యుగాలెన్ని రానీ పోనీ... ~ పాటతో నేను

శుక్రవారం, ఫిబ్రవరి 19, 2016

యుగాలెన్ని రానీ పోనీ...

శుక్రవారం, ఫిబ్రవరి 19, 2016 వేణూశ్రీకాంత్ వ్యాఖ్యల్లేవు

ముకుంద చిత్రం కోసం సిరివెన్నెల గారు వ్రాసిన ఓ అందమైన ప్రేమగీతాన్ని ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. సినిమాలో ఒక చరణం మాత్రమే ఉపయోగించుకోవడం వల్ల ఎంబెడ్ చేసిన వీడియోలో సగమే ఉంటుంది. పూర్తి పాట లిరిక్స్ వీడియో ఇక్కడ.

చిత్రం : ముకుంద (2014)

సంగీతం : మిక్కీ జె మేయర్

సాహిత్యం : సిరివెన్నెల

గానం : మిక్కీ జె మేయర్, సాయి శివాని

దరె దమ్ ద దమ్ ద దరె దమ్ దమ్

దరె దమ్ దరె దమ్ దమ్

దరె దమ్ ద దమ్ ద దరె దమ్ దమ్

దరె దమ్ దరె దమ్ దమ్

యుగాలెన్ని రానీ పోనీ

ముగింపంటు లేనేలేనీ

కథే మనం కాదా అననీ...

సమీపాన వున్నాగానీ

కదల్లేని ఈ దూరాన్నీ

మరో అడుగు ముందుకు రానీ..

నిను నను జత కలిపితె గాని

తన పని పూర్తవదనుకోని

మన వెనుకనె తరుముతు రానీ

ఈ క్షణాన్నీ...

గడిచిన ప్రతి జన్మ రుణాన్ని

మరిచిన మది నిదరని కరిగించే..

నిజం ఇదే..నని

మరి ఒకసారి ముడిపడుతున్న

అనుబంధాన్ని చూడని

దరె దమ్ ద దమ్ ద దరె దమ్ దమ్

దరె దమ్ దరె దమ్ దమ్

ప్రతి మలుపు దారి చూపద

గంగా సాగర సంగమానికి

ప్రతి చినుకు వంతెనేయద

నింగీ నేలని కలపడానికి

ఏ కాలం.. ఆపిందీ..

ఆ కలయికనీ...

ప్రణయమెపుడు అడిగిందీ

ఎటు ఉంది తొలకరి రమ్మనీ

ఎపుడెదురవుతుంది తానని

దరె దమ్ ద దమ్ ద దరె దమ్ దమ్

దరె దమ్ దరె దమ్ దమ్

ఏ స్వప్నం తనకి సొంతమో

చూపించాలా కంటి పాపకి

ఏ స్నేహం తనకి చైత్రమో

వివరించాలా పూల తోటకీ

వేరెవరో... చెప్పాలా...

తన మనసిదనీ..

కాని ఎవరినడగాలి

తానేవ్వరి గుండెల గూటిలో

ఊపిరిగా కొలువుండాలని

దరె దమ్ ద దమ్ ద దరె దమ్ దమ్

దరె దమ్ దరె దమ్ దమ్

దరె దమ్ ద దమ్ ద దరె దమ్ దమ్

దరె దమ్ దరె దమ్ దమ్

Posted in: మిక్కీ జె మేయర్,సాయిశివాని,సిరివెన్నెల

0 comments:

కామెంట్‌ను పోస్ట్ చేయండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

పాటతో నేను

శుక్రవారం, ఫిబ్రవరి 19, 2016