లాహిరి లాహిరి లాహిరిలో...

మిత్రులకు నూతన సంవత్సర శుభాకాంక్షలు. ఈ ఏడాది మనందరి జీవితాలు ఈ నౌకా విహారమంత ఆనందంగా హాయిగా సాగాలని కోరుకుంటూ మాయాబజార్ చిత్రంలోని ఈ చక్కని పాట. నల్లనయ్య నౌకా విహారాన్ని కన్నుల పండువగా చూడండి. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : మాయాబజార్ (1957)
సంగీతం : ఘంటసాల
సాహిత్యం : పింగళి
గానం : ఘంటసాల, పి.లీల

లాహిరి లాహిరి లాహిరిలో
ఒహో జగమే వూగేనుగా
వూగేనుగా తూగెనుగా

లాహిరి లాహిరి లాహిరిలో
ఒహో జగమే వూగేనుగా
వూగేనుగా తూగెనుగా 

ఆ... ఆ...ఆ... ఆ...ఆ... ఆ...

తారాచంద్రుల విలాసములతో
విరిసే వెన్నెల పరవడిలో ఉరవడిలో
తారాచంద్రుల విలాసములతో
విరిసే వెన్నెల పరవడిలో..

పూల వలపుతో ఘుమఘుమలాడే
పిల్ల వాయువుల లాలనలో

లాహిరి లాహిరి లాహిరిలో
ఒహో జగమే వూగేనుగా  

వూగేనుగా తూగెనుగా
ఆ... ఆ...ఆ... ఆ...

అలల ఊపులో తీయని తలపులు
చెలరేగే ఈ కలకలలో.. మిలమిలలో
అలల ఊపులో తీయని తలపులు
చెలరేగే ఈ కలకలలో
మైమరపించే ప్రేమానౌకలో
హాయిగ చేసే విహారణలో
 

లాహిరి లాహిరి లాహిరిలో
ఒహో జగమే వూగేనుగా
వూగేనుగా సాగెనుగా
ఆ... ఆ...ఆ... ఆ...ఆ... ఆ...
 

రసమయ జగమును రాసక్ఱీడకు
ఉసిగొలిపే ఈ మధురిమలో.. మధురిమలో
రసమయ జగమును రాసక్ఱీడకు
ఉసిగొలిపే ఈ మధురిమలో
ఎల్లరి మనములు ఝల్లన జేసే
చల్లని దేవుని అల్లరిలో... 

 

లాహిరి లాహిరి లాహిరిలో
ఒహో జగమే వూగేనుగా
వూగేనుగా తూగెనుగా
ఆ... ఆ...ఆ... ఆ...ఆ... ఆ..

Posted in: ఘంటసాల,పింగళి,లీల,వేణుగాన సమ్మోహనం