లాలిజో లాలిజో అని పాడను...

అమృతం సీరియల్ నిర్మించిన జస్ట్ యల్లో మీడియా నే నిర్మించిన మరో సీరియల్ నాన్న. అమృతం తర్వాత ఈ సీరియల్ కూడా కొంతకాలం ఫాలో అయ్యేవాడిని నేను. ఈ టైటిల్ సాంగ్ కూడా చాలా బావుంటుంది. ఈ పాట ఆడియో మాత్రమే వినాలంటే ఇక్కడ వినవచ్చు లేదా డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు. ఈ సీరియల్ చూడాలన్న ఆసక్తి ఉంటే ఇక్కడ చూడవచ్చు.

సీరియల్ : నాన్న (2004)
సంగీతం : కళ్యాణిమాలిక్
సాహిత్యం : సిరివెన్నెల
గానం : కళ్యాణిమాలిక్

లాలిజో లాలిజో
అని పాడను ఇకపైనా
మేలుకో మేలుకో
తెలవారే సమయానా
బొమ్మలా నువ్విలా
ఒదిగుండకు ఒడిలోనా

నమ్మకమే నాన్నఅయి
నడపాలిర ఇకపైనా
అని చెప్పిందీ....
అమ్మ చెప్పిందీ....

మరిచిపోతే నీ బాధా
తనే అనాధ అయిపోదా
నేస్తమే వదులుకో నిన్నతో

నడి ఎడారి ఇక మీదా
నవ వసంతమై పోగా
బంధమే కలుపుకో నవ్వుతో

బొమ్మలా నువ్విలా
ఒదిగుండకు ఒడిలోనా
నమ్మకమే నాన్నఅయి
నడపాలిర ఇకపైనా
అని చెప్పిందీ...
అమ్మ చెప్పిందీ... 
 

Posted in: కళ్యాణిమాలిక్,టీవీ సీరియల్ పాటలు,సిరివెన్నెల