుభూతి. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : తూర్పు వెళ్ళే రైలు (1979) 

సంగీతం : బాలు 

సాహిత్యం : ఆరుద్ర 

గానం : సుశీల 
 

ఏమిటిది ఏమిటిదీ ? 

ఏదో తెలియనిదీ.. 

ఎప్పుడూ కలగనిది ఏమిటిది ?

ఏమిటిదీ ? 

ఏమిటిది ఏమిటిదీ ? 

ఏదో తెలియనిది..

ఎప్పుడూ కలగనిది ఏమిటిది ?

ఏమిటిదీ ?

హత్తు కున్న మెత్తదనం 

కొత్త కొత్తగా ఉంది..

మనసంతా మత్తు కమ్మి 

మంతరించినట్లుంది..

నరనరాన మెరుపు తీగె 

నాట్యం చేసేస్తోంది..

నాలో ఒక పూల తేనె నదిలా 

పొంగుతోంది పొంగుతోంది...

ఏమిటిదీ.. ? 

ఏమిటిది ఏమిటిదీ ?

ఈడు జోడు కుదిరింది..

తోడు నీడ దొరికింది..

అందానికి ఈనాడే 

అర్ధం తెలిసొచ్చింది..

పెదవి వెనక చిరునవ్వు 

దోబూచులాడింది..

చిలిపి చిలిపి తలపు 

తలచి సిగ్గు ముంచుకొస్తోంది..

ఏమిటిదీ.. ? 

ఏమిటిది ఏమిటిదీ ?

ఏదో తెలియనిది.. 

ఎప్పుడూ కలగనిది

కలకానిదీ..

ఏమిటిదీ ? 

Posted in: 70's-90's పాటలు,ఆరుద్ర,పి.సుశీల,బాపు,బాలు