వద్దురా కన్నయ్య...

అర్ధాంగి చిత్రం కోసం జిక్కి గారు పాడిన ఓ మధుర గీతం ఈ రోజు మీకోసం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో లోడ్ అవని వాళ్లు ఇక్కడ చూడవచ్చు.

చిత్రం : అర్ధాంగి (1955)

సంగీతం : బి.ఎన్.ఆర్ (బి.నరసింహరావు)

సాహిత్యం : ఆత్రేయ

గానం : జిక్కి

వద్దురా కన్నయ్య

వద్దురా కన్నయ్యా

ఈ పొద్దు ఇలువదలి

పోవొద్దురా.. అయ్యా.. అయ్యా

వద్దురా కన్నయ్యా

ఈ పొద్దు ఇలువదలి

పోవొద్దురా.. అయ్యా.. అయ్యా

వద్దురా కన్నయ్యా

పశువులింటికి తిరిగి పరువులెత్తే వేళ

పశువులింటికి తిరిగి పరువులెత్తే వేళ

పసి పాపలను బూచి పట్టుకెళ్ళే వేళా 

పసి పాపలను బూచి పట్టుకెళ్ళే వేళా

వద్దురా కన్నయ్యా

ఈ పొద్దు ఇలువదలి

పోవొద్దురా.. అయ్యా.. అయ్యా

వద్దురా కన్నయ్యా

పట్టు పీతాంబరము మట్టి పడి మాసేను

పట్టు పీతాంబరము మట్టి పడి మాసేను

పాలుగారే మోము గాలికే వాడేను

పాలుగారే మోము గాలికే వాడేను

వద్దురా వద్దురా కన్నయ్యా

గొల్లపిల్లలు చాలా అల్లరి వారురా

గొల్లపిల్లలు చాలా అల్లరి వారురా

గోల చేసి నీ పై కొండెములు చెప్పేరు

ఆడుకోవలెనన్నా పాడుకోవలెనన్న

ఆడుకోవలెనన్నా పాడుకోవలెనన్న

ఆదటను నేనున్న అన్నిటను నీదానా

వద్దురా..వద్దురా... వద్దురా

కన్నయ్యా.. కన్నయ్యా..

 

Posted in: ఆత్రేయ,జిక్కి,బి.ఎన్.ఆర్