శనివారం, ఏప్రిల్ 11, 2020

లేత కొబ్బరి నీళ్ళల్లే...

అల్లుడొచ్చాడు చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు. ఎంబెడెడ్ వీడియోలో పాట ఏడు నిముషాల నుండీ మొదలవుతుంది.


చిత్రం : అల్లుడొచ్చాడు (1976)
సంగీతం : టి.చలపతిరావు
సాహిత్యం : ఆత్రేయ
గానం : బాలు

లేత కొబ్బరి నీళ్ళల్లే
పూత మావిడి పిందల్లే 

 
లేత కొబ్బరి నీళ్ళల్లే
పూత మావిడి పిందల్లే
చెప్పకుండా వస్తుందీ
చిలిపి వయసూ
నిప్పు మీద నీరవుతుందీ
పాడు మనసు... మనసూ..

పొంగు వస్తుంది నీ బాల అంగాలకు
రంగు తెస్తుంది నీ పాల చెక్కిళ్ళకు
కోక కడతావు మొలకెత్తు అందాలకు
కొంగుచాటెసి గుట్టంత దాచేందుకు
దాగలేనివి ఆగలేనివి
దారులేవో వెతుకుతుంటవి

లేత కొబ్బరి నీళ్ళల్లే
పూత మావిడి పిందల్లే
చెప్పకుండా వస్తుందీ
చిలిపి వయసూ
నిప్పు మీద నీరవుతుందీ
పాడు మనసు... మనసూ..

 
కోటి అర్ధాలు చూసేవు నా మాటలో
కొర్కెలేవేవో రేగేను నీ గుండెలో
నేర్చుకుంటాయి నీ కళ్ళూ దొంగాటలూ
ఆడుకుంటాయి నాతోటీ దోబూచులు
చూచుకొమ్మని దోచుకొమ్మని
చూచుకొమ్మని దోచుకొమ్మని
దాచుకున్నవి పిలుస్తుంటవి

లేత కొబ్బరి నీళ్ళల్లే
పూత మావిడి పిందల్లే
చెప్పకుండా వస్తుందీ
చిలిపి వయసూ
నిప్పు మీద నీరవుతుందీ
పాడు మనసు... మనసూ


వయసు తెస్తుంది ఎన్నెన్నో పేచీలను
మనసు తానొల్లనంటుంది రాజీలనూ
పగలు సెగపెట్టి వెళుతుంది లోలోపలా
రాత్రి ఎగదోస్తూ ఉంటుంది తెల్లారులు
రేపు ఉందని తీపి ఉందని
ఆశలన్ని మేలుకుంటవి

లేత కొబ్బరి నీళ్ళల్లే
పూత మావిడి పిందల్లే
చెప్పకుండా వస్తుందీ
చిలిపి వయసూ
నిప్పు మీద నీరవుతుందీ
పాడు మనసు... మనసూ.. 

0 comments:

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.