ప్రియురాల సిగ్గేలనే...

శ్రీకృష్ణ పాండవీయం చిత్రంలోని ఓ చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : శ్రీకృష్ణ పాండవీయం (1966)
సంగీతం : టి.వి. రాజు
సాహిత్యం : సినారె
గానం : ఘంటసాల, సుశీల

ప్రియురాల సిగ్గేలనే..ఏ..ఏ
ప్రియురాల సిగ్గేలనే
నీ మనసేలు మగవానిజేరి ఈ..ఈ
ప్రియురాల సిగ్గేలనే

నాలోన ఊహించినా..ఆ..ఆ
నాలోన ఊహించినా
కలలీనాడు ఫలియించే స్వామి..ఈ..ఈ
నాలోన ఊహించినా
 
ఏమి ఎరుగని గోపాలునికి
ప్రేమలేవో నేరిపినావు 
ఏమి ఎరుగని గోపాలునికి
ప్రేమలేవో నేరిపినావు 
మనసు తీర పలుకరించి 

మా ముద్దు ముచ్చట చెల్లించవే

ప్రియురాల సిగ్గేలనే..ఏ..ఏ
ప్రియురాల సిగ్గేలనే

ప్రేమలు తెలిసిన దేవుడవని విని
నా మదిలోనా కొలిచితిని
 ప్రేమలు తెలిసిన దేవుడవని విని
నా మదిలోనా కొలిచితిని
 స్వామివి నీవని తలచి నీకే
బ్రతుకె కానుక చేసితిని

 
నాలోన ఊహించినా..ఆ..ఆ
నాలోన ఊహించినా
కలలీనాడు ఫలియించే స్వామి..ఈ..
నాలోన ఊహించినా..ఆ

సమయానికి తగు మాటలు నేర్చిన
సరసురాలవే ఓ భామా
సమయానికి తగు మాటలు నేర్చిన
సరసురాలవే ఓ భామా
ఇపుడేమన్నా ఒప్పునులే
ఇక ఎవరేమన్నా తప్పదులే

ప్రియురాల సిగ్గేలనే..ఏ..ఏ
ప్రియురాల సిగ్గేలనే
నీ మనసేలు మగవానిజేరి..ఈ
ప్రియురాల సిగ్గేలనే

Posted in: ఘంటసాల,టి.వి.రాజు,పి.సుశీల,వేణుగాన సమ్మోహనం,సినారె