అమ్మ అన్నదీ ఒక కమ్మని మాట

సత్యం గారి సంగీత దర్శకత్వంలో వచ్చిన ఒక కమ్మనైన అమ్మ పాట నాకు ఇష్టమైనది మీరూ విని ఆస్వాదించండి. ఈ పాట ఆడియో మాత్రమే కావాలంటే ఇక్కడ వినవచ్చు.

చిత్రం : బుల్లెమ్మ బుల్లోడు (1972)
సంగీతం : సత్యం
సాహిత్యం : దాశరథి
గానం : బాలు, సుశీల

అమ్మ అన్నది ఒక కమ్మని మాట
అది ఎన్నెన్నో తెలియని మమతలమూట

అమ్మ అన్నది ఒక కమ్మని మాట
అది ఎన్నెన్నో తెలియని మమతలమూటా ...మమతలమూట

దేవుడే లేడని మనిషున్నాడు
అమ్మేలేదను వాడు అసలే లేడు
దేవుడే లేడని మనిషున్నాడు
అమ్మేలేదను వాడు అసలే లేడు
తల్లి ప్రేమ నోచుకున్న కొడుకే కొడుకు
తల్లి ప్రేమ నోచుకున్న కొడుకే కొడుకు
ఆ తల్లి సేవ చేసుకొనే బ్రతుకే బ్రతుకు

అమ్మ అన్నది ఒక కమ్మని మాట
అది ఎన్నెన్నో తెలియని మమతలమూటా..మమతలమూట 

అమ్మంటే అంతులేని సొమ్మురా
అది ఏనాటికి తరగని భాగ్యమ్మురా  

అమ్మ మనసు అమృతమేచిందురా

అమ్మ మనసు అమృతమేచిందురా
అమ్మ ఓడిలోన స్వర్గమే ఉందిరా ఉందిరా 

అమ్మ అన్నది ఒక కమ్మని మాట
అది ఎన్నెన్నో తెలియని మమతలమూటా...మమతలమూట

అంగడిలో దొరకనది అమ్మ ఒక్కటే
అందరికి ఇలవేలుపు అమ్మ ఒక్కటే
అంగడిలో దొరకనది అమ్మ ఒక్కటే
అందరికి ఇలవేలుపు అమ్మ ఒక్కటే
అమ్మ ఉన్న ఇంటిలో లేనిది ఏది
అమ్మ ఉన్న ఇంటిలో లేనిది ఏది
అమ్మ అనురాగం ఇక నుంచి నీది నాది

అమ్మ అన్నది ఒక కమ్మని మాట
అది ఎన్నెన్నో తెలియని మమతలమూటా... మమతలమూట 
 

Posted in: 70's-90's పాటలు,అమ్మపాటలు,దాశరధి,పి.సుశీల,బాలు,సత్యం