ఒకసారి కలలోకి రావయ్యా...

గొపాలుడు భూపాలుడు చిత్రంలోని ఓ చక్కని పాట ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : గోపాలుడు భూపాలుడు

సంగీతం : ఎం.ఎస్.పి.కోదండపాణి

సాహిత్యం : ఆరుద్ర

గానం : ఘంటసాల, జానకి

ఒకసారి కలలోకి రావయ్యా

నా ఉవ్విళ్ళు కవ్వించి పోవయ్యా

ఓ గొల్ల గోపయ్యా

ఒకసారి రాగానే ఏమౌనులే

నీ హృదయాన శయనించి 

ఉంటానులే ఏలుకుంటానులే

ఒకసారి రాగానే ఏమౌనులే

పగడాల నా మోవి చిగురించెరా

మోము చెమరించెరా మేను పులకించెరా

సొగసు వేణువు చేసి పలికించరా

సొగసు వేణువు చేసి పలికించరా

కెమ్మోవి పై తేనె ఒలికించనా

కెమ్మోవి పై తేనె ఒలికించనా

తనివి కలిగించనా మనసు కరిగించనా

కేరింతలాడించి సోలించనా

కేరింతలాడించి సోలించనా

ఒకసారి కలలోకి రావయ్యా

ఒంపుసొంపుల మెరుపు మెరిపించవే

వగలు కురిపించవే మేను మరపించవే

మరపులో మధుకీల రగిలించవే

మరపులో మధుకీల రగిలించవే

చిలిపి చూపుల సిగ్గు కలిగిందిరా

చిలిపి చూపుల సిగ్గు కలిగిందిరా

మొగ్గ తొడిగిందిరా.. మురిసి విరిసిందిరా

పదును తేలిన వలపు పండించరా

పదును తేలిన వలపు పండించరా

ఒకసారి కలలోకి రావయ్యా

నా ఉవ్విళ్ళు కవ్వించి పోవయ్యా

ఓ గొల్ల గోపయ్యా

ఒకసారి రాగానే ఏమౌనులే

Posted in: ఆరుద్ర,కోదండపాణి,ఘంటసాల,జానకి,వేణుగాన సమ్మోహనం