నీవైన చెప్పవే...

శ్రీకృష్ణాంజనేయ యుద్దం లోని ఓ చక్కని పాటను ఈ రోజు తలచుకుందాం. ఈ పాట  ఆడియో మాత్రమే వినాలంటే ఇక్కడ వినవచ్చు లేదా డౌన్లోడ్ చేస్కోవచ్చు.

చిత్రం : శ్రీ కృష్ణాంజనేయ యుద్ధం (1972)

సంగీతం : టి.వి.రాజు

సాహిత్యం : సినారె

గానం : ఘంటసాల, సుశీల

నీవైన చెప్పవే ఓ మురళీ..

ఇక నీవైన చెప్పవే ప్రియమురళీ

నీవైన చెప్పవే ఓ మురళీ

అడుగడుగున నా ప్రియభామినికి

అలుక ఎందుకని.. ఎందుకని

నీవైన చెప్పవే ఓ మురళీ

నీవైన చెప్పవే జాబిలీ

ఇక నీవైన చెప్పవే ఓ జాబిలీ

నీవైన చెప్పవే జాబిలీ

తలబంతి ఎవరో పదదాసి ఎవరో

తెలుసుకొమ్మనీ పిదప రమ్మనీ

నీవైన చెప్పవే జాబిలీ

అలుకలోన నా చెలియ వదనము

అరుణ కమలమై విరిసెననీ

అలుకలోన నా చెలియ వదనము

అరుణ కమలమై విరిసెననీ

ఆ కమలములోని తేనియలానగ

కమలములోని తేనియలానగ

నామది భ్రమరమై ఎగసెననీ

నీవైన చెప్పవే ఓ మురళీ

కోటిపూలతో కులుకు తుమ్మెదకు

ఈ తోటలో చొటులేదనీ

కోటిపూలతో కులుకు తుమ్మెదకు

ఈ తోటలో చొటులేదనీ

మనసెరిగిన సత్యా విధేయునికే

మనసెరిగిన సత్యా విధేయునికే

అనురాగ మధువు అందుననీ

నీవైన చెప్పవే జాబిలీ

ఇక నీవైన చెప్పవే ఓ జాబిలీ

నీవైన చెప్పవే జాబిలీ

Posted in: ఘంటసాల,టి.వి.రాజు,పి.సుశీల,వేణుగాన సమ్మోహనం,సినారె