అనరాదే బాలా...

ఆ కన్నయ్య చేసిన అల్లరి చూడాలంటే శ్రీకృష్ణవిజయం చిత్రంలోని ఈ పాట వినాల్సిందే.. ఈ పాట ఆడియో మాత్రం వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : శ్రీకృష్ణవిజయము (1971)

సంగీతం : పెండ్యాల నాగేశ్వరరావు

సాహిత్యం : పింగళి నాగేంద్రరావు

గానం : ఘంటసాల,జయలలిత

అనరాదే బాలా..కాదనరాదే బేలా

ఆ.ఆ..అనరాదే బాలా..కాదనరాదే బేలా

కొమ్ములు తిరిగిన మగరాయుడు

నిన్ను కోరి కోరి పెళ్ళాడెదనంటే

అనరాదే బాలా..కాదనరాదే బేలా..ఆ

ఏమ్..అంటే..ఏమ్

అంటే ఏమనబోకు..తగు జంట కుదిరినది మనకు

అంటే ఏమనబోకు..తగు జంట కుదిరినది మనకు

ఇక నీవాడింది ఆట..పాడింది పాట సరిసరిగ తీరు ఉబలాట

అనరాదే బాలా..కాదనరాదే బేలా..ఆఆఆ

మరీ..వాడో 

వాడి భయము నీకేలా..నేనున్నాగా నీ మ్రోల

వాడి భయము నీకేలా..నేనున్నాగా నీ మ్రోల

నా మాట విని..అవుననుము

ఆ పైని వేడుక..కనుగొనుమూ

అనరాదే బాలా..కాదనరాదే బేలా..ఆఆఆ

అహ..హ హ హ హ ఓ ఓ ఓ హో..

ఆగుము..ఇది అంగ రంగ వైభోగము 

అనుమానమింక విడనాడుము..ఇటు చూడుము

మురిపాలు మీర సరదాలు తీర

జిగిగా బిగిగా నగుమా..పక పక పక

హ హ హ హ హ హ హ హ హ

అనరాదే బాలా..కాదనరాదే బేలా

కొమ్ములు తిరిగిన మగరాయుడుని

నిను కోరి కోరి..పెళ్ళాడెదనంటే

అనరాదే బాలా..కాదనరాదే బేలా..ఆఆఆ   

Posted in: ఘంటసాల,పింగళి,పెండ్యాల,వేణుగాన సమ్మోహనం